ᕿᑭᖅᑕᓃᒃᑯᑦ ᐸᕕᓐᓛᑯᓪᓗ ᐊᖏᖅᐳᑦ 2017ᒧᑦ ᐊᖏᕈᑎᓂᑦ ᐱᓕᕆᐊᒃᓴᓄᑦ ᐸᕐᓇᐅᑎᒥᒃ ᓄᓘᔮᑦ ᐅᔭᕋᕐᓂᐊᕐᕕᐊᓄᑦ
ᓴᖅᑭᑎᑕᐅᔪᖅ: ᒪᐃ 15, 2017
ᓇᒥ: ᐃᒃᐱᐊᕐᔪᒃ, ᓄᓇᕗᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐸᕕᓐᓛᓐ ᓴᕕᕋᔭᒃᓴᓂ ᐅᔭᕋᕐᓂᐊᕕᓕᕆᓂᕐᒧᑦ ᑯᐊᐳᕇᓴᒃᑯᖏᑦ ᐊᖏᓚᐅᖅᑐᑦ ᓯᕗᓪᓕᖅᐹᒥᒃ ᐊᕐᕌᒍᑕᒫᕐᒧᑦ ᐱᓕᕆᐊᖑᓂᐊᖅᑐᓄᑦ ᐸᕐᓇᐅᑎᒥᒃ ᓄᓘᔮᑦᓄ ᐃᓄᐃᑦ ᐊᑦᑐᖅᑕᐅᓂᐊᕐᓂᖏᓐᓂᒃ ᐱᕚᓪᓕᕈᑎᒃᓴᖏᓐᓂᒃ ᐊᖏᕈᑎᒥ ᑖᒃᑯᐊ ᑲᑐᔾᔨᓂᒃᑯᑦ ᐊᖏᕈᑎᓕᕆᓂᕐᒧᑦ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ ᐃᒃᐱᐊᕐᔪᖕᒥ ᑲᑎᒪᑎᓪᓗᒋᑦ.
ᑐᕌᒐᒃᓴᕆᔭᐅᔪᑦ 2017ᒧᑦ ᐊᖏᕈᑎ ᐊᑐᓕᖅᑎᑕᐅᓂᖓᓄᑦ ᐸᕐᓇᐅᑎ ᐅᓄᖅᓯᒋᐊᖅᓯᒍᒪᓪᓗᑎᒃ ᐃᓄᐃᑦ ᐃᖅᑲᓇᐃᔭᖅᑐᓂ ᐃᓕᓐᓂᐊᖅᑎᑕᐅᔪᓂᓪᓗ.
ᐱᓕᕆᐊᒃᓴᐃᑦ ᐃᓚᖏᑦ 2017ᒥ ᐊᖏᕈᑎᒥᒃ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᒋᔭᐅᓯᒪᔪᑦ:
- ᐱᔭᕇᖅᑕᐅᓂᖓ ᐃᓄᓐᓂᑦ ᐃᖅᑲᓇᐃᔭᖅᑎᖃᓂᕐᒧᑦ ᐸᕐᓇᐅᑎᖓ,
- ᐱᔭᕇᖅᑕᐅᓂᖓ ᐃᓄᓐᓂᑦ ᐃᓚᐅᑎᑦᑎᓂᕐᒧᑦ ᐊᒻᒪ ᑳᓐᑐᕌᓕᕆᓂᕐᒧᑦ ᐸᕐᓇᐅᑎᖓᓂ,
- ᐊᖏᖅᑕᐅᓗᓂ ᒥᑭᓐᓂᖅᐹᕆᔪᓐᓇᖅᑕᖏᓐᓂᒃ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐸᕐᓇᐅᑎᖓ,
- ᐊᖏᖅᑕᐅᓂᖓ ᐃᖅᑲᓇᐃᔭᖅᑎᖃᕐᓂᕐᒧᑦ ᐃᓕᓐᓂᐊᖅᑎᑕᐅᓂᖏᓐᓂᓪᓗ ᐸᕐᓇᐅᑎᖓ,
- ᐱᕙᓪᓕᐊᑎᑕᐅᓗᓂ ᐊᒻᒪ ᐱᔭᕇᖅᑕᐅᓗᓂ ᐃᖅᑲᓇᐃᔭᕐᕖᑦ ᖃᓄᐃᓐᓂᕆᔭᖏᓐᓂᒃ ᕿᒥᕐᕈᓂᖓ .
