ᖃᓄᖅ ᑐᑭᖃᕐᒪᑦ ᐱᖅᑯᓯᑐᖃᕗᑦ ᑲᔪᓯᔪᓐᓇᖁᓪᓗᒍ?
ᑖᓐᓇᓪᓚᕆᐅᕗᖅ, ᐱᖅᑯᓯᑐᖃᕗᑦ ᑲᔪᓯᔪᓐᓇᖁᓪᓗᒍ ᑐᑭᖃᕐᒪᑦ ᑭᓯᐊᓂ ᐃᓄᐃᑦ ᕿᓄᐃᓵᖅᖢᑎᒃ ᐊᓐᓇᒃᓯᒪᖕᒪᑕ ᐃᓅᑐᕆᓪᓗᓂᔾᔪᒃ ᓄᓇᕐᔪᐊᕆᓪᓗᓂᔾᔪᒡᓗ. ᐱᓕᕆᓃᑦ ᐊᓐᓂᕆᔭᐅᔪᑦ ᑲᑎᖓᖕᒪᑕ ᑕᕆᐅᕐᒥ ᐊᖑᓇᓱᖕᓃᒃ, ᓄᓇᒥ ᐊᖑᓇᓱᖕᓃᑦ, ᐃᖃᓪᓕᐊᕈᓐᓇᕐᓃᑦ, ᐃᒥᑦᑎᐊᕙᖕᓂᒃ ᐃᒥᖅᑕᕈᓐᓇᕐᓃᑦ, ᓄᒃᑕᕈᓐᓇᕐᓃᑦ ᐊᐅᓪᓛᕈᓐᓇᕐᓃᓪᓗ ᓄᓇᒥ. ᑭᓯᐊᓂ, ᐃᓕᓯᒪᔪᒍᑦ ᓄᓇᖅᑲᑎᒌᑎᒍᑦ , ᐱᖅᑯᓯᑐᖃᖅ ᑲᔪᓯᓂᐊᕈᓂ ᐃᓚᐅᑎᑦᑎᔭᕆᐊᖃᕋᑦᑕ ᑎᒥᑎᒍᑦ ᐊᒃᓱᕈᕐᓇᖅᑐᓂᒃ “ᑎᒥᒧᑦ ᓱᕈᐃᖏᑦᑐᓂᒃ” (ᑎᒥᑰᖓᖏᑦᑑᒐᓗᐊᑦ) ᐅᒃᐱᕆᔭᑦᑎᓐᓂᔭ
ᑭᓲᖕᒪᑕ ᐱᖅᑯᓯᑐᖃᕗᑦ ᑲᔪᓯᔪᓐᓇᖁᓪᓗᒍ ᑐᓴᒐᒃᓴᑦ ᓂᐱᓕᐅᖅᑕᐅᓯᒪᔪᑦ?
ᓄᓇᓕᖕᒥᐅᑦ ᐅᖃᓚᐅᕐᒪᑕ ᐱᒻᒪᕆᐅᒋᔭᖏᓐᓂᒃ ᐃᓗᕕᖃᕐᕕᓂᒃ ᐃᓅᕕᕕᓂᕐᓂᓪᓗ, ᓴᓇᙳᐊᒐᒃᓴᓂᒃᕕᓂᒃ, ᐃᑦᑕᕐᓂᓴᖃᐅᖅᑐᓂᒃ (ᓲᕐᓗ ᐊᕐᕕᓕᕆᕝᕕᕕᓃᑦ, ᖃᕐᒪᖃᕐᕕᕕᓃᑦ) ᐅᒃᐱᕐᓂᕐᒧᓪᓗ ᐱᒻᒪᕆᐅᒋᔭᐅᔪᑦ, ᓄᓇᐃᑦ ᐊᑎᖏᑦ ᐃᓕᓴᕐᓇᕈᑎᖏᓪᓗ, ᐃᓚᒌᑦ ᓄᓇᖅᑲᑎᒌᓪᓗ ᑲᑎᒪᖃᑎᕕᖏᑦ ᓄᓇᒥ, ᐃᓕᓐᓂᐊᖅᑎᑦᑎᕖᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᒪᒃᑯᒃᑐᓄᑦ ᐃᓕᑕᐅᕙᒃᑐᑦ.
