ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᑲᑐᔾᔨᖃᑎᖃᖅᑐᑎᒃ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᑲᓇᑕᒥ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂ ᑲᑎᒪᑎᑦᑎᖃᑦᑕᕐᖓᑕ ᑕᓪᓕᒪᓂᑦ ᓄᓇᓕᓐᓂᑦ ᕿᑭᖅᑕᓂ ᓄᓇᓕᓐᓂᑦ ᐱᔾᔪᑎᖃᖅᑐᑎᒃ ᐊᐅᓚᑦᑎᒍᑕᐅᑲᐃᓐᓇᓂᐊᖅᑐᓂᑦ ᐸᕐᓇᐅᑎᓂᑦ ᓴᐳᔾᔨᕕᓕᐊᖑᒍᒪᓯᒪᔪᒧᑦ ᑕᓪᓗᕈᑎᐅᑉ ᐃᒪᖓᓂ (NMCA).

ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᓐᓂᑦ, ᓄᓇᕗᑦ ᒐᕙᒪᒃᑯᖏᓐᓂ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᓐᓂ ᑲᓇᑕᒥ ᓄᓇᓕᓐᓂᑦ ᑲᑎᒪᑎᑦᑎᖃᑦᑕᓂᐊᕐᖓᑕ ᑲᖏᖅᑐᒑᐱᒻᒥ ᔪᓚᐃᖑᓕᖅᑲᑦ. ᐃᖅᑲᓇᐃᔭᖅᑎᕗᑦ ᑲᑎᒪᖃᑎᖃᖃᑦᑕᓛᖅᑐᑦ Hᐊᒪᓚᒃᑯᑦ ᑲᑎᒪᔨᖏᓐᓂᑦ, ᐊᖑᓇᓱᑦᑐᓕᕆᔨᒃᑯᓐᓂᑦ, ᓄᓇᓕᓐᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᕐᓂᑦ, ᐊᒻᒪᓗ ᑐᙵᓱᑦᑎᑦᑎᓗᑎᒃ ᐅᐸᖃᑦᑕᕋᔅᓴᐅᓛᕆᓪᓗᑎᒃ ᓄᓇᓕᓐᓄᑦ.

ᑖᓐᓇ ᐃᓚᒋᔭᐅᒻᒪᑦ ᓄᓇᓕᓐᓂᑦ ᑲᑎᒪᑎᑦᑎᖃᑦᑕᕐᓂᖏᓐᓄᑦ ᑕᓪᓕᒪᓂᑦ ᓄᓇᓕᓐᓂᑦ ᓯᔾᔭᕐᐸᓯᐊᓃᑦᑐᓂᑦ. ᑲᑎᒪᑎᑦᑎᖃᑦᑕᕐᓯᒪᓕᖅᑐᑦ ᐅᑯᓇᓂ ᓄᓇᓕᓐᓂᑦ ᒥᑦᑎᒪᑕᓕᒃ, ᐃᒃᐱᐊᕐᔪᒃ, ᖃᐅᓱᐃᑦᑐᖅ ᐊᒻᒪᓗ ᐊᐅᓱᐃᑦᑐᖅ.

ᑕᐃᒫᒃ ᑲᑎᒪᑎᑦᑎᖃᑦᑕᖅᑐᑦ ᑐᑭᓯᒋᐊᕈᑎᖃᖅᑐᑎᒃ ᑕᓪᓗᕈᑎᐅᑉ ᐃᒪᖓᓂ ᖃᐅᔨᓴᕈᑕᐅᓯᒪᔪᓂᑦ ᐅᓂᒃᑳᓂᑦ  ᐱᔭᕇᖅᑕᐅᔪᔪᓂᑦ ᕖᕝᕗᐊᓕ 2017ᖑᑎᓪᓗᒍ. ᐱᕕᖃᖅᑎᑦᑎᕙᒻᒪᑕ ᓄᓇᓕᓐᓂᑦ ᑐᑭᓯᒍᒪᓪᓗᑎᒃ ᖃᓄᖅ ᐃᓱᒪᒋᔭᖃᕐᒪᖔᑕ ᑐᑭᓯᒋᐊᕐᕕᖃᖅᑎᓪᓗᒋᑦ ᖃᐅᔨᓴᕈᑕᐅᓯᒪᔪᑦ ᐅᓂᒃᑳᑦ ᒥᔅᓵᓄᑦ ᖃᓄᖅ ᐊᑐᖅᑕᐅᓯᒪᒻᒪᖔᑕ ᐊᒻᒪᓗ ᖃᓄᖅ ᑕᐃᒫᒃ ᐅᓂᒃᑳᓕᐅᕈᑕᐅᔪᓐᓇᕐᓯᓯᒪᒻᒪᖔᑕ.

