ᐃᕐᖐᓐᓇᖅ ᑐᓴᖅᑕᐅᔭᕆᐊᓕᒃ

ᕿᑭᖅᑕᓃᒃᑯᑦ- ᑲᑎᒪᔨᕋᓛᙳᕈᒪᔪᓂᒃ ᑐᒃᓯᕋᐅᑎᖓ

 

ᔪᓚᐃ 29, 2022, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᕿᓂᖅᑐᑦ ᐃᕿᐊᓱᖏᑦᑎᐊᖅᑐᓂᒃ ᑲᑎᒪᔨᕋᓛᙳᕈᒪᔪᓂᒃ ᐅᑯᓄᖓ:

ᑲᑎᒪᔨᕋᓛᙳᕈᒪᔪᓂᒃ ᑐᒃᓯᕋᐅᑎ – ᓄᓇᕗᒻᒥ ᐃᒪᕐᒥᐅᑕᓕᕆᔨᒃᑯᑦ (ᐃᒪᕐᒥᐅᑕᓕᕆᔩᑦ)

ᐊᑕᐅᓯᕐᒥᒃ ᑲᑎᒪᔨᕋᓛᖑᓂᐊᕐᓗᓂ– ᐊᕐᕌᒍᓄᑦ ᐱᖓᓱᓄᑦ

ᐃᒪᕐᒥᐅᑕᓕᕆᔨᒃᑯᑦ ᐱᔪᒪᔪᑦ, ᑲᑎᒪᔨᕋᓛᖑᑎᓪᓗᒍ ᓚᐃᔭᓯᓕᕆᓂᕐᒥᒃ ᐃᓱᒪᒃᓴᖅᓯᐅᕈᑎᖃᖃᑦᑕᕐᓂᐊᕐᓗᓂ, ᐱᔾᔪᑎᒋᓪᓗᒍ ᑭᓱᑐᐃᓐᓇᑦᑎᐊᖅ ᐃᒪᕐᒥᒃ ᐊᑐᖅᑐᓂᒃ ᐃᒪᕐᓂᒃ ᑯᕕᐅᖅᑲᐅᔪᓂᒃ ᐊᓯᖏᓐᓂᓪᓗ ᐃᒪᓕᕆᖃᑦᑕᖅᑐᓂᒃ ᐊᑐᕐᑐᓂᒡᓗ, ᐱᔭᕆᐊᖃᕌᖓ, ᐃᓄᓕᒫᓂᒃ ᓈᓚᒃᑎᑦᑎᕙᒡᓗᑎᒃ.

ᓄᓇᕗᒻᒥ ᐃᒪᕐᒥᐅᑕᓕᕆᔩᑦ ᐱᔭᒃᓴᖃᖅᐳᑦ ᐱᔪᓐᓇᐅᑎᖃᖅᖢᑎᒡᓗ ᐊᑐᖅᑕᐅᓂᖓ, ᐊᐅᓚᑕᐅᓂᖓ ᒪᓕᒐᖅᑎᒎᖓᑎᑕᐅᓂᖓᓗ ᓄᓇᒦᑦᑐᓕᒫᑦ ᐃᒪᖏᓐᓂᒃ ᓄᓇᕗᒻᒥ ᑭᒡᒐᖅᑐᐃᖁᔭᐅᓪᓗᑎᒡᓗ ᓴᐳᔾᔨᓂᕐᒥᒃ ᐊᑐᖅᑎᑦᑎᐊᕐᓂᕐᒥᓪᓗ ᐃᒥᕐᓂᒃ ᓄᓇᕗᒻᒥ- ᑲᓇᑕᐅᑉ ᒥᕐᖑᐃᖅᓯᕕᓕᕆᔨᒃᑯᑦ ᐃᓚᐅᓇᑎᒃ –  ᑭᒡᒐᖅᑐᐃᔾᔪᑎᒋᓗᒋᑦ ᐃᒪᐅᑉ ᐃᑲᔪᖅᑕᐅᓛᖑᔭᕆᐊᖃᕐᓂᖓ ᑲᓇᑕᒥᐅᓄᑦ ᐱᓗᐊᖅᑐᒥ, ᓄᓇᕗᒻᒥᐅᓄᑦ.

