ᐃᖃᓗᐃᑦ, ᓄᓇᕗᑦ, ᔪᓚᐃ 30 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑐᓴᖅᑎᑦᑎᔪᒪᕗᑦ ᐃᓄᖕᓂᒃ ᑭᙵᕐᒥᐅᓂᒃ ᑭᒻᒥᕈᒻᒥᐅᓂᓗ ᐅᔭᕋᖅᑕᕐᕕᖕᒥ ᖃᐅᔨᓴᖅᑐᖃᓛᕐᓂᖓᓄᑦ ᑲᖏᖅᓱᑯᑖᖕᒥᑦ, ᑕᑦᓯᖅᑐᕐᒥᓗ, ᐊᒡᒌᓯ 30, 2024ᒥ. ᑖᓐᓇ ᐅᔭᕋᖅᑕᕐᕕᒃ ᑭᙵᐃᓪᓗ ᕿᒻᒥᕉᑉᓗ ᐊᑯᓐᓂᖓᓐᓃᑦᑐᖅ.

ᐸᕝᕕᓴᖅᑐᖃᖃᑦᑕᑲᐃᓐᓇᕐᓂᐊᕐᒪᑦ ᖃᐅᔨᓴᖅᑎᓪᓗᒋᑦ ᐅᔭᕋᒃᑕᕐᕕᖕᒥ ᑖᒃᑯᐊ ᖃᐅᔨᓴᕐᓂᐊᖅᑐᑦ ᖁᓛᒍᓕᒃᑰᖃᑦᑕᕐᓂᐊᕐᒪᑕ.

ᐱᔾᔪᑎᒋᓪᓗᒍ ᖃᐅᔨᓴᕈᒪᓂᖏᑦ ᓴᖅᑭᑎᑦᑎᔪᒪᓪᓗᑎᒃ ᐊᑐᓕᖁᔾᔪᑎᓂᒃ ᒥᒃᖠᒋᐊᕈᑕᐅᓂᐊᖅᑐᓂᒃ ᐸᓯᔭᐅᔪᓐᓇᕐᓂᕐᒨᖓᔪᓂᒃ ᐱᔾᔪᑎᒋᓪᓗᒍ ᐊᒻᒪᓗ ᐋᖅᑭᒋᐊᕐᓗᒍ ᐃᓄᖕᓄᑦ ᐊᑦᑕᕐᓇᕈᓐᓃᖁᓪᓗᒍ ᐅᔭᕋᒃᑕᕐᕕᒃ.

ᕿᑭᖅᑕᓃᒃᑯᑦ ᓇᓗᓇᐃᔭᖅᓯᒪᖕᒪᑦ ᐊᑦᑕᕐᓇᖅᑐᒦᑎᑦᑎᑕᐃᓕᒍᒪᓪᓗᑎᒃ ᐃᓄᖕᓂᒃ ᐊᒻᒪᓗ ᐱᓕᕆᓂᐊᖅᖢᑎᒃ ᓇᓗᓇᐃᔭᐃᓂᕐᒥᒃ ᐱᕕᒃᓴᐅᔪᓐᓇᕐᓂᐊᖅᑐᓂᒃ ᐊᑦᑕᕐᓇᙱᑦᑐᒃᑯᑦ ᐅᔭᕋᒃᑕᕈᓐᓇᕐᓂᕐᒧᑦ.  ᑖᓐᓇ ᖃᐅᔨᓴᕈᑎᕕᓂᖅ ᑐᓂᔭᐅᔪᒫᖅᑐᖅ ᓄᓇᓕᖕᓄᑦ, ᕿᑭᖅᑕᓃᒃᑯᑦ ᓄᓇᓕᖕᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᓄᑦ ᐊᒻᒪᓗ ᕿᑭᖅᑕᓃᒃᑯᑦ ᑲᑎᒪᔨᖏᓐᓄᑦ ᐃᓱᒪᒃᓴᖅᓯᐅᕈᑕᐅᓂᐊᕐᒪᑦ.

ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᑦ ᐱᓕᕆᑦᑎᐊᖅᓯᒪᔪᑦ ᐃᓄᖕᓂᒃ ᐊᑦᑕᕐᓇᖅᑐᒦᖁᔨᓇᑎᒃ ᐃᓄᐃᑦ ᓄᓇᖁᑎᖏᓐᓂᒃ.  ᒫᓐᓇᓵᖅ ᖃᐅᔨᓴᓚᐅᖅᑐᑦ ᐃᒡᓗᕋᓛᓂᒃ ᐃᖃᓗᓐᓂ ᐊᒻᒪᓗ ᑲᖏᖅᑐᒑᐱᖕᒥᒃ ᐊᒻᒪᓗ ᐸᕐᓇᒃᖢᑎᒃ ᐃᓪᓗᕋᓛᓂ ᖃᐅᔨᓴᕆᐊᕈᒪᓪᓗᑎᒃ ᒥᑦᑎᒪᑕᓕᖕᒧᑦ ᓴᓂᕋᔭᖕᒧᓪᓗ.

ᖁᔭᓐᓇᒦᕈᒪᕙᕗᑦ ᐃᓄᐃᑦ ᕿᑭᖅᑕᓂᒥᐅᑦ ᑐᑭᓯᑦᑎᐊᕐᓂᖏᓐᓂᒃ ᐊᒻᒪᓗ ᕿᓄᐃᓵᕐᓂᖏᓐᓂᒃ ᖃᐅᔨᓴᕐᓂᖃᖅᑎᓪᓗᒋᑦ.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓂᒃ ᑐᓴᐅᒪᖃᑦᑕᐅᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑖ) 867.975.8398 ᐊᑭᖃᙱᑦᑐᒧᓪᓘᓐᓃᑦ 1.800.667.2742
kflaherty@qia.ca­

Back to Blog