ᑐᒃᑐᓄᑦ ᐃᕐᓂᕐᕕᕕᓂᐅᖕᒪᑦ ᑕᒪᓐᓇ, ᐃᕐᓂᑎᓪᓗᒋᑦ ᐊᕐᕋᖏᑦ ᑕᑯᒃᓴᐅᕙᖕᒪᑕ ᓇᒥᑐᐃᓐᓇ ᕿᓪᓕᕐᓂᖏᓐᓄᑦ ᓯᕿᓂᐅᑉ ᓴᖅᑭᖃᑦᑕᖅᑕᖏᑦ ᕿᒪᒃᑕᐅᓯᒪᓂᑯᑦ, ᕿᓪᓕᕐᓂᖓᓄᑦ ᐊᕐᕌᖓᓂᖔᖅᑐᑦ ᑐᒃᑐᑦ ᐃᕐᓂᐅᖅᑎᓪᓗᒋᑦ. ᑕᒪᓐᓇ ᐱᓪᓗᒍ ᐊᑎᖃᖅᑐᖅ ᕿᓪᓕᖅᑐᖅ ᓯᕿᓂᕐᒥᖔᖅᑐᒥᒃ ᕿᓪᓕᓕᖅᓯᒪᔪᖅ ᐊᕐᕌᕕᓃᑦ ᓯᕿᓐᓂᖅᑕᐅᓪᓗᑎᒃ, ᐄ. (A09, 04-ᓄᕕᐱᕆ-20, ᖃᓪᓗᓈᑎᑑᓕᖅᓯᒪᔪᒥᖔᖅᑐᖅ)
ᓄᓇᖅᑲᑎᑦᑎᓐᓂ ᐃᓕᑦᑐᒍᑦ, ᐊᖑᓇᓱᒡᕕᖃᐅᕋᓗᐊᖅᑎᓪᓗᒋ ᑭᓯᐊᓂ ᐃᓄᐃᑦ ᐱᖅᑯᓯᖓᑦ ᐱᒻᒪᕆᐅᕗᖅ, ᐃᓄᐃᑦ ᐱᖅᑯᓯᖓ ᓄᓇᖓᓗ ᐅᓄᖅᑐᐊᓘᖕᒪᑕ. ᐊᓐᓂᕆᔭᐅᔪᑦ, ᐃᓄᐃᑦ ᓴᓇᐅᒐᖏᑦ ᓴᓇᓯᒪᔭᖏᑦ, ᐃᑦᑕᕐᓂᓴᖏᑦ ᐊᓯᖏᓪᓗ ᐃᑦᑕᕐᓂᓴᖃᕐᕖᑦ ᐊᓐᓂᕆᔭᐅᔪᓪᓗ, ᓄᓇᒥ ᐱᓯᒪᔪᑦ, ᐃᓕᓐᓂᐊᕈᑕᐅᔪᓐᓇᖅᑐᑦ ᐃᓕᑕᐅᔪᓐᓇᖅᖢᑎᒡᓗ ᐃᓄᐃᑦ ᖃᐅᔨᒪᔭᑐᖃᖏᑦ.
