ᑐᑦᑕᕐᕕᒃ
ᑲᓱᖅᑎᑦᑎᖃᑦᑕᕐᓂᖅ ᐃᓄᓐᓂᑦ ᐃᖅᑲᓇᐃᔮᔅᓴᓄᑦ, ᐃᓕᓐᓂᐊᕋᔅᓴᓄᑦ ᐊᒻᒪᓗ ᐱᓕᒻᒪᔅᓴᐅᑎᒋᔪᓐᓇᖅᑕᖏᓐᓄᑦ
2017ᖑᑎᓪᓗᒍ, ᕿᑭᖅᑕᓂᒃᑯᑦ ᐱᒋᐊᖅᑎᑦᑎᓚᐅᕐᓯᒪᒻᒪᑕ ᑐᑦᑕᕐᕕᒻᒥᑦ, ᖃᕋᓴᐅᔭᒃᑯᑦ ᑖᓐᓇ ᐃᖅᑲᓇᐃᔭᖅᑎᒋᔭᐅᔪᓐᓇᖅᑐᓄᑦ ᐊᑎᓕᐅᕐᕕᐅᕙᑦᑐᖅ. ᑐᑦᑕᕐᕕᒃ ᑐᑭᓯᒋᐊᕐᕕᓪᓗᐊᑕᐅᒻᒪᑦ ᐃᑲᔫᑎᖃᕈᒫᕐᓂᐊᕐᓯᒪᓪᓗᓂ ᐃᖅᑲᓇᐃᔭᖅᑎᖃᕐᐸᑦᑐᓄᑦ ᐃᓚᒋᔭᐅᑎᑦᑎᖃᑦᑕᓂᐊᕐᖓᑕ ᕿᑭᖅᑕᓂ ᐃᓄᖏᓐᓂᑦ ᐃᖅᑲᓇᐃᔮᔅᓴᓄᑦ ᐃᓕᓐᓂᐊᕋᔅᓴᓄᓪᓗ.
ᑐᑦᑕᕐᕕᒃ ᐃᖅᑲᓇᐃᔮᔅᓴᓂᑦ ᓴᖅᑭᑎᑦᑎᕕᖃᖃᑦᑕᕐᒥᔪᖅ ᐊᒻᒪᓗ ᐊᒥᓱᓂᑦ ᐊᑭᖃᙱᑦᑐᓂᑦ ᖃᕋᓴᐅᔭᒃᑯᑦ ᐃᓕᓐᓂᐊᕈᑕᐅᔪᓐᓇᖅᑐᓂᑦ.
ᕿᑭᖅᑕᓂ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ ᐃᖅᑲᓇᐃᔮᔅᓴᓄᑦ ᑲᑐᔾᔨᖃᑎᒌᒍᑕᐅᔪᖅ (ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ) ᑖᓐᓇ ᐊᖅᑯᑕᐅᔪᓐᓇᐸᑦᑐᖅ ᑐᑦᑕᕐᕕᒃᑯᑎᒍᑦ.
ᑐᑭᓯᒋᐊᒃᑲᓐᓂᕈᒪᒍᔅᓯ ᖃᓄᖅ ᐊᑎᓕᐅᕈᓐᓇᕐᒪᖔᔅᓯ ᑐᑦᑕᕐᕕᒻᒧᑦ, ᐊᑏ ᑐᑭᓯᒋᐊᖃᑦᑕᕆᔅᓯ ᕿᑭᖅᑕᓂᒃᑯᓐᓄᑦ ᑎᑎᕋᕐᓗᓯ ᐅᕗᖓ Tuttarvik@QIA.ca ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐊᑎᓕᐅᕐᓗᓯ ᐅᕘᓇ ᑐᑦᑕᕐᕕᒃ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᒃ.
