ᑲᑎᒪᔨᐅᒍᒪᒐᔭᖅᑐᓄᑦ ᐱᓇᓱᒍᓐᓇᕐᓂᖅ, ᐊᔾᔨᒌᙱᑦᑐᓂᒃ ᑲᑎᒪᔨᐅᕝᕕᐅᔪᓂᒃ ᑲᑎᒪᔨᕋᓛᖃᕐᕕᐅᔪᓂᓗ
ᐅᓪᓗᖅ: ᕖᕝᕗᐊᓕ 7, 2022
ᐱᔾᔪᑖ: ᑲᑎᒪᔨᐅᒍᒪᒐᔭᖅᑐᓄᑦ ᐱᓇᓱᒍᓐᓇᕐᓂᖅ, ᐊᔾᔨᒌᙱᑦᑐᓂᒃ ᑲᑎᒪᔨᐅᕝᕕᐅᔪᓂᒃ ᑲᑎᒪᔨᕋᓛᖃᕐᕕᐅᔪᓂᓗ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐃᓄᖕᓂᑦ ᕿᑭᖅᑕᓂᒥᐅᓂᒃ ᑲᑎᒪᔨᐅᒍᒪᒐᔭᖅᑐᓂᒃ ᑲᑎᒪᔨᐅᕝᕕᐅᔪᓄᑦ ᑲᑎᒪᔨᕋᓛᖃᕐᕕᐅᔪᓄᓪᓗ ᓇᓗᓇᐃᔭᖅᓯᒪᔪᓂᒃ ᐊᑖᓂ. ᐃᓱᒪᒃᓴᖅᓯᐅᕈᑎᒋᔭᐅᓂᐊᕈᕕᑦ, ᐱᓇᓱᒃᑐᑦ ᓇᓗᓇᐃᖅᓯᓯᒪᑦᑎᐊᕆᐊᖃᖅᑐᑦ ᐊᖏᖅᓯᒪᓗᑎᒃ ᑭᒡᒐᖅᑐᐃᑦᑎᐊᕐᓂᐊᕐᓗᑎᒃ ᐃᓄᖕᓂᒃ ᕿᑭᖅᑕᓂᒥᐅᓂ ᐊᒻᒪᓗ ᖃᐅᔨᒪᓂᖃᕐᓗᑎᒃ ᑐᑭᓯᐅᒪᓂᖃᕐᓗᑎᑦ ᓄᓇᕗᒥ ᐊᖏᖃᑎᒌᒍᑎᓂᑦ ᑐᕌᖓᔪᓂᒃ ᐱᓕᕆᐊᒃᓴᕆᔭᐅᔪᓂᒃ ᑲᑎᒪᔨᐅᕝᕕᐅᔪᒧᑦ ᑲᑎᒪᔨᐅᕝᕕᐅᓇᓱᖕᓂᐊᖅᑐᒥᒃ.
ᓄᓇᕗᑦ ᐸᐸᑦᑎᔨᑦ (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
ᓄᓇᕗᒥ ᐸᐸᑦᑎᔨᒃᑯᑦ ᓴᐳᔾᔨᔨᐅᕗᑦ ᐃᓄᐃᑦ ᓄᓇᕗᒥᐅᑦ ᑮᓇᐅᔭᖁᑎᖏᓐᓂᒃ. ᐸᐸᑦᑎᔨᒃᑯᑦ ᐱᓕᕆᐊᒃᓴᖃᖅᑐᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᑐᐊᒐᕐᓂ ᑐᕌᒐᖏᓐᓂᓗ ᑲᔪᓯᑎᑦᑎᓂᕐᒧᑦ. ᑖᒃᑯᐊ ᐸᐸᑦᑎᔩᑦ ᓇᐅᑦᑎᖅᓱᖅᑎᒋᔭᐅᕗᑦ ᐸᐸᑦᑎᔨᐅᑉ ᐱᓕᕆᐊᖏᓐᓂᒃ ᐸᕐᓇᐅᑎᖏᓐᓂᒃ, ᐊᒻᒪᓗ ᐊᔾᔨᒌᙱᑦᑐᓂᒃ ᐱᖁᑎᖃᖅᖢᑎᒃ , ᐊᒻᒪᓗ ᐊᓯᖏᑦ ᐃᓱᒫᓘᑎᒋᔭᐅᔪᓄᑦ ᑲᑎᒪᔨᓄᑦ ᖃᖓᑐᐃᓐᓇᖅ.
