ᐃᖃᓗᐃᑦ, ᓄᓇᕗᑦ – ᕖᕝᕗᐊᓕ 10, 2021 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᑐᓂᓯᐅᖅᑲᐃᔪᑦ $510,000ᕌᖅᑐᓂᑦ ᓴᓂᑭᓗᐊᕐᒥᐅᓄᑦ, ᓄᓇᓕᓐᓄᑦ ᐊᑑᑎᕕᐅᔪᓄᑦ ᖃᓂᒪᓇᖅᑐᒧᑦ.

“ᓴᓂᑭᓗᐊᖅ ᖃᓂᒪᓇᖅᑐᒧᑦ ᖃᓂᒻᒪᔅᓯᒪᔪᖁᑎᖃᔪᒻᒪᑕ ᓄᕕᐱᕆ 2020ᑎᓪᓗᒍ” ᐅᖃᖅᑐᖅ ᕿᑭᖅᑕᓂᒃᑯᑦ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ “ᑖᒃᑯᐊ ᐃᑲᔫᑏᑦ ᑕᑯᑎᑦᑎᔾᔪᑎᐅᖃᓯᐅᑎᒻᒥᒻᒪᑕ ᑐᑭᓯᓯᒪᓂᑦᑎᓐᓂᒃ ᐊᒻᒪᓗ ᖁᔭᒋᓪᓗᒋᑦ ᐱᓇᓱᐊᕈᑎᒋᓯᒪᔭᖏᓐᓄᑦ ᐊᒻᒪᓗ ᒪᑭᑕᒋᐊᒃᑲᓂᕐᓯᒪᓂᖏᓐᓄᑦ ᓯᐊᒻᒪᖁᓇᒍ ᖃᓂᒪᓇᖅᑐᖅ.”

ᑖᒃᑯᐊ ᐃᑲᔫᑏᑦ ᐃᓚᒋᔭᐅᒻᒪᑕ ᐱᖓᔪᒋᓕᖅᑕᖏᓐᓂ ᕿᑭᖅᑕᓂᒃᑯᑦ ᖃᓂᒪᓇᖅᑐᖅᑕᖃᖅᑎᓪᓗᒍ ᐱᓇᓱᐊᕈᑎᖏᓐᓄᑦ, ᕿᑭᖅᑕᓂᒃᑯᑦ ᐃᓕᓯᓯᒪᔪᑦ $663,665ᓂᑦ ᓴᓂᑭᓗᐊᕐᒥᐅᓄᑦ ᑐᕌᖓᔪᓂᑦ ᐊᑑᑎᕕᐅᑎᓪᓗᒋᑦ ᑕᒪᑐᒧᖓ. ᑖᒃᑯᐊ ᐃᒫᒃ ᐋᖅᑭᓯᒪᔪᑦ:

• $100,000 ᓴᓂᑭᓗᐊᕐᒥᐅᑦ ᐆᒪᔪᕐᓂᐊᑎᒃᑯᖏᓐᓄᑦ ᐃᑲᔫᑎᖃᕐᓂᐊᕐᖓᑕ ᓂᕿᓕᕆᔾᔪᑎᖃᕈᓐᓇᖁᓪᓗᒋᑦ
• $410,000 ᓂᕿᓂᑦ ᓂᐅᕕᐅᑎᔅᓴᐃᑦ ᐊᒻᒪᓗ ᓂᕿᓂᑦ ᑲᑎᑕᐅᓯᒪᔪᓂᑦ ᐸᔪᒍᑎᔅᓴᓂᑦ ᔮᓐᓄᐊᓕᒥ ᕖᕝᕗᐊᓕᒥᓗ 2021
• $152,000 ᓂᕿᓂᑦ ᑲᑎᑕᐅᓯᒪᔪᑦ ᐸᔪᒍᑎᔅᓴᓂᑦ ᑎᓯᐱᕆ 2020ᒥ ᓯᕗᕐᖓᒍᑦ ᐃᑲᔫᑕᐅᓵᓕᓪᓗᑎᒃ ᖁᕕᐊᓱᕝᕕᐅᓂᐅᓴᑎᓪᓗᒍ

ᕿᑭᖅᑕᓂᒃᑯᑦ ᐃᑲᔫᑎᓖᑦ ᑖᒃᑯᓂᖓ ᓴᓂᑭᓗᐊᕐᒥᐅᓄᑦ ᑲᑐᔾᔨᖃᑎᖃᖅᑐᑎᒃ ᐅᑭᐅᖅᑕᖅᑐᒥ ᐃᓚᒌᔅᓴᒃᑯᑦ ᑎᒥᖓᓐᓂᒃ, ᑖᒃᑯᐊ ᐃᑲᔪᕐᖓᑕ ᓂᕿᓂᑦ ᑐᓂᓯᐅᖅᑲᐃᖃᑦᑕᓂᕐᒥᒃ.

ᑖᒃᑯᐊ ᑮᓇᐅᔭᐃᑦ ᕿᑭᖅᑕᓂᒃᑯᑦ ᖃᓂᒪᓇᖅᑐᖅᑕᖃᖅᑎᓪᓗᒍ ᖃᓄᖅᑑᕈᑎᒋᓪᓗᒋᑦ ᐸᕐᓇᐅᑎᒋᓯᒪᔭᖏᑦ  ᐅᑯᓇᙶᕐᓯᒪᔪᑦ ᐱᖓᔪᖏᓐᓂ ᓄᓇᖃᖅᑐᑐᖃᐃᑦ ᓄᓇᓕᖏᓐᓄᑦ ᐃᑲᔫᑎᓄᑦ ᑮᓇᐅᔭᓂᑦ (ICSF) ᓇᓗᓇᐃᖅᑕᐅᓚᐅᕐᓯᒪᔪᑦ ᒐᕙᒪᑐᖃᒃᑯᓐᓂᑦ. ᕿᑭᖅᑕᓂᒃᑯᑦ ᐃᑲᔫᑎᔅᓴᖅᑖᕆᓯᒪᔭᖏᑦ ᑖᒃᑯᓇᙵᑦ ᑮᓇᐅᔭᓂᑦ ᐊᒥᓲᓂᓖᑦ ᐃᒪᓐᓇᓂᑦ $2,008,101.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᔪᖅ ᑐᑭᒧᐊᑦᑎᑦᑎᔨᐅᓂᕐᒧᑦ ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.975.8413 or
1.800.667.2742