ᓇᓃᑉᐱᑕ

ᐃᒃᐱᐊᕐᔪᒃ ᑐᑭᖓ ᐊᓐᓄᕌᑦ ᐃᒃᐱᐊᕐᔪᖓᓂ’, ᐊᑯᓐᓂᖓᓃᑦᑐᑦ ᐃᓐᓈᕈᓂᑦ ᑕᕆᐅᕐᒥᓗ ᐹᖓᓂ ᓯᕐᒥᓕᐅᑉ ᒥᕐᖑᐃᖅᓯᕝᕕᖓᓂ. ᐃᒃᐱᐊᕐᔪᒃ ᐅᐊᖕᓇᖅᐸᓯᖓᓂ ᓯᔾᔭᖓᓃᑦᑐᖅ ᐃᒃᐱᐊᕐᔫᑉ ᕿᙳᐊᓂᑦ, ᓴᓐᓂᕈᑎᐅᑉ ᑐᓄᓂᕈᓯᐅᑉᓗ ᖃᓂᒋᔭᖓᓂᑦ ᕿᑭᖅᑖᓘᑉ ᐅᐊᖕᓇᖓᓂ.

ᖃᓪᓗᓈᑎᑐᑦ ᐊᑎᖓ ᐃᑲᙶᖅᑐᖅ ᕿᓚᓗᒃᑭᐊᕈᑎᒥᒃ ᐅᒥᐊᖅᐸᒥᑦ ᖃᐅᔨᓴᓚᐅᖅᓯᒪᔪᒥᒃ 1872ᒥ ᓯᕗᓕᐅᖅᑎᖃᖅᖢᑎᒃ ᑲᐱᑕᓂ ᐅᐃᓕᐊᒻ ᐋᑖᒻᔅ. 1910−11 ᑲᓇᑕᐅᑉ ᒐᕙᒪᒃᑯᖏᑦ ᐅᒥᐊᖓ, ᐊᑎᖃᖃᑕᐅᖕᒥᔪᖅ ᐋᒃᑎᒃᒥ ᓯᒃᑯᔾᔭᐅᓚᐅᖅᓯᒪᔪᖅ ᐅᑮᒋᐊᖃᓕᖅᖢᑎᒃ ᐃᒃᐱᐊᕐᔪᖕᒥ. ᐅᒥᐊᕐᔪᐊᕐᒥ ᐃᑲᔪᖅᑎᒋᔭᐅᔪᑦ ᑎᑎᕋᓚᐅᖅᓯᒪᔪᑦ ᖃᓪᓗᓈᑎᑐᑦ “ᐋᒃᑎ ᐸᐃᒥ” ᐅᔭᕋᕐᒥ ᓯᕕᖓᔪᓂᒃ ᑕᑯᒃᓴᐅᔪᒥᒃ ᑕᕆᐅᑉ ᐹᖓᓂᑦ ᓱᓕ ᐅᓪᓗᒥᒧᑦ ᑕᑯᒃᓴᐅᔪᖅ.

ᐅᓪᓗᒥ, ᓄᓇᓕᒃ ᖃᐅᔨᒪᔭᐅᑦᑎᐊᖅᑐᑦ ᕿᓚᓗᒐᑦ ᓴᐅᓂᖏᓐᓂᑦ ᐅᒃᑯᓯᒃᓴᓂᓪᓗ ᓴᓇᙳᐊᖅᑕᐅᕙᒃᑐᓂᒃ, ᓴᓇᙳᐊᖅᑕᐅᔪᓪᓗ ᐱᔾᔪᑎᖃᓗᐊᖅᐸᒃᖢᑎᒃ ᐊᖑᓇᓱᖕᓂᕐᒧᑦ ᐊᒻᒪᓗ ᐅᒪᔪᙳᐊᓂ ᑎᖕᒥᐊᙳᐊᓂᓗ. ᐱᓱᖃᑦᑕᕐᓂᖅ, ᑕᒻᒫᕐᓂᖅ, ᐊᒻᒪᓗ ᐃᖃᓪᓕᐊᕐᓂᖅ ᖁᕕᐊᒋᔭᐅᓂᖅᐹᖑᓪᓗᑎᒃ ᖃᓄᐃᓕᐅᕈᑕᐅᓲᑦ ᓄᓇᓕᖕᒥᐅᓄᑦ ᖃᓂᒋᔭᖓᓂ ᓯᕐᒥᓕᐅᑉ ᒥᕐᖑᐃᖅᓯᕝᕕᖓᓂ.

ᖃᓄᐃᓕᖓᖃᑦᑕᖅᓯᒪᓂᖓ

ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᐃᑦᑕᕐᓂᓴᖁᑎᒋᔭᐅᔪᑦ ᐱᓯᒪᔭᐅᔪᑦ ᓇᓗᓇᐃᖅᑕᐅᓯᒪᔪᑦ ᐃᓄᐃᑦ ᓇᔪᖃᑦᑕᖅᓯᒪᓂᖏᓐᓄᑦ ᑕᐃᒪᙵᓂᑦ 2,000ᓂ ᐊᕐᕌᒍᓂᑦ. ᐃᓄᐃᑦ ᖃᐅᔨᒪᔭᐅᖕᒥᔪᑦ ᑐᓄᓂᕐᒥᐅᑕᐅᓂᖏᓐᓄᑦ ᑐᑭᖓ “ ᐃᓄᐃᑦ ᑐᓄᓂᕐᒥᐅᑦ” ᐱᔾᔪᑎᒋᓪᓗᒋᑦ ᖃᖅᑲᖃᕐᓂᖓ. ᓇᑦᑎᖃᐅᖅᑐᖅ, ᕿᓚᓗᒐᓂ, ᐊᓪᓚᙳᐊᓂ, ᐃᖃᓗᓐᓂ ᐊᓯᖏᓐᓂᓗ ᐅᒪᔪᓂᒃ ᑕᒪᒃᑯᐊ ᑕᒡᕙ ᐱᔾᔪᑎᒋᓪᓗᒋᑦ ᐅᒪᔪᐃᑦ ᒪᓕᒃᑕᐅᓪᓗᑎᒃ ᓇᔪᒐᖅᑕᐅᕆᔭᐅᓯᒪᓂᑯ.

ᐃᒃᐱᐊᕐᔪᒃ ᓄᓇᓕᙳᓚᐅᖅᓯᒪᔪᑦ ᑖᒃᑯᐊ ᓂᐅᕕᖅᑎᑐᖃᐃᑦ ᓄᓇᓕᖕᒧᐊᖅᑎᓪᓗᒋᑦ 1936ᒥ. ᐊᑕᐅᑦᓯᒃᑯᓪᓗ, ᒐᕙᒪᑐᖃᒃᑯᑦ ᓅᑦᓯᓚᐅᕐᒪᑕ ᐃᓄᖕᓂᑦ ᐃᓚᒌᓂ ᐃᒃᐱᐊᕐᔪᖕᒧᑦ ᑭᙵᕐᓂᑦ, ᐸᖕᓂᖅᑑᒥᑦ, ᒥᑦᑎᒪᑕᓕᖕᒥᓗ. 1950ᒥ ᒐᕙᒪᑐᖃᒃᑯᑦ ᑲᔪᖏᖅᓴᐃᓪᓗᑎᒃ ᐃᓄᖕᓂᑦ ᓄᓇᓕᖕᒧᑦ ᓅᖁᔨᓪᓗᑎᒃ ᐃᑲᔪᖅᑕᐅᑦᓯᐊᕐᓂᐊᕐᓂᕋᖅᑕᐅᓪᓗᑎᒃ ᐱᔨᑦᓯᖅᑕᐅᑦᓯᐊᕐᓗᑎ. 1960 ᐊᕐᕌᒍᖓᑕ ᐃᓱᐊᓂ ᐃᓕᓐᓂᐊᕐᕕᖃᓕᓚᐅᖅᑐᖅ, ᑐᔪᕐᒥᕕᖕᒥ, 22ᓂ ᐃᒡᓗᓂ ᐊᒻᒪᓗ ᖃᔅᓰᓐᓇᐅᔪᓂᒃ ᒐᕙᒪᒃᑯᑦ ᐊᒡᓚᕝᕕᖏᓐᓂ.

1957ᒥ ᓴᕕᕋᔭᒃᓴᒥᒃ ᓇᓂᓯᔪᖃᓚᐅᖅᓯᒪᔪᖅ ᐊᒻᒪᓗ ᑭᖑᓂᐊᓂ ᒪᑐᐃᖅᓯᓪᓗᑎᒃ ᓇᓂᓯᕕᖕᒥ ᐅᔭᕋᕐᓂᐊᕐᕕᖕᒥ 1970ᓂ. ᑖᓐᓇ ᐅᔭᕋᕐᓂᐊᕐᕕᒃ 20kmᓂ ᐅᖓᓯᓐᓂᖃᓚᐅᖅᑐᖅ ᐃᒃᐱᐊᕐᔪᖕᒥᑦ ᐊᒻᒪᓗ ᐱᒻᒪᕆᐋᓗᒃᑯᑦ ᐊᒃᑐᖅᓯᓚᐅᕐᒪᑦ ᓄᓇᓕᖕᒥ ᐱᕙᓪᓕᐊᓂᕆᔭᖓᓂᓗ. ᐱᕕᒃᓴᖃᓕᖅᖢᓂ ᑮᓇᐅᔭᓕᐅᕈᓐᓇᖅᖢᑎᒃ, ᐊᒃᑐᐃᔪᓂᒃ ᐃᓄᐃᑦ ᓄᒃᑕᖃᑦᑕᑦᓯᐊᕈᓐᓃᖅᖢᑎᒃ ᐊᒻᒪᓗ ᐃᓅᓯᕐᒥ ᖃᓄᐃᓐᓂᕆᔭᖏᓐᓂᒃ ᐊᓯᔾᔩᓪᓗᓂ. ᓇᓂᓯᕕᒃ ᐅᔭᕋᕐᓂᐊᕐᕕᒃ ᒪᑐᓚᐅᖅᑐᖅ 2002ᒥ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᐃᒃᐱᐊᕐᔫᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᑲᖏᑦᑐᒑᐱᐅᑉ ᕼᐊᒻᓚᖓ ᑲᓇᖕᓇᖓᓃᑦᑐᖅ ᕿᑭᖅᑖᓘᑉ ᐱᖓᖕᓇᖔᖓᓂ ᑲᖏᖅᑐᒑᐱᐅᑉ ᑲᖏᖅᑐᖓ ᑕᐅᕗᖓ ᑐᕌᖅᑐᑦ ᐱᑐᖃᐅᓂᖅᐹᖑᔪᒥᒃ ᓯᕐᒥᓕᖕᒥ ᑲᓇᑕᒥ, ᐸᐅᓐᔅ ᓯᕐᒥᖓ, ᖃᐅᔨᒪᔭᐅᔪᑦ ᑲᔾᔮᕐᓇᕐᓂᖅᐹᖑᖃᑕᐅᓂᖓᓄᑦ ᑲᓇᑕᒥ.

ᑲᖏᖅᑐᒑᐱᒃ ᑐᑭᖃᖅᑐᖅ “ᒥᑭᔪᑯᓗᒃ ᑲᖏᖅᖢᖓ” ᐃᓄᐃᑦ ᑲᖏᖅᑐᒑᐱᖕᒥᐅᑕᐅᓂᕋᖅᑐᑦ. ᖃᐅᔨᒪᔭᐅᔪᑦ ᐋᖅᑭᐅᒪᑎᑦᓯᓂᖏᓐᓄᑦ ᐃᓄᐃᑦ ᖃᐅᒪᔭᖏᓐᓂᒃ ᐊᒻᒪᓗ ᓴᓇᙳᐊᖅᑕᒥᓂᒃ, ᐱᓗᐊᖅᑐᒥᒃ ᐅᒃᑯᓯᒃᓴᓂ ᓴᓇᙳᐊᒐᓂ ᐊᒻᒪᓗ silkscreens.

ᐊᕐᕌᒍᓂ ᖄᖏᖅᓯᒪᔪᓂ, ᑲᖏᖅᑐᒑᐱᖕᒥᐅᑦ ᐃᖅᑲᓇᐃᔭᖃᑦᑕᖅᑐᑦ ᐊᒻᒪᓗ ᐃᓕᖅᑯᓯᕐᒥᓂᒃ ᐊᑐᖅᐸᒃᖢᑎᒃ. ᑖᒃᑯᐊ ᐃᓕᓴᖅᓯᕕᒃᑯᑦ ᑲᑐᔾᔨᖃᑎᒌᖏᑦ ᐊᒃᓱᕈᖅᖢᑎᒃ ᐱᓕᕆᐊᖃᖃᑦᑕᖅᑐᑦ ᖃᑭᐅᒪᑎᑦᓯᓂᕐᒥᒃ ᐃᓄᐃᑦ ᐃᓕᖅᑯᓯᖓᓂᒃ ᐅᖃᐅᓯᖓᓂᓗ ᐊᒻᒪᓗ ᐊᔭᐅᖅᑐᐃᓪᓚᕆᓚᐅᖅᓯᒪᔪᑦ ᓴᖅᑭᖁᔨᓪᓗᑎᒃ ᐱᖅᑯᓯᓕᕆᕝᕕᖕᒥ ᑕᐃᒪ ᓴᖅᑭᑕᐅᓚᐅᖅᑐ 2011. ᑖᓐᓇ ᐃᓕᓐᓂᐊᕐᕕᒃ ᐱᕕᖃᖅᑎᑦᓯᔪᖅ ᐃᓅᓱᒃᑐᓂ ᐃᓕᓐᓂᐊᕈᓐᓇᕐᓂᕐᒥᒃ ᐃᓕᖅᑯᓯᐅᑉ ᒥᒃᓵᓄᑦ ᓄᒃᑕᕐᓂᕐᒥᒃ, ᒥᖅᓱᕐᓂᕐᒥᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓂᒃ ᖃᓄᐃᓕᐅᕈᓐᓇᕐᓂᕐᒥᒃ.

ᖃᓄᐃᓕᖓᖃᑦᑕᖅᓯᒪᓂᖓ

ᑭᖑᕚᕇᖑᔪᑦ, ᐊᖅᑯᓵᖃᑦᑕᖅᓯᒪᔪᑦ ᑕᐃᑰᓇ ᐅᒪᔪᓂ ᒪᓕᒃᖢᑎᒃ ᐊᓪᓚᙳᐊᓂ, ᓇᑦᑎᕐᓂ, ᓇᓄᕐᓂ ᐊᒻᒪᓗ ᐊᓯᖏᓐᓂᑦ. ᓂᐅᕕᖅᑎᒃᑯᑦ ᐊᐅᓚᓕᖅᑎᓪᓗᒋᑦ 1924ᒥ, ᐃᓚᒌᑦ ᑭᒻᒥᕈᒻᒥᑦ, ᑭᙵᕐᓂᑦ, ᐃᖃᓗᓐᓂᑦ ᐸᖕᓂᖅᑑᒥᑦ ᓅᑕᐅᓚᐅᖅᑐᑦ ᑕᐃᑯᖓ.

ᒐᕙᒪᒃᑯᑦ ᑎᑭᑎᓪᓗᒋᑦ 1960ᓂ, ᑲᖏᖅᑐᒑᐱᐅᑉ ᐃᓄᖏᑕ ᐅᓄᕐᓂᖏᑦ ᐅᓄᖅᓯᒋᐊᓚᐅᖅᑐᖅ ᒪᕐᕈᐃᓪᓗᐊᖅᖢᒍ ᐱᔾᔪᑎᒋᓪᓗᒍ ᓅᑕᐅᖁᔭᐅᓯᒪᓂᖏᓐᓄᑦ ᓄᓇᓕᖕᓄᑦ. ᑭᖑᓂᐊᒍᑦ ᐳᕙᒡᓗᖃᑦᑕᓕᓚᐅᖅᑐᑦ ᐊᒻᒪᓗ ᐃᓚᒌᑦ ᐊᕕᑕᐅᓪᓗᑎᒃ ᐊᒻᒪᓗ ᕿᑐᕐᖓᕆᔭᐅᔪᑦ ᐃᓕᓐᓂᐊᕆᐊᕆᐊᖃᓕᖅᖢᑎᒃ. 1970ᓂ, ᑐᑭᑖᖅᑐᖃᓚᐅᖅᑐᖅ ᓅᑕᐅᖁᔭᐅᓪᓗᓂ ᓄᓇᓕᒃ ᑲᓇᖕᓇᖔᖓᓃᑎᓪᓗᒍ ᑕᐃᑯᖓ ᐱᖓᖕᓇᖔᖓᓄᑦ ᐸᑐᕆᓴ ᑕᕆᐅᖓᓂᑦ ᒪᓂᕋᐅᓂᖅᓴᐅᔪᒧᑦ ᐃᒡᓗᓕᐅᕐᕕᐅᔪᓐᓇᖅᑐᒥᒃ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᑲᖏᖅᑐᒑᐱᐅᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᐊᐅᓱᐃᑦᑐᑦ ᓂᒋᐊᓃᑦᑐᑦ ᐊᐅᓱᐃᑦᑑᑉ ᕿᑭᖅᑖᓗᐊᓂ, ᖁᑦᑎᓂᖅᐹᒦᑦᑐᖅ ᓄᓇᓕᐅᓪᓗᓂ ᓄᐊᑦ ᐊᒥᐊᓕᒐᒥ. ᐊᐅᓱᐃᑦᑐᖅ ᑐᑭᓕᒃ “ ᐊᐅᓱᐃᑦᑐᖅ”.

ᐊᐅᓱᐃᑦᑐᖅ ᐊᑦᑎᖅᑕᐅᓚᐅᖅᑐᖅ ᑲᖏᖅᖢᖓᓄᑦ ᑕᕆᐅᑉ ᐊᑭᐊᓂᕐᒥᐅᑕᒥ ᐋᑑ ᓯᕘᑐᕋᑉ ᖃᐅᔨᓴᕆᐊᖅᓯᒪᑎᓪᓗᒍ 1898ᒥᑦ 1902ᒧᑦ. ᑖᓐᓇ ᐊᑎᖓ “ᑰᒃᑰᓯ ᑲᖏᖅᖢᖓᓂ” ᑕᕆᐅᑉ ᐊᑭᐊᓂᕐᒥᐅᑕᑎᑐᑦ, ᐱᔾᔪᑎᖃᖅᖢᖅ ᐊᐃᕕᕐᓂ ᑕᑯᖃᑦᑕᓚᐅᖅᑕᖏᓐᓂᑦ.