ᐃᖅᑲᓇᐃᔮᓪᓚᑦᑖᑎᑐᑦ ᐱᖏᑦᑐᖅ ᐃᑲᕐᕋᓕᐅᖅᑎᑕᐅᖃᒃᑕᑐᐃᓐᓇᕐᓂᐊᖅᑐᖅ, ᑲᑎᒪᔾᔪᓯᐊᖅᑖᖅᑎᑕᐅᓂᒃᑯᑦ ᑲᑎᒪᔨᕋᓛᖑᓂᕐᒧᑦ ᐱᔭᒃᓴᕆᔭᖏᓐᓂᓪᓗ ᐱᓕᕆᓂᕐᒧᑦ ᓄᓇᕗᒻᒥ ᐃᒪᕐᒥᐅᑕᓕᕆᔨᒃᑯᓐᓄᑦ ᐱᓕᕆᐊᒃᓴᖏᓐᓂᒃ.

ᑲᑎᒪᔨᕋᓛᙳᕈᒪᔪᓂᒃ ᑐᒃᓯᕋᐅᑎ– ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᕋᓛᖏᑦ(ᓄᓇᕗᒻᒥ ᐆᒪᔪᓕᕆᔩᑦ) ᐊᑕᐅᓯᕐᒥᒃ ᑲᑎᒪᔨᕋᓛᖑᓂᐊᕐᓗᓂ ᒪᑐᐃᖓᔪᖅ  ᐊᕐᕌᒍᓄᑦ ᑎᓴᒪᓄᑦ

 

ᑎᑎᕋᖅᓯᒪᔪᖅ 5ᒥ ᒪᓕᒡᓗᒍ ᓄᓇᕗᑖᕐᓂᕐᒧᑦ ᐊᖏᖃᑎᒌᒍᑎ, ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯ ᓴᐳᔾᔨᔨᐅᖕᒪᑕ ᐆᒪᔪᕐᓂᒃ ᐆᒪᔪᓪᓗ ᐃᓂᒋᔭᖏᓂᒃ ᓯᕗᓂᒃᓴᑐᖄᓗᖕᒧᑦ ᐃᑲᔪᖅᑐᐃᖁᓪᓗᒋᑦ ᓄᓇᕗᒻᒥᐅᓂᒃ ᐃᒃᐱᒍᓱᒃᑎᐊᕐᓂᕐᓗ ᐊᑐᖅᑕᐅᓗᓂ ᐃᓄᐃᑦ ᐊᖑᓇᓱᒍᓐᓇᕐᓂᖏᓐᓂᒃ ᐱᖅᑳᕆᐊᖃᕐᓂᖏᓐᓂᓪᓗ.

ᐃᖅᑲᓇᐃᔮᓪᓚᑦᑖᑎᑐᑦ ᐱᖏᑦᑐᖅ ᐃᑲᕐᕋᓕᐅᖅᑎᑕᐅᖃᒃᑕᑐᐃᓐᓇᕐᓂᐊᖅᑐᖅ, ᑲᑎᒪᔾᔪᓯᐊᖅᑖᖅᑎᑕᐅᓂᒃᑯᑦ ᑲᑎᒪᔨᕋᓛᖑᓂᕐᒧᑦ ᐱᔭᒃᓴᕆᔭᖏᓐᓂᓪᓗ ᐱᓕᕆᓂᕐᒧᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᖏᓐᓄᑦ.

ᑲᑎᒪᔨᕋᓛᙳᕈᒪᔪᓂᒃ ᑐᒃᓯᕋᐅᑎ– ᑲᑭᕙᒃᑯᑦ ᐃᑲᔫᓯᐊᖅᑖᖅᑐᓕᕆᔩᒃ ᐊᑐᖅᑐᐊᖅᑏᓪᓗ ᐃᓗᐊᙱᓕᐅᕈᑎᖃᖅᑎᓪᓗᒋᑦ ᑲᑎᒪᔨᕋᓛᒃᓴᖅᑦ(ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐊᕐᕌᒍᓄᑦ ᐱᖓᓱᓄᑦ)