ᐸᕕᓐᓛᓐᑯᑦ ᐊᒻᒪᓗ ᕿᑭᖅᑕᓃᒃᑯᑦ ᑭᒡᒐᖅᑐᖅᑎᑦ ᓇᓗᓇᐃᖅᓯᓯᒪᔪᑦ ᐃᑲᔫᑎᒃᓴᖅᑖᒃᑲᓐᓂᕐᓂᐊᕐᓂᖏᓐᓄᑦ, ᓄᑖᓂᓗ ᐸᕐᓇᐅᑎᖃᕐᓂᖅ ᐊᒻᒪᓗ ᑲᑐᔾᔨᖃᑎᒌᑦᑎᐊᕐᓂᖅᓴᐅᓗᑎᒃ ᐊᑐᓕᖅᑎᑕᐅᓂᕆᔭᖓᓂ ᐊᖏᕈᑎ. ᐱᖃᓯᐅᑎᓪᓗᒋᑦ ᐃᖅᑲᓇᐃᔭᖅᑎᑦ ᐃᓕᓐᓂᐊᖅᑎᑕᐅᓂᖏᓐᓄᑦ ᐱᓕᕆᐊᒃᓴᖓᓂ ᐃᓄᓐᓄᑦ ᐃᖅᑲᓇᐃᔭᕈᒪᔪᓄᑦ ᐸᕕᓐᓛᓐᑯᓐᓂ, ᐱᕙᓪᓕᐊᑎᑕᐅᓂᖓ ᐃᓕᓐᓂᐊᖅᑎᑕᐅᓯᓐᓈᕐᓗᑎᒃ ᐃᖅᑲᓇᐃᔭᕆᐅᖅᓴᖅᑎᑕᐅᓗᑎᒃ ᐃᓄᐃᑦ ᐃᖅᑲᓇᐃᔮᖅᑖᕈᒪᓂᐊᖅᑐᓄᑦ ᐅᔭᕋᕐᓂᐊᕐᕕᖕᒥ, ᓴᖅᑭᔮᒃᑲᓐᓂᕐᓗᑎᒃ ᐸᕕᓐᓛᓐᑯᑦ ᕿᑭᖅᑖᓘᑉ ᐅᐊᖕᓇᖓᓂ ᓄᓇᓕᓐᓂ ᐊᒻᒪᓗ ᑲᑐᔾᔨᖃᑎᖃᒃᑲᓐᓂᕐᓗᑎᒃ ᓯᓚᑖᓂᑦ ᑐᒃᓯᕋᕐᕕᐅᒍᓐᓇᖅᑐᓂᒃ, ᓱᕐᓗ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃᑯᑦ.
ᕿᑭᖅᑕᓃᒃᑯᑦ ᐸᕕᓐᓛᑯᓪᓗ ᓂᕆᐅᒋᔭᖃᖅᑐᑦ ᑲᑐᔾᔨᖃᑎᖃᕐᓂᐊᕐᓂᖏᓐᓂ ᐃᓄᓐᓂ ᕿᑭᖅᑕᓂ ᓄᓇᓕᖕᓂ ᐊᑐᓕᖅᑎᑕᐅᓂᐊᕐᓂᕆᔭᖓᓂᒃ 2017ᒥ ᐊᖏᕈᑎᒥᒃ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᒥᒃ.
ᐊᖏᕈᑎᓕᕆᓂᕐᒧᑦ ᑲᑎᒪᔨᕋᓛᖏᓐᓂᒃ ᐃᒃᓯᕙᐅᑕᐅᑎᓪᓗᒋᑦ, ᕿᑭᖅᑕᓃᒃᑯᑦ ᓯᕗᓕᖅᑎᖓ ᓕᕙᐃ ᐸᓇᐹᓯ ᐊᒻᒪᓗ ᐸᕕᓐᓛᓐᑯᑦ ᐊᖓᔪᖅᑳᖓᑕ ᑐᖏᓕᐊ ᒪᑭᒪᔪᓕᕆᓂᕐᒧᑦ ᑖᑦ ᐳᓕᖕᒐᐃᒻᓗ ᓯᕗᒃᑲᖅᑕᖅᑎᒋᔭᐅᓂᐊᖅᑐᑦ ᐊᑐᓕᖅᑎᑕᐅᓂᕆᔭᖓᓂ ᐊᖏᕈᑎᒥ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᖓᓂ, ᖃᐅᔨᓴᖅᑎᒋᔭᐅᓂᐊᖅᖢᓂ ᐅᓂᒃᑳᕐᕕᐅᒋᐊᖃᕐᓂᐊᖅᖢᓂᓗ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ ᐊᒻᒪᓗ ᐸᕕᓐᓛᓐᑯᑦ ᐊᐅᑦᑎᔨᒻᒪᕆᖓᑦ ᐳᕋᐃᔭᓐ ᐱᐊᓂ.