ᐊᐅᓱᐃᑦᑐᖅ ᖃᐅᔨᒪᔭᐅᔪᖅ ᒪᓂᕋᖓᓄᑦ ᐊᕙᑎᒋᔭᖓᓄᓪᓗ. ᑕᕆᐅᖓ ᓯᑯᓯᒪᖃᑦᑕᖅᑐᑦ 10ᓄᑦ ᑕᖅᑭᓄᑦ ᐊᕐᕌᒍᑕᒫᑦ, ᓯᑯᐃᖅᐸᓪᓕᐊᓕᓲᖅ ᒪᐃᒥᑦ ᐊᒡᒌᓯᒧᑦ, ᓯᕿᓂᖅ ᓂᐱᓱᐃᑦᑐᖅ, ᐊᒻᒪᓗ ᐅᑑᕙᒥᑦ ᕖᕝᕗᐊᓕᐅᑉ ᕿᑎᖓᓄᑦ, ᑖᖏᓐᓇᓕᓲᖅ. ᐊᐅᓱᐃᑦᑐᖅ ᓄᓇᓕᐅᓪᓗᓂ ᐃᒃᑮᕐᓇᕐᓂᖅᐹᖑᓂᕋᖅᑕᐅᔪᖅ ᓄᓇᕐᔪᐊᕐᒥ, ᐊᕐᕌᒍᑕᒫᕈᔪᒃ ᓂᒡᓚᓱᓐᓂᖃᓲᖅ -16°C.

ᐅᓪᓗᒥ, ᐊᖏᕐᕋᕆᔭᐅᓯᒪᑎᓪᓗᒍ ᐊᒥᓱᓄᑦ ᐊᕐᕌᒍᓄᑦ, ᐃᓄᐃᑦ ᐊᐅᓱᐃᑦᑐᕐᒥᐅᑕᐅᓂᕋᖅᑐᑦ. ᓄᒃᑕᕐᓂᖅ ᐱᒻᒪᕆᐅᖃᑕᐅᔪᖅ ᐊᑐᖅᑕᐅᔪᒥᒃ ᓄᓇᓕᖕᒥᐅᓄᑦ ᐅᒪᔪᖃᑦᑕᖅᑐᑦ ᓇᑦᑎᕐᓂ, ᐊᐃᕕᕐᓂ, ᐊᓪᓚᙳᐊᓂ, ᕿᓚᓗᒐᓂ, ᓇᓄᕐᓂ, ᐅᒥᖕᒪᓂᓗ.

ᖃᓄᐃᓕᖓᖃᑦᑕᖅᓯᒪᓂᖓ

1922ᒥ, ᖃᔅᓰᓐᓇᐃᑦ ᐊᕐᕌᒍᓕᒫᑦ ᓇᔪᖅᑕᐅᖃᑦᑕᕐᓂᐊᖅᑐᒥᒃ ᓄᓇᓕᒃᑖᖅᑐᖃᓚᐅᖅᑐᖅ ᐸᓖᓯᒃᑯᓐᓄᑦ ᑕᐃᑲᓂ Craig Harbourᒥ , 55 kmᓂ ᑲᓇᖕᓇᖓᓂ ᐊᐅᓱᐃᑦᑑᑉ. ᐱᓕᕆᐊᒃᓴᖃᓪᓗᐊᓚᐅᖅᑐᑦ ᖃᐅᔨᒪᖁᔨᓪᓗᑎᒃ ᑖᒃᑯᐊ ᐸᓖᓯᒃᑯᑦ ᑖᓐᓇ ᓄᓇᖁᑎᒋᔭᐅᔪᖅ ᑲᓇᑕᒧᑦ ᓇᖕᒥᓂᖁᑎᒋᔭᐅᓄᑦ.

ᐃᓚᒋᖃᑕᐅᓪᓗᒍ ᒐᕙᒪᒃᑯᑦ ᓅᑎᑦᓯᖃᑦᑕᕐᓂᖏᓐᓂ 1950ᓂ, ᓄᓇᒋᔭᐅᖏᓐᓇᕐᓂᐊᖅᑐᒥᒃ ᐃᓄᖕᓄᑦ ᐸᕐᓇᒃᑕᐅᓚᐅᖅᓯᒪᔪᖅ ᐊᐅᓱᐃᑦᑑᑉ ᕿᑭᖅᑖᓗᐊᓂ. 1953ᒥ ᐊᒻᒪ 1955ᒥᓗ, ᐃᓚᒌᑦ ᒥᑦᑎᒪᑕᓕᖕᒥᐅᑦ, ᐃᓚᖐᑦ ᐃᓄᒃᔪᐊᕐᒥᐅᑦ, ᖃᐅᔨᒪᔭᐅᓪᓗᑎᒃ ᐃᑎᕕᒥᐅᖑᓂᕋᖅᑕᐅᓪᓗᑎᒃ ᓅᑕᐅᓚᐅᖅᑐᑦ. ᓱᕐᓗ ᐃᓄᐃᑦ ᐊᑐᖅᑕᐅᓂᕐᓗᒃᑕᐅᓯᒪᔪᑦ ᓴᐃᒪᐅᑎᑎᑐᑦ ᑖᒃᑯᐊ ᑲᓇᑕᒃᑯᑦ ᐱᓕᕆᐊᕆᔪᒪᔭᖏᑦ ᐱᓪᓗᒋᑦ ᐅᑭᐅᖅᑕᖅᑐᒥ. ᑕᐃᒪᐃᓕᐅᖅᑎᓪᓗᒋᑦ ᐃᓚᒌᑦᑐ ᐊᕕᑕᐅᓚᐅᖅᑐᑦ, ᓄᓇᓖᑦ ᐊᕕᒃᑐᖅᑕᐅᓪᓗᑎᒃ ᐊᒻᒪᓗ ᐃᓕᖅᑯᓯᒥᓂᒃ ᔭᒐᐃᕙᓪᓕᐊᓪᓗᑎᒃ. ᓅᑕᐅᓂᖏᑦ ᐃᓚᒋᓪᓗᒋᑦ ᑭᖑᓂᐊᒍᑦ ᐳᕙᒡᓗᖕᓂᕐᒧᑦ ᑎᑭᑕᐅᓚᐅᖅᑐᑦ ᐊᒻᒪᓗ ᐃᓚᒌᑦ ᐊᕕᑕᐅᓯᒪᔪᑦ ᐃᓕᓐᓂᐊᖁᔭᐅᓕᖅᖢᑎᒃ.

ᓄᓇᓕᒃ ᐅᕙᓃᖔᓚᐅᕋᓗᐊᕐᒪᑦ Lindstrom Peninsula, 70 kmᓂ ᐱᖓᖕᓇᖓᓂᑦ ᐸᓖᓯᒃᑯᓐᓂᑦ, ᐊᒻᒪᓗ 8 kmᓂ ᐱᖓᖕᓇᖓᓂᑦ ᐊᐅᓱᐃᑦᑐᖅ. 1956ᒥ, ᐸᓖᓯᒃᑯᑦ ᓅᓚᐅᖅᑐᑦ ᐊᐅᓱᐃᑦᑐᕐᒧᑦ, ᐃᓄᐃᑦ ᓅᓪᓗᑎᒃ 1961ᒥ ᐃᓕᓐᓂᐊᕐᕕᖃᓕᖅᑎᓪᓗᒍ.1960ᓂ 1970ᑎᓂᓗ, ᐃᓚᖏᑦ ᓄᓇᓕᖕᒥᐅᑦ, ᐱᓗᐊᖅᑐᒥᒃ ᑕᐃᒃᑯᐊ ᐃᓄᒃᔪᐊᕐᒥᐅᑦᓴᔭᑦ ᐅᑎᓚᐅᖅᑐᑦ ᐃᓄᔾᔪᐊᕐᒧᑦ. ᐊᓯᖏᑦ ᓅᓪᓗᑎᒃ ᒥᑦᑎᒪᑕᓕᖕᒧᑦ ᐊᒻᒪ ᐃᓄᒃᔪᐊᕐᒧᑦ ᐃᓚᒥᓄᑦ ᐅᑎᖅᖢᑎᒃ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᐊᐅᓱᐃᑦᑑᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᐃᒡᓗᓕᒃ ᐊᒥᑦᑑᑉ ᑕᕆᐅᖓᓃᑦᑐᖅ 70km ᐅᐊᖕᓇᖓᓂᐅᑉ ᓴᓂᕋᔭᒃ. ᐱᔨᑦᓯᕈᑎᑦ ᓄᓇᓕᖕᒨᓚᐅᖅᑎᓐᓇᒋᑦ, ᐃᒡᓗᓕᒃ ᐊᑦᑎᖅᑕᐅᓚᐅᖅᑐᖅ ᐃᒡᓗᖃᓚᐅᖅᓯᒪᓂᖓᓄᑦ ᖃᓪᓗᓈᓄᑦ ᑎᑭᑕᐅᓚᐅᙱᑦᑐᑐᖃᐅᑎᓪᓗᒋᑦ ᑲᓇᖕᓇᖓᓂ ᓄᓇᓕᒋᔭᐅᓕᖅᑑᑉ ᐅᓪᓗᒥ. ᑭᖑᓂᖓᓂ ᑖᓐᓇ ᐃᒡᓗᓕᒃ ᓄᕗᐊᓂ ᑐᕌᖓᓂᖅᓴᐅᑎᑕᐅᓕᖅᖢᓂ ᐊᒻᒪᓗ ᐃᒡᓗᓕᒃ ᕿᑭᖅᑕᖓᓂ. ᑖᓐᓇ ᑕᕆᐅᖅ ᐅᓪᓗᒥᐅᔪᒥᒃ ᕼᐊᒻᓚᐅᔫᑉ ᓵᖓᓂ ᑕᐃᔭᐅᓚᐅᖅᓯᒪᔪᖅ Turton Bayᒥ ᒪᐅᖓ ᕿᓂᕆᐊᖃᑦᑕᓚᐅᖅᓯᒪᔪᓂᑦ ᑕᕆᐅᑉ ᐊᑭᓂᙶᖅᑐᓂᑦ

ᐃᒡᓗᓕᒃ, ᑐᒡᓕᕆᔭᐅᓪᓗᓂ ᓄᓇᓕᐅᓪᓗᓂ ᐊᖏᓂᖅᐹᖑᖃᑕᐅᔪᖅ ᕿᑭᖅᑕᓂ, ᑭᓯᐊᓂ ᑭᖑᓪᓕᖅᐹᖑᓚᐅᖅᑐᖅ ᐊᖏᕐᕌᓛᖅᑕᐅᓂᖓᓂ ᐃᓄᖁᑎᒋᔭᐅᔪᓄᑦ. ᐃᓄᐃᑦ ᓇᔪᑲᐃᓐᓇᖃᑦᑕᓚᐅᖅᑐᑦ ᐃᓚᒌᑦ ᓄᓇᒋᕙᒃᑕᖏᓐᓂ, ᓄᒃᑕᕐᕕᐅᒋᐊᖅᑐᖅᖢᑎᒃ ᑲᑎᕝᕕᐅᒋᐊᖅᑐᖅᖢᑎᓪᓘᓐᓃᑦ. ᐃᓄᐃᑦ ᐊᑕᐅᓯᐅᙱᑦᑐᓂᒃ ᐃᓚᒌᑦ ᓄᓇᒋᕙᓚᐅᖅᑕᖏᓐᓂ ᓇᔪᒐᖃᖃᑦᑕᓚᐅᖅᑐᑦ. ᓄᓇᓕᖕᓂᑦ ᐊᓯᖏᑦᑎᑑᓚᐅᙱᑦᑐᑦ ᐅᑭᐅᖅᑕᖅᑐᒥ, ᐃᒡᓗᓕᖕᒥ ᐃᓚᖏᑦ ᐃᓚᒌᑦ ᐃᓚᒌᑦ ᓄᓇᒋᕙᓚᐅᖅᑕᖏᓐᓃᓚᐅᖅᑐᑦ ᑎᑭᖦᖢᒍ 1960ᓄᑦ.

ᑕᕆᐅᖅ ᓯᑯᓯᒪᑎᓪᓗᒍ ᐱᒻᒪᕆᐋᓗᒋᔭᐅᓯᒪᔪᖅ ᓄᓇᓕᖕᓄᑦ ᐊᒻᒪᓗ ᑕᐃᔅᓱᒪᓂᓴᖅ. ᓄᑖᒥᒃ ᓯᑯᓲᖅ ᐊᒥᑦᑑᑉ ᑕᕆᐅᖓ ᐅᑑᕙᒥ ᐊᒻᒪᓗᓄᕖᕝᕙᐅᓕᖅᑎᓪᓗᒍ ᐊᒥᑦᑑᑉ ᑕᕆᐅᖓ ᓯᑯᓯᒪᓕᖅᖢᓂ. ᓯᑯ ᐊᐅᒃᐸᓪᓕᐊᓕᖅᖢᓂ ᒪᐃᒥ ᔫᓂᒥᓘᓐᓃᑦ, ᑭᓯᐊᓂ ᐊᒡᒌᓯᐅᓕᖅᑎᓪᓗᒍ ᐃᒪᐅᓕᖅᖢᓂ

ᐃᒡᓗᓕᒃ ᐃᓕᖅᑯᓯᕐᒥᓂ ᓴᙱᔫᑎᑦᓰᓐᓇᑐᑦ ᐃᓄᖏᑦ. ᑕᐃᒍᖅᑕᐅᖃᑦᑕᖅᓯᒪᔪᖅ ᑐᑦᑕᕐᕕᓪᓗᐊᑕᐅᓪᓗᓂ ᐃᓄᐃᑦ ᐃᓕᖅᑯᓯᖓᓂ ᐊᑐᐃᓐᓇᖅᑐᓂ. ᑕᕆᐅᖓ ᐃᒡᓗᓕᐅᑉ ᐊᒥᓱᓄᑦ ᐊᑐᖅᑕᐅᓯᒪᔪᖅ. ᐃᓕᖅᑯᓯᕐᒥᙶᖅᑐᓂᒃ ᐸᐸᑦᑎᑦᑎᐊᕐᓂᖏᑦ ᖃᐅᔨᒪᔭᐅᔪᑦ ᓄᓇᕘᑉ ᓯᓚᑖᓂ, ᐊᔾᔨᒌᙱᑦᑐᓂᒃ ᐱᓕᕆᕝᕕᐅᓯᒪᓂᖓᓄᑦ ᓱᕐᓗ ᐅᖃᐅᓯᒃᑯᑦ ᐅᓂᒃᑲᐅᓯᑐᖃᐃᑦ ᐊᓯᖏᓐᓂᒃ ᐊᒻᒪᓗ ᓴᓇᙳᐊᖅᑎᖏᓐᓄᑦ.

ᐅᓪᓗᒥ, ᐃᒡᓗᓕᒃ ᐱᕈᖅᐸᓪᓕᐊᑦᓯᐊᖅᑐᖅ ᐊᖏᕐᕋᕆᔭᐅᓪᓗᓂ ᒪᕐᕉᓄᑦ ᑕᕐᕆᔭᒐᒃᓴᓕᐅᖅᑎᓄᑦ: ᐃᒡᓗᓕᒃ ᐃᓱᒪᒃᑯᑦ ᐊᒻᒪᓗ ᐊᒡᓚᕝᕕᖃᕐᓂᖓ ᐃᓄᐃᑦ ᑕᑯᓐᓈᒐᒃᓴᓕᕆᔨᒃᑯᓐᓄᑦ. ᓵᓚᖃᖃᑕᐅᓯᒪᔪᒥᒃ ᑲᓇᑕᒥ ᑕᕐᕆᔭᒃᓴᐅᓪᓗᓂ ᐊᑕᓈᕐᔪᐊᑦ: ᐅᓪᓚᒃᑳᓗᒃ ᐅᐊᔭᓕᐅᖅᑕᐅᓯᒪᔪᒥᒃ ᐃᒡᓗᓕᖕᒥ.

ᖃᓄᐃᓕᖓᖃᑦᑕᖅᓯᒪᓂᖓ

ᑐᑭᓯᑎᒋᔭᐅᔪᑦ ᓯᕗᓕᕕᓃᑦ ᐃᓄᐃᑦ ᓇᔪᓚᐅᖅᑐᑦ ᖃᐅᔨᔭᐅᓯᒪᔪᑦ ᐃᑦᑕᕐᓂᓴᖃᕐᕕᖕᓂᑦ ᐃᒡᓗᓕᐅᑉ ᕿᑭᖅᑕᖓᓂ, ᐃᓚᖏᑦ ᑕᐃᔅᓱᒪᓂᓴᓂᙶᖅᑐᖅ 4,000 ᐊᕐᕌᒍᑦ ᖄᖏᖅᓯᒪᔪᓂ.

ᓯᕗᓪᓕᖅᐹᕐᒥ ᖃᐅᔨᔭᐅᓯᒪᔪᒥᒃ ᐳᓛᖅᑕᐅᓚᐅᕐᓂᖓ ᐊᒥᑦᑑ ᑕᕆᐅᖓ, ᑕᕆᐅᑉ ᐊᑭᓂᙶᖅᑐᓂᑦ 1822-23ᖑᓚᐅᖅᑐᖅ, ᑖᒃᑯᐊ ᑯᐃᓐ ᓄᓇᖓᓂᙶᖅᓯᒪᔪᑦ ᐅᓇᑕᖅᑐᒃᓴᓂᑦ ᐅᒥᐊᕐᔪᐊᒃᑰᖅᖢᑎᒃ ᑕᐃᑯᙵᖅᓯᒪᔪᑦ ᐊᒥᑦᑑᑉ ᑕᕆᐅᖓᓄᑦ. ᑭᖑᓂᐊᓂᑦ 1868ᒥ, ᒥᐊᓕᒐᒥᐅᖅ ᓵᐅᓪᔅ ᕼᐋᓪ ᐃᖏᕐᕋᓚᐅᖅᓯᒪᔪᖅ ᑕᐅᕗᖓ ᖃᐅᔨᓴᕆᐊᖅᖢᑎᒃ ᖃᓄᐃᓕᓚᐅᕐᒪᖔᕐᒦᒃ ᓇᓂᔭᐅᔪᓐᓇᐃᓕᓚᐅᖅᑐᒥᒃ ᕗᕆᓐᑭᓕᓐ ᐃᖅᑲᓇᐃᔭᖅᑎᖏᓪᓗ.

ᓯᕗᓪᓕᖅᐹᕐᒥ ᐃᓄᖕᐸᓪᓕᐊᓕᓚᐅᖅᑐᖅ ᐃᒡᓗᓕᒃ ᑖᒃᑯᐊ ᐃᒃᓯᕋᕐᔪᐊᒃᑯᑦ ᑐᒃᓯᐊᕐᕕᖕᒥ ᓇᑉᐸᐃᓪᓗᑎᒃ 1930ᓂ. ᑭᖑᓂᐊᓂ ᑖᒃᑯᐊ ᓂᐅᕕᖅᑐᑐᖃᐃᑦ ᓂᐅᕕᕐᕕᓕᐅᓚᐅᖅᑐᑦ ᕿᑭᖅᑕᒥ.