ᐄ, ᐱᒻᒪᕆᕐᔪᐊᖑᔪᖅ ᒪᒃᑯᒃᑐᕗᑦ ᐃᓕᑦᑕᕆᐊᖃᒻᒪᕆᒃᑐᑦ ᐊᖑᓇᓱᒍᓐᓇᕆᐊᓖᓪᓗ ᐃᓅᓯᕆᓚᐅᕋᑦᑎᒍ. ᓯᕗᓕᕗᑦ ᐊᓐᓇᒃᓯᒪᔪᑦ ᐅᓪᓗᒥᒧᑦ..ᐃᓄᐃᑦ ᓂᕿᖏᑦ ᐊᖑᓂᒃᑕᐅᕙᖕᒪᑕ, ᐅᕙᖓᓄ ᑐᓂᓯᕙᖕᒥᔪᖓ – ᖃᐅᔨᒪᔭᒃᑲᓗ ᕿᑐᕐᖓᓐᓄᑦ ᐃᓕᓐᓂᐊᕈᑎᒋᕙᒃᖢᒋᑦ ᐊᑖᑕᒪᑦᑕᐅᖅ ᐊᒃᑲᖕᒪ ᐊᖓᖕᒪᓗ ᐃᓕᑎᓯᒪᖕᓯᖕᒪᖔ, ᐊᖏᔪᒪᓗ ᓄᑲᕐᒪᓗ ᐃᓚᓕᒫᒫ ᐃᓕᓐᓂᐊᖅᑎᓯᒪᕚᖓ (C04, 19-ᐅᑐᐱᕆ-20)
ᐱᒻᒪᕆᐅᓘᕗᖅ (ᕿᑐᕐᖓᕗᑦ ᐃᕐᖑᑕᕗᓪᓗ ᐊᐅᓪᓚᐅᑎᔭᕆᐊᖃᕋᑦᑎᒍᑦ) ᓲᖃᐃᒻᒪ, ᐅᖃᐅᔾᔨᑐᐃᓐᓇᖏᑦᑐᖓ ᐃᓕᓐᓂᐊᖅᑎᑦᑎᑐᐃᓐᓇᖏᑦᑐᖓ ᐃᓄᐃᑦ ᖃᐅᔨᒪᔭᖏᓐᓂᒃ ᐊᑐᕋᒃᑯ. ᐱᒻᒪᕆᐊᓗᒃ ᐱᖅᑯᓯᕗᑦ ᑲᔪᓰᓐᓇᕆᐊᖃᕐᓂᖓ ᑭᖑᕚᒃᓴᑦᑎᓐᓄᑦ, ᕿᑐᕐᖓᑦᑎᓐᓄᑦ, ᐃᕐᖑᑕᑦᑎᓐᓄ ᐅᓪᓗᒥᒧᓪᓗ ᐃᓗᓕᑦᑎᓐᓄᑦ. (I01, 22-ᒪᐃ-19)
ᓄᓇᖅᑲᑎᒌᑦ ᐅᖃᖅᓯᒪᖕᒥᔪᑦ ᐅᔭᕋᒃᑕᖃᑦᑕᕐᓂᖏᓐᓂᒃ ᓴᓇᙳᐊᒐᒃᓴᓂᒃ ᐱᒻᒪᕆᐅᖕᒪᑦ ᓴᓇᙳᐊᓗᖕᓂᖅ ᑮᓇᐅᔭᓕᐅᕈᑕᐅᔪᓐᓇᖅᖢᓂᓗ. ᑐᓴᖅᓯᒪᔪᒍᑦ ᓴᓇᙳᐊᖅᐸᖕᒪᑕ ᓄᓇᖅᑲᑎᕗᑦ, ᐊᕐᕖᑦ ᓴᐅᓂᖏᓐᓂᒃ, ᓴᓇᕐᕈᑎᓕᐊᕆᔭᐅᔪᓐᓇᖅᖢᑎᒡᓗ.