ᓄᓇᕗᒥ ᒪᑭᓐᓇᓱᐊᖅᑏᑦ ᑲᑎᒪᔨᖏᑦ (ᐊᑕᐅᓯᖅ ᐃᓂᒃᓴᖅ, ᐊᑕᐅᓯᕐᒥ ᐊᕐᕌᒍᒥ ᑲᑎᒪᔨᐅᓗᓂ)
ᓄᓇᕗᒥ ᒪᑭᓐᓇᓱᐊᖅᑎᑦ ᑲᑎᒪᔨᖏᑦ ᐱᓕᕆᐊᖃᖅᐳᑦ ᖃᐅᔨᒪᑎᑦᑎᓂᕐᒥᒃ ᐅᔾᔨᖅᓱᖅᑎᑦᑎᓂᕐᒥᓗ, ᐱᕕᒃᓴᓂᒃ, ᓂᕈᐊᕈᓐᓇᕐᓂᕐᒥᒃ ᐊᒻᒪᓗ ᐃᓚᐅᑦᑎᐊᕐᓂᕐᒥᒃ ᖃᓄᓕᒫᖅ ᐃᓅᓯᐅᔪᓂᒃ ᓄᓇᕗᒥ ᐃᓄᖕᓂ ᑎᒥᒥᒍᑦ ᐊᔪᕈᑎᓕᖕᓄᑦ ᓇᖕᒥᓂᖅᓱᓕᕈᓐᓇᖁᓪᓗᒋᑦ, ᐊᒻᒪᓗ ᐃᓚᒋᔭᐅᑦᑎᐊᕐᓗᓂ ᓄᓇᓕᖕᓂ ᒥ.
ᐃᓄᐃᑦ ᑕᑯᓐᓈᒐᒃᓴᓕᕆᔩᑦ (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
ᐃᓄᐃᑦ ᑕᑯᓐᓈᒐᒃᓴᓕᕆᔨᖏᑦ (ᑕᑯᓐᓈᒐᒃᓴᓕᕆᔨᑦ) ᒪᑭᒪᑎᑦᑎᖃᑦᑕᖅᑐᑦ ᑐᑭᓯᔭᐅᑦᑎᐊᕐᓂᐊᕐᒪᑦ ᐃᓄᐃᑦ ᐃᓕᖅᑯᓯᖓ ᐅᖃᐅᓯᖓᓗ ᐊᑐᕐᓗᑎᒃ ᓇᐅᒃᑯᓕᒫᑦ ᑐᓴᕋᒃᓴᖃᕐᕕᐅᔪᒃᑯᑦ. ᐃᓄᐃᑦ ᑕᑯᓐᓈᒐᒃᓴᓕᕆᔨᒃᑯᑦ ᑕᕐᕆᔭᒃᓴᓕᐊᖏᑦ ᐊᒃᑐᕆᐊᖅᓯᒪᔪᑦ ᐃᓕᖅᑯᓯᕐᒥ ᑐᓴᐅᒪᖃᑦᑕᐅᑎᑦᑎᓂᕐᒥᓪᓗ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᑐᕈᓐᓇᕐᓗᑎᒃ ᐊᒻᒪ ᐃᓱᒪᖅᓱᕈᓐᓇᕐᓗᑎᒃ.
