ᐃᖃᓗᐃᑦ, ᓄᓇᕗᑦ − ᓄᕕᐱᕆ 28, 2017 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ (ᑲᑐᔾᔨᖃᑎᒌᖏᑦ) ᑐᓂᓯᔭᐅᖅᑲᐅᔪᑦ ᓯᕗᓕᖅᑏᑦ ᑲᑎᒪᑎᓪᓗᒋᑦ ᐅᓪᓗᒥ $1,840,914.00 ᑎᒥᖁᑎᖏᓐᓂᒃ, ᕿᑭᖅᑖᓗᒃ ᑯᐊᐳᕇᓴᒃᑯᓐᓂᑦ (QC).

ᐊᒥᓲᓂᖏᑦ ᑐᓂᔭᑦ ᑲᑐᔾᔨᖃᑎᒌᒃᑯᓐᓄᑦ ᓂᖏᖅᑕᕈᑎᓄᑦ ᐊᑐᐊᒐᑦ ᒪᓕᑦᑐᒋᑦ ᑖᒃᑯᐊ ᑲᔪᓯᑎᑕᐅᔪᓐᓇᕐᓯᓚᐅᕐᓯᒪᔪᑦ ᑲᑐᔾᔨᖃᑎᒌᑦᑐᑎᒃ ᑲᔪᓯᑎᑦᑎᓪᓗᑎᓪᓗ ᑕᒪᒃᑮᒃ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᑲᑐᔾᔨᖃᑎᒌᒃᑯᑦ ᑲᑎᒪᔨᖏᑦ ᕖᕝᕗᐊᓕ 2016ᖑᑎᓪᓗᒍ.

“ᑖᒃᑯᐊ ᓂᖏᕈᑎᖏᑦ ᐊᑑᑎᓖᑦ ᒪᑭᒪᓇᓱᐊᕈᑎᓂᑦ ᑲᔪᓯᑎᑦᑎᑎᐊᕐᓂᖏᓐᓄᑦ ᐃᓄᐃᑦ, ᐃᑲᔫᑎᖃᑯᑖᓐᓂᐊᖅᑐᑎᓪᓗ ᑮᓇᐅᔭᐃᑦ ᐱᒻᒪᕆᐅᔪᓄᑦ ᐃᑲᔫᑎᐅᕙᑦᑐᓄᑦ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐃᓘᓐᓇᖏᓐᓂ 13ᓂᑦ ᓄᓇᓕᓐᓂᑦ,” ᐅᖃᖅᑐᖅ ᑲᑐᔾᔨᖃᑎᒌᒃᑯᑦ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ.

“ ᐅᕙᒍᑦ ᕿᑭᖅᑖᓗᒃ ᑯᐊᐳᕇᓴᒃᑯᓃᑦᑐᒍᑦ ᐅᐱᒍᓱᑦᑐᒍᑦ  ᑲᔪᓯᑎᑦᑎᑎᐊᕐᓯᒪᓂᑦᑎᓐᓂᒃ ᐊᕐᕌᒍᒥ ᐊᐅᓚᕕᒋᓚᐅᖅᑕᑎᓐᓂ,” ᐅᖃᖅᑐᖅ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᔅᓯᕙᐅᑕᖓᑦ ᐅᓛᔪᒃ ᐊᑭᓱᒃ, “ᐅᐱᒍᓱᑦᑐᒍᑦ ᐃᑲᔫᑎᖃᕆᐊᔅᓴᖅ ᐱᒻᒪᕆᐊᓗᒻᒥᒃ ᐃᖅᑲᓇᐃᔮᕆᕙᑦᑕᖏᓐᓄᑦ ᑲᑐᔾᔨᖃᑎᒌᒃᑯᑦ ᑕᐃᒫᓪᓗ ᐅᑎᖅᑎᑎᓪᓗᑕ ᐃᓄᓐᓄᑦ ᓄᓇᖅᑲᑎᑦᑎᓐᓄᑦ.”

ᑖᒃᑯᐊ ᓂᖏᕈᑕᐅᔪᑦ ᑲᑐᔾᔨᖃᑎᒌᒃᑯᑦ ᑭᖑᕚᑦᑎᓐᓄᑦ ᑐᖅᑯᖅᑕᐅᕙᓪᓕᐊᔪᓄᑦ ᑮᓇᐅᔭᓄᑦ ᐃᓕᔭᐅᓂᐊᖅᑐᑦ, ᒪᓕᑦᑐᒋᑦ ᑮᓇᐅᔭᓄᑦ ᐃᓯᕐᐸᑦᑐᓄᑦ ᐊᑐᐊᒐᑦ, ᕿᑐᕐᖏᐅᕈᓐᓇᖁᓪᓗᒋᑦ ᓯᕗᓂᔅᓴᑎᓐᓂ ᐃᑲᔫᑎᔅᓴᓄᑦ ᐱᓕᕆᒍᑎᔅᓴᓄᓪᓗ ᑐᕌᖓᓂᐊᖅᑐᑎᒃ ᐃᓄᓐᓄᑦ ᓄᓇᓕᓐᓄᑦ ᑕᒫᓂ.

ᕿᑭᖅᑖᓗᒃ ᑯᐊᐳᕇᓴᒃᑯᑦ, ᐃᓚᒋᔭᐅᒻᒪᑕ ᒪᕐᕉᓐᓂᒃ ᑎᒥᖁᑎᖏᓐᓂᒃ ᑲᑐᔾᔨᖃᑎᒌᒃᑯᑦ. ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᐅᓚᑦᑎᓲᑦ ᒪᑭᒪᓇᓱᐊᕈᑎᓂᑦ ᐱᕙᓪᓕᐊᔪᓕᕆᓂᕐᒥᒃ ᑲᑐᔾᔨᖃᑎᒌᒃᑯᑦ ᐱᔾᔪᑎᒋᓪᓗᒋᑦ ᐊᒻᒪᓗ ᐱᓇᓱᐊᕈᑎᖃᓲᖑᓪᓗᑎᒃ ᐃᑲᔪᖅᑎᓪᓚᕆᐅᓂᕐᒥᒃ ᐃᓘᓐᓇᖏᓐᓂ ᐃᖅᑲᓇᐃᔭᕐᕕᐅᕙᑦᑐᓂᑦ ᓄᓇᕗᒥ ᒪᑭᒪᓇᓱᐊᕈᑎᖃᕐᕕᒻᒥ, ᑲᒪᒋᔭᖃᓪᓗᐊᑕᕐᐸᑦᑐᑎᒃ ᐃᖃᓗᓕᕆᓂᕐᒥᒃ, ᓂᐅᕕᕐᕕᖁᑎᖏᓐᓂᒃ ᐊᐅᓚᑦᑎᓂᕐᒥᒃ, ᓇᒻᒥᓂᖃᖅᑐᓕᕆᓂᕐᒥᒃ ᐊᒻᒪᓗ ᐊᐅᓚᑦᑎᓂᕐᒥᒃ. ᑎᒥᐅᔪᖅ ᐱᔨᑦᑎᕋᖃᑦᑕᕐᒥᔪᖅ ᓴᖅᑭᐊᕙᓪᓕᐊᔪᓂᑦ ᐅᔭᕋᓐᓂᐊᕐᕕᓐᓂᑦ ᐊᒻᒪᓗ ᓄᓇᒥᐅᑕᓕᕆᓂᕐᒥᒃ ᓴᓇᕕᒻᒥ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᓯᐊᕆHᐃ,
ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
szerehi@qia.ca
(867) 975.8413
1.800.667.2742