ᕿᑭᖅᑕᓃᒃᑯᑦ ᐱᒋᐊᖅᑎᑦᑎᓚᐅᖅᓯᒪᔪᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ ᐱᓕᕆᔪᒪᓪᓗᑎᒃ ᐃᓘᓐᓇᖏᓐᓂᒃ ᐃᓅᓯᕐᓄᑦ ᑕᒻᒪᕈᑎᒋᔭᐅᓚᐅᖅᑐᓂᒃ ᓈᓚᖕᓂᖃᖅᑎᑦᑎᓪᓗᑎᒃ ᒐᕙᒪᒃᑯᑦ ᐊᑐᐊᒐᕆᔭᖏᓐᓂᒃ ᖃᓄᐃᓕᐅᖅᐸᓚᐅᕐᓂᖏᓐᓄᑦ, ᐱᓕᕆᐊᖑᓚᐅᖅᑐᓂᒃ ᐊᒻᒪᓗ ᑐᑭᑖᕈᑎᒋᔭᐅᖃᑦᑕᓚᐅᖅᑐᓂᓗ 1950ᓂᑦ 1975ᒧᑦ. ᐃᓄᐃᑦ ᓈᓚᖕᓂᖃᖁᔨᓚᐅᖅᑐᑦ ᖃᓄᐃᓕᐅᕈᑕᐅᖃᑦᑕᖅᓯᒪᔪᓂᒃ ᑭᓯᐊᓂ ᑭᐅᔾᔪᑎᒋᔭᐅᓚᐅᖅᓯᒪᓐᖏᑦᑐᑦ.   ᕿᑭᖅᑕᓃᒃᑯᑦ ᐅᒃᐱᕆᔭᖃᖅᑐᑦ ᐃᓄᐃᑦ ᐱᕕᖃᖅᑎᑕᐅᔭᕆᐊᓖᑦ ᓵᓐᖓᕕᖃᕈᓐᓇᕐᓂᕐᒥᒃ ᒐᕙᒪᑐᖃᒃᑯᓐᓂᑦ ᓅᑕᐅᓚᐅᖅᓯᒪᓂᖏᓐᓂᑦ, ᕿᒻᒦᔭᖅᑕᐅᖃᑦᑕᖅᓯᒪᓂᖏᓐᓂᑦ ᐊᒻᒪᓗ ᐊᓯᖏᓐᓂᒃ ᐱᓕᕆᐊᖑᓚᐅᖅᑐᓄᑦ ᓄᓇᓕᖕᓅᖅᑎᑕᐅᖃᑦᑕᓕᖅᑎᓪᓗᒋᑦ. ᕿᑭᖅᑕᓃᒃᑯᑦ ᓂᐱᓕᐅᖅᐸᓪᓕᐊᓕᓚᐅᖅᓯᒪᔪᖅ ᐅᓐᓂᕐᓗᒃᓴᕈᑎᒋᔭᐅᔪᓂᒃ ᕿᑭᖅᑕᓂ ᐃᓄᖕᓂᑦ 2004ᒥᑦ.             2007ᖑᓕᖅᑎᓪᓗᒍ, ᑖᒃᑯᐊ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐱᓐᖑᖅᑎᑕᐅᓪᓗᑎᒃ ᓴᖅᑭᑎᑦᑎᓪᓗᑎᓪᓗ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᑭᖑᓪᓕᖅᐹᖅᓯᐅᑎᓂᒃ ᐅᓂᒃᑳᓕᐊᖏᓐᓂᑦ: ᓴᐃᒻᒪᖃᑎᒌᒃᐸᓪᓕᐊᓂᕐᒥᒃ 2010ᖑᓕᖅᑎᓪᓗᒍ.