ᑐᑦᑕᕐᕕᖕᒥ ᖃᓄᖅ ᐊᑐᖅᑕᐅᔭᕆᐊᖃᕐᓂᖓᓄᑦ ᒪᓕᒐᒃᓴᑦ
ᑐᑦᑕᕐᕕᖕᒥᑦ ᐃᖅᑲᓇᐃᔮᕆᔭᐅᓯᒪᔪᓂᑦ ᓇᓕᖅᑲᓕᐅᕐᓂᕐᒧᑦ ᖃᓄᖅ ᐋᖅᑭᒃᓱᖅᑕᐅᕙᖕᓂᖏᓐᓄᑦ ᒪᓕᒐᒃᓴᓕᐊᑦ
ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ
ᐊᒥᓱᕈᖅᑎᑦᑎᕙᓪᓕᐊᓂᖅ ᐃᖅᑲᓇᐃᔮᔅᓴᓂᑦ ᐃᓕᓐᓂᐊᕋᔅᓴᓂᓪᓗ ᐃᓄᓐᓄᑦ ᑐᕌᖓᔪᓂᑦ
ᕿᑭᖅᑕᓂ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ ᐃᖅᑲᓇᐃᔮᔅᓴᓄᑦ ᑲᑐᔾᔨᖃᑎᒌᒍᑕᐅᔪᖅ (ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ) ᓇᓗᓇᐃᒃᑯᑕᖅᑖᕈᑕᐅᖃᑦᑕᓂᐊᖅᑐᓂᑦ ᐊᒻᒪᓗ ᐊᓯᖏᓐᓄᑦ ᐊᑐᖅᑕᐅᔪᓐᓇᖅᑐᓂᑦ ᐃᓕᓐᓂᐊᑎᑦᑎᕙᑦᑐᑦ ᐃᓕᓐᓂᐊᑎᑦᑎᒍᑎᒋᕙᑦᑕᖏᑎᒍᑦ ᐃᓄᓐᓂᑦ ᓄᓇᓕᓐᓂᑦ ᕿᑭᖅᑕᓂ. ᑖᒃᑯᐊ ᐃᓕᓐᓂᐊᑎᑦᑎᒍᑕᐅᕙᑦᑐᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᑎᒍᑦ:
- ᐃᖅᑲᓇᐃᔮᔅᓴᓄᑦ ᐅᐸᓗᖓᐃᕐᓯᒪᓂᕐᒧᑦ ᐃᓕᓐᓂᐊᕐᓂᖅ
- ᓄᓇᒃᑰᕈᑎᕐᔪᐊᓂᑦ ᐅᖁᒪᐃᑦᑐᓕᕆᔾᔪᑎᓂᑦ ᐊᖁᑎᐅᓂᕐᒥᒃ
- ᐅᔭᕋᓐᓂᐊᕐᓂᓕᕆᓂᕐᒨᖓᔪᓂᑦ ᐃᖅᑲᓇᐃᔮᖅᑖᕈᑎᔅᓴᓂᑦ
- ᓴᓇᔪᓕᕆᔨᐅᓂᕐᒥᒃ ᐃᓕᓐᓂᐊᕈᑕᐅᔭᕆᐊᖃᓲᓂᑦ
- ᐅᔭᕋᓐᓂᐊᕐᓂᓕᕆᓂᕐᒨᖓᔪᓂᑦ/ᐃᓕᓐᓂᐊᕈᑕᐅᔭᕆᐊᖃᓲᓂᑦ ᐃᓕᓐᓂᐊᕈᑎᓂᑦ
ᑐᕌᒐᓪᓗᐊᑕᓖᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᐊᒥᓱᕈᒃᑲᓐᓂᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᕐᐸᑦᑐᑦ ᕿᑭᖅᑕᓂ ᓴᓇᕕᐅᕙᑦᑐᓂᑦ ᓲᓗᕐ ᐅᔭᕋᓐᓂᐊᕐᕕᒻᒥ. ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ ᐃᓕᓐᓂᐊᑎᑦᑎᖃᑦᑕᓲᑦ ᐃᖅᑲᓇᐃᔮᖃᙱᑦᑐᓂᑦ ᐃᓄᓐᓂᑦ, ᑐᕌᒐᖃᕐᓂᕐᓴᐅᕙᑦᑐᑎᒃ ᐊᕐᓇᓂᑦ ᐃᓅᓱᑦᑐᓂᓪᓗ (ᐅᑭᐅᓕᓐᓂᑦ 18ᓂ−30ᒧᑦ). ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ ᑮᓇᐅᔭᖅᑖᖅᑎᑕᐅᕙᑦᑐᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᓄᓇᕗᑦ ᒐᕙᒪᒃᑯᖏᓐᓂᑦ ᐊᒻᒪᓗ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ.