… ᐃᓚᒌᑦ ᓄᓇᖅᑲᑎᒌᓪᓗ ᐊᑐᖅᐸᖕᒪᑕ (ᐱᓕᕆᕕᐅᑉ ᐃᓗᐊᓂ) ᓄᓘᔮᓕᕆᔪᖃᓚᐅᖏᑎᓪᓗᒍ. ᐅᔭᕋᒃᑕᕆᐊᕐᕕᐅᒐᔪᓚᐅᕐᒪᑦ ᓄᓇᓕᖕᒥᐅᓄᑦ. (C13 2020, ᖃᓪᓗᓈᑎᑑᓕᖅᓯᒪᔪᒥᖔᖅᑐᖅ)
ᐃᓄᐃᑦ ᐊᑐᖅᓯᒪᔭᖏᑦ ᕿᑭᖅᑖᓗᖕᒥ ᑎᑎᕋᒃᑯᑦ ᓇᓗᓇᐃᖅᑕᐅᓯᒪᕗᑦ, ᑭᓯᐊᓂ ᓄᓇᐃᑦ ᐊᑎᖏᑦ (ᐃᓚᖏᑦ ᐅᓂᒃᑳᖅᑐᐊᓄᒃ ᐊᒃᑐᐊᖓᔪᑦ, ᓄᓇᐅᑉ ᐊᑐᖅᑕᐅᓂᖓᓄᑦ, ᐃᓚᒌᓄᓪᓗ ᐱᔾᔪᑎᓖᑦ) ᑕᑯᒃᓴᐅᔪᑦ ᐃᓂᒋᔭᐅᕙᓚᐅᕐᓂᖏᑦ, ᐃᓄᒃᓱᑦ, ᖃᕐᒪᖃᕐᕕᕕᓃᑦ, ᑐᐱᖃᕐᕕᕕᓃᑦ ᐃᓕᕕᖃᕐᕕᕕᓃᓪᓗ.
ᐊᒻᒪᓗ, ᐱᖅᑯᓯᑐᖃᖅ, ᐃᒡᓗᓕᖕᒥᐅᓂᒃ ᐃᒃᐱᐊᕐᔪᖕᒥᐅᓂᒃ ᒥᑦᑎᒪᑕᓕᖕᒥᐅᓂᒡᓗ ᐅᖃᖅᐸᖕᒪᑕ ᐱᓱᒡᕕᐅᓚᐅᖅᓯᒪᓂᖏᓐᓂᒃ ᑲᑎᕕᐅᓚᐅᖅᓯᒪᓂᖏᓐᓂᒃ..ᓄᓇᖅᐸᒃᓯᒪᓪᓗᑎᒃ ᓄᐊᑦᑎᕙᓚᐅᕐᒪᑕ ᐃᓚᒌᑦ…ᐄ, ᐱᖓᓱᑦ ᓄᓇᓖᑦ ᑲᑎᑉᐸᓚᐅᖅᑐᑦ ᑕᓯᕐᔪᐊᒧᑦ ᑐᒃᑐᒐᓱᒋᐊᖅᓯᒪᓪᓗᑎᒃ…ᐃᓄᒃᓱᒐᓛᓗᐃᑦ ᓄᓇᐅᓪᓗ ᐃᓕᓴᕐᓇᕈᑎᖏᑦ ᖃᐅᔨᒪᓇᖅᑐᑦ ᑕᒫᓂ ᐃᓅᓯᖃᕐᕕᐅᕙᓚᐅᕐᒪᑦ (A12 2020,ᖃᓪᓗᓈᑎᑑᓕᖅᓯᒪᔪᒥᖔᖅᑐᖅ)
ᐃᓄᐃᑦ ᖃᐅᔨᒪᔭᑐᖃᖓ ᐃᓚᖃᕐᒪᑦ ᖃᐅᔨᒪᓂᕐᒥᒃ ᓄᓇᒥ ᓂᕐᔪᑎᓂᒃ (ᕿᑐᕐᖏᐅᕐᕖᑦ, ᓯᑰᑉ ᖃᓄᐃᓕᖓᓂᖏᑦ) ᑭᓯᐊᓂᑦᑕᐅᖅ ᐃᓄᐃᑦ ᐅᒃᐱᕆᔭᖏᑦ, ᐊᓐᓂᕆᔭᐅᖏᑦ, ᐊᑐᕆᐊᖃᖅᑕᖏᓪᓗ ᐃᓄᐃᑦ ᐃᓅᓯᖃᑦᑎᐊᖁᓪᓗᒋᑦ ᐃᒥᖕᓄᑦ ᓄᓇᒥᓪᓗ. ᐊᖑᓇᓱᖕᓂᖅ ᐱᔭᕆᐊᖃᕋᑦᑎᒍᑦ ᑐᓐᓂᖅᓴᐅᑎᒋᓗᒋᓪᓗ ᐊᓯᑦᑎᓐᓄᑦ ᑕᐃᒪᓐᓇ ᐃᓕᓐᓂᐊᖅᑎᑕᐅᓯᒪᒐᑦᑕ.
