ᐃᖃᓗᐃᑦ, ᓄᓇᕗᑦ – ᓯᑎᐱᕆ  17, 2021 – ᐃᓚᒋᔭᐅᖃᑕᐅᑎᓪᓗᒍ ᐃᑲᔪᕋᓱᐃᓐᓇᖅᓯᒪᑎᓪᓗᒋᑦ ᐃᓄᖕᓂ ᕿᑭᖅᑕᓂᒥᐅᓂᒃ ᓄᕙᓐᓇᕐᔪᐊᖅ-19 ᐊᑐᖅᑎᓪᓗᒍ, ᕿᑭᖅᑕᓃᒃᑯᑦ ᐊᑐᕐᓂᐊᖅᑐᑦ ᑮᓇᐅᔭᓂᒃ  $110,000ᓂ ᓂᕿᑖᕈᑎᖃᖅᑎᑦᑎᓗᑎᒃ  ᓄᓇᕗᒥ ᐅᑭᐅᖅᑕᖅᑐᒥ  ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑐᓄᑦ ᐃᖃᓗᓐᓂ, ᓄᓇᕗᒥ.

“ᑖᒃᑯᐊ ᓂᕿᑖᕈᑎᑦ ᐃᑲᔪᕐᓂᐊᕐᒪᑕ ᐃᓕᓐᓂᐊᖅᑎᓂᒃ ᐃᓚᒋᔭᖏᓐᓂᓗ ᐊᐅᓪᓚᕆᐅᖅᑐᓂᒃ ᐊᖏᕋᕆᔭᖏᓐᓂᑦ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐅᓛᔪᒃ ᐊᑭᓱᒃ. “ᓂᕿᒃᓴᑭᓪᓕᐅᖁᓇᒋᑦ ᐃᓕᓐᓂᐊᖅᑎᑦ ᐃᓱᒫᓘᒋᐊᖃᙱᓪᓗᑎᓪᓗ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕋᓱᒃᑎᓪᓗᒋᑦ.”

ᐊᑐᓂ ᐃᓄᒃ ᐃᓕᓐᓂᐊᖅᑎ ᑎᓴᒪᓂᒃ ᓂᐅᕕᕈᑎᑖᖅᑎᑕᐅᓂᐊᖅᑐᑦ ᐊᑭᖃᖅᑐᓂᒃ ᑲᑎᓪᓗᒋᑦ $550ᓂ ᐊᑐᖅᑕᐅᔪᓐᓇᖅᑐᓄᑦ ᐋᑎᒃ ᕕᐊᓐᓱᔅ (ᓴᓪᓗᕕᓂᖅ) ᐊᒻᒪᓗ ᓂᐅᕕᕐᕕᖕᒥ.  ᑖᒃᑯᐊ ᑮᓇᐅᔭᐃᑦ ᐱᓯᒪᔪᑦ ᒐᕙᒪᑐᖃᒃᑯᑦ ᐃᓄᓕᕆᔨᑐᖃᒃᑯᓐᓂᑦ ᐃᑲᔫᑎᒋᔭᐅᔪᓄᑦ ᓄᓇᓕᖕᓄᑦ ᓄᕙᓐᓇᕐᔪᐊᖃᖅᑐᓄᑦ.

ᐃᓄᐃᑦ ᐃᓕᓐᓂᐊᖅᑎᑦ ᓂᐅᕕᕈᑎᓂᒃ ᑐᓂᔭᐅᖃᑦᑕᕐᓂᐊᖅᑐᑦ ᑕᐃᑲᓂ ᓄᓇᕗᒥ ᓯᓚᑦᑐᖅᓴᕐᕕᖕᒥ.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᕕᐅᓪ ᕼᐋᑉᑭᓐᔅ,
ᑭᖑᕝᕕᖅᓯᒪᔪᖅ ᑐᑭᒧᐊᒃᑎᑦᑎᔨᒥᒃ ᑐᓴᐅᒪᖃᑦᑕᐅᑎᓄᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413/1.800.667.2742