ᓄᓇᕗᑦ ᒐᕙᒪᒃᑯᖏᓐᓂ: ᓇᓕᖅᑲᑦ ᓯᕗᓕᖅᑎ ᓴᕕᑲᑖᖅ ᖁᕕᐊᓱᒃᑐᖅ ᑕᓪᓗᕈᑎᐅᑉ ᐃᒪᖓᓄᑦ ᐱᓕᕆᐊᖑᔪᒥᒃ
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:
“ᐅᓪᓗᒥ, ᖁᕕᐊᓱᖃᑎᒋᔭᕗᑦ ᐃᑲᔪᖅᓱᖅᑕᕗᓪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐋᔩᖃᑎᖃᑦᑎᐊᓚᐅᕐᓂᖏᓐᓄᑦ ᐊᖏᖃᑎᒌᒍᑕᐅᒋᐊᙵᖅᓯᒪᔪᒥᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎᒧᑦ ᑕᓪᓗᕈᑎᐅᑉ ᐃᒪᖓ ᐱᔾᔪᑎᒋᓪᓗᒍ.
ᑖᓐᓇ ᐅᔾᔨᕐᓇᑦᑎᐊᖅᖢᓂ ᐊᓂᒍᖅᑕᐅᔪᖅ ᐃᓄᖕᓄᑦ ᕿᑭᖅᑖᓗᖕᒥᐅᓄᑦ, ᐱᐅᔪᒥᒡᓗ, ᐊᒃᑐᐃᔾᔪᑕᐅᓂᐊᖅᖢᓂ ᕿᑭᖅᑖᓘᑉ ᐅᐊᖕᓇᖓᓂ ᓄᓇᓕᖕᓄᑦ.
ᐱᓕᕆᖃᑎᖃᑦᑎᐊᕈᒪᔪᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᒡᓗ ᐱᓕᕆᕙᓪᓕᐊᓂᖏᓐᓄᑦᐱᔾᔪᑎᒋᓪᓗᒍ ᑐᕙᐃᔪᐃᑦᑐᖅ. ᐅᔾᔨᕆᑦᑎᐊᕐᓂᐊᖅᑕᕗᑦ ᐱᖓᓱᑦ ᐱᓕᕆᖃᑎᒌᓐᓂᐊᖅᑐᑦ − ᓄᓇᕗᑦ ᒐᕙᒪᖓ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑲᓇᑕᐅᑉ ᒐᕙᒪᖓ − ᐱᓕᕆᖃᑎᒌᓐᓂᐊᕐᓂᖏᓐᓄᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐸᐸᑦᑎᑦᑎᐊᕐᓂᕐᒥᑦ ᓄᓇᕗᒻᒥ. ᖁᕕᐊᑦᑐᒍᑦ ᐱᒋᐊᖅᑎᑦᑎᔪᓐᓇᕐᓂᐊᕋᑦᑕ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧ ᐊᒻᒪᓗ ᐱᓕᕆᖃᑎᒌᓐᓂᐊᕐᓂᑦᑎᓄᑦ ᐊᒃᑐᐊᓂᖃᖅᑐᓄᑦᑐᕙᐃᔪᐃᖅᑐᖅ ᐊᔪᖏᑦᑎᐊᕋᔭᕐᓂᖓᓄᑦ ᖃᐅᔨᓴᖅᑕᐅᔾᔪᑎᖓᓄᑦ.