ᐃᖃᓗᐃᑦ, ᓄᓇᕗᑦ, ᒫᑦᓯ 26, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᑉᐱᒍᓱᖃᑕᐅᕗᑦ ᑐᓴᕐᖓᑕ ᐃᓅᒍᓐᓃᕐᓂᒥᓂᖓᓂᒃ ᖃᐅᔨᒪᔭᐅᑦᑎᐊᖅᑑᑉ ᐸᓐᓂᖅᑑᒥᐅᑕᐅᓪᓗᓂ ᐃᓐᓇᕆᔭᐅᔫᑉ, ᐊᒻᒪᓗ ᕿᑭᖅᑕᓂᒃᑯᓐᓂᑦ ᐃᓐᓇᕐᓄᑦ ᑭᒡᒐᑐᖅᑎᐅᖃᑦᑕᔪᔪᒥᒃ, ᔪᐊᓇᓯ ᖄᐱᒻᒥᒃ.

ᖄᐱᒃ ᐊᑯᓂᐊᓗᒃ ᑲᑎᒪᔨᐅᖃᑕᐅᖃᑦᑕᕐᓯᒪᔪᖅ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᓂᑦ ᐊᒻᒪᓗ ᐃᑲᔪᕐᓯᒪᓪᓗᓂ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ ᕿᑭᖅᑕᓂᒃᑯᓐᓂᑦ ᑲᑎᒪᔨᐅᖃᑕᐅᓪᓗᓂ ᐃᓐᓇᕐᓂᑦ ᑭᒡᒐᑐᖅᑎᐅᓪᓗᓂ. ᖃᐅᔨᒪᓂᖓ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᑭᓯᐅᒪᓂᖓ, ᒪᑯᐊᓗ ᐃᓚᒋᔭᐅᓪᓗᑎᒃ ᖁᕕᐊᒋᔭᖃᓪᓚᕆᖃᑦᑕᕐᓯᒪᓂᖓ ᓅᓯᒪᖃᑦᑕᓂᕐᒥᒃ ᐊᒻᒪᓗ ᐱᖅᑯᓯᖏᓐᓂᒃ ᐃᓅᓯᕆᕙᓚᐅᖅᑕᖏᓐᓂᒃ ᐊᑑᑎᖃᕐᓯᒪᓪᓚᕆᒻᒪᑕ.

ᕿᑭᖅᑕᓂᒃᑯᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᖃᐅᔨᒪᖁᔨᕗᑦ ᓇᓪᓕᒍᓱᓪᓚᕆᒻᒪᑕ ᖄᐱᒃᑯᓐᓂᑦ ᐃᓚᒌᓂᑦ, ᕿᑐᕐᖓᖏᓐᓂᒃ, ᐃᕐᖑᑕᖏᓐᓂᓪᓗ ᐊᒻᒪᓗ ᓄᓇᖅᑲᑎᖏᓐᓂᒃ ᐸᓐᓂᖅᑑᕐᒥᐅᓂᑦ.

ᑐᓴᕋᔅᓴᐃᑦ ᒥᔅᓵᓄᑦ ᑐᑭᓯᒋᐊᕈᒪᔪᓄᑦ, ᑐᑭᓯᒋᐊᕐᕕᐅᖃᑦᑕᕐᓕ:

ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓄᑦ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥ
ᐊᑭᖃᙱᑐᒃᑯᓘᓐᓃᑦ 1.800.667.2742
kflaherty@qia.ca