ᐃᖃᓗᐃᑦ, ᓄᓇᕗᑦ – ᔮᓐᓄᐊᕆ 22, 2020 –ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᐊᕕᕐᓇᖅᑐᒃᑯᑦ ᑐᓂᓯᕗᑦ ᐃᒪᓐᓇᓂᑦ $10,000.00 ᐃᒡᓗᓕᒃ ᓂᖀᓱᕐᕕᖓᓄᑦ ᑕᒫᓂ ᐱᓇᓱᐊᕈᓯᕐᒥ ᐃᑭᑦᑐᐊᓘᓚᐅᖅᑎᓪᓗᒍ ᓄᓇᓕᖓᑕ ᑯᐊᐸᖓ.

“ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᑭᓯᐅᒪᒻᒪᑕ ᐱᒻᒪᕆᐊᓗᖕᒥᒃ ᐊᑐᖅᑕᐅᓲᖑᓂᖏᖕᓂᑦ ᑯᐊᐸᒃᑯᑦ ᓄᓇᓕᐅᔪᓂ ᕿᑭᖅᑖᓗᒻᒥ,” ᐅᖃᖅᑐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ, ᐸᐅᓗᓯ ᐊᕿᐊᕈᖅ “ᐃᑲᔪᕋᑦᑕ ᐃᒡᓗᓕᒃ ᓂᖀᓱᕐᕕᖓᓂᒃ ᖃᐅᔨᒪᓇᑦᑎᐊᖁᓪᓗᒋᑦ ᑕᐃᒃᑯᐊ ᓄᓇᓕᒻᒥᐅᑦ ᐊᑦᑕᓇᖅᑐᒨᖅᓴᕋᐃᓛᖑᒍᓐᓇᖅᑐᑦ ᓂᕿᓂᒃ ᐱᔪᓐᓇᕐᓂᐊᕐᒪᑕ ᑐᐊᕕᕐᓇᖅᑐᐊᓘᑎᓪᓗᒍ ᐊᑐᖅᑕᐅᔪᖅ.”

ᓂᕿᓂᒃ ᐊᑐᐃᓐᓇᐅᒪᔪᖃᕈᓐᓃᖅᑎᓪᓗᒍ ᐃᒡᓗᓕᖕᒥ ᐅᓗᕆᐊᓇᖅᑐᒨᖅᑎᑦᑎᔪᓐᓇᕐᒪᑦ ᓄᓇᓕᑉ ᐋᓐᓂᐊᖅᑕᐃᓕᒪᓂᖓᓂᒃ, ᐱᓗᐊᖅᑐᒥᒃ ᐊᐃᑦᑑᑕᐅᔪᓐᓇᑦᑎᐊᖅᑎᓪᓗᒍ ᓱᓕ ᓄᕙᒡᔪᐊᕐᓇᖅ-19 ᓄᓇᕗᒻᒥ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑐᓂᓯᓂᖏᑦ ᑮᓇᐅᔭᓂᑦ ᐃᑲᔪᕐᓂᐊᖅᐳᖅ ᐃᓄᖕᓂᒃ ᐊᑦᑐᖅᑕᐅᓯᒪᔪᓂᑦ ᐃᑭᑦᑐᒥᓂᐅᓚᐅᖅᑎᓪᓗᒍ ᓂᐅᕕᕐᕕᖓ ᐱᔪᓐᓇᑦᑎᐊᖁᓪᓗᒋᑦ ᓂᕿᑦᑎᐊᕙᓂᑦ.

ᐱᖓᓲᓕᖅᓲᑕᐅᑎᓪᓗᒍ ᐅᓪᓛᒃᑯᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖃᐅᔨᒪᓕᓚᐅᕐᒪᑕ ᐅᓐᓄᐊᒃᑯᑦ ᐃᑭᑦᑐᒥᓂᐅᒐᒥ ᓂᐅᕕᕐᕕᒃ ᓱᕋᑎᖅᑐᐊᓘᓚᐅᕐᒪᑦ ᑯᐊᐸᒃᑯᑦ ᓂᐅᕕᕐᕕᖓ ᐃᒡᓗᓕᖕᒥ. ᖃᐅᔨᓚᐅᖅᑎᓪᓗᒋᑦ ᐃᑭᑦᑐᒥᓂᐅᓂᖓᓂᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᖃᖃᑦᑕᖅᓯᒪᔪᑦ ᐅᖃᖃᑎᖃᖃᑦᑕᖅᑐᑎᑦ ᐃᒡᓗᓕᒃ ᑯᐊᐸᒃᑯᖏᖕᓂ, ᕼᐊᒻᓚᒃᑯᑦ ᐱᓕᕆᔨᖏᖕᓂ, ᐊᒻᒪᓗ ᓄᓇᓕᖕᒥᐅᑕᓂᑦ ᐱᓕᕆᖃᑎᒌᑦᑎᐅᔪᒥᒃ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᖃᑎᖃᐃᓐᓇᕐᓂᐊᖅᐳᑦ ᐱᓕᕆᖃᑎᖃᖃᑦᑕᕐᓗᑎᑦ ᐃᒡᓗᓕᖕᒥᐅᑕᐅᔪᓂᑦ ᐅᐊᑦᑎᔭᐅᖁᓪᓗᒋᑦ ᖃᓄᐃᓕᖓᓕᕐᓂᖏᑦ ᐱᓇᓱᐊᕈᓯᐅᓂᐊᖅᑐᓂᑦ ᐊᒡᒋᖅᑐᓂᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:

ᕕᐅᓪ ᕼᐊᑉᑭᓐᔅ,
ᑐᑭᒧᐊᑦᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᖃᑎᒌᑦᑐᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 or
1.800.667.2742