ᑲᑎᒪᔨᕋᓛᑦ ᑲᑎᖃᑦᑕᖅᑐᑦ ᕿᒥᕐᕈᐃᔭᕆᐊᖃᓕᕌᖓᑕ  ᑐᒃᓯᕋᐅᑏᑦ ᐃᓗᐊᖏᓕᐅᕈᑎᖃᕌᖓᑕ ᑮᓇᐅᔭᖅᑖᖅᑎᑕᐅᖏᓐᓂᒃᑯᓪᓘᓐᓃᑦ ᑲᑭᕙᒃᑯᓐᓄᑦ ᑐᒃᓯᕋᖅᓯᒪᔭᕋᓗᐊᖏᓐᓂᒃ ᐱᔨᑦᑎᕋᐅᑎᖏᒍᓪᓘᓐᓃᑦ. ᑲᑎᒪᔨᕋᓛᖑᕐᓂᐊᖅᑐᖅ ᐃᖅᑲᓇᐃᔭᖅᑎᐅᔭᕆᐊᖃᖏᑦᑐᖅ ᑲᑭᕙᒃᑯᓐᓄᑦ, ᕿᑭᖅᑕᓂᒃᑯᓐᓄᑦ ᐊᓯᖏᓐᓄᓪᓗ ᐊᒃᑐᐊᖓᓂᖃᖅᑎᓪᓗᒍᑦ ᑮᓇᐅᔭᓕᕆᔭᐅᑎᓪᓗᖏᓪᓗ ᕿᑭᖅᑕᓃᒃᑯᓐᓂ.

ᐃᖅᑲᓇᐃᔮᓪᓚᑦᑖᑎᑐᑦ ᐱᖏᑦᑐᖅ ᐃᑲᕐᕋᓕᐅᖅᑎᑕᐅᖃᒃᑕᑐᐃᓐᓇᕐᓂᐊᖅᑐᖅ, ᑲᑎᒪᔾᔪᓯᐊᖅᑖᖅᑎᑕᐅᓂᒃᑯᑦ ᑲᑎᒪᔨᕋᓛᖑᓂᕐᒧᑦ ᐱᔭᒃᓴᕆᔭᖏᓐᓂᓪᓗ ᐱᓕᕆᓂᕐᒧᑦ ᑲᑭᕙᒃᑯᑦ ᐃᑲᔫᓯᐊᖅᑖᖅᑐᓕᕆᔩᒃ ᐊᑐᖅᑐᐊᖅᑏᓪᓗ ᐃᓗᐊᙱᓕᐅᕈᑎᖃᖅᑎᓪᓗᒋᑦ ᑲᑎᒪᔨᕋᓛᖏᓐᓄᑦ.

ᑲᑎᒪᔨᕋᓛᙳᕈᒪᔪᓂᒃ ᑐᒃᓯᕋᐅᑎ –ᕿᑭᖅᑖᓗᒃ ᑯᐊᐳᕋᐃᓴᒃᑯᓐᓄᑦ ᐊᑕᐅᓯᖅ ᑲᑎᒪᔨᖃᓛᒃᓴᖅ ᐊᕐᕌᒍᓄᑦ ᐱᖓᓱᓄᑦ

 

ᕿᑭᑖᓗᒃ ᑯᐊᐳᕋᐃᓴᒃᑯᑦ ᓇᖕᒥᓂᕆᔭᐅᖕᒪᑕ ᕿᑭᖅᑕᓃᒃᑯᓐᓂ. ᕿᑭᖅᑖᓗᒃ ᑯᐊᐳᕋᐃᓴᒃᑯᑦ ᑮᓇᐅᔭᓂᒃ ᐱᕈᖅᓴᐃᕕᖃᒋᖦᓗᑎᒃ ᐱᓕᕆᔨᐅᔪᑦ ᐃᖅᑲᓇᐃᔭᖅᑎᑦᑎᔨᐅᖕᒪᑕ ᑮᓇᐅᔭᓕᕆᔨᐅᓪᓗᑎᒡᓗ ᐃᓄᖕᓄᑦ ᕿᑭᖅᑖᓗᖕᒥ.

