ᑐᓴᖅᑎᑦᑎᔾᔪᑎ ᓄᓇᕗᑦ ᐸᐸᑦᑎᕕᐅᑉ ᒥᒃᓵᓄᑦ
ᓄᓇᓯ ᐸᐸᑦᑎᕕᒃ ᑎᒥᙳᖅᑎᑕᐅᓚᐅᖅᑐᖅ ᐃᓄᖕᓂᑦ ᑭᒡᒐᖅᑐᖅᑐᓂᑦ ᐊᕕᒃᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ 1975ᒥ ᐱᔭᕇᖅᑕᐅᓚᐅᙱᑎᓪᓗᒍ ᓄᓇᑖᕐᒧᑦ ᐊᖏᖃᑎᒌᒍᑎᖓ. ᐸᐸᑦᑎᕕᒃᑯᑦ ᑎᒥᙳᖅᑎᑕᐅᓂᖓ ᐱᔾᔪᑎᖃᓪᓗᐊᓚᐅᖅᑐᖅ ᑎᒍᒥᐊᕐᓂᐊᕐᓗᒋᑦ ᓇᖕᒥᓂᖃᕈᓐᓇᐅᑎᑦ ᓄᓇᓯ ᑯᐊᐳᕇᓴᒃᑯᓐᓂᑦ; ᑯᐊᐳᕇᓴᖅ ᑎᒥᙳᖅᑎᑕᐅᓚᐅᖅᑐᒥᒃ ᐃᑲᔪᖅᑕᐅᓂᐊᕐᒪᑕ ᐃᓄᐃᑦ ᓄᓇᕗᒥᐅᑦ ᒪᑭᒪᔾᔪᑎᒃᓴᓕᐅᖃᑕᐅᖁᓪᓗᒋᑦ.
ᑖᒃᑯᐊ ᓇᖕᒥᓂᖃᕈᓐᓇᐅᑎᑦ ᓄᓇᓯ ᑯᐊᐳᕇᓴᒃᑯᓐᓂᑦ ᓇᖕᒥᓂᖁᑎᒋᔭᐅᑎᓪᓗᒋᑦ ᐸᐸᑦᑎᕕᖕᒧᑦ ᑐᓂᐅᖅᑲᖅᑕᐅᓯᒪᓕᖅᑐᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐅᕝᕙᓘᓐᓃᑦ ᑐᓂᔭᐅᓪᓗᑎᒃ ᐊᕕᒃᑐᖅᓯᒪᔪᓂ ᒪᑭᒪᔾᔪᑎᓕᕆᓂᕐᒧᑦ ᑯᐊᐳᕇᓴᒃᑯᓐᓄᑦ.
ᐅᓪᓗᒥ ᐸᐸᑦᑎᕕᒃ ᑮᓇᐅᔭᓂᒃ ᑎᒍᒥᐊᑐᐃᓐᓇᓕᖅᑐᑦ, ᐸᐸᑦᑎᔨᑦ ᓄᖅᑲᖅᑎᑦᑎᒍᒪᖕᒪᑕ ᐸᐸᑦᑎᕕᖕᒥ ᐊᒻᒪᓗ ᑭᖑᓪᓕᖅᐹᖅᓯᐅᑎᒥᒃ ᓄᖅᑲᕐᓂᕐᒧᑦ ᑖᒃᓰᓄᑦ ᑐᕌᖓᔪᓂᒃ ᑐᓂᓯᒋᐊᖃᖅᖢᑎᒃ. ᑕᐃᒪᐃᓕᐅᕆᓚᐅᖅᑎᓐᓇᒋᑦ, ᐸᐸᑦᑎᔩᑦ ᑮᓇᐅᔭᐃᑦ ᓇᓕᖅᑲᖏᓐᓂᒃ ᓴᖅᑭᑎᑦᑎᖅᑳᕆᐊᖃᖅᑐᑦ ᓄᓇᕗᒥ ᐃᖅᑲᖅᑐᐃᕝᕕᖕᒧᑦ. ᐃᓄᓕᒫᑦ ᓄᓇᕗᒥ ᕿᒥᕐᕈᔪᓐᓇᖅᑐᑦ ᐊᐅᓚᑕᐅᓂᕆᔭᖓᓂᒃ ᐸᐸᑦᑎᕕᒃ ᐸᐸᑦᑎᔨᓄᑦ.
ᑐᑭᓯᒋᐊᕈᑎᒃᓴᒃᑲᓐᓂᕐᓂᒃ ᐱᑕᖃᖅᑐᑦ ᐅᓂᒃᑳᖅᓯᒪᔪᓂᒃ ᑐᓴᒃᑲᐃᔾᔪᑎᒥᒃ, ᓇᓪᓕᖅᑲᓂ, ᐊᒻᒪᓗ ᐊᐱᖅᑯᑎᒋᔭᐅᒐᔪᒃᑐᓂᒃ, ᐊᑐᐃᓐᓇᐅᑎᑕᐅᓯᒪᔪᓄᑦ ᓄᓇᓕᖕᓂ ᑐᓴᐅᒪᑎᑦᑎᔨᓂᑦ ᐊᒻᒪᓗ ᐃᓕᔭᐅᓯᒪᓪᓗᑎᒃ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᑭᐊᖅᑭᕕᖏᓐᓂ ᓇᓕᑐᐃᓐᓇᖓᓄᑦ ᕿᒥᕐᕈᔪᒪᔪᖃᖅᐸᑦ: