ᐃᖃᓗᐃᑦ, ᓄᓇᕗᑦ, ᐅᑐᐱᕆ 11 2024– ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐅᓪᓗᒥ ᑲᑎᒪᓂᕆᔭᖓ ᐊᕐᕌᒍᑕᒫᖅᓯᐅᑎᓕᕆᓂᖓᓗ ᐃᓱᓗᓚᐅᑲᒃᑭᕗᖅ.
ᐅᔾᔨᕐᓇᖅᑐᓂᒃ ᐱᖁᔨᕗᖔᕈᑎᖃᓚᐅᖅᑐᑦ ᑕᒪᑐᒥᓂ ᐱᓇᓱᐊᕈᓯᕐᒥᒃ ᑲᑎᒪᓂᖃᖅᑎᓪᓗᒋᑦ:
- ᐊᖏᖅᑕᐅᖁᓪᓗᒍ ᐊᖓᔪᖅᑳᑉ ᑐᒡᓕᖓᑕ ᐃᓂᖓ ᐅᓪᓗᓕᒫᖅ ᐃᖅᑲᓇᐃᔮᓪᓚᑦᑖᙳᕐᓗᓂ;
- ᐊᖏᖅᑕᐅᖁᓪᓗᒍ ᑎᓕᔭᐅᓯᒪᔪᖅ ᕿᑭᖅᑕᓃᒃᑯᓐᓄᑦ ᐊᖓᔪᖅᑳᖓᑕ ᐱᓕᕆᐊᖏᑦ ᐃᓇᖏᖅᓯᓯᒪᔫᑉ, ᒪᓕᑦᑎᐊᕋᓗᐊᕐᒪᖔᑕᓗ ᕿᑭᖅᑕᓃᒃᑯᑦ ᐱᖁᔨᕗᖔᖅᓯᒪᔭᑐᖃᖏᓐᓂ, ᑎᓕᓯᔪᓐᓇᖁᓪᓗᒍ ᑐᑭᒧᐊᒍᑎᒃᓴᖓᓂᒃ ᐃᑲᔪᖅᑕᐅᔾᔪᑎᒃᓴᖓᓂᓪᓗ ᕿᑭᖅᓃᒃᑯ ᐱᓕᕆᐊᒃᓴᓄᑦ ᑮᓇᐅᔭᓕᕆᑎᓪᓗᒋᑦ ᐅᑕᖅᑭᑎᓪᓗᒋᓪᓗ ᐋᔩᕋᕈᑎᒋᔭᐅᓵᖅᑐᓂᒃ ᐊᖏᖃᑎᒌᒍᑎᓂᒃ.
- ᐊᖏᖅᑕᐅᖁᓪᓗᒍ ᕿᑭᖅᑕᓂᐃ ᐃᓄᖕᓄᑦ ᓴᐳᔾᔭᐅᓯᒪᔪᑦ ᐸᖅᑭᔭᐅᔭᕿᐊᓖᓪᓗ ᐱᖑᖅᑎᑕᐅᓂᒃᑲᖏᑕᓗ ᐱᓕᕆᖅᑳᖅᑕᐅᔭᕆᐊᖃᕐᓂᖏᑦ.
- ᐊᖏᖅᑕᐅᖁᓪᓗᒍ ᑲᑭᕙᒃᑯᑦ ᐊᖏᖃᑎᒌᒍᑎᑖᕐᓗᑎᒃ ᐃᒃᐱᐊᕐᔪᖕᒥ ᐸᐃᕆᕕᒃᓴᓕᐅᖁᓪᓗᒋᑦ;
- ᐊᖏᖅᑕᐅᖁᓪᓗᒍ ᑲᑭᕙᒃᑯᑦ ᐊᕐᕌᒍᒐᓴᖕᓄᑦ ᐊᖏᖃᑎᒌᒍᑎᑖᖁᓪᓗᒋᑦ ᐃᓅᖃᑎᒌᑦ ᐃᓄᐃᑦ ᓄᓇᕋᖏᓐᓄᑦ, ᒪᒃᑯᑦᑐᖏᓐᓄᑦ ᐃᓚᒌᓄᓪᓗ ᐋᑕᕚᒥ;
- ᐊᖏᖅᑕᐅᖁᓪᓗᒍ ᕿᑭᖅᑕᓃᒃᑯᑦ ᑐᓂᓯᖁᓪᓗᒋᑦ ᑲᑭᕙᒃᑯᓐᓄᑦ ᐃᓚᓐᓇᑎᒋ $852,151 ᑮᓇᐅᔭᓕᐅᕈᑎᒃᓴᓕᕆᓂᕐᒧᑦ ᓄᓇᕗᑦ ᓯᕗᒧᑦ ᑮᓇᐅᔭᖏᓐᓄᑦ;
- ᐊᖏᖅᑕᐅᖁᓪᓗᒍ ᓴᓂᕐᕙᐃᖁᓪᓗᒍ $1.5 ᒥᓕᐊᓐᓂᒃ ᑲᑭᕙᒃᑯᑦ ᑮᓇᐅᔭᖏᓐᓂᖔᕐᓗᓂ ᐅᖃᖅᑕᐅᓚᐅᖅᓯᒪᔪᖅ 2017ᒥ ᐃᓄᐃᑦ ᐱᖁᑎᖏᓐᓂᒃ ᐸᐸᑦᑎᔨᒃᑯᓐᓄᑦ ᐱᒋᐊᖅᑎᖁᓪᓗᒋᑦ ᐃᑦᑕᕐᓂᓴᖃᕐᕕᖏᓄᑦ ᑕᑯᔭᒐᖃᕐᕕᒃᓴᒥᒃ.