ᑲᑉᐱᐊᓱᒋᐊᖃᖅᑐᒍᑦ ᓂᕐᔪᑎᓂᒃ ᑐᓵᖕᒪᑕ. ᐊᖑᓃᓐᓇᐅᔭᕐᓂᐊᕋᓱᒋᕙᖏᓪᓗᑕᓗ… (I16, 28-May-19, ᖃᓪᓗᓈᑎᑑᓕᖅᑕᐅᓯᒪᔪᒥᖔᖅᑐᖅ)
ᐱᒻᒪᕆᐅᖕᒪ ᐃᓕᓐᓂᐊᖅᑎᑦᑎᔭᕆᐊᖃᕐᓂᖅ
ᑕᓪᓕᒪᑦ ᓄᓇᓖᑦ ᐃᓕᕝᕕᒋᔭᕗᑦ, ᐃᓄᐃᑦ ᐃᓅᓯᖓ, ᐊᒃᑐᐊᖓᖕᒪᑦ ᐃᓕᓐᓂᐊᖏᓐᓇᕆᐊᖃᖅᑐᒍᑦ ᐃᓕᓐᓂᐊᖅᑎᑦᑎᔨᐅᓗᑕᓗ ᖃᐅᔨᒪᓂᕐᓂᒃ ᐃᓄᖕᓂᒃ ᐃᓕᓴᕆᔭᐅᔾᔪᑎᐅᕙᒃᑐᓂᒃ. ᐊᓐᓇᐅᒪᓇᓱᖕᓂᕐᒥᒃ ᐅᑭᐅᖅᑕᖅᑐᒥ, ᖃᓄᕐᓗ ᓄᓇᒥ ᐃᒫᓂᓗ ᐊᐅᓪᓚᖅᓯᒪᕙᖕᒪᖔᑕ, ᓂᕐᔪᑏᓪᓗ ᐃᓕᖅᑯᓯᖏᑦ ᑐᑭᓯᓗᒋᑦ ᐊᖑᓇᓱᒍᓐᓇᑦᑎᐊᕐᓗᒋᑦ, ᖃᐅᔨᒪᓂᐅᑦᑕᐅᖅ ᑕᒪᒃᑯᐊ ᐅᓄᕈᑎᖏᑦ.