1955ᒥ, ᐅᓇᑕᕐᔪᐊᖅᑎᓪᓗᒋᑦ ᐋᖅᑭᒃᓱᐃᔪᖃᓕᓚᐅᕐᒪᑦ ᐊᒥᓱᓂᒃ ᓈᓚᒡᕕᖕᓂ (ᑑᓚᐃᓐᓂ) ᓴᖅᑭᑦᑐᖃᓚᐅᖅᑐᖅ ᐃᒡᓗᓕᐅᑉ ᓄᓇᒋᔭᖏᑕ ᓂᒋᐊ ᖃᐅᔨᓴᕐᕕᐅᖃᑦᑕᕐᓂᖏᓐᓄᑦ ᐊᓯᔾᔨᖅᐸᓪᓕᐊᓚᐅᖅᑐᖅ ᓈᓚᒡᕕᖕᒥ (ᑑᓚᐃᓐᒥ) ᓇᑉᐸᖅᑐᖃᖅᑎᓪᓗᒍᑦ 70 km ᐃᒡᓗᓕᐅᑉ ᓂᒋᐊᓂ, ᓴᓂᕋᔭᖕᒥ. ᑖᓐᓇ ᓈᓚᒡᕕᒃ ᐊᔾᔨᒌᙱᑦᑐᓂᒃ ᐱᕕᒃᓴᖃᖅᑎᑦᓯᔪᓐᓇᖅᓯᓪᓗᓂ ᐃᖅᑲᓇᐃᔮᒃᓴᓂ, ᓘᑦᑕᓂ, ᐊᓯᖏᓐᓂᓗ

1950 ᕿᑎᕈᔪᖓᓂ, ᐊᓯᔾᔨᖅᑐᖃᒻᒪᕆᓚᐅᖅᑐᑦ ᐃᒡᓗᓕᖕᒥ. ᒐᕙᒪᑐᖃᒃᑯᑦ ᐊᑐᐊᒐᖓ ᑲᔪᖏᖅᓴᖅᑕᐅᓗᑎᒃ ᐃᓄᐃᑦ ᖃᓪᓗᓈᑦ ᐱᐅᓯᖏᓐᓂᒃ ᐊᑐᓕᖁᓪᓗᒋᑦ. ᐊᕐᕌᒍᓂ ᖄᖏᖅᐸᓪᓕᐊᔪᓂᒃ, ᕿᑐᕐᖓᕆᔭᐅᔪᑦ ᐊᕕᑕᐅᓪᓗᑎᒃ ᐊᖓᔪᖅᑳᖏᓐᓂᑦ ᐳᕙᒡᓗᒡᕕᓕᐊᖅᑎᑕᐅᓪᓗᑎᒃ ᐊᒻᒪᓗ ᐃᓕᓐᓂᐊᕆᐊᖁᔭᐅᓕᖅᖢᑎᒃ. ᕿᒧᒃᓯᓖᑦ ᕿᒻᒦᔭᖅᑕᐅᓕᖅᖢᑎᒃ ᐊᐅᓚᑦᑎᔪᓂᑦ ᐋᓐᓂᐊᕐᓂᕋᖅᑕᐅᓪᐅᓗᐅᑎᒃ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᐃᒡᓗᓕᐅᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᐃᖃᓗᐃᑦ ᓄᓇᓕᐸᐅᔭᖓ ᐊᔾᔨᒋᔭᐅᙱᒻᒥᔪᖅ ᐊᓯᖏᓐᓂᑦ ᓄᓇᕘᑉ ᓄᓇᓕᖏᓐᓂᑦ. ᖃᓪᓗᓈᑎᑐᑦ ᐊᑐᖃᓚᐅᖅᑐᖅ ᕗᕉᐱᓱ ᐸᐃᒥ. ᐃᖃᓗᐃᑦ ᓄᓇᕗᒥ ᓄᓇᓕᖕᓂᑦ ᐊᖏᓂᖅᐹᖑᔪᖅ, ᓄᓇᓕᐸᐅᔭᑑᓪᓗᓂ ᐊᒻᒪᓗ ᑐᑦᑕᕐᕕᐅᓪᓗᓂ. “ᐃᖃᓗᐃᑦ ᑐᑭᓕᒃ “ᐃᖃᓗᖃᑦᑎᐊᖅᑐᒥ”.

ᐃᖃᓗᐃᑦ ᐹᖓᓃᑦᑐᑦ ᑎᓂᒃᑲᐅᓛᖑᖃᑕᐅᔪᒥ. ᑕᓯᐅᔭᕐᔪᐊᖓ ᑰᔾᔪᓯᐅᑉ ᑲᖏᖅᖢᖓᓃᑦᑐᖅ. ᑎᓂᑐᓂᖓ ᓯᕕᑐᔪᒥᒃ ᓯᔾᔭᖃᖅᑐᖅ ᐅᔭᕋᓕᒻᒪᕆᐅᔪᓂ ᐊᒻᒪᓗ ᒪᕋᐅᕈᔪᒃᖢᓂ. ᓯᑯᑉᐸᓕᐊᓕᖃᑦᑕᖅᑐᑦ ᑕᓯᐅᔭᕐᔪᐊᖅ ᓄᕖᕝᕙᕈᔪᒥᒃ ᓯᑯᓯᒪᓪᓗᓂ ᔪᓂᒧᑦ.

ᐃᖃᓗᐃᑦ ᑐᑦᑕᕐᕕᓪᓗᐊᑕᕆᔭᐅᔪᖅ ᓄᓇᕗᑦ ᒐᕙᒪᖓᓄᑦ ᐊᓪᓚᕝᕕᖃᐅᖅᖢᑎᒃ. ᓄᓇᕗᒥ ᐋᓐᓂᐊᕐᕕᑐᐊᓪᓚᕆᖓ ᐃᖃᓗᓐᓃᑦᑐᑦ ᐊᒻᒪᓗ ᓄᓇᕗᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖃᖅᖢᓂ. ᐃᒡᓗᖃᐅᖅᑐᖅ ᓇᓂᑐᐃᓐᓈᖅᑐᓂ.

ᐃᖃᓗᐃᑦ ᑎᑭᑕᐅᒐᔪᒃᑐᖅ ᑎᑭᒋᐅᖅᑐᓄᑦ ᐃᖅᑲᓇᐃᔭᕆᐊᖅᖢᑎᒃ ᒐᕙᒪᒃᑯᓐᓄᑦ ᓇᖕᒥᓂᕆᔭᐅᔪᓄᓪᓘᓐᓃᑦ. ᐱᒻᒪᕆᐅᔪᒥᒃ ᐋᓐᓂᐊᖅᑐᓄᑦ ᑐᑦᑕᕐᕕᓪᓚᕆᐅᔪᖅ ᐊᒻᒪᓗ ᑐᑦᑕᕐᕕᐅᓪᓗᓂ ᖃᖓᑕᓲᓄᑦ ᑲᓇᖕᓇᐅᑉ ᐅᑭᐅᖅᑕᖅᑐᖓᓂ, ᐅᐸᒃᑕᐅᒐᔪᒃᖢᓂ ᓄᓇᕗᒥᐅᑕᓄᑦ.

ᖃᓄᐃᓕᖓᖃᑦᑕᖅᓯᒪᓂᖓ

ᑕᐃᔅᓱᒪᓂ, ᐃᓄᐃᑦ ᐊᒻᒪᓗ ᐊᕙᑎᖓ ᖃᐅᔨᒪᔭᐅᑦᑎᐊᓚᐅᖅᑐᖅ ᐃᖃᓗᖃᑦᑎᐊᕐᓂᖓᓂ ᐊᐅᔭᒃᑯᑦ, ᐊᒻᒪᓗ ᐊᖅᑯᓵᕐᕕᐅᕙᒃᖢᓂ ᐃᓄᖕᓄᑦ ᑐᒃᑐᓯᐅᕐᕕᖏᓐᓄᓕᐊᖅᑐᓄᑦ ᕿᑎᖓᓂ ᕿᑭᖅᑕᓘᑉ.

ᐃᓄᖕᓄᑦ-ᑐᕌᖓᙱᑦᑐᓂᒃ ᑎᒥᖁᑎᒋᔭᐅᔪᑦ ᑭᖑᓂᖓᓂᑦ ᓴᖅᑭᑉᐸᓪᓕᐊᓚᐅᖅᑐᑦ ᐊᓯᖏᑦ ᓄᓇᓖᑦ ᐱᖃᓕᕇᖅᑎᓪᓗᒋᑦ ᕿᑭᖅᑕᓂ. 1914ᒥ ᕼᐊᑦᓴᓐ ᐸᐃᒃᑯᑦ (ᓂᐅᕕᖅᑎᑐᖃᐃᑦ) ᑐᑦᑕᕐᕕᓕᐅᖅᖢᑎᒃ Charles Francis Hall ᑕᕆᐅᖓᓂ. 1920ᒥ, ᓅᑕᐅᓪᓗᓂ Hamlin Bayᒧᑦ ᐊᒻᒪᓗ ᓅᒃᑲᓐᓂᖅᖢᓂ ᖃᐃᕈᓕᖅᑑᒧᑦ, ᐃᖃᓗᐃᑦ ᑲᓇᖕᓇᖓᓂ. ᐃᓄᐃᑦ ᖃᐃᕈᓕᖅᑑᕐᒦᑦᑐᑦ ᑕᐃᒍᐃᓪᓗᑎᒃ ᑐᑦᑕᕐᕕᖕᒥ ᐃᖃᓗᒑᕐᔪᐃᒻᒥ. 1948, ᑖᒃᑯᐊ ᓂᐅᕕᖅᑐᑐᖃᒃᑯᑦ ᕼᐊᑦᓴᓐ ᐸᐃᒃᑯᑦ ᓴᖅᑭᑎᑦᓯᓚᐅᖅᑐᑦ ᐊᑐᖅᑕᐅᖏᓐᓇᕐᓂᐊᖅᓕᑐᒥᒃ ᓂᐊᖁᙴᒥ, ᓱᓕ ᐅᓪᓗᒥ ᓂᐅᖁᙴᓛᖅᑕᐅᔪᖅ ᓄᓇᓕᕋᓛᖅ ᐃᖃᓗᐃᑦ ᓯᓚᑖᓂ

ᒥᐊᓕᒐᐃᑦ ᐅᓇᓕᖏᑦ ᒥᕝᕕᓕᐅᓚᐅᖅᓯᒪᓂᖏᑦ ᐊᔾᔨᒌᙱᑦᑐᓄᑦ ᑎᑭᑕᐅᓯᒪᓕᕐᒪᑦ ᑲᔪᒥᒋᔭᐅᔪᓂᒃ ᐃᓅᓯᕐᓄᑦ ᐃᖅᑲᓇᐃᔮᒃᓴᓂᓗ ᐱᕕᒃᓴᖃᙱᖔᖅᖢᑎᒃ, ᐃᓄᐃᑦ ᓅᑉᐸᓪᓕᐊᓚᐅᖅᑐᑦ ᑕᓯᐅᔭᕐᔪᐊᑉ ᓄᕗᐊᓄᑦ 1940ᓂ. ᐃᖃᓗᐃᑦ ᓄᓇᓕᙳᖅᓯᒪᑎᓪᓗᒍ ᐊᖑᓇᓱᒃᑎᓂ ᐃᓚᒋᔭᖏᓪᓗ ᑕᓯᐅᔭᕐᔪᐊᑉ ᐊᕙᑎᖓᓂᙶᖅᑐᑦ, ᑲᖏᖅᓱᐊᓘᑉ ᐃᓗᐊᓂᓐᙶᖅᑐᑦ, ᑎᓄᔾᔭᕕᖕᒥᐅᓪᓗ.

ᐱᕙᓪᓕᐊᑎᑦᓯᖁᔨᓂᖅ ᐱᔭᐅᔪᒪᓕᖅᑎᓪᓗᒍ ᐅᓇᓕᕐᓂᑦ ᐊᒻᒪᓗ ᒐᕙᒪᒃᑯᑦ ᐊᐅᓚᑦᑎᓂᖏᑦ, ᐃᓄᐃᑦ ᐊᔾᔨᐅᙱᑦᑐᒥᒃ ᐊᑐᓚᐅᖅᑐᑦ 1950ᓂ 1960ᓂᓗ. ᐊᒥᓲᓂᖅᓴᖏᑦ ᕿᑭᖅᑕᓂ ᓄᓇᓖᑦ ᐱᒋᐊᖅᑕᐅᓯᒪᓂᑰᖕᒪᑕ ᑕᐅᖅᓯᕐᕕᐅᕝᕕᐅᓪᓗᑎᒃ, ᐊᑯᙱᓪᓕᐅᖅᑐᒃᑰᖅᖢᑎᒃ , ᑭᖑᓂᖓᓂ ᖃᓄᐃᓕᐅᕈᓐᓃᖅᖢᓂ ᐊᖏᕐᕋᖃᖅᑐᓄᑦ ᓄᒃᑕᖅᑎᐅᔪᓄᑦ ᒥᑭᒋᐊᖅᑎᐅᔪᓄᓪᓗ. ᐃᖃᓗᐃᑦ ᐊᔾᔨᖃᓚᐅᙱᑦᑐᖅ. ᐊᕙᑎᖓᓂ ᐃᓄᐃᑦ ᐅᓄᕐᓂᖏᑦ ᖃᔅᓰᓐᓇᐅᓚᐅᖅᑐᑦ. ᐃᓄᒃᐸᓪᓕᐊᓕᓚᐅᖅᑐᖅ ᐊᓯᖏᓐᓂᑦ ᓄᓇᓕᖕᓂᙶᖅᑐᑦ ᕿᑭᖅᑕᓂ ᓅᑉᐸᓪᓕᐊᓪᓗᑎᒃ , ᐊᒻᒪᓗ ᐊᔾᔨᒋᙱᑦᑐᓄᑦ ᐃᓄᓪᓚᕆᐅᙱᑦᑐᓄᑦ ᓅᕝᕕᐅᓂᖓ ᐱᔾᔪᑎᖃᓗᐊᓚᐅᖅᑐᖅ ᒥᓕᒐᒃᑯᑦ.

ᐃᖃᓗᐃᑦ ᑎᑭᑕᐅᕙᓪᓕᐊᖏᓐᓇᖅᑐᖅ ᐅᕕᓂᐅᖃᑎᒌᙱᑦᑐᓂ ᐊᒻᒪᓗ ᐊᖏᓂᖅᐹᖑᔪᖅ ᓄᓇᓕᐅᓂᕐᒥ ᓄᓇᕗᒥ.

1950ᑎ ᕿᑎᐊᓂ ᒥᐊᓕᒐᐃᑦ ᓇᑉᐸᐃᕙᓪᓕᐊᓚᐅᖅᑐᑦ ᓈᓚᕝᕕᕕᓂᕐᓂ (ᐅᓇᑕᖅᑐᒃᓴᖃᕐᕕᕕᓃᑦ) ᓇᓂᑐᐃᓐᓇᖅ ᐅᑭᐅᖅᑕᖅᑐᒥ. ᑲᓇᑕᒥ ᒐᕙᒪᒃᑯᑦ ᓄᓇᓕᙳᖅᑎᑦᓯᒪᔪᑦ ᓂᐊᖁᙳᒥ, ᓂᐅᕕᕐᕕᑐᖃᐃᑦ ᑐᑦᑕᕐᕕᒋᓚᐅᖅᓯᒪᔭᖓᓂᑦ 1955ᒥ

1960ᑎᓂ, ᐃᓚᒌᑦ ᓇᔪᕐᕕᒋᓚᐅᖅᑕᖏᑦ ᐱᑕᖃᕈᓐᓃᓚᐅᖅᓯᒪᔪᑦ ᑕᓯᐅᔭᕐᔪᐊᕐᒥ.

ᓇᑉᐸᐃᒐᓗᐊᖅᑎᓪᓗᒋᑦ ᓂᐊᖁᙳᒥ ᐊᒻᒪᓗ ᒥᕝᕕᓕᐅᕐᓂᖏᓐᓄᑦ, ᑲᓇᑕᒥ ᓯᕗᓕᖅᑎᐅᓚᐅᖅᑐᑦ ᐃᓱᒫᓘᑎᖃᓚᐅᖅᑐᑦ ᐃᖃᓗᐃᑦ ᖃᓄᐃᓐᓂᐊᕐᒪᖔᑦ ᓯᕗᓂᕐᒥᒃ. ᑕᐃᒪᐃᒻᒪᑦ, ᐱᖁᑎᕐᔪᐊᓂᒃ ᓇᑉᐸᐃᓪᓗᑎ ᐊᒻᒪ ᐱᔨᑦᓯᕋᕈᑎᓂᓪᓗ “ᐋᖅᑭᐅᒪᔾᔪᑎᒋᔭᐅᑲᐃᓐᓇᕐᓂᐊᖅᑐᓂ” ᑐᕌᒐᖃᖅᖢᑎᒃ. ᐃᒡᓗᐃᑦ ᐊᑐᖅᑕᐅᔪᑦ ᐃᓄᖕᓄᑦ ᓴᓇᔭᐅᓯᒪᔪᓄᑦ ᐅᓇᓕᕐᓄᑦ ᓇᓗᓇᕈᓐᓃᓚᐅᖅᑐᖅ ᐃᒡᓗᒃᓴᓕᐅᑦᑎᐊᕆᐊᖃᕐᓂᖏᓐᓄᑦ. ᑭᓈᓗᖃᐅᑎ ᖃᓂᓗᐊᖅᖢᓂ ᐃᒥᖅᑖᕐᕕᐅᕙᒃᑐᒥ. ᐃᒡᓗᖃᖅᑐᑦ ᓂᓐᓂᐅᖅᖢᑎᒃ ᐊᒻᒪᓗ ᑖᒃᑯᐊ ᐃᒡᓗᐃ ᓴᓇᔭᐅᓯᒪᑦᑎᐊᙱᖦᖢᑎᒃ.

1963ᒥ ᑭᖑᓪᓕᖅᐹᖑᔪᓂ ᒥᐊᓕᒐᐃᑦ ᐅᓇᓕᖏᑦ ᐊᐅᓪᓚᓚᐅᖅᑐᑦ ᐃᖃᓗᓐᓂᑦ ᐊᒻᒪᓗ ᐃᖃᓗᐃᑦ ᐊᐅᓚᑕᐅᖔᓕᖅᖢᓂ ᑲᓇᑕᐅᑉ ᒐᕙᒪᒃᑯᖏᓐᓄᑦ. 1966ᒥ ᒐᕙᒪᑐᖃᒃᑯᓐᓄᑦ ᐃᖃᓗᐃᑦ ᓇᓗᓇᐃᖅᑕᐅᓚᐅᖅᑐᑦ ᑐᑦᑕᕐᕕᐅᓂᐊᖅᖢᓂ, ᐊᒻᒪᓗ ᐃᒡᓗᓕᐅᑦᓯᐊᓕᖅᖢᑎᒃ, ᐃᓕᓐᓂᐊᕐᕕᓂᓗ ᐊᒻᒪᓗ ᐊᓯᖏᓐᓂᑦ ᐱᖁᑎᕐᔪᐊᓂ.