ᑲᑭᕙᒃᑯᑦ ᐊᐃᑦᑑᓯᐊᒃᓴᖏᓐᓂᒃ ᐊᑐᒐᒃᓴᖏᓐᓂᓗ ᐅᓐᓂᕐᓗᒃᓴᕐᕕᖏᑕ ᑲᑎᒪᔨᕋᓛᖏᑦ (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ)
ᑖᒃᑯᐊ ᑲᑎᒪᔨᕋᓛᑦ ᕿᒥᕐᕈᔨᐅᔪᑦ ᐅᓐᓂᕐᓗᒃᓴᕈᑎᒋᔭᐅᔪᓂᒃ ᑮᓇᐅᔭᓂᒃ ᐱᓇᓱᒃᑐᕕᓂᕐᓂᒃ ᑐᓂᔭᐅᔪᓄᑦ ᑲᑭᕙᒃ ᑲᑐᔾᔨᖃᑎᒌᒃᑯᑦ ᐱᓕᕆᐊᒃᓴᖏᓐᓄᑦ ᐱᔨᑦᓯᕋᕈᑎᖏᓐᓂᓗ. ᐃᖅᑲᓇᐃᔭᖅᑎᑦ ᑲᑭᕙᒃᑯᓐᓂ, ᕿᑭᖅᑕᓃᒃᑯᓐᓂ, ᐅᕝᕙᓘᓐᓃᑦ ᑎᒥᐅᔪᓂᒃ ᐊᐅᓚᑕᐅᔪᓄᑦ ᕿᑭᖅᑕᓃᒃᑯᓐᓄᑦ ᑐᒃᓯᕋᕈᓐᓇᙱᑦᑐᑦ ᒪᓂᒪᑎᓯᒪᔭᖏᓐᓄᑦ.
ᐅᑯᐊ ᐊᑖᓃᑦᑐᑦ ᑲᑐᔾᔭᐅᓯᒪᔪᑦ ᒥᕐᖑᐃᖅᓯᕝᕕᓕᕆᓂᕐᒧᑦ ᐊᐅᓚᑦᑎᔨᖏᑕ ᑲᑎᒪᔨᕋᓛᖏᓐᓄᑦ ᑲᑎᒪᔨᒃᓴᖅᓯᐅᕐᒥᔪᑦ
- ᐃᖃᓗᖕᓂ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ ᐃᖃᓗᐃᑦ ᑰᖓᓄᑦ/ᖃᐅᒻᒫᕐᕕᖕᒧᓗ ᒥᕐᖑᐃᖅᓯᕝᕕᓄᑦ − ᐊᑕᐅᓯᖅ ᐃᓂᒃᓴᖅ − ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
- ᑲᖏᖅᑐᒑᐱᖕᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ ᐊᒡᒍᑦᑎᓐᓂ ᒥᕐᖑᐃᖅᓯᕝᕕᖕᒥ − ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
- ᐊᐅᔪᐃᑦᑐᕐᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ ᐊᐅᔪᐃᑦᑐᖅ ᒥᕐᖑᐃᖅᓯᕝᕕᖕᒥ − ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
- ᖃᐅᓱᐃᑦᑐᒥ ᒥᕐᖑᐃᖅᓯᕝᕕᖓ (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
- ᓯᕐᒥᓕᒃ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ – ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
ᕿᑭᖅᑕᓃᒃᑯᑦ ᓇᓗᓇᐃᖅᓯᓯᒪᑦᑎᐊᕈᒪᖕᒪᑕ ᐃᓄᐃᑦ ᐃᓚᒋᔭᐅᑦᑎᐊᕐᓂᖏᓐᓄᑦ ᐊᑐᓕᖅᑎᑕᐅᓂᖓᓄᑦ ᓄᓇᕗᒥ ᐊᖏᖃᑎᒌᒍᑎᖓ. ᑕᐃᒪᐃᒻᒪᑦ, ᕿᑭᖅᑕᓃᒃᑯᑦ ᐊᑐᓕᖅᑎᑦᑎᓯᒪᔪᖅ ᒪᑐᐃᖓᔪᒥᒃ ᐊᒻᒪ ᓵᙵᔭᒃᓴᐅᕝᕕᐅᔪᓐᓇᖅᑐᓂᒃ ᖃᓄᐃᓕᐅᕈᑎᓂᒃ ᐃᓱᒪᓕᐅᕈᑎᒋᔭᐅᕙᓪᓕᐊᑎᓪᓗᒋᑦ ᑲᑎᒪᔨᙳᕋᓱᒃᑐᑦ.