ᐃᖅᑲᓇᐃᔮᓪᓚᑦᑖᑎᑐᑦ ᐱᖏᑦᑐᖅ ᐃᑲᕐᕋᓕᐅᖅᑎᑕᐅᖃᒃᑕᑐᐃᓐᓇᕐᓂᐊᖅᑐᖅ, ᑲᑎᒪᔾᔪᓯᐊᖅᑖᖅᑎᑕᐅᓂᒃᑯᑦ ᑲᑎᒪᔨᕋᓛᖑᓂᕐᒧᑦ ᐱᔭᒃᓴᕆᔭᖏᓐᓂᓪᓗ ᐱᓕᕆᓂᕐᒧᑦ ᕿᑭᖅᑖᓗᒃ ᑯᐊᐳᕋᐃᓴᒃᑯᑦ.

 

 

ᑲᑎᒪᔨᕋᓛᙳᕈᒪᔪᓂᒃ ᑐᒃᓯᕋᐅᑎ – ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᓐᓄᑦ

ᐊᑕᐅᓯᕐᒥᒃ ᑲᑎᒪᔨᕋᓛᖑᔪᒃᓴᒥᒃ – ᐊᕐᕌᒍᓄᑦ ᐱᖓᓱᓄᑦ

ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᑦ ᓴᖅᑭᔮᖅᑎᑦᑎᔨᐅᖕᒪᑕ ᐃᓄᐃᑦ ᐱᖅᑯᓯᖏᑦ ᐅᖃᐅᓯᖏᓪᓗ ᓴᖅᑭᔮᖅᑎᑕᐅᔭᕆᐊᖃᕐᓂᖏᓐᓄᑦ ᑕᕐᕆᔭᐅᓯᓕᕆᓂᒃᑰᕐᓗᑎᒃ. ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᑦ ᑕᕐᕋᔭᒐᒃᓴᖏᑦ ᐱᖅᑯᓯᓂᒃ ᑐᓴᐅᒪᔾᔪᑎᓂᒡᓗ ᐊᒃᑐᐊᖕᒪᑕ ᐃᓄᐃᑦ ᐱᔪᓐᓇᐅᑎᒋᖕᒪᒍᑦ ᐃᓱᒪᖅᓱᑏᒋᓪᓗᓂᐅᒡᓗ ᑐᑯᒃᓴᕈᖁᔭᖏᓐᓂᒃ.

ᐃᖅᑲᓇᐃᔮᓪᓚᑦᑖᑎᑐᑦ ᐱᖏᑦᑐᖅ ᐃᑲᕐᕋᓕᐅᖅᑎᑕᐅᖃᒃᑕᑐᐃᓐᓇᕐᓂᐊᖅᑐᖅ, ᑲᑎᒪᔾᔪᓯᐊᖅᑖᖅᑎᑕᐅᓂᒃᑯᑦ ᑲᑎᒪᔨᕋᓛᖑᓂᕐᒧᑦ ᐱᔭᒃᓴᕆᔭᖏᓐᓂᓪᓗ ᐱᓕᕆᓂᕐᒧᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᓐᓄᑦ.

ᐱᓕᕆᖃᑎᒌᒡᓗᑎᒃ ᒥᕐᖑᐃᖅᓯᕕᔨᕆᔨᒃᑯᑦ ᑲᑎᒪᔨᕋᓛᖏᑦ ᐃᓚᒋᔭᐅᔪᒃᓴᒥᒃ ᕿᓂᕐᒥᔪᑦ ᐅᑯᓄᖓ

ᑲᓇᑕᐅᑉ ᒥᕐᖑᐃᖅᓯᕕᖏᑦ

• ᐊᐅᔪᐃᑦᑐᖅ ᒥᕐᖑᐃᖅᓯᕕᓕᕆᔨᒃᑯᑦ ᐃᑲᔪᖃᑎᒌᒡᓗᑎᒃ ᑲᑎᒪᔨᕋᓛᖅ – ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐃᓐᓄᒃᐸᑦ ᑭᓯᐊᓂ
• ᓯᕐᒥᓕᒃ ᒥᕐᖑᐃᖅᓯᕕᓕᕆᔩᑦ ᐃᑲᔪᖃᑎᒌᒡᓗᑎᒃ ᑲᑎᒪᔨᕋᓛᖅ – ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐃᓐᓄᒃᐸᑦ ᑭᓯᐊᓂ
• ᖃᐅᓱᐃᑦᑐᖅ ᒥᕐᖑᐃᖅᓯᕕᓕᕆᔩᑦ ᐃᑲᔪᖃᑎᒌᒡᓗᑎᒃ ᑲᑎᒪᔨᕋᓛᖅ – ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐃᓐᓄᒃᐸᑦ ᑭᓯᐊᓂ