1999ᒥ, ᐃᖃᓗᐃᑦ ᓄᓇᕗᒥ ᑐᑦᑕᕐᕕᙳᓚᐅᖅᑐᖅ ᓄᓇᕗᒥ ᐊᕕᑎᓪᓗᒋᑦ ᓄᓇᑦᓯᐊᕐᒥᑦ ᒪᕐᕉᓕᕐᓗᑎ ᐃᓛᒃᑯᑦ ᐊᐅᓚᑕᐅᔾᔪᑎᖃᕐᓗᑎ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᐃᖃᓗᐃᑦ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᑕᐃᔅᓱᒪᓂᓴᓂ.

ᓂᒋᖓᓃᓐᓂᐹᖑᔪᖅ ᕿᑭᖅᑖᓗᖕᒥ, ᑭᒻᒥᕈᑦ ᐅᐊᖕᓇᖅᐸᓯᖓᓂ Glasgow Inletᒥ. ᖃᐅᔨᒪᔭᐅᖅᑳᓚᐅᖅᑐᑦ ᓚᐃ ᕼᐋᐸᒥ (ᑭᒻᒥᕈᑦ), 1996ᒥ, ᕼᐊᒻᓚᒃᑯᑦ ᐊᓯᔾᔨᖅᓯᓚᐅᖅᑐᑦ ᑭᒻᒥᕈᒻᒧᑦ, ᑐᑭᖓ ᑭᒻᒥᖕᒥ. ᐊᑦᑎᖅᑕᐅᓯᒪᔪᑦ ᐅᔭᕋᕈᓘᔭᐅᓂᖓᓄᑦ ᑲᖏᖅᖢᖓᓂ ᓄᓇᓕᐅᑉ ᓇᔪᖅᑕᖓᓂ, ᓄᓇᐅᑉ ᐃᓕᖅᑯᓯᖓ ᑭᒻᒥᐅᔮᖅᖢᓂ.

ᑕᕆᐅᑦ ᑲᖏᖅᖢᐃᓪᓗ ᐊᕙᑎᖓᓂ ᑭᒻᒥᕉᑉ ᐅᓕᕕᔾᔪᐊᖅᐸᒃᖢᓂ ᐊᒻᒪ ᑎᓂᕕᔾᔪᐊᖅᐸᒃᖢᓂ ᐃᓛᓐᓂᒃᑯᑦ, ᓱᕐᓗ ᖃᐳᓕᓃᑦ ᑭᐳᒃᑕᕐᓂᖏᑦ, ᑎᓂᓐᓂᕐᒥ ᐅᔾᔨᕆᔭᐅᔭᕆᐊᓕᖕᓂᒃᑕᖃᖅᖢᓂ ᐃᖏᕐᕋᓂᖏᓪᓗ ᓴᙱᔫᓪᓗᑎᒃ. ᑭᒻᒥᕈᑦ ᐅᖅᑯᐊᖓᓃᑦᑐᖅ ᐊᑭᓐᓂᖏᓐᓂ ᐃᓐᓇᕈᓂ, ᖃᖅᑲᓂᓗ ᑭᓯᐊᓂ ᓯᓚᐅᑉ ᖃᓄᐃᓐᓂᖓ ᕿᓚᒥ ᐊᓯᔾᔨᑲᐅᖅᑐᓲᖑᓪᓗ ᐊᕐᕌᒎᑉ ᐃᓗᐊᓂ

ᐊᒥᓱᓄᑦ ᑭᒻᒥᕈᒻᒥᐅᓄᑦ, ᓴᓇᙳᐊᕐᓂᖅ ᑮᓇᐅᔭᓕᐅᕈᑕᐅᓪᓗᐊᑕᖅᑐᑦ ᐊᒻᒪᓗ ᐃᓕᖅᑯᓯᕆᔭᐅᓪᓗᓂ. ᐱᖓᓱᓂ ᐊᔾᔨᒌᙱᑦᑐᓂᒃ ᐅᔭᕋᕐᓂ ᐱᑕᖃᖅᑐᖅ ᑭᒻᒥᕉᑉ ᐊᕙᑎᒋᔭᖓᓂᑦ, ᐊᒻᒪᓗ ᒫᐳᓪ ᐊᒻᒪᓗ ᐅᔭᕋᑦᓯᐊᕙᓂ. ᐊᒥᓱᑦ ᓴᓇᙳᐊᖅᑏᑦ ᓄᓇᕐᔪᐊᕐᒥ ᖃᐅᔨᒪᔭᐅᑦᓯᐊᖅᑐᑦ

ᑲᔾᔮᕐᓇᖅᑐᒥᒃ ᐊᕙᓗᔭᐅᓯᒪᑎᓪᓗᒍ, ᑭᒻᒥᕈᑦ ᐹᖓᓃᑦᑐᖅ ᑯᔾᔪᐊᑉ ᐊᒪᓗ ᖃᓂᖦᖢᓂᓗ ᑲᑕᓐᓇᓕᒃ ᒥᕐᖑᐃᖅᓯᕝᕕᐊᓄᑦ.

ᖃᓄᐃᓕᖓᖃᑦᑕᖅᓯᒪᓂᖓ

ᐃᓄᐃᑦ ᓇᔪᖅᓯᒪᔪᑦ ᕿᑭᖅᑖᓘᑉ ᓂᒋᖅᐸᓯᐊᓂ ᑖᐅᓴᑎᓂ ᐊᕐᕌᒍᓂ. ᑭᒻᒥᕈᒻᒥᐅᑦ ᓯᕗᓪᓕᖅᐹᖑᓪᓗᑎᒃ ᐃᓅᓪᓚᕆᐅᓪᓗᑎᒃ ᐃᓄᓪᓚᕆᐅᙱᑦᑐᓂ ᑎᑭᑕᐅᓚᐅᖅᓯᒪᔪᑦ. ᐊᖕᓕᑲᒃᑯᑦ, ᓂᐅᕕᕐᕕᑐᖃᒃᑯᑦ (ᕼᐊᑦᓴᓐ ᐸᐃ) ᐊᒻᒪᓗ ᐸᓖᓯᒃᑯᑦ 1900 ᓄᙳᕈᔪᖓᓂ ᑎᑭᓕᖅᖢᑎᒃ.

ᐃᓄᐃᑦ ᓇᔪᖃᑦᑕᓚᐅᖅᑐᑦ ᐃᓚᒌᑦ ᓄᓇᒋᕙᒃᑕᖏᓐᓂᑦ, ᑕᒪᒃᑯᐊᓗ ᓄᓇᒋᔭᐅᕙᓚᐅᖅᑐᑦ ᓄᒃᑕᕐᕕᐅᕝᕕᐅᓂᖅᓴᐅᓪᐅᓗᑎᒃ, ᑲᑎᕝᕕᐅᕙᒃᖢᑎᒃ. ᐃᓄᐃᑦ ᐊᑕᐅᓯᐅᙱᑦᑐᓂᒃ ᓄᓇᖃᖃᑦᑕᓚᐅᖅᑐᑦ, ᓅᑉᐸᒃᖢᑎᒃ ᒪᓕᒃᖢᑎᒃ ᐅᒪᔪᓂ. 1950ᑎᐅᓕᖅᑎᓪᓗᒍ, ᐊᒥᓲᓂᖏᑦ ᐃᓄᐃᑦ ᐃᓚᒌᑦ ᓄᓇᒋᕙᒃᑕᖏᓐᓃᓚᐅᖅᑐᑦ, ᑭᓯᐊᓂ ᐃᓚᒌᑦ ᑭᒻᒥᕈᓕᐊᖃᑦᑕᖅᖢᑎᒃ ᑕᐅᖅᓰᖃᑎᖃᕆᐊᖅᑐᖅᖢᑎᒃ, ᓘᑦᑖᓕᐊᖅᑐᑦ, ᐅᕝᕙᓘᓐᓃᑦ ᐃᖅᑲᓇᐃᔭᕆᐊᑲᐃᓐᓇᖅᑐᑦ.

1950ᓂ, ᑭᒻᒥᕉᑉ ᐃᓄᐃᑦ ᐅᓄᕐᓂᖏᑦ ᐅᓄᑭᓪᓕᕙᓪᓕᐊᓚᐅᖅᑐᑦ. ᐃᓚᖏᑦ ᐃᓄᐃᑦ ᐊᐅᓪᓚᖅᖢᑎᒃ ᐃᖅᑲᓇᐃᔮᒃᓴᓄᑦ ᐃᖃᓗᓐᓄᑦ, ᕿᓚᒻᒥᐅᔪᒥᒃ ᐱᕈᖅᐸᓪᓕᐊᔪᒥᒃ ᐱᓪᓗᒋᑦ ᒥᐊᓕᒐᐃᑦ ᐊᒻᒪ ᒐᕙᒪᑐᖃᒃᑯᑦ ᐱᓕᕆᔭᖏᓐᓄᑦ. ᐊᓯᖏᑦ ᐃᓄᐃᑦ ᐊᐅᓪᓚᓚᐅᖅᓯᒪᔪᑦ ᐃᓚᖏᑦ ᖃᓪᓗᓈᓄᑦ ᐊᐅᓚᖅᑎᑕᐅᖕᒪᑕ ᓘᑦᑖᓕᐊᖅᖢᑎᒃ. ᐃᓚᒌᑦ ᓄᓇᒋᕙᒃᑕᖏᓐᓂ ᓇᔪᖃᑦᑕᖅᑐᑦ ᓇᔪᖅᑕᐅᒍᓐᓃᖅᖢᑎᒃ ᐱᓪᓗᒍ ᖃᓂᒋᔭᖃᕈᒪᒐᒥᒃ ᐃᓚᒥᖕᓂᑦ.

80ᐳᓴᓐᑎᖏᑦ ᕿᒻᒦᑦ (ᕿᒧᒃᓯᐅᑎᑦ) ᐱᖦᖤᖏᓴᖅᑐᐋᓘᓕᖅᑎᓪᓗᒋᑦ 1960ᒥ ᐊᒃᓱᕈᓐᓇᖅᑐᒋᔭᐅᓚᐅᖅᑐᑦ ᑭᒻᒥᕈᒻᒥᐅᓄᑦ. ᕿᒻᒦᑦ ᐅᓄᖅᓯᕙᓪᓕᐊᒐᓗᐊᖅᑎᓪᓗᒋᑦ ᐊᐅᓚᑕᐅᑦᓯᐊᓕᖅᖢᑎᒃ, ᕿᒻᒦᔭᖅᑕᐅᓂᖅ ᐊᒃᑐᕈᑎᒋᔭᐅᔪᒻᒪᕆᐅᒐᓗᐊᖅᑎᓪᓗᒍ ᖄᖓᒍᒃᑲᓐᓂᖅ ᕿᒻᒥᖃᕐᓂᖅ ᐊᐅᓚᑕᐅᓂᖏᑦ ᐋᖅᑭᒃᓯᔪᖃᖅᖢᓂ ᓄᓇᓕᖕᓂ ᑭᖑᓂᐊᓂ.

ᑲᑉᐱᐊᓱᒃᖢᑎᒃ ᑖᒃᑯᐊ ᓂᐅᕕᖅᑎᑐᖃᖅᑐᑦ (ᕼᐊᑦᓴᓐ ᐸᐃ) ᒪᑐᔭᐅᓂᐊᕋᓱᒋᔭᐅᓪᓗᓂ ᐱᔾᔪᑎᖃᖅᖢᑎᒃ ᖃᔅᓯᓐᓇᐅᓗᐊᓕᕐᓂᖏᑦ ᓄᒃᑕᖅᑎᐅᔪᑦ ᐊᒻᒪᓗ ᐊᑭᑭᓪᓕᓯᒪᓂᖏᑦ ᒥᖅᑯᓖᑦ, ᒐᕙᒪᒃᑯᑦ ᖃᓄᐃᓕᐅᕆᐊᖅᖢᑎ 1960ᓂ ᑲᔪᖏᖅᓴᕈᑎᒋᔭᐅᓪᓗᑎᒃ ᐃᓕᓐᓂᐊᕐᕕᓕᐅᖅᖢᑎ, ᐋᓐᓂᐊᕐᕕᖕᒥ ᐊᒻᒪᓗ ᐃᒡᓗᓂ ᐃᓄᐃᑦ ᓅᖁᓪᓗᒋᑦ ᓄᓇᓕᖕᓄᑦ . ᑕᐃᔅᓱᒪᓂ ᐃᓅᓰᑦ, ᐱᕙᓪᓕᐊᓂᕐᓗ ᐊᒻᒪᓗ ᒐᕙᒪᓕᕆᓂᖅ ᐊᓯᔾᔨᖅᑐᒻᒪᕆᐅᑎᓪᓗᒋ ᐊᒃᑐᐃᔪᒻᒪᕆᐅᓚᐅᖅᑐᖅ ᐊᒥᓱᓂ ᕿᑭᖅᑕᓂ. 1969ᒥ, ᐊᑕᐅᓰᓐᓇᓂ ᐃᓚᒌᑦ ᓄᓇᒋᕙᒃᑕᖏᑦ ᐊᒥᐊᒃᑯᑑᓚᐅᖅᑐᖅ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᑭᒻᒥᕉᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᑭᙵᐃᑦ ᐅᐊᖕᓇᖔᖓᓂ ᑭᙵᐃᑦ ᕿᑭᖅᑕᖓᓂᑦ, ᓯᑯᓰᓚᐅᑉ ᖃᓂᒋᔭᖓᓂ, ᓂᒋᐊᓂ ᓄᕗᐊᓂ ᕿᑭᖅᑖᓘᑉ. ᓯᑯᓰᓚᖅ,ᖃᖅᑲᖃᖅᑐᖅ ᖁᑦᑎᒃᑐᓂ, ᒪᓂᙱᑦᑑᓪᓗᑎᒃ, ᖃᐅᔨᒪᔭᐅᔪᑦ ᑭᖓᐃᑦ, ᖁᑦᑎᓛᖃᖅᖢᑎᒃ ᑕᐃᑲᓂ ᑭᙵᐃᑦ ᕿᑭᖅᑕᖓᓂ.

ᐃᓄᐃᑦ ᐊᑎᖅᓯᓯᒪᔪᑦ ᑭᙵᓂ, ᐱᔾᔪᑎᒋᓪᓗᒍ ᖁᑦᑎᒃᑑᓂᖏᑦ ᖃᖅᑲᐃᑦ ᐊᕙᓗᓯᒪᔪᑦ ᓄᓇᓕᖕᒥ. ᓄᓇᓕᒃ ᑕᐃᔭᐅᖕᒥᔪᖅ ᓯᑯᓰᓚᕐᒥ, ᐱᔾᔪᑎᒋᓪᓗᒍ ᑖᓐᓇ ᑲᖏᖅᖢᖓ ᓯᑯᓱᐃᑦᑑᓂᖓᓄᑦ ᐊᕐᕌᒍᓕᒫᖅ. 1631ᒥ, ᑭᙵᐃᑦ ᐊᑦᑎᖅᑕᐅᓚᐅᖅᓯᒪᔪᖅ ᑯᐃᓐ ᓄᓇᖓᓃᓐᖔᖅᓯᒪᔪᒥᒃ ᑲᐱᑕᓂᒥ Fourth Earl of Dorset.

ᑭᙵᐃᑦ ᐃᓕᓴᕆᔭᐅᓯᒪᔪᖅ “ᓄᓇᓕᒃ ᐃᓄᓕᒃ ᓴᓇᙳᐊᖅᑎᓂ” ᐊᒻᒪᓗ 1950ᓂ ᐱᒋᐊᖅᖢᒍ ᑎᑎᖅᑐᒐᖃᑦᑕᓕᓚᐅᖅᑐᑦ, ᓴᓇᙳᐊᖅᖢᑎ. ᕿᑭᖅᑕᓃᒃᑯᑦ ᐅᐱᒍᓱᒃᖢᑎᒃ ᐃᑲᔪᖃᑕᐅᓯᒪᔪᑦ ᑮᓇᐅᔭᑎᒍᑦ ᕿᓐᓄᐊᕐᔪᐊᖅ ᐃᓕᖅᑯᓯᓕᕆᓂᕐᒧᑦ ᑐᑦᑕᕐᕕᖓᓂᒃ ᐊᒻᒪ ᑎᑎᖅᑐᒐᕐᕕᖕᒥ ᒪᑐᐃᓚᐅᖅᑐᒥᒃ 2018ᒥ. ᑖᓐᓇ ᑐᑦᑕᕐᕕᒃ ᐱᔨᑦᓯᖅᐸᒃᑐᖅ ᓴᓇᙳᐊᕐᕕᐅᓪᓗᓂ ᐊᒻᒪᓗ ᑕᑯᒃᓴᐅᑎᑦᓯᕝᕕᐅᓪᓗᓂ ᓴᓇᙳᐊᒐᓂ, ᐊᒻᒪᓗ ᓄᓇᓕᖕᒥᐅᓄᑦ ᐅᐸᒐᕆᔭᐅᓪᓗᓂ.

ᐅᓪᓗᒥ, ᑭᙵᐃᑦ ᖃᐅᔨᒪᔭᐅᑦᓯᐊᖅᑐᖅ ᐱᒻᒪᕆᐅᓂᖅᐹᖑᖃᑕᐅᓂᖓᓂ ᐃᓕᖅᑯᓯᐅᑉ ᒥᒃᓵᓄᑦ ᑲᓇᑕᒥ, ᓴᓇᙳᐊᖏᓐᓄᑦ ᐊᒻᒪᓗ ᑐᓂᕐᓄᑦ ᐊᑐᖅᑕᐅᕙᓚᐅᖅᑐᓂᒃ ᐃᑦᑕᕐᓂᓴᖃᕐᕕᓂ

ᖃᓄᐃᓕᖓᖃᑦᑕᖅᓯᒪᓂᖓ

ᑭᙵᐃᑦ ᓇᔪᖅᑕᐅᓯᒪᔪᑦ 2,000ᓂ ᐊᕐᕌᒍᓂ, ᑐᓂᕐᓄᑦ ᐅᕝᕙᓘᓐᓃᑦ ᑐᓃᑦ ᓯᕗᓪᓕᕆᔭᖏᓐᓄᓗ, ᐊᒻᒪᓗ ᑭᖑᓂᐊᓂ ᐃᓄᖕᓄᑦ. ᑖᓐᓇ ᓄᓇ ᐊᒥᓱᓄᑦ ᐊᖏᕐᕋᕆᔭᐅᓚᐅᖅᑐᖅ ᐃᓚᒌᓄᑦ ᓄᒃᑕᖅᑎᐅᔪᓂᒃ ᒪᓕᖃᑦᑕᖅᑐᓂᒃ ᐅᒪᔪᑦ ᓇᒧᙵᐅᕙᓪᓕᐊᓂᕐᒧᑦ ᐊᒻᒪᓗ ᐊᕙᑎᐅᑉ ᖃᓄᐃᓐᓂᕆᔭᖓᓂᑦ.