ᑖᓐᓇ ᑭᖑᓪᓕᖅᐹᖑᔪᖅ ᐅᓂᒃᑳᓕᐊᖅ: ᓴᐃᒻᒪᖃᑎᒌᖕᓂᕐᒥᒃ, ᐃᓗᓕᖃᖅᑐᖅ ᒐᕙᒪᑐᖃᒃᑯᑦ ᖃᓄᐃᓕᐅᖃᑦᑕᖅᓯᒪᔭᖏᓐᓂᑦ ᕿᑭᖅᑕᓂ ᐃᓄᖕᓄᑦ.   ᑖᒃᑯᐊ ᐅᓂᒃᑳᓕᐊᑦ ᑎᑎᕋᐅᓯᖃᖅᑐᑦ ᐱᖓᓱᓄᑦ ᐊᕐᕌᒍᓄᑦ ᐊᐱᖅᓱᖃᑦᑕᖅᑎᓪᓗᒋᑦ, ᐅᓐᓂᕐᓗᒃᓴᖅᑐᖃᖅᑎᓪᓗᒍ ᐊᒻᒪᓗ ᐱᑐᖃᓂᓪᓗ ᖃᐅᔨᓴᖅᑕᐅᓯᒪᔪᓂᒃ ᐊᑐᖅᑕᐅᕙᓚᐅᖅᑐᓂᒃ ᐃᓄᖕᓄᑦ ᕿᑭᖅᑖᓗᖕᒥᑦ ᒐᕙᒪᑐᖃᒃᑯᑦ ᐊᑐᐊᒐᕆᔭᖏᑦ ᐱᔾᔪᑎᒋᔭᐅᓪᓗᑎᒃ.

ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᖃᐅᔨᓴᕐᓂᕆᔭᖏᑦ ᒪᕐᕉᓂᒃ ᐱᓕᕆᐊᖃᓪᓗᐊᑕᖅᓯᒪᓚᐅᖅᑐᑦ:

1. ᓄᐊᓴᐃᓂᕐᒥᒃ ᐅᓐᓂᕐᓗᒃᓴᐅᑎᓂᒃ ᖃᓄᐃᓕᐅᕈᑕᐅᓯᒪᔪᓂᑦ 1950 ᐊᒻᒪ 1975 ᐊᑯᓐᓂᖓᓂᑦ ᐃᓄᖕᓂᑦ ᐊᑐᖅᓯᒪᔪᓂᒃ ᑕᒪᒃᑯᓐᓂ ᐊᔪᕐᓇᖅᑐᒻᒪᕆᐅᓯᒪᔪᓂᒃ, ᐊᒻᒪᓗ ᕿᑐᕐᖓᖏᓐᓂᑦ ᐃᖅᑲᐅᒪᔪᓂᒃ ᐊᑦᑐᖅᑕᐅᓯᒪᓕᖅᑎᓪᓗᒋᑦ ᐊᖏᔪᖅᑳᖏᑦ ᐊᒻᒪᓗ ᐃᓚᒋᔭᖏᓐᓂᒃ.
2. ᐱᔭᕇᕈᑎᖃᓚᐅᖅᖢᑎᒃ ᓯᕕᑐᔪᒃᑯᑦ ᐱᑐᖃᓂᒃ ᖃᐅᔨᓴᕐᓂᕐᒥᒃ ᐊᒻᒪᓗ ᐊᐱᖅᓱᖃᑦᑕᖅᖢᑎᒃ ᐃᓄᒻᒪᕆᐅᓐᖏᑦᑐᓂᒃ ᐃᖅᑲᓇᐃᔭᖃᑦᑕᓚᐅᖅᓯᒪᔪᓂᑦ ᕿᑭᖅᑖᓗᖕᒥᑦ ᑕᐃᔅᓱᒪᓂ ᐃᓄᐃᑦ ᐊᒃᑐᖅᑕᐅᓕᖅᑎᓪᓗᒋᑦ. ᑖᒃᑯᐊ ᐊᐱᖅᓱᖅᑕᐅᔪᑦ ᐱᖃᓯᐅᑎᓚᐅᖅᑐᑦ ᐸᓖᓯᓂᒃ, ᒐᕙᒪᒃᑯᓐᓂᖔᖅᑐᓂᒃ ᐊᒻᒪᓗ ᖃᐅᔨᓴᕆᐊᖃᑦᑕᖅᓯᒪᔪᓂᒃ.

