(ᓄᕖᕝᕙ  30, 2016 – ᐃᖃᓗᐃᑦ, ᓄᓇᕗᑦ) – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ, ᑭᒡᒐᖅᑐᐃᓪᓗᓂ ᐃᓄᓐᓂᑦ ᕿᑭᖅᑖᓗᒻᒥ (ᕿᑭᖅᑕᓂ), ᐊᑐᕚᒦᒻᒪᑦ ᐅᓪᓗᒥ ᖁᑦᑎᓂᖅᐹᒥ ᐃᖅᑲᖅᑐᐃᕝᕕᒻᒥ ᓈᓚᒋᐊᖅᑐᖅᓯᒪᓪᓗᓂ ᐃᑲᔪᖅᑐᐃᓪᓗᓂᓗ ᓄᓇᕗᒥᓐᖔᖅᑐᒥᒃ ᓄᓇᓕᒻᒥᐅᓂ ᓄᖅᑲᖅᑎᑦᑎᒐᓱᒃᑎᓪᓗᒋᑦ ᐃᖅᑲᕐᓂᐊᕐᓂᕐᒥ
ᒪᕐᕉᒃ ᐊᕐᕌᒍᑦ ᖄᖏᖅᓯᒪᓕᖅᑐᓂᒃ, ᑲᖏᖅᑐᒑᐱᒃ, ᐅᒪᔪᕐᓂᐊᖅᑏᑦ ᑲᑎᒪᔨᖏᑦ ᐊᒻᒪᓗ ᔨᐊᕆ ᓈᑕᓇᐃᓐ ᖁᔭᓈᖅᑕᐅᑎᑦᓯᒐᓱᖕᒪᑕ ᑲᓇᑕᒥ ᐊᐅᓚᔪᓐᓇᐅᑎᓕᕆᔨᒃᑯᑦ ᑲᑎᒪᔨᖏᑦ ᑐᑭᑖᕈᑎᒋᔭᐅᓚᐅᖅᑕᖓᓂᑦ ᐃᖅᑲᕐᓂᐊᕈᒪᔪᓂᒃ ᐅᖅᓱᐊᓗᓐᓂᐊᕐᓂᕐᒥᒃ ᒑᓯᒃᓴᖅᓯᐅᕐᓂᒥᓪᓗ ᓴᓐᓂᕈᑎᐅᑉ ᐃᒪᖓᓂ ᖃᓂᒋᔭᖃᖅᑐᒥᒃ ᓄᓇᓕᓐᓂ ᕿᑭᖅᑖᓗᒻᒥ.

“ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᖓ ᐅᖃᖅᓯᒪᔪᖅ ᑖᒃᑯᐊᒎᖅ ᐃᓄᐃᑦ ᑐᑭᓯᒋᐊᕐᕕᐅᑦᑎᐊᕆᐊᖃᕐᓂᖏᓐᓄᑦ ᐱᕙᓪᓕᐊᑎᑦᑎᔪᒪᓂᐊᖅᑐᓂᒃ ᐅᕝᕙᓘᓐᓃᑦ ᐊᓯᖏᓐᓂᑦ ᐱᓕᕆᐊᖃᕈᒪᔪᓂᑦ ᐊᑦᑐᐃᑐᐃᓐᓇᕆᐊᖃᖅᑐᓂᒃ ᐅᒪᔪᓂᒃ ᐊᒻᒪᓗ ᓄᓇᓕᒻᒥ, ” ᐅᖃᖅᑐᖅ ᐊᕿᐊᕈᖅ.

”ᑖᓐᓇ ᖁᑦᑎᓐᓂᖅᐹᒥ ᐃᖅᑲᖅᑐᐃᕝᕕᒃ ᓈᓚᖕᓂᕆᔭᖓᑦ ᓇᓗᓇᐃᖅᓯᓂᐅᕗᖅ ᑖᒃᑯᐊ ᐃᓄᖁᑎᒋᔭᐅᔪᑦ ᑲᖏᖅᑐᒑᐱᒻᒥᐅᑦ ᑐᑭᓯᒋᐊᕐᕕᐅᑦᑎᐊᓚᐅᓐᖏᓐᓂᖏᓐᓂ.”

ᕿᑭᖅᑕᓃᒃᑯᑦ ᓈᒻᒪᒃᓴᓐᖐᓐᓇᓚᐅᕐᒪᑕ ᑲᓇᑕᒥ ᐊᐅᓚᔪᓐᓇᐅᑎᓕᕆᔨᒃᑯᑦ ᑲᑎᒪᔨᖏᓐᓂᑦ, ᓴᓇᔪᓕᕆᔨᓄᑦ ᐊᒻᒪ ᒐᕙᒪᓄᓪᓗ ᐊᑑᑎᖃᕈᓐᓇᖅᑐᒥᒃ ᑐᑭᓯᒋᐊᕐᕕᐅᑦᑎᐊᓚᐅᓐᖏᓐᓂᖏᓐᓂ  ᐃᖅᑲᕐᓂᐊᕐᓂᐅᑉ ᒥᒃᓵᓄᑦ.