1913ᒥ ᑖᒃᑯᐊ ᓂᐅᕕᖅᑎᑐᖃᑦ (HBC) ᓇᑉᐸᐃᓚᐅᖅᓯᒪᔪᑦ ᓂᐅᕕᕐᕕᖕᒥ ᑭᙵᐃᑦ ᕿᑭᖅᑕᖓᓂ. ᖃᔅᓰᓐᓇᐅᓚᐅᖅᑐᑦ ᐃᓄᐃᑦ ᐃᓚᒌᑦ ᓅᓚᐅᖅᑐᑦ ᑭᙵᓄᑦ ᓄᓇᓕᖕᒥᐅᑕᐅᓂᐊᓕᖅᖢᑎᒃ ᐊᒻᒪᓗ ᐃᖅᑲᓇᐃᔭᕐᓗᑎᒃ ᓂᐅᕕᖅᑎᒃᑯᓐᓂ. 1930ᓂ, ᑖᒃᑯᐊ ᓂᐅᕕᖅᑎᒃᑯᑦ ᐊᖏᖅᑕᐅᓚᐅᖅᓯᒪᔪᑦ ᒐᕙᒪᑐᖃᒃᑯᓐᓂᑦ ᓅᑎᑦᓯᓂᐊᖅᖢᑎᒃ ᑭᙵᕐᓂᑦ ᑕᐃᑯᖓ ᓂᐅᕕᖅᑎᒃᑯᓐᓄᑦ ᐅᐊᖕᓇᒦᑦᑐᒥ. ᑕᒪᓐᓇ ᑲᔪᓯᓚᐅᙱᑦᑐᖅ ᐊᒻᒪᓗ ᑕᐃᒃᑯᐊ ᐃᓄᐃᑦ ᑕᐃᑯᖓ ᓅᑕᐅᔪᑦ ᓅᑕᐅᖔᓕᖅᖢᑎᒃ ᐃᒃᐱᐊᕐᔪᖕᒧᑦ, ᐊᓯᖏᓐᓄᓪᓘᒐᓗᐊᖅ ᓄᓇᕗᒥ ᓄᓇᓕᖕᓂ.

1950ᖏᓐᓂ, ᒐᕙᒪᑐᖃᒃᑯᑦ ᓯᓚᐃᕐᕆᐊᖃᓚᐅᖅᑐᑦ ᑭᙵᕐᒥᐅᓂᒃ ᑕᒻᒫᕐᕕᖕᓂᑦ ᓅᖁᔨᓪᓗᑎᒃ ᓄᓇᓕᖕᒧᑦ. ᑕᒪᓐᓇ ᐊᑕᐅᓯᕐᒨᖅᑲᖅᑕᐅᓂᖏᑦ ᐱᔾᔪᑎᖃᓗᐊᓚᐅᖅᑐᖅ ᒐᕙᒪᒃᑯᑦ ᑲᑎᑎᕆᕙᓪᓕᐊᑎᓪᓗᒋᑦ ᐱᔨᑦᓯᕐᓂᕆᔭᖏᓐᓂᒃ ᑭᙵᕐᓂ.

ᐊᑕᐅᓯᕐᒨᖅᑲᖅᑕᐅᓂᖏᑦ ᕿᒻᒦᔭᕈᑕᐅᓕᓚᐅᖅᓯᒪᔪᖅ ᐊᐅᓚᑦᑎᔨᐅᔪᓄᑦ ᓄᓇᓕᖕᓂ

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᓂᕈᐊᕈᕕᑦ ᐃᓄᐃᑦ ᐊᒻᒪᓗ ᑭᙵᐃᑦ ᒥᒃᓵᓄᑦ, ᐳᓛᕆᐊᕐᓗᒍ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᐸᖕᓂᖅᑑᖅ ᐱᖓᔪᒋᔭᐅᓪᓗᓂ ᐊᖏᓂᖅᐹᖑᔪᖅ ᕿᑭᖅᑕᓂ. ᐸᖕᓂᖅᑑᖅ ᑐᑭᓕᒃ “ᐸᖕᓂᖃᕐᓂᖓᓄᑦ”, ᐸᖕᓂᖅᑑᑉ ᑲᖏᖅᖢᖓᑕ ᐹᖓᓃᑦᑐᖅᓂ ᖃᖅᑳᓗᖕᓂ ᐊᕙᓗᔭᐅᓯᒪᓪᓗᓂ. ᑲᖏᖅᖢᖅ ᑲᑎᓲᖅ ᑲᖏᖅᑐᐊᓗᖕᒥ. ᐃᒪᖏᑦ ᐸᖕᓂᖅᑑᑉ ᐊᒥᓱᓄᑦ ᐃᒪᕐᒥᐅᑕᓄᑦ ᓇᔪᒐᕆᔭᐅᔪᒻᒪᕆᐅᔪᖅ. ᐸᖕᓂᖅᑑᖅ ᓂᒋᐊᓂ ᐊᖅᑯᑕᐅᓂᖓ ᐊᐅᔪᐃᑦᑐᖅ ᒥᕐᖑᐃᖅᓯᕝᕕᐊᓂ ᐊᒻᒪᓗ ᐳᖅᑐᔪᓂ ᖃᖅᑲᖏ ᖃᐃᖅᓱᐋᓘᑉ

ᐸᖕᓂᖅᑑᕐᒥᐅᑦ ᑕᐅᕙᙵᓂᐋᓗᒃ ᓴᓇᙳᐊᖃᑦᑕᖅᓯᒪᔪᑦ ᑎᑎᖅᑐᒐᖃᑦᑕᖅᓯᒪᔪᓪᓗ. 1970ᒥ ᓄᕕᖅᓴᕐᓂᖅ ᑮᓇᐅᔭᓕᐅᕈᑕᐅᔪᓐᓇᖅᓯᓚᐅᖅᑐᖅ ᐊᕐᓇᓄᑦ. ᑕᐃᒪᙵᓂᑦ, ᓄᕕᖅᓴᕐᓂᖅ ᐱᕈᖅᓯᒪᔪᖅ. 1991ᒥ, ᐅᖅᑯᕐᒥᐅᑦ ᓇᑉᐸᖅᑕᐅᓚᐅᖅᓯᒪᔪᖅ ᐃᓗᓕᖃᖅᖢᓂ ᓄᕕᖅᓴᕐᕕᖕᒥ, ᑎᑎᖅᑐᒐᕐᕕᖕᒥ ᓴᓇᙳᐊᓂᓪᓗ ᑕᑯᔭᒐᖃᕐᕕᕋᓛᕐᒥᓗ

ᐅᓪᓗᒥ, ᐸᖕᓂᖅᑑᖅ ᓴᓇᙳᐊᕐᓂᕐᒥᒃ ᑲᔪᓯᑎᑦᓯᒪᔪᑦ ᑮᓇᐅᔭᓕᐅᕈᑕᐅᖃᑕᐅᓪᓗᑎᒃ. ᐅᖅᑯᕐᒥᐅᑦ ᓴᓇᙳᐊᖅᑎᑦ ᓴᓇᔭᖏᓐᓂ ᓴᖅᑭᔮᖅᑎᑦᓯᖃᑦᑕᖅᖢᑎᒃ, ᐸᖕᓂᖅᑑᖅ ᐃᖃᓗᓕᕆᓂᕐᒥ ᐱᕙᓪᓕᐊᓂᖃᑦᓯᐊᕐᒥᔪᖅ ᐊᒻᒪᓗ ᐊᐅᓚᑦᑎᓪᓗᑎᒃ ᖃᔅᓰᓐᓇᐅᔪᓂᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᖃᓗᓕᕆᓂᕐᒥᒃ ᓯᔾᔭᖅᐸᓯᕐᒥ ᓄᓇᕗᒥ.

ᖃᓄᐃᓕᖓᖃᑦᑕᖅᓯᒪᓂᖓ

ᐸᖕᓂᖅᑑᖅ ᖃᐅᔨᔭᐅᓯᒪᔪᖅ ᓇᔪᕐᕕᐅᓯᒪᓂᖓᓂ 1921ᒥᓂᑦ. ᐱᕈᖅᐸᓪᓕᐊᓚᐅᖅᑐᖅ ᓂᐅᕕᕐᕕᑐᖃᒃᑯᑦ (ᕼᐊᑦᓴᓐ ᐸᐃᒃᑯᑦ) ᐊᕙᓗᐊᓂ ᐊᒻᒪᓗ ᐸᓖᓯᒃᑯᑦ ᑕᐃᑯᙵᖅᖢᑎᒃ 1923ᒥ, ᐊᖕᓕᑲᒃᑯᑦ 1926ᒥ, ᐊᒻᒪᓗ ᒐᕙᒪᒃᑯᑦ ᐊᐅᓚᑕᖓᓂ ᐋᓐᓂᐊᕐᕕᖕᒥ 1930ᒥ.

ᑲᖏᖅᑐᐋᓘᑉ ᒥᒃᓵᓄᑦ ᖃᓄᐃᓕᖓᓯᒪᕆᔭᖓᑦ ᐊᔾᔨᐅᙱᑦᑑᖕᒥᔪᖅ ᕿᑭᖅᑕᓂ ᓄᓇᓕᖕᓂ. ᐃᓄᖏᑦ ᐱᖓᓱᐃᓕᖓᔪᓂᒃ ᐃᓅᓯᖏᑦ ᐊᒃᑐᖅᑕᐅᓚᐅᖅᓯᒪᔪᑦ ᐱᒋᐊᖅᖢᒍ 1824ᒥ. ᓯᕗᓕᖅᐹᑦ ᐊᒃᑐᐃᔪᑦ ᐊᕐᕙᕐᓂᐊᖅᑎᓄᑦ, 1824ᒥᑦ 1919ᒧᑦ. ᐊᒥᓱᑦ ᐊᕐᕙᕐᓂᐊᖅᑎᑦ ᑐᑦᑕᕐᕕᓕᐅᓚᐅᖅᑐᑦ ᑲᖏᖅᑐᐋᓗᖕᒥ. ᑕᐃᔅᓱᒪᓂ ᐃᓕᖅᑯᓯᖅ ᐊᒃᑐᖅᑕᐅᓚᐅᖅᓯᒪᔪᖅ, ᐅᓄᑭᓪᓕᓪᓗᑎᒃ ᐃᓄᖏᑦ ᑐᖁᕋᓕᕐᒪᑕ ᐋᓐᓂᐊᓂ, ᐊᒻᒪᓗ ᐊᕐᕖᑦ ᓄᖑᑕᐅᑲᓴᖕᓂᖏᑦ.

ᐊᐃᑉᐹ ᐊᒃᑐᖅᑕᐅᓂᕆᔭᐅᓚᐅᖅᑐᖅ ᐊᓯᔾᔨᖅᐸᓪᓕᐊᔪᓂ 1921ᒥᐅᓚᐅᖅᑐᖅ, ᐃᓄᐃᑦ ᐅᓄᕐᓂᖏᑦ, ᓇᔪᕐᓂᖅᓴᐅᑎᓪᓗᒋᑦ ᑲᖏᖅᑐᐋᓘᑉ ᐊᕙᑎᖓᓂ, ᐊᕕᕈᓘᔮᖅᖢᑎᒃ ᓯᐊᒻᒪᓚᐅᖅᑐᑦ ᐃᓚᒌᑦ ᓄᓇᒋᕙᒃᑕᖏᓐᓄᑦ ᓄᒃᑕᕐᕕᐅᕝᕕᐅᓪᓗᑎᒃ, ᑲᑎᕝᕕᐅᓪᓗᑎᓪᓗ. ᐃᓄᐃᑦ ᐊᑕᐅᓯᐅᙱᑦᑐᓂ ᓄᓇᖃᓚᐅᖅᑐᑦ ᐅᒪᔪᓂ ᒪᓕᒃᖢᑎᒃ. ᐃᓄᐃᑦ ᓄᒃᑕᖃᑦᑕᖅᖢᑎᒃ ᐊᒻᒪᓗ ᐸᖕᓂᖅᑑᓕᐊᖅᐸᒃᖢᑎᒃ ᑕᐅᖅᓰᒋᐊᖅᑐᖅᖢᑎᒃ ᓂᕿᓂ ᐱᖁᑎᓂᓗ. ᑕᐃᒪᓐᓇᐃᓕᐅᖏᓐᓇᓚᐅᖅᑐᑦ 1962ᒧᑦ ᑎᑭᖦᖢᒍ, ᑖᒃᑯᐊ ᒐᕙᒪᒃᑯᑦ ᐱᔨᑦᓯᕋᕈᑎᖏᑦ ᐸᖕᓂᖅᑑᒥ ᐱᖓᔪᒋᔭᐅᓪᓗᓂ ᐊᓯᔾᔨᕈᑎᒋᔭᐅᓚᐅᖅᑐᖅ. ᐃᒡᓗᖃᕐᓂᖅ, ᓘᑦᑖᓕᕆᔭᐅᓂ, ᐃᖅᑲᓇᐃᔮᖃᕐᓂᖅ ᐊᒻᒪᓗ ᐃᓕᓐᓂᐊᕆᐊᖁᔨᓂᖅ ᓅᒍᑕᐅᓚᐅᖅᑐᑦ ᓄᓇᓕᖕᒧᑦ ᐊᒻᒪᓗ 1970ᒥ, ᐃᓄᐃᑦ ᐅᓄᕐᓂᖅᓴᖏᑦ ᓅᑕᐅᓪᓗᑎᒃ ᐸᖕᓂᖅᑑᒧᑦ

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᐸᖕᓂᖅᑑᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᒥᑦᑎᒪᑕᓕᒃ, ᑲᓇᖕᓇᖓᓃᑦᑐᖅ ᑕᓯᐅᔭᕐᒥ, 700km ᐅᐊᖕᓇᖓᓂᑦ ᐅᑭᐅᖅᑕᖅᑑᑉ ᑭᒡᓕᙳᐊᖓᓂ ᕿᑭᖅᑖᓗᖕᒥ. ᒥᑦᑎᒪᑕᓕᒃ ᖃᐅᔨᒪᒪᔭᐅᖕᒥᔪᑦ ᑐᓄᓂᕐᒥᐅᓂ, “ᑐᓄᐊᓃᓐᓂᖓ” ᐅᕝᕙᓘᓐᓃᑦ ᒥᑦᑎᒪᑕᓕᖕᒥᐅᑦ. ᕼᐊᒻᓚᖓ ᐊᑎᖃᑎᖃᖅᑐᖅ ᑕᓕᖅ ᑕᕆᐅᕐᒥ ᐊᕕᑕᐅᓯᒪᔪᒥᒃ ᐊᑭᐊᓂᑦ ᕿᑭᖅᑖᓗᖕᒥᑦ. “Pond’s Bay” ᓂᕈᐊᖅᑕᐅᓚᐅᖅᓯᒪᔪᖅᕿᓂᕆᐊᖅᑎᓄᑦ 1818ᒥ ᐃᖅᑲᐅᒪᔭᐅᓪᓗᓂ ᑯᐃᓐ ᓄᓇᖓᓐᓃᙶᖅᓯᒪᔪᒥᑦ ᐅᓪᓗᕆᐊᓕᕆᔨᒥ.

ᒥᑦᑎᒪᑕᓕᒃ ᐃᓱᒪᒋᔭᐅᓯᒪᔪᖅ ᑲᓇᑕᒥ ᐱᒻᒪᕆᐋᓗᓂᖓᓂ ᐅᑭᐅᖅᑕᖅᑐᒥ. ᑲᔾᔮᕐᓇᖅᑐᐋᓗᒃ ᖃᖅᑲᖃᐅᖅᖢᓂ ᓄᓇᓕᖕᒥ ᐊᕙᓯᒪᔪᓂ ᐊᒻᒪᓗ ᐊᖅᑯᓵᕐᕕᐅᓪᓗᓂ ᓯᕐᒥᓕᒃ ᒥᕐᖑᐃᖅᓯᕝᕕᖕᒧᑦ.

ᒥᑦᑎᒪᑕᓕᒃ ᐱᕈᖅᐸᓪᓕᐊᑦᓯᐊᖅᑐᖅ ᖃᐅᔨᒪᔭᐅᓕᓚᐅᖅᑐᖅ ᐃᓕᓴᕆᔭᐅᑎᓪᓗᒋᑦ 2019ᒥ ᐱᕈᕐᕕᒃᑯᑦ. ᐱᕈᕐᕕᒃ: ᓱᕈᓯᓛᓄᑦ ᐃᓕᓐᓂᐊᕐᕕᒃ ᑮᓇᐅᔭᖅᑖᖅᑎᑕᐅᓚᐅᖅᑐᑦ ᐅᑭᐅᖅᑕᖅᑐᕐᒥᐅᑦ ᐃᓕᓴᕆᔭᐅᔾᔪᑎᖓᓂ ᓵᓚᖃᐅᓯᐊᕐᒥ. ᕿᑭᖅᑕᓃᒃᑯᑦ ᐃᑲᔪᓚᐅᖅᑐᑦ ᑖᔅᓱᒥᖓ ᐱᓕᕆᐊᕐᒥ, ᐱᒋᐊᓚᐅᖅᑐᒥ 2016ᒥ, ᐱᕈᕐᕕᒃᑯᑦ ᐊᑐᖅᑐᑦ ᐃᓄᐃᑦ ᖃᐅᔨᐅᒪᔭᑐᖃᖏᓐᓂ ᑐᙵᕕᓕᖕᒥ ᐱᓕᒻᒪᒃᓴᐃᓂᕐᒥ ᓱᕈᓰᑦ ᐃᓕᓐᓂᐊᕈᓐᓇᖅᖢᑎᒃ ᐊᔭᐅᖅᑕᐅᓯᒪᙱᓪᓗᑎᒃ.

ᖃᓄᐃᓕᖓᖃᑦᑕᖅᓯᒪᓂᖓ

ᒥᑦᑎᒪᑕᓕᒃ ᐊᕙᑎᖓ ᓇᔪᖅᑕᐅᓯᒪᔪᑐᖃᖅ 4 ᑕᐅᓴᓂ ᐊᕐᕌᒍᓂ, ᓯᕗᓪᓕᕕᓂᕆᔭᐅᔪᓄᑦ ᑐᓂᕐᓄᑦ ᑭᖑᓂᖓᓂᓗ ᐊᒻᒪᓗ ᐅᓪᓗᒥ ᐃᓄᖕᓄᖕᑦ. ᑕᐃᒪᙵᓂᐋᓗᒃ, ᐃᓄᐃᑦ ᐅᒪᔪᖅᓯᐅᖃᑦᑕᓚᐅᖅᑐ ᓄᓇᒃᑯᑦ, ᐃᒪᒃᑯᑦ ᓯᑯᒃᑯᓪᓗ. ᓇᑦᑏᑦ, ᕿᓚᓗᒐᐃᑦ ᐊᓯᖏᓪᓗ ᑕᕆᐅᕐᒥᑕᓂ ᐱᒻᒪᕆᐋᓗᒋᔭᐅᓚᐅᖅᑐᑦ ᓂᕿᒃᓴᓪᓚᕆᐅᓪᓗᑎ. ᐃᓕᖅᑯᓯᕐᒥ ᐃᓗᐃᑦᑐᒥᒃ ᐊᑐᖅᑐᓂᒃ ᑕᐃᔅᓱᒪᓂ ᖃᐅᔨᔪᖃᓚᐅᕐᓂᖓᓂᒃ ᐊᖓᒃᑯᑦ ᑮᓇᑉᐸᕆᔭᖏᓐᓂᑦ ᓴᓇᔭᐅᓯᒪᔪᓂᒃ 1 ᑕᐅᓴᓂ ᐊᕐᕌᒍᓂ ᖄᖏᖅᑐᓂ, ᓇᓂᔭᐅᓚᐅᖅᐅᑐᓂ ᓴᓐᓂᕈᒻᒥ

ᓄᓇᓕᒃ ᐱᕈᖅᐸᓪᓕᐊᓚᐅᖅᑐᖅ ᓯᔾᔭᕆᔭᖓᓂ ᑕᓯᐅᔭᐅᑉ. ᑕᐅᖅᓯᕐᕕᒃᑖᖅᖢᓂ 1903ᒥ ᓯᒃᑳᑦᓰᑦ ᐊᕐᕙᕐᓂᐊᕐᕕᖕᒥ ᓇᑉᐸᐃᑎᓪᓗᒋᑦ. 30ᓄᑦ ᐊᕐᕌᒍᓄᑦ, ᖃᓪᓗᓈᑦ ᐊᐅᓚᑦᑎᔨᑦ ᐋᖅᑭᒃᓯᓪᓗᑎᒃ ᒥᑭᓐᓂᖅᓴᓂ ᐊᕐᕙᖕᓂᐊᕐᕕᖕᓂ ᐊᕙᑎᒋᔭᖓᓂ ᒥᑦᑎᒪᑕᓕᐅᑉ.