ᑖᓐᓇ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᖓ ᓴᖅᑭᓚᐅᖅᑐᖅ ᓄᓘᔮᑦ ᐱᓕᕆᐊᕐᒥᑦ ᕿᒥᕐᕈᓂᐅᓚᐅᖅᑐᒥᑦ ᐃᒃᐱᐊᕐᔪᖕᒥ ᒪᐃ 9 ᐊᒻᒪ 10ᒥ.
ᐊᕐᕌᒍᑕᒫᕐᒥ ᕿᒥᕐᕈᓂᖓᑕ ᑲᑎᒪᓂᖓ ᑭᖑᓂᐊᓂ, ᕿᑭᖅᑕᓃᒃᑯᑦ ᐸᕕᓐᓛᑯᓪᓗ ᐅᓂᒃᑳᓕᐅᓛᖅᑐᑦ ᐱᖃᓯᐅᑎᓪᓗᑎᒃ ᐊᑐᓕᖁᔭᐅᓯᒪᔪᓂᒃ ᓴᖅᑭᓯᒪᔪᓂᑦ ᐃᓱᒫᓘᑎᒋᔭᐅᓚᐅᖅᑐᓂᑦ ᓄᓇᓕᓐᓂᑦ ᑲᑎᒪᔭᖅᑐᖃᑕᐅᓚᐅᖅᑐᓄᑦ. ᕿᑭᖅᑕᓃᒃᑯᑦ ᐸᕕᓐᓛᓐᑯᓪᓗ ᑭᐅᒋᐊᖃᕐᓂᐊᖅᑐᖅ ᖃᓄᖅ ᐱᓕᕆᐊᖃᕐᓂᐊᕐᒪᖔᑖᒃ ᑖᒃᑯᐊ ᐊᑐᓕᖁᔭᐅᓯᒪᔪᑦ ᐱᔾᔪᑎᒋᓪᓗᒋ ᓴᖅᑭᓚᐅᖅᑐᓂᑦ ᐊᕐᕌᒍᑕᒫᕐᒥ ᕿᒥᕐᕈᓂᐅᓚᐅᖅᑐᒥᑦ ᑲᑎᒪᓂᖓᓂᑦ. ᑖᓐᓇ ᐅᓂᒃᑳᓕᐊᖅ ᓇᒃᓯᐅᔾᔭᐅᓚᐅᖅᑐᖅ ᑲᑎᒪᖃᑕᐅᓚᐅᖅᑐᓄᑦ ᐊᒻᒪᓗ ᐃᓄᓐᓄᑦ ᑕᑯᔭᐅᔪᓐᓇᖅᓯᓗᓂ 90ᓂ ᐅᓪᓗᓂ ᑖᓐᓇ ᕿᒥᕐᕈᓂᐅᓚᐅᖅᑐᖅ
ᑐᑭᓯᒃᑲᓐᓂᕆᐊᖃᕈᕕᑦ ᑐᑭᓯᒋᐊᕐᕕᒃᓴᖅ:
ᓰᒪ ᓴᕼᐋ ᓯᐊᕋᕼᐃ,
ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
867.975.8413 ᐅᕝᕙᓘᓐᓃᑦ 1.800.667.2742
szerehi@qia.ca
ᔭᐃᓯ ᓖᑦ
ᑐᓴᐅᒪᖃᑦᑕᐅᑎᓕᕆᔨ
ᐸᕕᓐᓛᓐ ᐅᔭᕋᕐᓂᐊᕐᕕᐊᓄᑦ
ᐅᖄᓚᐅᑎᖓ: (416) 364-8820 ᐅᐃᒍᖓ. 5032
ᑎᒍᒥᐊᒐᖅ ᐅᖄᓚᐅᑎᕋᓛᖅ: (416) 529-2624
Jason.Leite@baffinland.com