ᐃᓄᐃᑦ ᐅᖃᐅᓯᖃᖃᑦᑕᓚᐅᖅᑐᑦ ᓅᑕᐅᓂᕕᓂᖏᓐᓂᑦ, ᕿᑐᕐᖓᕆᔭᐅᔪᑦ ᑎᒍᔭᐅᑐᐃᓐᓇᖅᑐᓂᒃ ᐃᓕᓐᓂᐊᕆᐊᖁᔭᐅᓯᒪᓪᓗᑎᒃ, ᐃᓕᓐᓂᐊᖅᑎᐅᕙᓚᐅᖅᑐᑦ ᐊᑐᖅᓯᒪᔭᖏᓐᓂᑦ, ᕿᒻᒦᔭᖅᑕᐅᓂᖏᑦ ᐃᓄᐃᑦ, ᐃᓚᒌᑦ ᐊᕕᑕᐅᓂᖏᑦ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ ᐃᓪᓗᒃᑕᖃᓐᖏᒻᒧᑦ, ᐊᒻᒪᓗ ᐃᓚᒌᑦ ᐊᕕᑕᐅᓂᖏᑦ ᐃᓕᖅᑯᓯᕐᒥᖕᓂᑦ ᐅᖃᐅᓯᕐᒥᖕᓂᑦ ᓄᓇᖁᑎᖏᓐᓂᓗ.

• 

• 

• 

ᑖᒃᑯᐊ ᐅᓂᒃᑳᑦ ᐃᓕᓴᖅᓯᓯᒪᖕᒥᔪᑦ ᑖᒃᑯᐊ ᐃᓄᐃᑦ ᐊᓐᓂᕈᑎᖃᒻᒪᕆᓚᐅᕐᓂᖏᓐᓂᒃ ᐊᒃᑐᕈᑎᒋᔭᐅᓯᒪᔪᓂᒃ ᐊᑐᐊᒐᕆᔭᐅᔪᓂᑦ ᖃᓄᐃᓕᐅᕈᑎᒋᔭᐅᓯᒪᔪᓂᑦ ᐊᒻᒪᓗ ᑕᒪᓐᓇ ᓱᓕ ᐅᓪᓗᒥᒧᑦ ᐃᒃᐱᒋᔭᐅᓪᓗᓂ ᒐᕙᒪᒃᑯᑦ ᖃᓄᐃᕈᑎᒋᔭᖏᓐᓂᒃ.

ᐃᓄᐃᑦ ᓯᕗᒧᐊᕈᑎᖃᕈᒪᔪᑦ ᐊᑐᓕᖅᑎᑕᐅᓗᑎᒃ ᑖᒃᑯᐊ 25ᖑᔪᑦ ᐊᑐᓕᖁᔭᐅᓯᒪᔪᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐅᓂᒃᑳᓕᐊᖏᓐᓂᑦ. ᑖᒃᑯᐊ ᐊᑐᓕᖁᔭᐅᓯᒪᔪᑦ ᐊᕕᒃᑐᖅᓯᒪᔪᑦ ᑎᓴᒪᐅᓕᖓᔪᒃᑯᑦ:

• ᓇᓗᓇᐃᖅᓯᓂᕐᒥᒃ ᐊᒻᒪᓗ ᒪᒥᓴᕐᓂᕐᒥᒃ ᑕᒻᒪᕈᑎᒋᔭᐅᓚᐅᖅᑐᓂᑦ
• ᓴᓐᖏᓕᒋᐊᖅᑕᐅᓗᓂ ᐃᓄᐃᑦ ᐊᐅᓚᑦᑎᓂᖏᑦ
• ᓴᓐᖏᑦᑎᒋᐊᖅᑕᐅᓗᓂ ᐃᓕᖅᑯᓯᖅ
• ᖃᓄᐃᓐᖏᑦᑎᐊᖅᑐᓂᒃ ᓄᓇᓕᓕᐅᕐᓂᖅ