ᓂᐅᕕᖅᑐᑐᖃᒃᑯᑦ (ᕼᐊᑦᓴᓐ ᐸᐃᒃᑯᑦ) ᓴᖅᑭᑎᑦᓯᓚᐅᖅᑐᑦ ᒥᑦᑎᒪᑕᓕᖕᒥ 1921ᒥ. ᐸᓖᓯᒃᑯᑦ 1922ᒥ ᑎᑭᖦᖢᑎᒃ ᐊᒻᒪᓗ ᒪᕐᕉᓂ ᑐᒃᓯᐊᕐᕕᖃᓕᖅᖢᑎᒃ (ᐃᒃᓯᕋᕐᔪᐊᒃᑯᑦ ᐊᖕᓕᑲᒃᑯᓪᓗ) ᑎᑭᖦᖢᑎᒃ 1929ᒥ. 1945 ᐊᒻᒪ 1962 ᐊᑯᓐᓂᖓᓂ ᒐᕙᒪᒃᑯᑦ ᐱᔪᒪᔭᖏᑦ ᐊᔭᐅᖅᑕᐅᓕᕐᒪᑕ ᑕᐃᒪᐃᒻᒪᑦ ᐃᓕᓐᓂᐊᕐᕕᒃᑖᖅᖢᓂ. ᑭᖑᓂᐊᓂ ᐳᕙᒡᓗᖅᑐᖃᖃᑦᑕᓕᖅᖢᓂ ᐊᒻᒪᓗ ᐃᓚᒌᑦ ᐅᑭᐅᑭᑦᑐᑦ ᐊᕕᑕᐅᓪᓗᑎᒃ ᐃᓕᓐᓂᐊᕆᐊᖃᓕᕋᒥ.

1962 ᐊᒻᒪ 1964ᐊᑯᓐᓂᖓᓂ ᐊᑐᕆᐊᕐᒥ ᓴᓇᔪᖃᓚᐅᖅᑐᖅ ᓄᓘᔮᖕᒧᑦ ᐅᔭᕋᕐᓂᐊᕐᕕᖕᒥ ᒪᑐᐃᓂᖅᑐᖃᖅᖢᓂ. ᑕᐃᒫᒃ ᐱᐅᑎᒋᔪᒥᒃ ᓴᕕᕋᔭᒃᓴᓂ ᖃᐅᔨᔪᖃᕆᐅᖅᖢᓂ ᓇᓂᑐᐃᓐᓇᖅ, ᓄᓘᔮᖕᒥ ᐅᔭᕋᕐᓂᐊᕐᕕᒃ ᓱᓕ ᐅᓪᓗᒥ ᐊᐅᓚᑕᐅᔪᑦ. ᐅᖓᓯᓐᓂᖃᖅᑐᖅ ᒥᑦᑎᒪᑕᓕᖕᒥᑦ 150kmᓂ

ᐊᑯᓐᓂᖓᓂᑦ 1964 ᐊᒻᒪ 1975 ᐃᓄᐃᑦ ᐊᒃᑐᐊᖓᓗᐊᕈᓐᓃᓚᐅᖅᑐᑦ ᓄᓇᒥ ᕿᓚᒻᒥᐅᔪᒥ, ᐃᓕᖅᑯᓯᕆᔭᐅᔪᖅ ᐃᓅᓯᕆᔭᐅᔪᓪᓗ ᐊᓯᔾᔨᖅᖢᑎ ᒥᑦᑎᒪᑕᓕᖕᒧᐊᖁᔭᐅᓕᕐᒪᑕ ᐃᓚᒌᑦ ᒐᕙᒪᑐᖃᒃᑯᓐᓄᑦ. ᑕᐃᔅᓱᒪᓂ, ᓄᑕᕆᔭᐅᔪᑦ ᐊᕕᑕᐅᓚᐅᖅᑐᑦ ᐊᖓᔪᖅᑳᖏᓐᓄᑦ ᐳᕙᒡᓗᒡᕕᖕᒨᕆᐊᖃᕐᒪᑕ ᐊᒻᒪᓗ ᐃᓕᓐᓂᐊᖁᔭᐅᓕᕐᒪᑕ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᒥᑦᑎᒪᑕᓕᐅᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᕿᑭᖅᑕᕐᔪᐊᖅ, 2.5 kmi ᐅᖓᓯᓐᓂᓕᒃ ᑲᓇᖕᓇᖓᑕ ᓯᔾᔭᖓᓂ Cumberland Peninsula ᕿᑭᖅᑖᓗᖕᒥ. ᓴᑐᖅᓯᒪᓂᐊᕐᒪᑕ ᐃᓄᐃᑦ ᐃᓕᖅᑯᓯᖓᓂ ᐊᒻᒪ ᐅᖃᐅᓯᖓᓂᓗ ᐊᑎᓪᓚᕆᖓᓄᑦ ᐊᑎᖅᑖᑎᑕᐅᓚᐅᖅᑐᖅ 1998ᒥ

ᕿᑭᖅᑕᕐᔪᐊᖅ ᓄᓇᖓ ᒪᓂᕋᐅᙱᓐᓂᖅᐹᖑᖃᑕᐅᔪᖅ ᑲᓇᑕᒥ. ᖃᖅᑲᖏᑦ ᐳᖅᑐᔪᐋᓗᐃᑦ ᑲᖏᖅᖢᓂ ᐊᒻᒪᓗ ᐱᖃᓗᔭᖃᐅᖅᖢᑎ. ᐅᖃᖅᑐᖃᓲᖅ ᕿᑭᖅᑕᕐᔪᐊᕉᒃ ᐱᖃᓗᔭᖃᕐᕕᐅᓂᖅᐹᖅ ᓄᓇᕐᔪᐊᕐᒥ. ᕿᑭᖅᑕᕐᔪᐊᖅ ᐅᐊᖕᓇᖓᑦ ᐊᐅᔪᐃᑦᑐᒧᑦ ᐹᕆᔭᐅᔪᖅ ᐊᒻᒪᓗ ᖃᐅᔨᒪᔭᐅᑦᑎᐊᖅᑐᒥᒃ ᖃᐃᖅᓱᐋᓗᖕᒥᑦ.

ᖃᓄᐃᓕᖓᖃᑦᑕᖅᓯᒪᓂᖓ

ᑭᖑᕚᕇᑦ ᐃᓄᐃᑦ ᐃᓚᒌᑦ ᕿᑭᖅᑕᕐᔪᐊᕐᒥ ᐃᓚᒥᖕᓂᑦ ᓇᔪᖃᑦᑕᓚᐅᖅᑐᑦ ᐃᓚᒌᑦ ᓄᓇᒋᕙᒃᑕᖏᓐᓂ ᐋᖅᑭᒃᑕᐅᓯᒪᓪᓗᑎᒃ ᓇᓂᑐᐃᓐᓇᖅ ᐅᒪᔪᑦ ᒪᓕᒃᑕᐅᓪᓗᑎ. ᐃᓚᒌᑦ ᓄᓇᒋᕙᒃᑕᖏᑦ ᐊᑐᖅᑕᐅᖃᑦᑕᓚᐅᖅᑐᑦ ᓄᒃᑕᕐᕕᐅᓪᓗᑎᒃ ᑲᑎᕝᕕᐅᓪᐅᓗᑎᓪᓗ. ᓄᓇᒋᔭᐅᕙᓚᐅᖅᑐᑦ ᐃᓚᒋᓪᓗᒋᑦ ᑭᕕᖅᑑ, ᕿᑭᖅᑕᕐᔪᐊᑉ ᐅᐊᖕᓇᖓᓂᑦ ᐊᒻᒪᓗ ᐹᓪᓚᕕᒃ, ᓂᒋᐊᓂ. ᖃᔅᓰᓐᓇᐅᓪᓗᑎᒃ ᑖᒃᑯᐊ ᓄᓇᒋᔭᐅᔪᑦ ᐱᒻᒪᕆᐋᓗᒋᔭᐅᓚᐅᖅᑐᑦ ᐅᒪᔪᓄᑦ ᑲᑎᕝᕕᐅᓪᓗᑎᒃ ᐃᓚᒌᓄᑦ.

ᖃᐅᑕᒫᖅᓯᐅᑎᓂᒃ ᐊᒻᒪᓗ ᓯᓚᒥ ᒪᓕᒃᖢᑎᒃ ᖃᓄᐃᓕᐅᕐᓂᖏᑦ ᕿᑭᖅᑕᕐᔪᐊᕐᒥᐅᑦ ᐊᓯᔾᔨᖅᑐᒻᒪᕆᐅᓚᐅᖅᑐᖅ ᓱᕐᓗ ᐃᕐᖐᓐᓇᖅ 1955ᒥ ᕿᑭᖅᑕᕐᔪᐊᖅ ᓇᓗᓇᐃᖅᑕᐅᑎᓪᓗᒍ ᓈᓚᒡᕕᖕᒥ ᐃᓕᓯᕕᐅᓂᐊᖅᖢᓂ. ᑖᒃᑯᐊ ᑑᓚᐃᓐᖑᔪᑦ, ᐱᓗᐊᖅᑐᒥ ᕿᑭᖅᑕᕐᔪᐊᕐᒥ, ᐱᕕᒃᓴᖃᖅᑎᑦᓯᓚᐅᖅᑐᑦ ᐃᓄᖕᓂ ᐃᖅᑲᓇᐃᔭᑲᐃᓐᓇᖃᑦᑕᕈᓐᓇᖅᖢᑎᒃ. ᑕᐃᒪᐃᒻᒪᑦ, ᐊᒥᓱᑦ ᐃᓄᐃᑦ ᕿᑭᖅᑕᕐᔪᐊᕐᒨᓚᐅᖅᑐᑦ ᐃᖅᑲᓇᐃᔭᒃᓴᖅᓯᐅᖅᖢᑎᒃ ᐅᕝᕙᓘᓐᓃᑦ ᓄᐊᓴᐃᒋᐊᖅᑐᖅᖢᑎᒃ ᐊᒥᐊᒃᑯᕕᓂᕐᓂ ᕿᔪᒐᓚᖕᓂ ᑭᓱᕈᓘᔭᕐᓂ ᐊᒻᒪᓗ ᓂᕿᓂ ᓄᖑᑕᐅᙱᓐᓂᑯᓂ.

ᓇᑉᐸᖅᑕᐅᓂᖏᑦ ᑑᓚᐃᓐᓂ ᕿᓚᒻᒥᐅᔪᒃᑯᑦ ᐃᓐᓄᓚᐅᖅᓯᒪᔪᑦ. 15ᖑᔪᓂ ᐃᓄᖕᓂᑦ ᐃᖅᑲᓇᐃᔭᑲᐃᓐᓇᖃᑦᑕᓚᐅᖅᑐᑦ ᓇᑉᐸᖅᑕᐅᕙᓪᓕᐊᑎᓪᓗᒋᑦ ᑑᓚᓐ , ᐊᒻᒪᓗ ᑖᒃᑯᐊ ᐃᖅᑲᓇᐃᔭᕆᐊᖅᑐᑦ ᐃᓚᒥᖕᓂᑦ ᓇᒃᓴᖅᓯᒪᕙᒃᖢᑎᒃ. 1962ᒥ, ᐃᓕᓐᓂᐊᕐᕕᒃ ᓂᐅᕕᕐᕕᒃᑯᓪᓗ ᓅᑕᐅᓚᐅᖅᑐᑦ ᖃᓂᓪᓕᒋᐊᖅᑕᐅᓪᓗᑎᒃ ᑑᓚᐃᓐᒧᑦ.

ᖃᓪᓗᓈᑦ ᑎᑭᑉᐸᓪᓕᐊᓂᖏᑦ ᓄᓇᒋᔭᐅᔪᓂ ᐋᓐᓂᐊᓂ ᑎᑭᑎᑦᓯᓰᓐᓈᓚᐅᖅᑐᑦ ᓯᐊᒻᒪᓴᕋᐃᑦᑐᓂ ᐊᒻᒪᓗ ᐃᓄᐃᑦ ᐃᓅᓕᓴᐅᑎᒃᓴᖃᙱᖦᖢᑎᒃ. ᓄᑮᕐᓂᕐᒧᑦ ᐋᓐᓂᐊᖓ 1959ᒥ ᐋᓐᓂᐊᖅᑖᓚᐅᖅᑐᑦ, ᓄᕙᔾᔪᐊᕐᓂᕐᓗ 1960ᒥ ᑎᑭᖦᖢᓂ ᐊᒻᒪᓗ ᐳᕙᒡᓗᖕᓂᖅ ᐋᓐᓂᐊᖅᑖᖅᑐᑦ ᖃᓪᓗᓈᓄᑦ ᐊᐅᓚᖅᑎᑕᐅᕙᓕᖅᖢᑎ ᐊᕐᕌᑕᒫᑦ .

1960 ᐱᒋᐊᓕᓵᐸᓗᒃᑎᓪᓗᒋᑦ ᒐᕙᒪᒃᑯᑦ ᖃᓄᐃᓕᐅᓕᓚᐅᕐᒪᑕ ᐃᓄᐃᑦ ᑭᕕᖅᑑᕐᒥᐅᑦ ᐹᓪᓚᕕᖕᒥᐅᑦ ᐊᒻᒪᓗ ᐊᓯᖏᑦ ᓄᓇᒋᔭᐅᕙᓚᐅᖅᑐᓂ ᓅᖁᔭᐅᓪᓗᑎᒃ. ᑲᔪᖏᖅᓴᖅᑕᐅᓪᓗᑎᒃ ᐃᓄᐃᑦ ᐃᒡᓗᖃᖅᑎᑕᐅᓂᐊᕐᓂᖏᓐᓄᑦ, ᓘᑦᑖᓕᕆᔭᐅᔪᓐᓇᕐᓗᑎᓪᓗ. ᕿᑭᖅᑕᕐᔪᐊᕐᒥᐅᑦ ᐅᖃᖅᓯᒪᓕᖅᑐᑦ ᓯᓚᐃᕐᕆᐊᖑᓯᒪᓂᖏᓐᓄᑦ ᓅᖁᔭᐅᑎᓪᓗᒋᑦ. ᓅᙱᑉᐸᑕᒎᖅ ᐃᑲᔪᖅᑕᐅᔾᔮᙱᓐᓂᕋᖅᑕᐅᓪᓗᑎᒃ ᐊᒻᒪᓗ ᕿᑐᕐᖓᖏᑦ ᐊᔪᕋᔭᕐᒪᑕᒎᖅ ᐃᓕᓐᓂᐊᕐᓂᖃᙱᑉᐸᑕ, ᐅᕝᕙᓘᓐᓃᑦ ᓂᕿᑖᖅᑎᑕᐅᙱᓪᓗᑎᓪᓘᓐᓃᑦ.

1968ᒥ, ᑭᕕᖅᑑ ᐹᓪᓚᕕᒡᓗ ᐃᓄᖃᕈᓐᓃᓚᐅᖅᑐᑦ ᓅᑕᐅᖕᒪᑕ ᕿᑭᖅᑕᕐᔪᐊᕐᒧᑦ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᕿᑭᖅᑕᕐᔪᐊᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᖃᐅᓱᐃᑦᑐᖅ, ᒥᕐᕈᓕᖅᑭᐅᑉ ᓂᒋᐊᑕ ᓯᔾᔭᕆᔭᖓᓃᑦᑐᖅ, ᑯᐃᓐ ᐃᓕᓴᐱ ᕿᑭᖅᑕᓂᑦ. ᐊᑦᑎᖅᑕᐅᓯᒪᒧᖅ ᐅᒥᐊᕐᔪᐊᕐᒥᑦ HMS Resoluteᒥ, ᕿᓂᖃᑕᐅᓯᒪᔪᒥᒃ ᔮᓐ ᕗᕆᐊᓐᑭᓕᓐᑯᓐᓂ 1950ᓂ. ᐃᓄᒃᑎᑐᑦ ᐊᑎᖓ ᐊᑦᑎᖅᑕᐅᓯᒪᔪᖅ “ᖃᐅᒻᒪᒍᓐᓇᙱᓐᓂᖓᓄᑦ” ᐊᒻᒪ ᖃᕐᓇᕐᑕᑯᔾ ᑐᑭᓕᒃ “ᓱᕈᓕᖕᒥ” ᑐᑭᖃᖅᑎᑕᐅᓪᓗᓂ ᐃᓂᒋᔭᐅᓚᐅᖅᑐᒥᑦ ᐊᒥᓱᓂ ᐱᑕᖃᕐᓂᖓᓂᒃ ᕿᓚᓗᒐᙳᐊᓕᐅᖅᑕᐅᓯᒪᔪᓂ ᑑᓕᓄᑦ ᖃᐅᓱᐃᑦᑑᑉ ᕼᐊᒻᓚᖓᑕ ᓯᓚᑖᓂ. ᐃᓄᖏᑦ ᖃᐅᓱᐃᑦᑐᕐᒥᐅᖑᓂᕋᖅᑐᑦ.

