ᕿᑭᖅᑕᓃᒃᑯᑦ ᑐᙵᓴᐃᕗᑦ ᐃᓐᓇᕐᓂᒃ ᓄᓇᓕᖕᓂᙶᖅᓯᒪᔪᓂᑦ ᕿᑭᖅᑖᓗᖕᒥ ᐃᖃᓗᖕᓄᑦ.
ᐱᓇᓱᐊᕈᓯᐅᓚᐅᖅᑐᒥᒃ, ᓯᑎᐱᕆ 4ᒥᑦ – 7ᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᖅᑲᓇᐃᔭᕐᕕᖓ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐃᓚᐅᑎᑦᑎᓂᕐᒧᓪᓗ ᑐᙵᓱᒃᑎᑦᑎᓚᐅᖅᑐᑦ ᐃᓐᓇᕐᓂᒃ ᓄᓇᓕᖕᓂᙶᖅᑐᓂᑦ ᕿᑭᖅᑖᓗᖕᒥ ᐃᖃᓗᖕᓄᑦ ᑲᑎᒪᔭᖅᑐᖅᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᑕ ᒥᒃᓵᓄᑦ ᐊᒻᒪᓗ ᐃᓕᖃᑦᑕᐅᑎᓗᑎᒃ ᐃᓐᓇᐅᖃᑎᒋᔭᒥᓂᑦ..
ᑲᑎᒪᔾᔪᑎᒃᓴᓪᓚᑦᑖᖅᑕᖃᙱᑦᑐᖅ ᑕᒪᑐᒧᖓ ᑲᑎᓐᓂᐅᔪᒥᒃ, ᑭᓯᐊᓂᖔᖅ ᑖᒃᑯᐊ ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᑦ ᑲᑎᒪᑎᑦᑎᓗᑎᒃ ᐊᒻᒪᓗ ᐊᔾᔨᒌᙱᑦᑐᓂᒃ ᐅᖃᐅᓯᒃᓴᕆᔭᐅᔪᓐᓇᖅᑐᓂᒃ ᐅᖃᐅᓯᖃᖃᑦᑕᕐᓗᑎᒃ ᐊᔾᔨᒌᙱᑦᑑᑎᓂᒃ ᐊᒻᒪᓗ ᐃᓐᓇᐃᑦ ᐅᖃᓪᓚᒍᓐᓇᖅᑎᑕᐅᓪᓗᑎᒃ ᖃᐅᔨᒪᔭᖏᓐᓂᒃ ᐊᒻᒪᓗ ᐅᓂᒃᑳᕈᓘᔭᕈᓐᓇᖅᖢᑎᒃ.
ᑖᒃᑯᐊ ᐅᖃᐅᓯᐅᓚᐅᖅᑐᑦ ᐊᔾᔨᒌᙱᑦᑐᑦ:
- ᖃᔭᓕᐅᕐᓂᕐᒥᒃ
- ᐃᓄᐃᑦ ᐊᑦᑎᖅᓯᖃᑦᑕᕐᓂᖏᑕ ᒥᒃᓵᓄᑦ,
- ᐅᒪᔪᐃᑦ ᐊᐅᓚᓂᖏᓐᓂᒃ, ᐊᑐᖅᑕᐅᓂᖏᓐᓂᒃ ᐊᒻᒪ ᐊᖑᔭᐅᓂᖏᑦ ᐃᒪᕐᒥᐅᑕᐃᑦ ᓄᓇᒥᐅᑕᐃᓪᓗ ᐊᒻᒪᓗ ᑎᖕᒥᐊᑦ ᒥᒃᓵᓄᑦ,
- ᖃᓄᖅ ᐃᖃᓪᓕᕿᔪᓐᓇᕐᒪᖔᑖᒃ ᓯᓚ ᒪᓕᓪᓗᒍ ᐊᕐᕌᒎᑉ ᐃᓗᐊᓂ,
- ᐊᐳᑎᐅᑉ ᐊᒻᒪᓗ ᐃᒡᓗᕕᒐᓕᐅᕐᓂᐅᑉ ᒥᒃᓵᓄᑦ
ᑖᓐᓇ ᑲᑎᓐᓂᐅᔪᖅ ᑲᔪᓯᑦᑎᐊᓚᐅᖅᑐᖅ ᑎᒥᐅᔫᑉ ᓴᖅᑭᑕᖓᓂᒃ ᐊᒻᒪᓗ ᕿᑭᖅᑕᓃᒃᑯᑦ ᐸᕐᓇᒃᓯᒪᔪᑦ ᐱᖃᓯᐅᑎᓂᐊᖅᖢᑎᒃ ᒪᒃᑯᒃᑐᓂᒃ ᑭᖑᓪᓕᕐᒥ ᑲᑎᒪᑎᑦᑎᓕᕐᒥᒍᑎᒃ ᑕᐅᖅᓰᖃᑦᑕᐅᔪᓐᓇᕐᓂᐊᕐᒪᑕ ᖃᐅᔨᒪᔭᖏᓐᓂᒃ. ᕿᑭᖅᑕᓃᒃᑯᑦ ᐸᕐᓇᒃᓯᒪᖕᒥᔪᑦ ᑲᑎᖅᓱᐃᓗᑎᒃ ᐃᓕᐅᖅᑲᕐᓗᒋᓪᓗ ᖃᐅᔨᒪᔭᐅᔪᑦ ᑐᓂᐅᖅᑲᐅᑕᐅᓗᑎᒃ ᐊᒻᒪᐸᐸᑕᐅᑦᑎᐊᕈᓐᓇᕐᓗᑎᓪᓗ.
Recent Posts