ᓄᓇᓕᖕᒥᐅᑦ ᖃᐅᔨᒪᖁᔨᓪᓚᕆᑦᑑᒐᓗᐊᑦ ᐱᒻᒪᕆᐅᖕᒪᑦ ᑕᑯᑎᑦᑎᓗᓂ ᐃᓕᓐᓂᐊᖅᑎᑦᑎᓂᕐᒥᒃ, ᓄᓇᒥ, ᐱᒻᒪᕆᖕᒪᓪᓗ ᒪᒃᑯᑦᑐᑦ ᐃᓕᓯᒪᓪᓚᕆᒃᑐᒥᒃ ᐃᓕᓐᓂᐊᕆᐊᖃᕐᓂᖏᓐᓂᒃ ᐃᓚᖏᓐᓂᒃ ᐱᖃᓐᓇᕆᔭᖏᓐᓂᓪᓘᓐᓃᑦ. ᐅᓂᒃᑳᑦ ᐅᓂᒃᑳᖅᑐᐃᓪᓗ ᐃᓕᓐᓂᐊᕐᓂᖅ ᑲᔪᓯᖁᓪᓗᒍ ᐱᒻᒪᕆᐊᓗᖕᒪᑦ ᖃᐅᔨᒪᔭᖅᑖᕐᓂᕐᒧ ᖃᐅᔨᒪᔭᖅᑖᕆᔭᓪᓗ ᑭᖑᕚᓄᑦ ᐃᓕᓐᓂᐊᕈᑎᒋᓕᕐᒥᓗᒍ. ᐃᓕᓐᓂᐊᕐᓂᖅ ᐃᓄᓯᐅᖕᒪᑦ, ᓱᓕᓪᓗᓂᓗ, ᐃᓄᓕᕆᓂᐅᓪᓗᓂᓗ. ᑲᑎᖃᑦᑕᕐᓂᖅ ᓄᓇᓕᖕᓂ, ᓲᕐᓗ, ᐱᒻᒪᕆᐅᔾᔪᑎᖕᒥᔪᑦ ᐅᖓᓯᒃᑐᓂᖔᖅᓯᒪᔪᖅ ᐃᓕᓐᓂᐊᖅᓯᒪᖕᒥᓗᒍ.
ᖃᓄᖅ ᐱᖅᑯᓯᖃᕐᕕᕕᓃᑦ ᑲᔪᓯᑎᑦᑐᓐᓇᖅᐸᕗᑦ
ᓄᓇᓕᖕᒥᐅᑦ ᐅᓂᒃᑳᓚᐅᕐᒪᑕ ᓄᓇᓂᒃ ᐊᓐᓂᕆᔭᖏᓐᓂᓪᓗ ᐱᖅᑯᓯᖃᕐᕕᐅᕙᒃᑐᓂᒃ ᕿᑭᖅᑖᓗᖕᒥ. ᓄᓘᔮᓕᕆᕕᖕᒥ ᐱᓕᕆᕕᐅᔫᑉ ᐃᓗᐊᓃᑦᑐᑦ ᐅᓄᖅᑐᑦ. ᐊᕕᒃᓯᒪᓃᑦ ᒥᑦᑎᒪᑕᓕᖕᒥᐅᓄᑦ ᐅᖃᐅᓯᕆᔭᐅᔪᑦ ᑕᓯᐅᔭᕐᒦᑦᑐᑦ, ᑰᖃᕐᕕᓃᑦᑐᑦ, ᕿᕐᖑᐊᓂᓪᓗ ᓯᒡᒐᖓᓃᑦᑐᑦ, ᐃᓗᕕᖃᕐᕕᖕᒦᑦᑐᓪᓗ. ᒥᑦᑎᒪᑕᓕᖕᒥᐅᑦ ᐅᓂᒃᑳᓚᐅᕐᒥᔪᑦ ᐊᑭᐊᑉ ᕿᑭᖅᑕᖓᑕ ᓯᒡᔭᖓᓂ. ᐃᒃᐱᐊᕐᔪᖕᒥᐅᓪᓗ ᑲᖏᖅᑐᒑᐱᖕᒥᐅᓪᓗ, ᐅᖃᐅᓯᖃᓚᐅᕆᓪᓗᑎᒃ ᐊᔾᔨᓪᓗᐊᐸᓗᖏᓐᓂᒃ ᕿᑭᖅᑖᓗᖕᒥ.