ᑎᒥᖁᑎᕗᑦ ᑮᓇᐅᔭᑎᒍᑦ ᐃᑲᔪᓚᐅᖅᑐᑦ ᐊᑐᖅᑕᐅᓂᐊᖅᑐᓂᒃ ᒐᕙᒪᑐᖃᒃᑯᑦ ᐃᖅᑲᖅᑐᐃᕝᕕᖓᓄᑦ ᐅᓐᓂᕐᓗᒃᓴᕐᕕᒻᒧᑦ ᐊᒻᒪᓗ ᐃᑲᔫᑎᒋᔭᐅᓂᐊᖅᑐᓂᒃ ᐸᐃᑉᐹᓂᒃ ᑐᓂᔭᐅᔪᓂᑦ ᑲᖏᖅᑐᒑᐱᒻᒥᐅᓂᑦ ᐅᓐᓂᕐᓗᒃᓴᕈᓐᓇᖁᓪᓗᒋᑦ ᒐᕙᒪᑐᖃᒃᑯᑦ ᐃᖅᑲᖅᑐᐃᕝᕕᐅᑉ ᑐᑭᑖᕈᑎᒋᓚᐅᖅᑕᖓᓂ.  ᓱᓕ, ᐊᑭᓖᓚᐅᖅᑐᒍᑦ ᐃᓚᖏᓐᓂᒃ ᓄᓇᓕᒻᒥᐅᓂᒃ ᐃᓚᒋᔭᐅᖃᑕᐅᖁᓪᓗᒋᑦ ᓈᓚᖕᓂᐅᓂᐊᖅᑐᒥᒃ.  ᑖᒃᑯᐊ ᑮᓇᐅᔭᐃᑦ ᕿᑭᖅᑕᓃᒃᑯ ᐊᖓᔪᖅᑳᑉ ᑮᓇᐅᔭᖅᑑᑎᒃᓴᓂᓐᖔᖅᓯᒪᔪᑦ.

ᑕᐃᒪ ᕿᑭᖅᑕᓃᒃᑯᑦ ᓂᕆᐅᒋᔭᖃᖅᐳᑦ ᑖᒃᑯᐊ ᖁᑦᑎᖕᓂᖅᐹᒥᒃ ᐃᖅᑲᖅᑐᐃᕝᕕᐅᔪᖅ ᑲᓇᑕᒥ ᓇᓗᓇᐃᖅᓯᔪᓐᓇᖅᓯᓗᓂ ᒐᕙᒪᒃᑯᑦ ᐱᓕᕆᐊᒃᓴᕆᔭᖓᓂᒃ ᑐᑭᓯᒋᐊᕆᐊᖃᕐᓂᖏᓐᓄᑦ ᐃᓄᓐᓂ

ᐊᓯᖏᓐᓂᓪᓗ ᓄᓇᖃᖅᓯᒪᔪᓂᒃ ᓈᒪᔪᒃᑯᑦ ᐊᒻᒪᓗ ᑐᑭᖃᕐᓂᐊᖅᑐᒃᑯᓪᓗ ᖁᔭᓈᖅᓯᓗᑎᒃ ᑐᑭᑖᕈᑎᒋᔭᐅᓚᐅᖅᑐᒥᒃ ᐃᖅᑲᕐᓂᐊᕐᓂᖅ ᐱᔾᔪᑎᒋᓪᓗᒍ.

ᑖᓐᓇ ᓄᕖᕝᕙ 30ᒥ ᓈᓚᓐᓂᐅᓛᖅᑐᖅ ᖃᕆᓴᐅᔭᒃᑯᑦ ᑐᓴᖅᓴᐅᑎᑕᐅᓛᖅᑐᑦ ᑐᓵᖃᑕᐅᔪᒪᒍᕕᑦ ᐅᕗᖓ ᐃᑭᐊᕿᕕᒻᒧᐊᕐᓗᑎᑦ: http://www.scc-csc.ca/case-dossier/info/hear-aud-eng.aspx

ᓰᒪ ᓴᕼᐊ, ᓯᐊᕋᕼᐃ, ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓕᕆᓂᕐᒧᑦ,

Qikiqtani Inuit Association

(867) 975.8413

1.800.667.2742