ᓄᓘᔮᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ
ᓄᓘᔮᓂᑦ ᐅᔭᕋᓐᓂᐊᕐᕕᒃ ᐊᐅᓚᓂᖃᓯᓚᐅᕐᓯᒪᒻᒪᑦ ᕿᑭᖅᑕᓂ 2013ᖑᑎᓪᓗᒍ ᐊᑎᓕᐅᖅᑕᐅᓪᓗᑎᒃ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ ᑖᒃᑯᓇᙵᑦ ᕿᑭᖅᑕᓂᒃᑯᓐᓂᑦ ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᓂᑦ ᐅᔭᕋᓐᓂᐊᖅᑏᑦ. ᑖᓐᓇ ᐅᔭᕋᓐᓂᐊᕐᕕᒃ ᕿᑭᖅᑖᓗᒻᒦᑦᑐᖅ ᑕᒫᓂ 950 km ᐅᐊᓐᓇᖓᓂ ᐱᖓᓐᓇᕐᐸᓯᐊᓂ ᐅᖓᓯᓐᓂᖃᖅᑐᓂ ᐃᖃᓗᓐᓂᑦ ᐊᒻᒪᓗ 175 km ᓂᒋᐊᓂ ᐱᖓᓐᓇᕐᐸᓯᐊᓂ ᐅᖓᓯᓐᓂᖃᖅᑐᓂ ᒥᑦᑎᒪᑕᓕᒻᒥᑦ. ᐅᔭᕋᓐᓂᐊᕐᕕᒃ ᓴᕕᕋᔭᔅᓴᓕᕆᕕᐅᕙᑦᑐᖅ.
ᓄᓘᔮᓕᕆᕕᒃ ᖃᓂᒋᔭᓕᒃ ᐅᑯᓂᖓ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᒡᓗᓕᒃ ᐊᒻᒪᓗ ᒥᑦᑎᒪᑕᓕᒃ. ᐅᒥᐊᕐᔪᐊᒃᑯᑦ ᐅᓯᑲᑦᑕᐸᑦᑐᑦ ᐅᔭᕋᓐᓂᐊᕐᕕᒻᒥᑦ ᐊᑑᑎᕙᒻᒥᔪᑦ ᑭᙵᕐᒥᐅᓄᑦ ᑭᒻᒥᕈᕐᒥᐅᓄᓪᓗ.
ᓄᓗᔮᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓂᑦ ᐱᕚᓪᓕᕈᔅᓴᖏᓐᓄᓪᓗ ᐊᖏᖃᑎᒌᒍᑏᑦ ᐋᔩᕋᕈᑕᐅᒃᑲᓐᓂᔪᔪᑦ ᐅᑐᐱᕆ 2018ᖑᑎᓪᓗᒍ ᐱᖃᓯᐅᔾᔨᓯᒪᓂᐊᕐᖓᑕ ᐱᕚᓪᓕᕈᑎᔅᓴᑲᓐᓂᕐᓂᑦ ᐃᓄᓐᓄᑦ ᑐᕌᖓᔪᓂᑦ ᐊᑑᑎᕕᐅᔪᓂᑦ ᓄᓇᓕᓐᓂᑦ.
ᓄᓘᔮᓄᑦ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ ᐊᖏᖃᑎᒌᒍᑏᑦ
2018 ᐊᕐᕌᒍᑕᒫᑦ ᐱᓕᕆᐊᕐᖑᔪᒥᒃ ᕿᒥᕐᕈᓂᕐᒥᒃ ᑲᑎᒪᓂᖓᑕ ᐅᓂᒃᑲᓕᐊᖅ
ᑐᑭᒧᐊᒍᑎᒃᓴᑦ ᐊᕙᑎᒥᒃ ᖃᐅᔨᓴᕐᓂᕐᒧᑦ
ᐃᓄᐃ ᓄᓇᖁᑎᖏᑦ ᐳᓚᕋᖅᑐᓄᑦ ᐊᑭᓕᐅᑎᑦ
ᐅᑑᕙ 2019ᒥ, ᕿᑭᖅᑕᓃᒃᑯᑦ ᐊᑐᓕᖅᑎᑦᓯᓚᐅᖅᑐᑦ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᓲᓂᒃ ᐊᑭᓕᐅᑎᒃᓴᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᐳᓚᕋᖅᑐᓕᕆᔨᓄᑦ ᐃᓄᐃᑦ ᓄᓇᖁᑎᖏᓐᓅᕈᒪᓂᐊᖅᑐᓂᒃ.