ᒥᑦᑎᒪᑕᓕᖕᒥᐅᓂᒃ, ᐃᒃᐱᐊᕐᔪᖕᒥᐅᓂᒃ, ᑲᖏᖅᑐᒑᐱᖕᒥᐅᓂᒃ, ᐃᒡᓗᓕᖕᒥᐅᓂᒃ, ᓴᓂᕋᔭᖕᒥᐅᓂᒡᓗ ᐅᖃᐅᓯᕆᔭᐅᓚᐅᕐᒪᑦ ᓂᒋᖅᐸᓯᕆᔭᐅᔪᖅ ᕿᑭᖅᑖᓗᖕᒥ. ᐊᓐᓂᕆᔭᐅᔪᑦ ᐃᒡᓗᓕᖕᒥᐅᓄᑦ ᓴᓂᕋᔭᖕᒥᐅᓄᑦ ᑕᑯᔭᐅᔪᓐᓇᕐᒪᑕ ᓴᓂᕋᔭᐅᑉ ᓄᓇᖓᓂ, ᐊᒻᒪᓗ ᐃᒡᓗᓕᐅᑉ ᓄᓇᖏᓐᓂ, ᕿᑎᖅᑕᖅ ᑲᐳᐃᕕᖕᒥ ᐊᑎᓕᒃ, ᐃᒃᐱᑭᑦᑎᕐᔪᐊᓂ, ᐊᐃᕕᕐᔪᐊᓂᓪᓗ.
ᐊᒃᑐᖅᑕᐅᔾᔪᑎᐅᑐᐃᓐᓇᕆᐊᓖᑦ ᓄᓘᔮᓕᕆᓂᕐᒧᑦ ᐱᖅᑯᓯᓕᕆᕖᑦ ᑲᔪᓯᔪᓐᓇᖁᓪᓗᒋᑦ
ᖃᐅᔨᓇᖅᓯᔪᖅ ᐅᖃᖃᑎᒋᓪᓗᑎᑦ ᓄᓇᖅᑲᑎᒌᑦ ᐱᖅᑯᓯᓕᕆᕖᑦ ᑲᔪᓯᔭᕆᐊᖃᕐᓂᖏᓐᓂᑦ ᑕᒪᐃᓐᓄᓕᒫᖅ ᐃᓄᐃᑦ ᐃᓕᖅᑯᓯᖏᓐᓄᑦ ᐊᒃᑐᐊᖓᖕᒪᑕ. ᓲᖃᐃᒻᒪᓗ, ᐊᒃᑐᖅᑕᐅᔾᔪᑎᐅᓪᓗᑎᒃ ᐊᓯᖏᓐᓄᑦ ᐱᖅᑯᓯᓕᕆᕕᓄᑦ ᐊᓐᓂᕆᔭᐅᔪᓄᓪᓗ – ᐊᐅᓪᓛᖅᓯᒪᓂᕐᒧᑦ ᓄᒃᑕᕐᓂᕐᒧᓪᓗ, ᓴᓇᙳᐊᒐᒃᓴᓕᕆᓂᕐᒧᑦ, ᐊᖑᓇᓱᖕᓂᕐᒧᑦ ᒥᑭᒋᐊᕋᓱᖕᓂᕐᒧᑦ – ᑕᒪᐃᓐᓄᓕᒫᖅ ᐱᖅᑯᓯᖃᕐᕕᖕᓄᑦ ᑲᔪᓯᖁᓪᓗᒍ ᐊᒃᑐᐃᔪᑦ.
ᓄᓘᔮᓕᕆᓂᖅ ᐊᒃᑐᐃᒻᒪᕆᒃᑭᕗᖅ ᓄᓇᐅᑉ ᐃᓕᓴᕆᔭᐅᔾᔪᑎᖓᓄᑦ ᐊᑐᖅᑕᐅᕙᒃᑐᖅ ᑕᒻᒪᕇᒃᑯᑎᐅᓪᓗᓂ ᓄᓇᒥ, ᐃᑦᑕᕐᓂᓴᖃᕐᕖᑦ ᐊᓐᓂᕐᓇᖅᑐᓪᓗ ᐊᒃᑐᖅᑕᐅᒋᓪᓗᑎᒃ (ᓲᕐᓗ ᐃᒡᓗᕐᔪᐊᓕᐅᕐᓂᕐᒧᑦ ᓄᓇᐅᓪᓗ ᓴᓇᔭᐅᕙᓪᓕᐊᓂᖓᓄᑦ) ᐊᒃᑐᐃᒻᒪᕆᖕᓂᐊᖅᑐᖅ ᑭᖑᕚᕇᓄᑦ, ᐊᒻᒪᓗ, ᑐᓴᖅᑐᒍᑦ ᓄᓘᔮᓕᕆᓂᖅ ᐊᒃᑐᐃᒻᒪᕆᖕᒥᖕᒪᑦ ᖃᓄᖅ ᐃᓄᐃᑦ ᓄᓇᒥ ᐊᑐᒐᔪᒃᑕᖏᓐᓂᒃ, ᐊᒃᑐᖅᑕᐅᓯᒪᖏᓪᓗᓂ ᓴᐃᓕᓇᕐᓗᓂ ᐊᒃᑕᕐᓇᖏᓪᓗᓂᓗ.