ᓄᓇᕗᒻᒥ ᒥᕐᖑᐃᖅᓯᕕᓕᕆᔨᒃᑯᑦ

• ᐃᖃᓗᖕᓂ ᐃᑲᔪᖃᑎᒌᒡᓗᑎᒃ ᑲᑎᒪᔨᕋᓛᖅ – ᐃᖃᓗᐃᑦ ᑰᖓᓄᑦ ᑲᑎᒪᔨᕋᓛᒃᓴᒥᒃ ᐊᒻᒪᓗ ᖃᐅᒪᕐᕖᑦ ᒥᕐᖑᐃᖅᓯᕕᖓᓄᑦ- ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐊᕐᕌᒍᓄᑦ ᐱᖓᓱᓄᒃ
• ᓴᓂᑭᓗᐊᕐᒥ ᐃᑲᔪᖃᑎᒌᒡᓗᓂ ᒥᕐᖑᐃᖅᓯᕕᓕᕆᔨᒃᑯᑦ ᑲᑎᒪᔨᕋᓛᒃᓴᖓᓂ ᑭᙶᓘᑉ ᒥᕐᖑᐃᖅᓯᕕᖓᓄᑦ, ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐊᕐᕌᒍᓄᑦ ᐱᖓᓱᓄᑦ
• ᓄᓇᕗᒻᒥ ᐃᑲᔪᖃᑎᒌᒡᓗᓂ ᒥᕐᖑᐃᖅᓯᕕᓕᕆᓂᕐᒧᑦ ᑲᑎᒪᔨᕋᓛᖅ, ᐊᑕᐅᓯᕐᒥᒃ ᑲᑎᒪᔨᕋᓛᒃᓴᒥᒃ, ᐊᕐᕌᒍᓄᑦ ᑎᓴᒪᓄᑦ

ᑲᑎᒪᔨᕋᓛᖑᖃᑕᐅᔪᒪᒍᕕᑦ ᓇᓕᐊᖕᓄᑎᐃᓐᓇᖅ ᑲᑎᒪᔨᕋᓛᖃᕐᕕᖕᓄᑦ ᑐᓴᕆᐊᒃᑲᓐᓂᕈᑎᒋᔪᒪᒍᕕᐅᒡᓘᓐᓃᑦ, ᑐᓴᕆᐊᕐᕕᒋᔪᓐᓇᖅᐸᑦ:

ᕿᑭᖅᑕᓃᒃᑯᑦ ᑭᒡᒐᖅᑐᐃᔪᓕᕆᓂᕐᒧᑦ ᐊᐅᓚᑦᑎᔨ

ᐃᕐᖐᓐᓈᖅᑕᐅᑎᒃᑯᑦ: nominations@QIA.ca
ᐅᖄᓚᐅᑖ: 867-975-8417

ᐅᕝᕙᓘᓐᓃᑦ

ᑐᓴᕆᐊᕐᕕᒋᓗᒋᑦ ᓄᓇᔅᓯᓐᓂ ᑭᒡᒐᖅᑐᖅᑑᑦ ᐃᑲᔪᖅᑕᐅᔪᒪᓐᓂᕈᔅᓯ.

ᑲᑎᒪᔨᕋᓛᖑᕈᒪᓂᕐᒧᒃ ᑐᒃᓯᕋᐅᑏᑦ ᒪᑐᕕᖃᕐᓂᖅᑐᑦ ᓯᑎᒋᕆ 2^ᒥ, 2022 5:00ᒥ ᐅᓐᓄᓴᒃᑯᑦ .