ᐳᓚᕋᖅᑐᓕᕆᓂᖅ ᕿᑭᖅᑕᓂ ᓄᓇᓕᖕᓐᓄᑦ ᐅᓄᖅᓯᖕᒪᑕ, ᐅᔾᔨᕐᓇᓗᐊᖅᖢᑎᒃ ᒪᑯᐊ ᐅᒥᐊᕐᔪᐊᓂ ᐃᓄᒃᑕᐅᑎᓂ ᐃᖏᕐᕋᔪᓂᒃ ᐃᓄᐃᑦ ᓄᓇᖓᑎᒍᑦ. ᑖᓐᓇ ᐊᑭᓕᐅᑎᒃᓴᑦ ᐳᓚᕋᖅᑐᓕᕆᔪᓂᑦ, ᐳᓚᕋᖅᑐᓕᕆᓂᖅ ᐱᒻᒪᕆᐅᔪᒃᑯᑦ ᐃᑲᔪᕐᓂᖃᓗᐊᓚᐅᙱᑦᑐᑦ ᕿᑭᖅᑕᓂ ᓄᓇᓕᖕᓂᑦ.
Qᕿᑭᖅᑕᓃᒃᑯᑦ ᐋᖅᑭᒃᓯᓚᐅᖅᑐᑦ ᐳᓚᕋᖅᑐᓕᕆᓂᕐᒧᑦ ᐊᑭᓕᐅᑎᓂᒃ ᐃᑲᔫᓯᐊᖅᑖᖁᓪᓗᒋᑦ ᐃᓄᐃᑦ ᓄᓇᓕᖕᓂᑦ ᐊᒃᑐᖅᑕᐅᓯᒪᔪᓄᑦ ᐳᓚᕋᖅᑐᓕᕆᓂᕐᒧᑦ. 50%ᑎᖏᑦ ᐳᓚᕋᖅᑐᓕᕆᓂᕐᒥᑦ ᐊᑭᓕᐅᑎᑦ ᑐᕌᖅᑎᑕᐅᓯᒪᓂᐊᖅᑐᑦ ᓄᓇᓕᖕᓂᑦ ᐅᒪᔪᕐᓂᐊᖅᑎᒃᑯᑦ ᑲᑎᒪᔨᖏᓐᓄᑦ ᐊᑭᒋᔭᖃᖅᑐᓂᒃ ᐃᓄᐃᑦ ᓄᓇᖁᑎᓂᒃ ᐊᑐᖅᑕᐅᔪᓄᑦ.
