ᐃᖃᓗᐃᑦ, ᓄᓇᕗᑦ, ᔫᓂ 7, 2022 – ᕿᑭᖅᑕᓃᒃᑯᑦ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓃᒃᑯᑦ) ᐊᓕᐊᓚᐅᒍᓱᒃᑐᑦ ᓴᖅᑭᑦᑏᓂᐊᓕᕐᒪᑕ ᐃᑭᐊᖅᑭᕕᒃᑯᑦ ᐅᖃᕋᓴᒡᕕᖏᓐᓄᑦ ᑐᓴᖅᑕᕗᑦ ᖃᐅᔨᓴᖅᑕᐅᔾᔪᑎᖏᑕ ᖃᓄᐃᓕᖓᓂᖏᓐᓂᒃ.

ᖃᐅᔨᓴᖅᑕᐅᔪᑦ ᓴᖅᑭᑕᐅᔪᑦ ᐊᐱᖅᓱᖅᐸᓪᓕᐊᑎᓪᓗᒋᑦ 2019ᒥ 2021ᒧᑦ, 137 ᓄᓇᓕᖕᒥᐅᑦ ᐊᐱᖅᓱᖅᑕᐅᓚᐅᖅᑐᑦ ᐊᒃᑐᖅᑕᐅᓯᒪᔪᓂᒃ ᓄᓇᓕᖕᓂ ᓄᓘᔮᓕᕆᓂᕐᒧᑦ; ᒥᑦᑎᒪᑕᓕᒃ, ᐃᒡᓗᓕᒃ, ᓴᓂᕋᔭᒃ, ᐃᒃᐱᐊᕐᔪᒃ ᑲᖏᖅᑐᒑᐱᒡᓗ.

ᑐᓴᖅᑕᐅᔪᒪᓪᓗᐊᑕᓚᐅᕐᒪᑕ ᖃᐅᔨᒪᔭᑐᖃᕆᔭᐅᔪᑦ ᑭᓱᖃᕐᓂᐅᔪᓪᓗ ᐃᓄᐃᓪᓗ ᐃᓅᓯᕆᕙᒃᑕᖏᓐᓂᒃ ᓄᓘᔮᑉ ᐅᔭᕋᒃᓯᐅᕐᕕᖓᑕ ᖃᓂᒋᔮᓂᑦᑐᓂᒃ ᓄᓘᔮᓂᓗ ᐅᔭᕋᒃᓯᐅᕐᕕᐅᑉ ᑐᒡᓕᕆᓕᖅᑕᖓᓂ ᐱᓕᕆᐊᒃᓴ ᓯᕗᓂᒃᓴᑦᑎᓐᓂ ᐊᒃᑐᐃᑐᐃᓐᓇᕆᐊᖃᕐᓂᖏᓐᓂᒃ. ᓇᓗᓇᐃᔭᖅᑕᐅᓯᒪᔪᑦ ᐊᒃᑐᖅᑕᐅᓯᒪᔪᓂᒃ ᓄᓇᓕᖕᒥᐅᓂᒃ.

“ᐱᒻᒪᕆᕐᔪᐊᖑᖕᒪᑦ ᕿᑭᖅᑕᓃᒃᑯᑦ ᐃᓄᐃᑦ ᐅᖃᐅᓯᒃᓴᖏᓐᓂᒃ ᓴᖅᑭᑦᑏᔭᕆᐊᖃᕐᒪᑕ ᐱᒻᒪᕆᐅᒋᔭᐅᔪᓂᒃ ᐱᖅᑯᓯᖃᕐᕕᐅᓂᖏᓪᓗ ᓄᓇᑦ ᑭᓱᑐᐃᓐᓇᕐᓗ ᓄᓘᔮᑉ ᐅᔭᕋᒃᓯᐅᕐᕕᖓᓂ. ᑐᓴᖅᑕᕗᑦ ᖃᐅᔨᓴᓃᑦ ᑕᑯᑎᑦᑎᕗᑦ ᐃᓄᐃᑦ ᑐᓴᖅᑕᐅᓂᖏᓐᓂᒃ” ᐅᖃᖅᑐᖅ ᐅᓛᔪᒃ ᐊᑭᓱᒃ, ᕿᑭᖅᑕᓃᒃᑯᑦ ᐊᖓᔪᖅᑳᖓ.

ᐅᖃᕋᓴᒡᕕᐅᔪᑦ ᑕᑯᒋᐊᖅᑕᐅᔪᓐᓇᖅᑐᑦ ᑐᓴᖅᑕᕗᑦ ᖃᐅᔨᓴᖅᑕᐅᔪᑦ ᐅᓂᒃᑳᖏᓐᓂᒃ ᐃᑭᐊᖅᑭᕕᑦᑎᓐᓂ ᐅᕙᓂ: https://www.qia.ca/iu/ᑐᓴᖅᑕᕗᑦ/