ᓄᓇᖓ ᒪᓂᕋᐅᔪᖅ ᐊᑦᑎᒃᖢᓂ ᐊᒻᒪᓗ ᖃᖅᑲᕋᓛᖃᐅᖅᖢᓂ ᓄᓇᐅᑉ ᐃᓕᖅᑯᓯᖓᓂ ᐊᔾᔨᒌᖏᓐᓇᐅᔮᖅᖢᑎᒃ ᐅᔭᕋᖃᓪᓛᓪᓗᓂ. ᒪᕐᕈᓕᖅᑭ ᐊᒥᓱᓂ ᒥᑭᔪᓂᒃ ᑕᓯᕋᓛᖃᖅᑐᖅ ᐊᒻᒪᓗ ᑲᖏᖅᖢᖃᐅᖅᖢᓂ ᐊᒻᒪ ᑕᕆᐅᖃᖅᖢᑎᒃ. ᑕᕆᐅᖓ ᕿᑭᖅᑕᐃᑦ ᐊᑭᓐᓂᖏᓐᓂᑦ ᖁᑦᑎᒃᑐᒥ ᐱᒻᒪᕆᐋᓘᕗᑦ ᐊᖅᑯᑎᓪᓗᐊᑕᐅᕗᖅ ᐅᑎᖅᑕᓲᓄᑦ ᐃᒪᕐᒥᐅᑕᓄᑦ.

ᐅᓪᓗᒥ, ᖃᐅᓱᐃᑦᑐᖅ ᐱᒻᒪᕆᐅᒋᔭᐅᕗᓯ ᑐᑦᑕᕐᕕᒋᔭᐅᓂᖓᓄᑦ ᐅᔭᕋᒃᓴᖅᓯᐅᑎᓄᑦ ᐊᒻᒪᓗ ᖃᐅᔨᓴᖅᑎᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᓄᓇᓕᒃ ᓯᓚᓐᓂᐊᕐᕕᖃᖅᑐᖅ ᐊᒻᒪᓗ ᐊᖏᕐᕋᕆᔭᐅᓪᓗᓂ , is Polar Continental Shelf ᐱᓕᕆᐊᖓᓂ ᖃᐅᔨᓴᕐᕕᐅᓪᓗᓂ ᐅᐸᒃᑕᐅᕙᒃᑐᒥᒃ ᖃᐅᔨᓴᖅᑎᒻᒪᕆᖕᓂᑦ ᓄᓇᕐᔪᐊᕐᒥᙶᖅᑐᓂ ᐱᓕᕆᒍᒪᔪᓂᒃ ᐅᑭᐅᖅᑕᖅᑑᑉ ᖁᑦᑎᒃᑐᖓᓂ

ᖃᐅᓱᐃᑦᑐᖅ ᑐᑦᑕᕐᕕᐅᔪᖅ ᐃᖏᕐᕋᓂᐊᖅᑐᓄᑦ ᐅᑭᐅᖅᑕᖅᑑᑉ ᑲᔾᔨᐊᓄᑦ, ᖁᑦᑎᓂᖅᐹᖅ ᒥᕐᖑᐃᖅᓯᕝᕕᖕᒧᑦ ᐊᒻᒪᓗ ᕗᕆᑭᓕᓐᑯᑎᒍᑦ ᐃᖏᕐᕋᕐᓂᖓ. ᐊᖏᕐᕋᕆᔭᐅᖕᒥᔪᖅ ᓯᕐᒥᑐᖃᓂ ᐊᒻᒪᓗ ᐅᐸᒃᑕᐅᓗᐊᖅᓯᒪᙱᑦᑐᓂᒃ ᓄᓇᓂ.

ᖃᓄᐃᓕᖓᖃᑦᑕᖅᓯᒪᓂᖓ

1900ᖏᓐᓂ, ᐃᓄᒃᑕᖃᓚᐅᙱᑦᑐᖅ ᒪᕐᕈᓕᖅᑭᒥ. ᑕᕆᐅᑉ ᐊᑭᓂᐊᓂᕐᒥᐅᑦ ᖃᐅᔨᓴᕆᐊᖅᓯᒪᔪᑦ ᐊᖅᑯᓵᓚᐅᖅᓯᒪᔪᑦ ᕿᓂᖅᖢᑎᒃ ᐅᑭᐅᖅᑕᖅᑐᕐᒧᑦ ᓱᓪᓗᐊᓗᖕᒥ. ᑖᓐᓇ ᕿᑭᖅᑕᖅ ᐃᓄᖃᙲᓐᓇᓚᐅᖅᑐᖅ ᑭᓯᐊᓂ ᒥᐊᓕᒐᒃᑯᑦ-ᑲᓇᑕᒥᐅᓪᓗ ᓯᓚᓐᓂᐊᖅᑐᓕᕆᔨᖏᑦ ᑐᑦᑕᕐᕕᓕᐅᕐᒪᑕ 1947ᒥ ᐊᒻᒪᓗ ᑲᓇᑕᒥ ᐅᓇᓕᑦ ᑐᑦᑕᕐᕕᖓ ᓇᑉᐸᖅᖢᓂ 194ᒥ

ᖃᐅᓱᐃᑦᑐᖅ ᓄᓇᓕᙳᓚᐅᖅᑐᖅ ᐃᓄᖕᓄᑦ 1950ᓂ ᒐᕙᒪᑐᖃᒃᑯᑦ ᓅᑎᕆᓕᖅᑎᓪᓗᒋᑦ ᐃᓚᒌᓂᑦ ᒥᑦᑎᒪᑕᓕᖕᒥᑦ ᑕᐃᔭᐅᔪᑦ ᑐᓄᓂᕐᒥᐅᓂᑦ, ᐊᒻᒪᓗ ᐃᓚᒌᑦ ᐃᓄᔾᔪᐊᕐᒥ ᑯᐸᐃᖕᒥ, ᖃᐅᔨᒪᔭᐅᔪᓂᒃ ᐃᑎᕕᒥᐅᓂ. ᑭᖑᓂᐊᓂ, ᐊᓯᖏᑦ ᓅᓚᐅᖅᑐᑦ ᖃᐅᓱᐃᑦᑐᕐᒧᑦ ᒥᑦᑎᒪᑕᓕᖕᒥᑦ ᐃᓄᔾᔪᐊᕐᒥᓗ ᐃᓚᒋᔭᖏᑦ ᑲᑎᒋᐊᖅᑐᖅᖢᒋᑦ ᓅᑕᐅᓚᐅᖅᓯᒪᔪᓂ. 1961ᒥ, ᐃᓄᐃᑦ ᐅᓄᕐᓂᖏᑦ ᖃᐅᓱᐃᑦᑐᕐᒥ 153ᖑᓕᓚᐅᖅᑐᖅ, ᖃᓪᓗᓈᖃᐃᓐᓇᕋᓗᐊᖅᖢᑎᒃ ᐃᓛᓐᓂᒃᑯᑦ 300 ᐅᖓᑖᓃᓕᖅᐸᒃᖢᑎᒃ ᐱᓕᕆᔪᓂᒃ ᒥᕝᕕᓕᕆᓂᕐᒥᒃ ᐊᓯᖏᓐᓂᓗ. ᑕᒪᓐᓇ ᐊᑲᐅᙱᓪᓕᐅᕈᑎᒋᔭᐅᓪᓗᓂ ᐃᓚᖏᓐᓄᑦ ᓄᓇᓕᖕᒥᐅᓄᑦ, ᑕᐃᒪᐃᒃᑲᓗᐊᖅᑎᓪᓗᒍ ᐃᖅᑲᓇᐃᔮᖃᖅᑎᑦᓯᓚᐅᖅᑐᖅ ᐃᓄᖕᓂᑦ.

ᐊᔾᔨᒋᔭᐅᙱᒻᒥᔪᖅ ᖃᐅᓱᐃᑦᑐᖅ, ᓄᓇᓕᖕᒥ ᕼᐊᑦᓴᓐ ᐸᐃᖃᙱᑦᑐᖅ ᖃᓂᑦᑐᒥᓪᓘᓐᓃᑦ. ᑭᓯᐊᓂ ᒐᕙᒪᑐᖃᒃᑯᑦ ᐱᓕᕆᐊᒃᓴᖃᓕᓚᐅᖅᓯᒪᔪᑦ ᐅᒥᐊᕐᔪᐊᒃᑯᑦ ᐅᓯᑲᖅᑕᖅᑎᑦᓯᓂᕐᒥᒃ ᐱᖁᑎᓂ ᖃᐅᓱᐃᑦᑐᕐᒧᑦ.

1970ᓂ, ᖃᐅᓱᐃᑦᑐᖅ ᐊᓯᔾᔨᖅᑐᒻᒪᕆᐅᓚᐅᖅᑐᖅ ᐱᖁᑎᑖᕐᕕᐅᓂᐊᓕᖅᖢᓂ ᐅᑭᐅᖅᑕᖅᑐᒥ ᐅᓇᓕᕐᓄᑦ ᐊᒻᒪᓗ ᓯᓚᓐᓂᐊᖅᑎᓄᑦ ᑐᑦᑕᕐᕕᓪᓗᐊᑕᐅᓪᓗᓂ ᓇᒧᙵᐅᔪᓄᑦ ᐅᕝᕙᓘᓐᓃᑦ ᐅᔭᕋᒃᓴᖅᓯᐅᖅᑎᑦ ᐅᐸᒍᒪᔭᖏᓐᓄᑦ,.

1975ᒥ ᓄᓇᓕᒃ ᓅᑕᐅᓚᐅᖅᑐᖅ ᐃᓂᒋᔭᐅᓕᖅᑐᒧᑦ ᐅᓪᓗᒥ, ᐱᔨᑦᓯᕋᖅᑕᐅᑦᓯᐊᕈᓐᓇᓕᖅᖢᑎᒃ ᕼᐊᒻᓚᒃᑯᓐᓄᑦ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᖃᐅᓱᐃᑦᑑᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᑕᐃᔅᓱᒪᓂᓴᓂ.

ᓴᓂᑭᓗᐊᖅ ᓄᓇᕗᑦ ᓂᒋᖓᓃᓐᓂᖅᐹᖅ, ᐅᐊᖕᓇᖓᓂ ᕙᓚᐅᕼᐅᕐᑎ ᕿᑭᖅᑕᖓᓂ, ᐊᖏᓂᖅᐹᖑᔪᒥᒃ ᓴᓂᑭᓗᐊᑉ ᕿᑭᖅᑕᖏᓐᓂᑦ ᑲᖏᖅᓱᐊᓘᑉ ᐃᓗᐊᓂ ᓴᓂᑭᓗᐊᖅ, ᑎᑭᑦᑐᒍ 1975ᒧᑦ ᑕᐃᔭᐅᓚᐅᖅᑐᖅ ᓄᐊᑦ ᑳᒻᒥ, ᐊᑎᖃᖅᑐᖅ ᓯᕗᓕᖅᑎᒋᔭᐅᓚᐅᖅᑐᒥ ᐃᓚᒌᑦ ᓄᓇᒋᕙᒃᑕᖏᓐᓂᑦ. ᐃᓄᐃᑦ ᓴᓂᑭᓗᐊᕐᒥᐅᑕᐅᓂᕋᖅᑐᑦ, ᑐᑭᖓ “ᐃᓄᐃᑦ ᕿᑭᖅᑕᒥᐅᑦ” ᓇᔪᒐᖃᖅᑎᓪᓗᒋᑦ ᐃᓚᒌᑦ ᓄᓇᒋᕙᒃᑕᖏᓐᓂᑦ ᐅᒪᔪᖅᓯᐅᕐᕕᒋᔭᐅᔪᒥᒃ, ᑲᑎᕝᕕᐅᕙᒃᖢᑎᒃ, ᐃᓄᐃᑦ ᐊᑕᐅᓯᐅᙱᑦᑐᒥ ᐃᓚᒌᑦ ᓄᓇᖃᖃᑦᑕᓚᐅᖅᑐᑦ, ᓅᖃᑦᑕᖅᖢᑎᒃ ᐅᒪᔪᓂᒃ ᒪᓕᒃᖢᑎᒃ.

ᓄᓇᖓ ᓴᓂᑭᓗᐊᑉ ᕿᑭᖅᑕᖏᑦ ᓱᕐᓗ ᓯᕕᑐᔪᑦ ᓵᕐᕈᖏᑦ ᐊᒻᒪᓗ 1,500ᓂ ᕿᑭᑕᓕᒃ ᐊᕕᓯᒪᓪᓗᑎᒃ ᐃᑭᕋᓴᕐᒥ ᐊᒻᒪ ᑕᓯᖃᐅᖃᕈᓘᔭᖅᖢᓂ. ᐅᔭᕋᐃᑦ ᐋᖅᑭᐅᒪᓂᖏᑦ ᕿᑭᖅᑕᓂ ᖃᐅᔨᓴᖅᑕᐅᓯᒪᔪᑦ ᐅᔭᕋᓕᕆᔨᓄᑦ ᐅᖃᖅᓯᒪᔪᑦ ᑕᐃᒪᓐᓇᐃᑦᑐᖃᒃᑲᓐᓂᙱᑦᑐᕉᖅ ᑲᓇᑕᒥ. ᐱᕈᖅᑐᖅᑕᖃᓗᐊᙱᑦᑐᖅ ᒪᑯᐊ ᑭᓯᒥ ᐃᕕᒃᓱᒐᑦ, ᐊᑐᖅᑕᐅᔪᑦ ᐃᕕᒃᓱᒐᓂ ᓄᕕᖅᓵᖅᑕᐅᓪᓗᑎᒃ.

ᐅᔭᕋᒃᑕᖃᑦᑕᖅᑐᑦ ᑐᑲᕋᖕᒥ ᐊᒻᒪᓗ ᐱᒻᒪᕆᒋᔭᐅᓪᓗᓂ ᓴᓇᙳᐊᖅᑎᓄᑦ.

ᐃᓐᓈᕈᖃᖅᑐᑦ ᐳᖅᑐᔪᐋᓗᖕᓂ ᓴᓂᑭᓗᐊᕐᒥ. ᑖᒃᑯᐊ ᐃᓐᓈᕈᑦ ᐃᕙᕝᕕᐅᔪᑦ ᒥᑦᑎᕐᓄᑦ, ᐊᒻᒪᓗ ᖁᓂᒍᖏᑦ ᓄᐊᑕᐅᕙᒃᖢᑎᒃ ᐊᓃᖅᑐᖅᓯᐅᑎᓕᐅᕈᑕᐅᓪᓗᑎᒃ. ᐃᓄᐃᑦ ᐃᓚᒌᑦᓄᐊᓴᐃᖏᓐᓇᐅᔭᖅᐸᒃᑐᑦ ᐊᒻᒪᓗ ᓂᐅᕕᐊᒃᓴᖃᖅᐸᒃᖢᑎᒃ ᑲᒻᐸᓂᐅᔪᓄᑦ ᖁᓕᑦᑕᓕᐅᓲᓄᑦ ᕿᐱᓕᐅᓲᓄᓪᓗ.

ᓴᓂᑭᓗᐊᑉ ᐅᐊᖕᓇᖓᓂ ᑭᙶᓗᒃ ᒥᕐᖑᐃᖅᓯᕝᕕᖓ, ᐃᑦᑕᕐᓂᓴᖃᖅᑐᑦ ᐊᒻᒪᓗ ᑕᒻᒫᕐᕕᐅᕙᒃᖢᑎᒃ ᐅᒪᔪᖅᓯᐅᕐᕕᐅᓪᓗᓂ.

ᐅᓪᓗᒥ ᐃᓄᐃᑦ ᐅᓄᕐᓂᖏᑦ ᐃᓄᓪᓚᕆᐅᓂᖅᓴᐅᔪᑦ ᑮᓇᐅᔭᓕᐅᕐᕕᖃᓗᐊᙱᖦᖢᑎᒃ ᓂᕿᒃᓴᖅᓯᐅᖅᑎᐅᓂᖅᓴᐅᓪᓗᑎᒃ, ᐃᖃᓪᓕᖁᔨᐅᓪᓗᑎᒃ, ᓴᓇᙳᐊᕐᓂᑦᒧ, ᐃᕕᒃᓱᒐᓂ ᓄᕕᖅᓵᖅᓯᒪᔪᓂ, ᐳᓚᕋᖅᑐᓕᕆᓂᕐᒧᓪᓗ.

ᖃᓄᐃᓕᖓᖃᑦᑕᖅᓯᒪᓂᖓ

ᓴᓂᑭᓗᐊᕐᒥᐅᑦ ᐅᐊᑦᑎᐊᕈᐋᓗᖕᓂᓴᓂ ᐃᓚᖃᖅᑐᑦ ᑯᐸᐃᖕᒥ ᐃᓄᓪᓚᕆᖕᓂ. ᖃᓪᓗᓈᓄᑦ ᑎᑭᑕᐅᓚᐅᖅᑎᓐᓇᒋᑦ, ᓴᓂᑭᓗᐊᕐᒥᐅᑦ ᐃᖏᕐᕋᖃᑦᑕᓚᐅᖅᑐᑦ ᐅᖓᓯᒃᑐᒧᑦ ᐅᖓᕙᒧᑦ ᑯᐸᐃᖕᒥ ᑕᐅᖅᓰᒋᐊᖅᑐᖅᖢᑎᒃ ᓂᐅᕕᖅᑎᒃᑯᓐᓂᑦ.

ᑖᒃᑯᐊ ᓴᓂᑭᓗᐊᕐᒥᐅᑦ ᐃᓄᖏᑕ ᐅᓄᕐᓂᖏᑦ 200 ᑐᖔᓃᖏᓐᓇᕈᔪᒃᑐᑦ ᐊᕐᕌᒍᒐᓴᐅᓯᒪᓕᖅᑐᓂ. ᑐᒃᑐᖃᕈᓐᓃᖅᑎᓪᓗᒍ ᑕᐃᔅᓱᒪᓂ ᐅᑭᐅᕐᒥ ᐊᒃᓱᕈᓐᓇᓚᐅᖅᓯᒪᔪᒥᒃ, ᓴᓂᑭᓗᐊᕐᒥᐅᑦ ᖁᓂᒍᓂ ᖃᓄᖅᑑᕈᑎᖃᖅᖢᑎ ᐊᑐᓕᓚᐅᖅᓯᒪᔭᖓ, ᓇᔪᖃᑦᑕᕐᒪᑕ ᐊᕐᕌᒍᓕᒫᖅ ᕿᑭᖅᑕᓂ, ᓂᕿᒋᔭᐅᓪᓗᑎᒃ, ᐊᓐᓄᕌᒃᓴᓄᑦ, ᐊᒻᒪᓗ ᐊᓯᖏᓐᓄᑦ.

ᓴᓂᑭᓗᐊᑉ ᕿᑭᖅᑕᖏᓐᓅᖁᔭᐅᓪᓗᑎᒃ ᖃᐅᔨᓴᕆᐊᖁᔭᐅᓪᐅᓗᑎᒃ ᑕᐅᖅᓰᖃᑎᒋᔭᐅᔪᒪᓇᔭᖅᑐᓂ ᐊᒻᒪᓗ ᐅᔭᕋᒃᓴᖃᙱᒃᑲᓗᐊᕐᒪᖔᑦ, ᓂᐅᕕᕐᕕᑐᖃᖅᑯᑦ (ᕼᐅᑦᓴᓐ ᐸᐃ) ᑕᐃᑯᙵᖅᖢᑎᒃ 1928ᒥ. ᓯᑕᒪᓂ ᐊᕐᕌᒍᑦ ᖄᖏᖅᓯᒪᓕᖅᑎᓪᓗᒋᑦ ᐸᓖᓯᒃᑯᑦ ᖃᐅᔨᓴᕆᐊᖃᑦᑕᓕᓚᐅᖅᑐᑦ ᓄᓇᓄᑦ.