ᐳᓚᕋᖅᑐᓕᕆᓂᕐᒧᑦ ᐊᑭᓕᐅᑎᑦ ᐱᖃᓯᐅᑎᓯᒪᓂᐊᖅᑐᑦ ᐅᑯᓂᖓ:
- ᖃᖓᑕᓲᑦ ᒥᖃᑦᑕᖅᑐᑦ ᐃᓄᐃᑦ ᓄᓇᖁᑎᓂ: $150ᓂ/ᒥᓐᓂᕐᒧᑦ
- ᖁᓕᒥᒎᓖᑦ ᒥᖃᑦᑕᖅᑐᑦ ᐃᓄᐃᑦ ᓄᓇᖁᑎᓂ: $100/ᒥᓐᓂᕐᒧᑦ
- ᑮᓇᐅᔭᓕᐅᕋᓱᐊᕐᓂᕐᒧᑦ ᐱᔨᑦᓯᖅᑕᖅ ᑕᒻᒫᕐᓂᕐᒥ ᐃᓄᐃᑦ ᓄᓇᖁᑎᓂ: $50/ᐅᓪᓗᑕᒫᑦ
- ᑮᓇᐅᔭᓕᐅᕋᓱᐊᕐᓂᕐᒧᑦ ᐱᔨᑦᓯᖅᑕᑦ ᐊᑐᕐᓂᖏᑦ ᐃᓄᐃᑦ ᓄᓇᖁᑎᖓᓂ ᐱᖓᓲᔪᖅᑑᔪᓂᑦ ᐃᑲᕐᕋᓂ ᑐᖔᓂ: $25/ᐅᓪᓗᑕᒫᑦ
ᐃᓄᐃᑦ ᓄᓇᖁᑎᖏᓐᓂ ᐱᔪᓐᓇᐅᑎᑦ
ᐃᓄᐃᑦ ᓄᓇᖁᑎᖏᓐᓂᑦ ᓇᓗᓇᐃᔭᐃᕕᒃ
ᕿᑭᖅᑕᓃᒃᑯᑦ ᖃᕆᓴᐅᔭᒃᑯᑦ ᓄᓇᓂᒃ ᐊᑐᕈᒪᓂᕐᒧᑦ ᑕᑕᑎᒐᒃᓴᖃᕐᕕᖃᖅᑐᑦ ᐱᔭᐅᔪᓐᓇᖅᑐᓂᒃ. ᑐᒃᓯᕋᖅᑐᑦ ᑐᓂᓯᒍᓐᓇᖅᑐᑦ, ᖃᐅᔨᒋᐊᕈᓐᓇᖅᖢᑎᒃ ᖃᓄᐃᓕᖓᓕᕐᓂᖏᓐᓄᑦ ᑐᒃᓯᕋᐅᑎᒋᔭᖓ ᑖᓐᓇ ᐊᑐᕐᓗᒍ ᖃᕆᓴᐅᔭᒃᑯᑦ ᓇᓗᓇᐃᔭᐃᕕᒃ
ᑖᒃᑯᐊ ᖃᕆᓴᐅᔭᓃᑦᑐᑦ ᐱᖃᓯᐅᑎᓯᒪᖕᒥᔪᑦ ᐃᖅᑲᐃᔾᔪᑎᓂᒃ ᑐᒃᓯᕋᖅᑐᒧᑦ ᐅᓂᒃᑳᕆᐊᖃᕐᓂᖏᓐᓄᑦ ᑭᒡᓕᒋᔭᐅᔪᓂᒃ ᐊᒻᒪᓗ ᖃᐅᔨᓴᕐᓂᕐᒧᑦ ᐱᕕᒃᓴᓂ ᓇᓗᓇᐃᔭᐅᑎᒋᔭᐅᓂᐊᕐᒪᑕ ᑖᒃᑯᐊ ᐱᒻᒪᕆᐅᔪᓂᒃ ᐸᐃᑉᐹᑦ ᐱᓯᒪᔭᐅᒋᐊᖃᖅᑐᑦ ᑐᓂᔭᐅᓯᒪᑦᓯᐊᕐᓂᖏᓐᓄᑦ
ᐸᐃᑉᐹᑎᒎᖅᑐᑦ ᑕᑕᑎᖅᓯᒪᔪᑦ ᑎᒍᔭᐅᖃᑦᑕᐃᓐᓇᕐᓂᐊᖅᑐᑦ ᖃᓪᓗᓈᑎᑐᑦ ᐃᓄᒃᑎᑐᓪᓗ ᑕᐃᒃᑯᓄᖓ ᖃᕆᓴᐅᔭᖃᙱᑦᑐᓄᑦ.