ᐊᖑᓇᓱᒡᕖᑦ, ᐃᖃᓪᓕᐊᕐᕖᑦ, ᐊᐅᓪᓛᖅᓯᒪᕝᕖᑦ ᐊᔪᕐᓇᕐᓂᖅᓴᐅᓕᕐᒪᑕ ᐊᖅᑯᑎᑯᑖᒃᓴᓄᑦ ᐅᒥᐊᕐᔪᐊᓪᓗ ᐅᑎᖅᑕᕐᓂᖏᓐᓄᑦ ᐃᓕᓐᓂᐊᕐᓃᑦ ᐅᓄᖏᓐᓂᖅᓴᐅᓕᖅᑐᑦ ᓄᓇᒥ ᐃᒫᓂᓪᓗ. ᐃᓄᐃᑦ ᐱᕕᖃᖏᓐᓂᖅᓴᐅᓕᕐᓂᖏᓐᓄᓪᓗ ᐅᓂᒃᑳᖏᓐᓂᖅᓴᐅᓕᖅᑐᑦ ᐱᖁᑎᖏᓐᓂᒃ, ᐅᓄᕐᒪᑕ ᐃᓄᖃᑎᒌᒍᑏᑦ. ᑕᐃᒪᐃᓐᓂᖓᓄᑦ, ᓄᓇᓕᖕᒥᐅᑦ ᐃᓱᒫᓗᒃᑐᑦ ᓄᓘᔮᓕᕆᓂᖅ ᐃᓄᖕᓂᒃ ᐱᖅᑯᓯᖏᓐᓂᒃ ᐃᓕᓴᕆᔭᐅᔾᔪᑎᖏᓐᓂᒡᓗ ᐊᓯᐅᔾᔨᔪᑎᐅᑐᐃᓐᓇᕆᐊᖃᕐᓂᖏᓐᓂᒃ.
ᐅᖃᐅᓯᕆᓗᒍ, ᐊᒃᑐᖅᑕᐅᔾᔪᑏᑦ ᓄᓘᔮᓕᕆᓂᕐᒧᑦ, ᑲᑎᖦᖢᒋᑦ ᐊᒃᑐᖅᑕᐅᔾᔪᑏᑦ ᐃᓄᖕᓄᑦ ᒥᑦᑎᒪᑕᓕᖕᒥᐅᓄᑦ, ᐃᒃᐱᐊᕐᔪᖕᒥᐅᓄᑦ, ᑲᖏᖅᑐᒑᐱᖕᒥᐅᓄᑦ, ᐃᒡᓗᓕᖕᒥᐅᓄᑦ ᓴᓂᕋᔭᖕᒥᐅᓄᓪᓗ ᐅᑯᐊᖑᖕᒪᑕ ᐊᖑᓇᓱᖕᓂᖅ, ᐃᖃᓪᓕᐊᕐᓂᖅ, ᓄᒃᑕᕐᓂᖅ, ᐊᖑᓇᓱᖕᓂᒃ ᐃᓕᓯᒪᔭᒥᓪᓗ ᑐᓂᓯᓂᖅ ᑭᖑᕚᒃᓴᑦᑎᓐᓄᑦ ᓄᓇᒥ ᓯᑯᒥ ᐃᒫᓂᓪᓗ.