1950ᓂ, ᓴᓂᑭᓗᐊᕐᒥᐅᑦ ᐊᒃᑐᖅᑕᐅᓯᒪᓚᐅᙱᑦᑐᑦ ᓯᓚᑖᓃᑦᑐᓂᑦ ᓄᑖᙳᖅᐸᓪᓕᐊᔪᓂᓗ. ᕼᐊᑦᓴᓐ ᐸᐃᒃᑯᑦ ᐊᒻᒪ ᖃᓪᓗᓈᓂᙶᖅᓯᒪᔪᓪᓗ ᐅᐸᒐᔪᐃᑦᑐᓪᓗᑎᒃ ᓄᓇᒥᙶᖅᓯᒪᔪᓂᒃ ᐊᑐᕐᓂᖅᓴᐅᓚᐅᖅᑐᑦ.

1950 ᕿᑎᖓᓂ, ᑲᓇᑕᐅᑉ ᒐᕙᒪᒃᑯᖏᑦ ᐃᓱᒪᓕᐅᖅᖢᑎᒃ ᐃᓄᓕᒫᑦ ᓴᓂᑭᓗᐊᑉ ᕿᑭᖅᑕᖏᓐᓃᑦᑐᑦ ᓅᖁᔭᐅᓗᑎᒃ, ᐅᕝᕙᓘᓐᓃᑦ ᓄᓇᓕᓕᐅᕐᓗᑎᓪᓘᓐᓃᑦ ᕿᑭᖅᑕᓂ. ᐃᓕᓐᓂᐊᕐᓂᖅ ᐱᒻᒪᕆᐋᓗᒋᔭᐅᓚᐅᖅᓯᒪᖕᒪᑦ ᖃᓪᓗᓈᓃᑦᑐᓄᑦ ᐊᐅᓚᑦᑎᔨᓄᑦ ᐊᒻᒪᓗ ᐸᕐᓇᒃᑕᐅᓪᓗᓂ ᐃᓕᓐᓂᐊᕐᕕᒃᑖᕐᓂᕐᒥᒃ 1956ᒥ

1956ᖑᓕᖅᑎᓪᓗᒍ, ᓄᕙᔾᔪᐊᕐᓂᕐᒧᑦ ᑎᑭᑕᐅᓚᐅᖅᓯᒪᔪᑦ, ᓴᕕᕋᔭᒃᓴᓂ ᐅᔭᕋᕐᓂᐊᖅᑎᓂᙶᕋᓱᒋᔭᐅᓪᓗᓂ, ᐋᓐᓂᐊᖅ ᐊᒃᑐᖅᓯᓚᐅᖅᑐᖅ 80ᐳᓴᓂᑎᖏᓐᓂᑦ ᐃᓄᐃᑦ ᖃᓂᒋᔭᖃᖅᑐᓄᑦ. ᑕᐃᔅᓱᒪᓂ, ᓇᑉᐸᓪᓗᐊᖏᑦ ᕿᒻᒥᒋᒋᔭᐅᔪᑦ (ᕿᒧᒃᓯᐅᑎᑦ) ᑐᖁᑕᐅᖃᑦᑕᖠᖅᖢᑎᒃ ᓂᕿᒃᓴᐅᓂᐊᕐᒪᑕ ᓱᖃᐃᒻᒪ ᑖᒃᑯᐊ ᐊᖑᑎᒋᔭᐅᔪᑦ ᐋᓐᓂᐊᕐᓗᐊᕐᒪᑕ ᐊᖑᓇᓱᒋᐊᕈᓐᓇᐃᓕᓯᒪᓪᓗᑎᒃ. ᐃᓚᒌᑦ ᐊᒥᓱᑦ ᖃᓪᓗᓈᓄᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᓚᐅᖅᓯᒪᔪᑦ.

1960ᑎᐅᑉ ᓄᙳᕈᔪᖓᓂ, ᐃᓕᓐᓂᐊᕐᕕᖃᓕᖅᖢᓂ, ᐊᖕᓕᑲᒃᑯᑦ ᑐᒃᓯᐊᕐᕕᖃᓕᖅᖢᑎᒃ, ᒥᑭᔪᒥᒃ ᑯᐊᐸᖃᖅᖢᓂ ᐊᒻᒪᓗ ᐃᑰᒻᒪᓕᐅᕐᕕᖃᖅᖢᓂ ᓄᓇᓕᒃ. 1970ᓂ, ᒐᕙᒪᒃᑯᑦ ᑲᑎᑦᓯᓪᓗᑎᒃ ᐱᔨᑦᓯᕋᕈᑎᖏᓐᓂᒃ ᐊᒻᒪᓗ ᓅᑕᐅᒋᐊᖃᓕᖅᖢᑎᒃ ᐃᓄᐃᑦ ᓴᓂᑭᓗᐊᕐᒧᑦ, ᐅᐊᖕᓇᖓᓂ ᕿᑭᖅᑕᐃᑦ. ᐃᓄᖏᑦ ᐅᓄᖅᓯᓂᖏᑦ ᐱᔾᔪᑎᒋᓪᓗᒋᑦ,ᒐᕙᒪᒃᑯᑦ ᒪᓕᒐᓕᐅᖅᖢᑎᒃ ᐃᐱᙶᖁᔨᒍᓐᓃᓚᐅᕐᒪᑕ ᕿᒻᒥᓂ ᕿᒧᒃᓯᐅᑎᓂ, ᑕᐃᒪᐃᒻᒪᑦ ᐊᒥᓱᑦ ᕿᒻᒥᕆᔭᐅᔪᑦ ᑐᖁᕋᖅᑕᐅᓚᐅᖅᓯᒪᔪᑦ

ᓴᓂᑭᓗᐊᖅ ᕼᐊᒻᓚᖑᓚᐅᖅᑐᖅ 1976ᒥ ᐃᓄᐃᑦ ᐅᓄᕐᓂᖏᑦ 295ᖑᑎᓪᓗᒋᑦ. ᐅᓪᓗᒥ 900ᕈᔫᓕᖅᑐᑦ ᐃᓄᐃᑦ ᓇᔪᖅᑐᑦ. ᓴᓂᑭᓗᐊᕐᒥᐅᑦ ᐊᔾᔨᒌᙱᑦᑐᓂᒃ ᐱᕈᖅᑎᑦᓯᔾᔪᑕᐅᓂᐊᖅᑐᓂᒃ ᐃᓅᓯᕐᓂ ᐊᒻᒪᓗ ᓇᖕᒥᓂᕐᓂ ᐱᓕᕆᐊᖃᖅᑐᑦ, ᐊᑕᐅᑦᓯᒃᑯᓪᓗ ᑐᓂᓯᓂᕐᒥᒃ ᖃᐅᔨᒪᒪᔭᐅᔪᓂ ᐊᕙᑎᒥ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᓴᓂᑭᓗᐊᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.

ᓴᓂᕋᔭᒃ ᑐᑭᓕᒃ, “ᓯᒡᔭᖓ” ᓄᓇᓕᑐᖃᐅᔪᖅ ᓇᔪᖅᑕᐅᓯᒪᔪᒥᒃ ᐅᑭᐅᖅᑕᖅᑑᑉ ᑲᑉᔨᐊᓂ.

ᓴᓂᕋᔭᒃ ᓯᒡᔭᖓᓃᑦᑐᖅ ᐃᓗᐃᓪᓕᕐᒥ, ᒪᓂᕋᐅᔪᒥᒃ ᓯᒡᔭᒥᒃ ᐱᖓᖕᓇᖓᓂᑦ ᐊᒥᑦᑑᑉ ᑕᕆᐅᖓᑦ. ᒪᕐᕉᓂ ᓇᓗᓇᙱᑦᑎᐊᖅᑐᓂᒃ ᑕᕆᐅᕐᒥ ᐃᖏᕐᕋᓂᖃᖅᑐᖅ ᐃᖏᕐᕋᔪᓄᑦ ᐊᒥᑦᑑᑉ ᑕᕆᐅᖓᓄᑦ. ᑖᓐᓇ ᑐᕙᖃᓕᓲᖅ ᑕᕝᕙᓂ ᑕᕆᐅᕐᒥ. ᓄᑖᓂ ᓯᑯᖃᑦᑕᖅᑐᑦ ᐅᑑᕙᒥ ᐊᒻᒪᓗ ᓄᕖᕝᕙᐅᓕᖅᑎᓪᓗᒍ ᐊᒥᑦᑑᑉ ᑕᕆᐅᖓ ᓯᑯᓯᒪᓕᓲᖅ. ᓯᑯᖓ ᐊᐅᒃᐸᓪᓕᐊᖃᑦᑕᖅᖢᓂ ᒪᐃᒥ ᔫᓐᒥᓘᓐᓃᑦ, ᑭᓯᐊᓂ ᐊᒡᒌᓯᒥ ᐃᒪᐅᓕᖃᑦᑕᖅᑐᑦ.

ᐅᓪᓗᒥ, ᓴᓂᕋᔭᒃ ᓄᓇᓕᐅᔪᖅ ᐃᓄᖃᖅᖢᓂ 800 ᐅᖓᑖᓄᑦ. ᐃᒪᕐᒥᐅᑕᖃᖅᑐᖅ ᐊᐃᕕᕐᓂ ᕿᓚᓗᒐᓂᓗ. ᐅᒪᔪᖅᓯᕐᓂᖅ ᐱᒻᒪᕆᐅᑎᑕᐅᔪᖅ. ᓄᒃᑕᖅᑎᑦ ᐃᑲᔪᖃᑕᐅᕙᒃᑐᑦ ᓂᕿᓂ ᐊᐅᓚᑦᑎᓂᕐᒥᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓂᒃ ᐊᑐᖅᖢᑎᒃ ᐊᒃᑐᐊᖓᑦᓯᐊᖏᓐᓇᖅᖢᑎᒃ ᓄᓇᒧᑦ.

ᖃᓄᐃᓕᖓᖃᑦᑕᖅᓯᒪᓂᖓ

ᑕᐅᓴᑎᓄᑦ ᐊᕐᕌᒍᓄᑦ, ᑖᓐᓇ ᓄᓇᓕᒃ ᐊᖏᕐᕋᕆᔭᐅᓯᒪᔪᖅ ᐃᓚᒌᓄᑦ ᓄᓇᖁᑎᑐᖃᕆᔭᐅᓪᓗᓂ ᐃᒪᕐᒥᐅᑕᓂ ᐅᒪᔪᖃᖅᖢᓂ ᐊᒻᒪᓗ ᐊᓯᖏᓐᓂᒃ ᓂᕿᒃᓴᓂ. ᐃᓄᐃᑦ ᓇᔪᖃᑦᑕᖅᖢᑎᒃ ᐃᓚᒌᑦ ᓄᓇᒋᕙᒃᑕᖏᓐᓂ, ᓄᒃᑕᕐᕕᐅᕝᕕᐅᔪᓂ. ᓄᓇᓕᙳᓪᓚᕆᓚᐅᖅᑎᓐᓇᒍ, ᐃᓄᐃᑦ ᓅᑭᑕᕈᓘᔭᖃᑦᑕᓚᐅᖅᑐᑦ , ᐊᒻᒪᓗ ᑲᑎᕙᒃᖢᑎᒃ ᓇᓂᑐᐃᓐᓇᖅ ᐊᕐᕌᒎᑉ ᐃᓗᐊᓂ.

ᓯᕗᓕᖅᐹᒥᒃ ᐳᓛᕆᐊᕐᕕᐅᓯᒪᓂᖓ ᑕᕆᐅᑉ ᐊᑭᐊᓂᕐᒥᐅᑕᓄᑦ ᐊᒥᑦᑑᑉ ᑕᕆᐅᖓ 1822−23ᒥ, ᒪᕐᕉᒃ ᑯᐃᓐᓄᓇᖓᓐᓃᙵᖅᓯᒪᔪᑦ ᐃᒪᒃᑰᓲᓂ ᐅᓇᓖᑦ ᐅᒥᐊᖅᐸᖏᑦ ᐃᑳᓚᐅᖅᓯᒪᔪᑦ ᑕᐃᑯᖓ ᐊᒥᑦᑑᑉ ᑕᕆᐅᖓᓄᑦ. ᑭᖑᓂᐊᓂ, 1867ᒥ ᐊᒻᒪ ᓱᓕᒃᑲᓐᓂᖅ 1868ᒥ, ᒥᐊᓕᒐᓂᓐᖔᖅᑐᑦ ᖃᐅᔨᓴᕆᐊᖅᑎᑦ ᓵᐅᓪᔅ ᕼᐋᓪ ᐃᖏᕐᕋᓚᐅᖅᑐᑦ ᖃᐅᔨᓴᕆᐊᖅᖢᑎᒃ ᓇᓂᔭᐅᒍᓐᓇᐃᓕᔭᐅᔪᒥᒃ ᕗᕋᐃᓐᑭᓕᓐᑯᑦ ᖃᐅᔨᓴᕆᐊᖅᑎᐅᓚᐅᖅᑐᓂ.

ᓂᐅᕕᖅᑎᑐᖃᖅᑯᑦ ᓂᐅᕕᕐᕕᖕᒥ ᒪᑐᐃᖅᓯᖅᑳᓚᐅᖅᑐᑦ ᐊᒥᑦᑑᑉ ᑕᕆᐅᖓᓂ ᐃᒡᓗᓕᖕᒥ, 70 km ᐅᐊᖕᓇᖓᓂ ᓴᓂᕋᔭᐅᑉ 1939ᒥ. ᓂᐅᕕᕐᕕᒃᑕᖃᓕᖅᖢᓂ ᐊᒻᒪᓗ ᐅᐸᒃᑕᐅᒐᔪᒃᓯᓪᓗᓂ, ᖃᐅᔨᓴᖃᑦᑕᕆᐊᖃᕈᓐᓃᖅᖢᑎᒃ ᕿᒧᒃᓯᒃᑯᑦ ᒥᑦᑎᒪᑕᓕᖕᒧᑦ ᓇᐅᔮᓄᓪᓘᓐᓃᑦ.

1955ᒥ, ᐅᓇᑕᕐᔪᐊᓕᖅᑎᓪᓗᒋᑦ ᓴᖅᑭᑎᑦᓯᕙᓪᓕᐊᔪᖃᓚᐅᕐᒪᑦ ᓈᓚᒡᕕᓂ, ᖃᐅᔨᓴᕐᕕᐅᓪᓗᓂ ᓂᒋᐊᓃᑦᑐᓂᒃ ᐋᖅᑭᒃᓯᑎᓪᓗᒋᑦ ᓴᓂᕋᔭᖕᒥ.

1958ᒥ, ᐃᓄᐃᑦ ᒪᕐᕉᓄᑦ ᓄᓇᓕᖕᓄᑦ ᑲᑎᓚᐅᖅᑐᑦ ᓈᓚᒡᕕᕕᓃᑦ ᖃᓂᒋᔭᖓᓂ. ᒐᕙᒪᑐᖃᒃᑯᑦ ᐃᑲᔪᖅᑕᐃᓕᓚᐅᖅᑑᒐᓗᐊᑦ ᐃᓄᖕᓂ. ᐃᒡᓗᑖᖅᑎᑦᓯᓪᓗᑎᒃ, ᐋᓐᓂᐊᕐᕕᒃᑖᖅᖢᑎᒃ, ᐊᒻᒪᓗ ᐃᓕᓐᓂᐊᕐᕕᒃᑖᖅᖢᑎᒃ 1967ᒥ. 1950 ᐊᒻᒪᓗ 1975ᓗ ᐊᑯᓐᓂᖓᓂᑦ ᓴᓂᕋᔭᒃ ᑐᓗᖅᑕᕈᑎᖃᐅᓚᐅᖅᑐᑦ ᐱᔨᑦᓯᕋᕈᑎᓂᑦ ᒐᕙᒪᑐᖃᒃᑯᓐᓂᑦ ᐃᓱᒪᒋᔭᐅᓚᐅᖅᓯᒪᖕᒪᑦ ᑖᓐᓇ ᓄᓇᓕᒃ ᐃᑲᔪᖅᑐᐃᑐᐃᓐᓇᕐᓂᕋᖅᑕᐅᓪᓗᓂ ᐅᓇᓕᕐᓂ ᐊᒻᒪᓗ ᑐᓴᐅᒪᖃᑦᑕᐅᑎᔾᔪᑎᓂ ᐊᒻᒪᓗ ᐃᓱᒪᒋᔭᐅᓗᐊᕐᓇᓂ ᓄᓇᓕᓪᓚᑦᑖᖅᑐᑎᑐᑦ.

ᐸᓖᓯᒃᑯᑦ ᓴᓂᕋᔭᖕᒥ ᑐᑦᑕᕐᕕᒃᑖᓕᑕᐃᓐᓇᓚᐅᖅᑐᑦ 1987, ᑐᒃᓯᕋᐃᓐᓇᕋᓗᐊᖅᑎᓪᓗᒋᑦ ᓄᓇᓕᖕᒥᐅᑦ ᐸᓖᓯᑖᕈᒪᓪᓗᑎ.

ᒫᑦᓯ 2019, ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑐᑦ ᐃᓄᖕᓄᑦ ᖃᓄᐃᓕᐅᕐᓗᖕᓂᑯᖏᓐᓂᑦ ᐳᕙᒡᓗᒃᑐᐋᓘᓚᐅᖅᓯᒪᑎᓪᓗᒋᑦ 1940ᓂᑦ 1960ᓄᑦ. ᐊᒡᒌᓯ 2019ᒥ, ᒐᕙᒪᑐᖃᒃᑯᑦ ᓇᓗᓇᐃᖅᓯᓚᐅᖅᑐᑦ ᒪᒥᐊᖦᖢᑎᒡᓗ ᖃᓄᐃᓕᐅᕐᓂᕐᓗᖕᓂᑯᖏᓐᓂᒃ ᐊᑐᐊᒐᕆᔭᖏᓐᓂᑦ ᐊᑐᖅᑕᐅᓚᐅᖅᑐᓄᑦ ᐃᓄᖕᓄᑦ ᕿᑭᖅᑕᓂ ᓄᓇᓕᖕᓂᑦ 1950ᒥᑦ 1975ᒧᑦ.

ᑐᑭᓯᒃᑲᓐᓂᕈᒪᒍᕕᑦ ᐃᓄᐃᑦ ᒥᒃᓵᓄᑦ ᐊᒻᒪᓗ ᓴᓂᕋᔭᐅᑉ ᒥᒃᓵᓄᑦ, ᑕᑯᒋᐊᕈᓐᓇᖅᑐᑎᑦ ᐅᕗᖓ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓄᓇᓖᑦ ᒥᒃᓵᓄᑦ ᖃᓄᐃᓕᖓᖃᑦᑕᖅᓯᒪᓂᖏᓐᓄᑦ.