- ᐊᖏᖅᑕᐅᖁᓪᓗᒍ ᓴᓂᕐᕙᐃᖁᓪᓗᒋᑦ $2.2 ᒥᓕᐊᓐᓂᒃ ᓄᓇᓕᖕᓂ ᐊᑐᐃᓐᓇᐅᑎᑦᑎᓂᕐᒧᑦ ᐱᓕᕆᐊᒃᓴᓕᕆᓂᕐᒧᓪᓗ ᑮᓇᐅᔭᖏᓄᑦ ᑐᓂᔭᐅᓯᒪᔪᑦ ᐃᓯᖅᐸᓪᓕᐊᔪᑦ ᓴᓂᕐᕙᒃᓴᐅᕕᐅᓂᐊᖅᑎᓪᓗᒋᑦ ᐊᑐᐊᒐᖓᓂ.
ᐅᑯᓄᖓᓗ ᓂᕈᐊᖃᑦᑕᓚᐅᖅᖢᑎᒃ ᑭᒃᑯᓐᓄ ᑲᑎᒪᔨᙳᕐᓂᐊᒪᖔᑕ: ᑲᑭᕙᒃᑯᑦ ᐃᓕᓐᓂᐊᕆᐊᖅᑐᑦ ᑮᓇᐅᔭᖅᑖᕈᑎᒃᓴᖏᑦ (ᔨᒪᐃᒪ ᑰᓂᓕᐅᓯ), ᕿᑭᖅᑕᓃᒃᑯᑦ ᑯᐊᐳᕋᐃᓴᒃᑯᑦ (ᓄᖃᓪᓚᕐᒃ ᑐᓗᒑᕐᔪᒃ), ᐊᐅᔪᐃᑦᑐᑦ ᑲᓇᑕᐅᑉ ᒥᕐᖑᐃᖅᓯᕕᖓᓄᑦ ᑲᑎᒪᔨᕋᓛᑦ (ᔩᓂ ᒪᐃᒃ & ᔭᐃᒥ ᐊᐅᓪᓚᕿᐊ), ᓴᓂᑭᓗᐊᖅ ᒥᕐᖑᐃᖅᓯᕕᓕᕆᔨᒃᑯᑦ (ᓯᑏᕕᓐ ᐊᒪᕈᐊᓕᒃ), ᑲᖏᖅᑐᖔᐱᑦ ᒥᕐᖑᐃᖅᓯᕕᓕᕆᔨᒃᑯᑦ (ᔨᒪᐃᒪ ᑰᓂᓕᐅᓯ), ᑭᒻᒥᕈᑦ ᒥᕐᖑᐃᖅᓯᕕᓕᕆᔨᒃᑯᑦ (ᐊᑮᒍ ᐃᑭᓪᓗᐊᕐᒃ & ᒪᓕᒃᑐ ᓚᐃᑕ), ᓄᓇᕗᒻᒥ ᒥᕐᖑᐃᖅᓯᕕᓕᕆᔨᒃᑯᑦ (ᖃᕙᕙᐅᕐᒃ ᐃᓱᖃᙱᑐᕐᒃ), ᑲᑭᕙᒃᑯᑦ ᑐᑭᒧᐊᒃᑎᑦᑎᔨᒃᑯᑦ ᑲᑎᒪᔨᖏᑦ (ᒥᑐᓴᓕ ᑯᓄᒃ), ᓯᕐᒥᓕᒃ ᒥᕐᖑᐃᖅᓯᕐᕕᓕᕆᔨᒃᑯᑦ (ᐋᓐᑎ ᑲᓪᓗᒃ). ᓂᕈᐊᒐᒃᓴᖅᑕᖃᓚᐅᖏᑦᑐᖅ ᖃᐅᓱᐃᑦᑐᕐᒥᐅᓄᑦ ᐊᐅᓱᐃᑦᑐᕐᒧᓪᓗ ᒥᕐᖑᐃᖅᓯᕕᓕᕆᓂᕐᒧᑦ ᑲᑎᒪᔨᑦ, ᑕᐃᒪᐃᓐᓂᖓᓄᑦ ᓴᖅᑭᑕᐅᒃᑲᓐᓂᕐᓂᐊᖅᑐᖅ ᓂᕈᐊᕈᑎᒃᓴᖅ. ᕿᑭᖅᑕᓃᒃᑯᑦ ᐃᑭᐊᖅᑭᕕᒃᑰᕈᑎᖏᒍᑦ ᑐᓴᐅᒪᔾᔪᑎᒃᑯᓪᓗ ᑐᓴᖅᑎᑦᑎᔾᔪᑏᑦ ᓂᕈᐊᕐᓂᐊᖅᑐᓄᑦ ᑐᓴᐅᒪᑦᑎᐊᕋᓱᒃᑭᑦ.
ᐱᕙᓪᓕᐊᔪᒃᑰᕈᑎᒃᓴᓂᒃ ᑐᓴᕆᐊᒃᑲᓐᓂᕈᒪᒍᕕᑦ, ᑐᓴᕆᐊᕐᕕᒋᒍᒃ ᐅᓇ:
ᑭᐅᕆᓐ ᕙᓕᐅᕆᑎ
ᑭᒧᐊᒃᑎᑦᑎᔨ, ᑐᓴᐅᒪᔪᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐊᑭᖃᖏᑦᑐᒃᑯᓪᓘᓐᓃᑦ 1.800.667.2742
kflaherty@qia.ca