ᐱᔪᒐᖅᓴᐅᑎᑦ ᐊᒻᒪ ᑎᑎᕋᖅᓯᒪᔪᒥᒃ ᓱᖕᒪᑦ ᐃᓱᒪᒋᔭᐅᒐᔭᕐᒪᖔᖅᐲᑦ, ᐃᓄᒃᑎᑐᑦ ᖃᓪᓗᓈᑎᑐᓪᓗ, ᓇᓗᓇᐃᖅᓯᒪᓗᓂ ᓇᓪᓕᐊᖕᒥ ᑲᑎᒪᔨᒃᓴᒥ ᐱᓇᓱᖕᒪᖔᖅᐲᑦ
ᐱᔪᒐᒃᓴᐅᑎᑦ ᓇᒃᓯᐅᔾᔭᐅᓗᑎᒃ ᐅᕗᖓ ᐃᕐᖐᓐᓈᕈᑎᐅᑉ ᑐᕌᕈᑎᖓᓄᑦ nominations@qia.ca
ᑖᒃᑯᓂᖓ ᐱᕕᒃᓴᓂ ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒋᑦ ᕿᑭᖅᑕᓃᒃᑯᑦ ᐅᕝᕙᓘᓐᓃᑦ ᓄᓇᓕᖕᓂ ᑐᓴᐅᒪᑎᑦᑎᔨᓯ ᓄᓇᓕᔅᓯᓐᓂ.
ᐱᓇᓱᖃᑕᐅᒍᒪᓂᐊᕈᕕᑦ ᐱᕕᖃᖅᐳᑎᑦ ᕖᕝᕗᐊᓕ 18, 2022ᒥ ᓯᕿᙳᔭᖅ 5:00ᒧᐊᖅᑎᓪᓗᒍ ᑲᓇᖕᓇᐅᑉ ᓯᕿᙳᔭᖓ ᐊᑐᕐᓗᒍ.
ᑐᓴᒃᑲᓐᓂᕈᒪᔪᑦ, ᖃᐅᔨᒋᐊᕐᕕᒃᓴᖅ
ᕕᓕᐊᒻ ᕼᐋᑉᑭᓐᔅ
ᑐᓴᐅᒪᖃᑦᑕᐅᑎᓂ ᖃᐅᔨᒪᔨᑕᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867 975 8413
1.800.667.2742
ᐅᑯᐊᑦᑕᐅᖅ ᑕᕝᕙᓂ ᐊᕐᕌᒍᒥ ᐊᑐᖅᑕᑦᑎᓐᓂ ᑲᑎᒪᔨᒃᓴᖅᓯᐅᓛᕐᒥᔪᑦ.
ᐅᑑᕙ 2022- ᕿᑭᖅᑖᓗᒃ ᑯᐊᐳᕇᓴᓐᑯᑦ ᑲᑎᒪᔨᖏᓐᓄᑦ (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
ᐅᑑᕙ 2022 – ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᑲᑎᒪᔨᖏᑦ (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ )
ᔫᓐ 2022 – ᓯᕐᒥᓕᒃ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ– (ᐊᑕᐅᓯᖅ ᐃᓂᒃᓴᖅ, ᐱᖓᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
ᔫᓐ 2022 – ᑭᙶᓗᒃ ᓄᓇᕗᒥ ᒥᕐᖑᐃᖅᓯᕝᕕᖓ − ᓄᓇᓕᖕᓂᑦ ᑲᑐᔾᔭᐅᓯᒪᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ – ᓴᓂᑭᓗᐊᖅ– (ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
ᐅᑑᕙ 2022 – ᓄᓇᕗᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ (NJPMC) – ᓄᓇᕗᓕᒫᒨᖓᔪᖅ – (ᐊᑕᐅᓯᖅ ᐃᓂᒃᓴᖅ – ᓯᑕᒪᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