ᑕᐃᒫᒃ ᑲᑎᒪᑎᑦᑎᖃᑦᑕᑎᓪᓗᒋᑦ ᑲᑐᔾᔨᖃᑎᒌᒃᑯᑦ, ᒥᕐᖑᐃᓯᕐᕕᓕᕆᔨᒃᑯᑦ ᑲᓇᑕᒥ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᓄᐊᑦᑎᕙᓪᓕᐊᒻᒪᑕ ᐃᓱᒪᒋᔭᐅᔪᓂᑦ ᓄᓇᓕᓐᓂᑦ ᓄᓇᓕᓐᓂᑦ ᐱᔾᔪᑕᐅᒧᑦ, ᐱᔭᕆᐊᑐᓂᖏᑕ ᐊᒻᒪᓗ ᐱᓇᓱᐊᕋᔅᓴᖏᑕ ᒥᔅᓵᓄᑦ ᐊᐅᓚᑦᑎᓂᕐᒧᑦ ᑐᕌᖓᔪᓂᑦ ᑲᓇᑕᒥ ᓴᐳᔾᔨᕕᔅᓴᒥᒃ. ᑖᒃᑯᐊ ᑐᑭᓯᒍᑕᐅᔪᑦ ᐊᑐᑕᐅᓛᕐᖓᑕ ᐋᖅᑭᔅᓱᐃᒍᑕᐅᓗᑎᒃ ᐊᐅᓚᑦᑎᒍᑕᐅᑲᐃᓐᓇᓂᐊᖅᑐᓂᑦ ᐸᕐᓇᐅᑎᓂᑦ.

ᑕᓪᓗᕈᑎᐅᑉ ᐃᒪᖓᓄᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᔅᓴᖏᓐᓄᓪᓗ ᐊᖏᕈᑏᑦ (ᐊᖏᕈᑏᑦ) ᐋᔩᕋᕈᑕᐅᓂᐊᕐᓯᒪᔪᑦ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᒫᑦᓯ 2019 ᖃᓂᒋᔮᓄᑦ ᑎᑭᓪᓗᒍ.

ᓇᒥ/ᖃᖓᓗ ᓄᓇᓕᓐᓂᑦ ᑲᑎᒪᑎᑦᑎᖃᑦᑕᓂᐊᕐᒪᖔᑕ:

ᑲᖏᖅᑐᒑᐱᒃ: ᔪᓚᐃ 4ᒥ 5ᒥᓗ
ᐱᖓᑦᑎᕐᒥ, ᔪᓚᐃ 4 10ᒥ ᐅᓪᓛᒃᑯᑦ − 12ᒧᑦ ᐅᓐᓄᓴᒃᑯᑦ: ᐃᓂᖃᓛᖅᑐᑦ ᐃᓕᓴᕐᓯᕕᒻᒥ
ᑎᓴᒻᒥᖅ, ᔪᓚᐃ 5, 7ᒥ ᐅᓐᓄᒃᑯᑦ: ᑐᙵᓱᑦᑎᑦᑎᓗᑎᒃ ᐃᓄᓕᒫᓄᑦ ᐅᐸᖃᑦᑕᕋᔅᓴᐅᓛᖅᑐᑦ ᓄᓇᓖᑦ ᐱᙳᐊᕐᕕᖓᓐᓂ
ᑖᒃᑯᐊ ᐅᓪᓗᐃᑦ/ᓯᕿᙳᔭᒃᑯᓪᓗ ᐋᖅᑭᓯᒪᓂᖏᑦ ᐊᓯᔾᔨᑐᐃᓐᓇᕆᐊᓖᑦ ᓯᓚ/ᖃᖓᑕᓲᕐᓗ ᐊᑲᐅᓈᕐᓯᒪᒍᓐᓃᓂᖅᑲᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᔨᐅᕋHᐃ,
ᑐᑭᒧᐊᑦᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
›szerehi@qia.ca
867.975.8413
1.800.667.2742