ᐃᖃᓗᐃᑦ, ᓄᓇᕗᑦ, ᒫᑦᓯ 17, 2025- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᑐᔅᓯᕋᐅᓯᐅᖃᑦᑕᖁᔨᓕᕐᒥᔪᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᕐᒧᑦ (QCAP) ᐊᕐᕌᒍᒧᑦ 2025-2026 ᑮᓇᐅᔭᓄᑦ ᐊᐅᓚᕕᖓᓐᓄᑦ, ᐅᐱᕐᖔᖅ/ᐊᐅᔭᖅ ᐱᓕᕆᐊᔅᓴᓄᑦ.

ᐊᑐᓂᑦ ᐃᓄᐃᑦ ᐊᒻᒪᓗ ᖃᑭᒪᒍᑎᔅᓴᓕᐅᕋᓱᐊᖅᑎᐅᖏᑦᑐᑦ ᓄᓇᓕᓐᓂᑦ ᑲᑐᔾᔨᖃᑎᒌᑦ ᓇᓕᑐᐃᓐᓇᖏᓐᓂᒃ ᕿᑭᖅᑕᓂ ᓄᓇᓕᓐᓂᑦ ᑐᙵᓱᑦᑎᑕᐅᕗᑦ ᑐᓂᓯᖃᑦᑕᖁᔭᐅᓪᓗᑎᒃ ᑐᔅᓯᕋᐅᑎᓂᑦ ᐱᓕᕆᐊᔅᓴᖏᓐᓄᑦ ᐊᐅᓚᓂᖃᕋᔭᖅᑐᓄᑦ ᐊᑯᓐᓂᖏᓐᓂ ᒪᐃ 1, 2025ᒥ ᓯᑎᐱᕆ 30, 2025ᒧᑦ.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖅ ᑮᓇᐅᔭᖃᖅᑎᑦᑎᓲᖅ ᓄᓇᓕᓐᓃᑦᑐᓂᑦ ᐱᓕᕆᐊᖑᓂᐊᖅᑐᓂᑦ ᓄᓇᓕᓐᓄᑦ ᐃᓚᐅᕕᐅᖃᑦᑕᓂᐊᖅᑐᓂᑦ ᐃᓕᓐᓂᐊᕐᕕᐅᖃᑦᑕᓂᐊᖅᑐᓂᓪᓗ ᐱᖅᑯᓯᖅᑎᒍᑦ ᓴᓇᑐᓕᓴᕈᑕᐅᓲᓂᑦ, ᓲᕐᓗ ᒪᑯᓂᖓ ᑭᓯᐊᓂ ᑕᒪᒃᑯᓂᖓᐃᓐᓇᐅᖏᑦᑐᖅ ᒥᖅᓱᖃᑦᑕᕐᓂᖅ, ᐊᖑᓇᓱᖃᑦᑕᕐᓂᖅ, ᐊᒻᒪᓗ ᐊᐅᓪᓚᕐᓯᒪᓗᓂ ᐱᓕᕆᓂᐅᕙᑦᑐᓂᑦ.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖅ ᑮᓇᐅᔭᖃᖅᑎᑕᐅᕙᑦᑐᖅ ᕿᑭᖅᑕᓂᒃᑯᑦ ᐃᑲᔫᓯᐊᔅᓴᓄᑦ ᑮᓇᐅᔭᖏᓐᓂᑦ, ᑖᒃᑯᐊ ᑐᖅᑯᖅᑕᐅᕙᓪᓕᐊᔪᓂᑦ ᑮᓇᐅᔭᓂᑦ ᐱᔭᐅᕙᑦᑐᑦ. ᑖᒃᑯᐊ ᑐᖅᑯᖅᑕᐅᕙᓪᓕᐊᔪᑦ ᑮᓇᐅᔭᑦ ᐊᒥᓱᕈᕐᐸᓪᓕᐊᑎᓪᓗᒋᑦ, ᑮᓇᐅᔭᑦ ᐃᓵᕙᑦᑐᑦ ᐃᑲᔫᓯᐊᔅᓴᓄᑦ ᑮᓇᐅᔭᓄᑦ ᑐᕌᖃᑦᑕᕐᖓᑕ ᐊᒥᓱᕈᒃᑲᓐᓂᖃᑦᑕᖁᓪᓗᒋᑦ ᐱᓕᕆᐊᑦ ᐃᑲᔫᑕᐅᕙᑦᑐᑦ ᐃᓄᓐᓄᑦ.

ᑐᔅᓯᕋᐅᑏᑦ ᑲᒪᒋᔭᐅᔪᓐᓇᖅᑐᑦ ᖃᕋᓴᐅᔭᒃᑯᑦ ᐅᕙᓂ https://www.qia.ca/qcap-application/, ᐅᕝᕙᓘᓐᓃᑦ ᐃᑲᔪᖅᑎᒋᓗᒍ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ.

ᑐᑭᓯᑦᑎᐊᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ ᑎᑎᕋᕐᓂᕐᒥᒃ ᖃᕋᓴᐅᔭᒃᑯᑦ ᐅᕝᕙᓘᓐᓃᑦ ᐸᐃᑉᐹᑎᒍᑦ ᑎᑎᕋᕐᕕᒋᒋᐊᓕᓐᓂᑦ ᑐᔅᓯᕋᐅᑎᓂᑦ, ᐅᖄᓚᒍᓐᓇᖅᑐᑎᑦ ᑖᓯ ᓇᐅᓪᓚᕐᒃ ᐅᕗᖓ 867-975-8435 ᑎᑎᕋᕐᓗᑎᓪᓘᓐᓃᑦ ᐃᕐᖐᓈᖅᑕᐅᑎᒃᑯᑦ ᐅᕗᖓ qcap@qia.ca.

ᒪᑐᕕᔅᓴᓕᒃ ᑐᔅᓯᕋᐅᑎᓂᑦ ᑐᓂᓯᖃᑦᑕᓂᕐᒧᑦ ᑖᓐᓇ ᒫᑦᓯ 21, 2025ᒥ 12:00ᒨᖅᑲᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᐅᖃᑦᑕᕐᓕ:

ᑭᐅᕋᓐ ᕙᓚᕋᑎ

ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ

(ᐅ) 867.975.8398 ᐅᖓᓯᑦᑐᒥᓪᓘᓐᓃᑦ ᐊᑭᖃᙱᑐᒃᑯᑦ 1.800.667.2742

kflaherty@qia.ca

http://www.qia.ca/wp-content/uploads/2025/03/QCAP-guidelines-2025-26-final.-inuk-pdf.pdf

Back to Blog