ᑐᑭᓯᒃᑲᓐᓂᕈᒪᒍᕕᑦ ᖃᐅᔨᒋᐊᕐᓗᒍ ᓄᓇᓂᒃ ᐊᑐᕐᓂᕐᒧᑦ ᐊᑎᓕᐅᕐᕕᖓᓄᑦ ᐅᕗᖓ registry@qia.ca
ᑐᑭᒧᐊᒍᑎᒃᓴ ᐊᕙᑎᒥᒃ ᖃᐅᔨᓴᕐᓂᕐᒧᑦ
ᖃᐅᔨᓴᕐᓂᕐᒥᒃ ᐅᖅᓱᐊᓗᒃᓴᓂ ᒑᓯᒃᓴᓂᓗ ᕿᑭᖅᑖᓘᑉ ᐃᑭᒐᓴᖓᓂ ᐊᒻᒪᓗ ᓴᓐᓂᕈᑎᐅᑉ ᐃᒪᖓᓂ
2016ᒥ ᒐᕙᒪᑐᖃᒃᑯᑦ ᓄᖅᑲᖓᑎᑦᓯᒋᐊᓚᐅᖅᑐᑦ ᐅᖅᓱᐊᓗᒃᓴᖅᓯᐅᕈᒪᔪᓂᒃ ᒑᓯᒃᓴᖅᓯᐅᕈᒪᔪᓂᓗ ᐃᒪᖅᐸᓯᕐᒥᒃ ᑲᓇᑕᐅᑉ ᐃᒪᖁᑎᖏᓐᓂᒃ. ᑖᓐᓇ ᑐᑭᑖᖑᔪᖅ ᕿᒥᕐᕈᔭᐅᒃᑲᓐᓂᓛᖅᑐᑦ 2021ᒥ
ᓄᓇᕗᒥ ᐊᕙᑎᓕᕆᔨᒃᑯᑦ (ᐊᕙᑎᓕᕆᔨᒃᑯᑦ) ᐱᒋᐊᖅᑎᑦᓯᓚᐅᖅᑐᑦ ᑐᑭᒧᐊᒍᑎᒃᓴᓕᐅᕐᓂᕐᒥᒃ ᐊᕙᑎᒥᒃ ᖃᐅᔨᓴᕐᓂᕐᒧᑦ ᐅᖅᓱᐊᓗᓐᓂᐊᕐᓂᕐᒧᑦ ᒑᓯᒃᓴᖅᓯᐅᕐᓂᕐᒥᓗ ᕿᑭᖅᑖᓘᑉ ᐃᑭᕋᓴᖓᓂᒃ ᓴᓐᓂᕈᑎᐅᑉ ᐃᒪᖓᓂᓗ ᐱᔾᔪᑎᒋᔭᐅᓪᓗᓂ ᑖᓐᓇ ᓄᖅᑲᖓᑎᑦᓯᓂᐅᔪᖅ. ᐱᔾᔪᑎᖃᓚᐅᖅᑐᑦ ᑐᑭᒧᐊᒍᑎᒃᓴᓕᐅᕐᓂᕐᒥᒃ ᐊᕙᑎᒥᒃ ᖃᐅᔨᓴᕐᓂᕐᒧᑦ ᑐᑭᓯᒃᑲᓐᓂᕈᒪᓪᓗᑎᒃ ᐅᓗᕆᐊᓇᖅᑑᔪᓐᓇᖅᑐᓂᒃ, ᐃᑲᔫᑎᐅᔪᓐᓇᖅᑐᓂᒃ ᐊᒻᒪᓗ ᐊᐅᓚᑦᑎᔾᔪᑎᒋᔭᐅᔪᓐᓇᖅᑐᓂᒃ ᐃᒪᖅᐸᓯᕐᒥᒃ ᐅᖅᓱᓗᐊᓐᓂᐊᕐᓂᕐᒥᒃ ᒑᓯᒃᓴᖅᓯᐅᓂᕐᒥᓗ ᕿᑭᖅᑖᓘᑉ ᐃᑭᕋᓴᖓᓂᒃ ᓴᓐᓂᕈᑎᐅᑉ ᐃᒪᖓᓂᓗ. ᑖᒃᑯᐊ ᑐᑭᒧᐊᒍᑎᒃᓴᓂ ᐊᕙᑎᒥᒃ ᖃᐅᔨᓴᕐᓂᕐᒧᑦ ᐅᓂᒃᑳᖏᑦ ᐊᒻᒪᓗ ᐊᑐᓕᖁᔭᐅᓯᒪᔪᑦ ᐊᑐᖅᑕᐅᓂᐊᖅᑐᑦ ᑐᑭᑖᖅᑎᑦᓯᓂᐊᕐᓂᖏᓐᓄᑦ ᒐᕙᒪᑐᖃᒃᑯᑦ 2021ᒥ
2017ᒥᑦ, ᕿᑭᖅᑕᓃᒃᑯᑦ ᐱᔭᕆᐊᑭᓪᓕᑎᑦᓯᓕᕆᔨᒃᑯᓐᓂ ᐃᓚᒋᔭᐅᓯᒪᔪᑦ ᑐᑭᒧᐊᒍᑎᒃᓴᓕᐅᕐᓂᕐᒥᒃ ᐊᕙᑎᒥᒃ ᖃᐅᔨᓴᕐᓂᕐᒧᑦ. ᐱᓕᕆᖃᑎᒋᔭᐅᓗᑎᒃ ᐃᓄᐃᑦ ᓄᐊᓴᐃᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.
ᐅᒪᔪᑦ ᐱᔭᐅᔪᓂᒃ ᐊᑭᓕᐅᓯᐊᒃᓴᑦ
ᓄᓘᔮᓂᑦ ᐆᒪᔪᓕᕆᓂᕐᒧᑦ ᐊᑭᓕᐅᓯᐊᔅᓴᑦ ᑮᓇᐅᔭᑦ ᐋᖅᑭᑦᑕᐅᓚᐅᕐᓯᒪᔪᑦ ᐃᓚᒋᔭᐅᓪᓗᑎᒃ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ ᑖᒃᑯᓇᙵᑦ ᕿᑭᖅᑕᓂᒃᑯᓐᓂᑦ ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥ ᐅᔭᕋᓐᓂᐊᖅᑏᑦ.
ᑮᓇᐅᔭᑦ ᐋᖅᑭᑦᑕᐅᓯᒪᔪᑦ ᑲᒪᒋᔭᖃᖅᑐᑎᒃ ᐊᑑᑎᒍᓐᓇᖅᑐᓂᑦ ᓄᓘᔮᓕᕆᓂᕐᒦᙶᖅᑐᓂᑦ ᕿᑭᖅᑕᓂ ᐊᖑᓇᓱᒃᑎᐅᕙᑦᑐᓄᑦ.
ᐃᓄᐃᑦ ᓄᓇᓕᓐᓂᑦ ᐊᑑᑎᕕᐅᔪᓂᑦ ᓄᓘᔮᓂᑦ ᐅᔭᕋᓐᓂᐊᓂᕐᒧᑦ ᑐᔅᓯᕋᖃᑦᑕᕈᓐᓇᖅᑐᑦ ᑮᓇᐅᔭᓂᑦ ᐊᓐᓇᐃᓂᖅᑲᑕ ᓂᕐᔪᒻᒥᑦ ᐅᕝᕙᓘᓐᓃᑦ ᓱᕋᐃᔭᐅᓐᓂᖅᑲᑕ ᑖᓐᓇ ᐱᔾᔪᑎᒋᓪᓗᒍ. ᖃᓄᐃᒍᑕᐅᔪᖅ ᐱᔾᔪᑎᖃᓪᓚᑦᑖᕆᐊᓕᒃ ᐅᕝᕙᓘᓐᓃᑦ ᐱᓕᕆᓂᖓᑦ ᐱᔾᔪᑎᒋᓪᓗᒍ ᐊᑑᑎᕕᐅᑉᐸᑕ ᓄᓘᔮᓕᕆᓂᕐᒧᑦ.