ᐃᓕᓐᓂᐊᖃᑕᐅᔪᒪᓂᐊᕈᕕᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᐊᑎᓕᐅᖅᑕᐅᖅᑳᕆᐊᖃᖅᑐᑎᑦ ᕿᑭᖅᑕᓂ ᐃᖅᑲᓇᐃᔭᖅᑎᒋᔭᐅᔪᓐᓇᖅᑐᓄᑦ ᑐᑭᓯᐅᒪᔾᔪᑎᔅᓴᖃᕐᕕᒻᒧᑦ, ᑐᑦᑕᕐᕕᒃ.
ᑐᑭᓯᒋᐊᒃᑲᓐᓂᕈᒪᒍᔅᓯ ᖃᓄᖅ ᐊᑎᓕᐅᕈᓐᓇᕐᒪᖔᔅᓯ ᑐᑦᑕᕐᕕᒻᒧᑦ, ᐊᑏ ᑐᑭᓯᒋᐊᖃᑦᑕᕆᔅᓯ ᕿᑭᖅᑕᓂᒃᑯᓐᓄᑦ ᑎᑎᕋᕐᓗᓯ ᐅᕗᖓ Tuttarvik@qia.ca.
ᕿᑭᖅᑕᓂ ᐊᔪᕈᓐᓃᖅᓴᕐᓂᕐᒧᑦ ᐊᒻᒪᓗ ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᐱᓕᕆᖃᑎᒋᓲᑦᑎᓐᓄᑦ ᑮᓇᐅᔭᖃᕐᕕᖓ
ᐱᓕᒻᒪᒃᓴᖅᑐᖁᑎᖏᑦ/ᐃᓚᐅᖃᑕᐅᔪᑦ ᐊᑎᓕᐅᕐᕕᖓ ᐊᑐᖅᑕᐅᓲᖑᕗᖅ
ᑲᑭᕙᒃᑯᑦ ᐱᓕᒻᒪᒃᓴᖅᑐᖁᑎᖏᑦ/ᐃᓚᐅᖃᑕᐅᔪᑦ ᐊᑎᓕᐅᕐᕕᖓ ᐊᑐᖅᑕᐅᓲᖑᕗᖅᓄᐊᑦᑎᖁᓪᓗᒋᑦ
ᐅᒪᐃᑦᑐᓕᕆᔾᔪᑎ ᓄᓇᓯᐅᑎᑐᕆᐅᖅᓴᓂᕐᒧᑦ ᐃᓕᓐᓂᐊᕐᓂᖓᓄᑦ ᑕᑕᑎᒐᒃᓴᖅ
ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᑕᑯᓐᓇᕋᔅᓴᓕᐊᖑᓯᒪᔪᑦ
ᐃᖅᑲᓇᐃᔭᕐᕕᓐᓂᑦ ᐱᓕᕆᔪᓐᓇᕐᓯᑎᑦᑎᕙᓪᓕᐊᓂᕐᒧᑦ ᐊᒻᒪᓗ ᐱᒋᐊᕈᑎᔅᓴᑦ ᑮᓇᐅᔭᑦ
ᐱᔪᓐᓇᕐᓯᑎᑦᑎᒋᐊᒃᑲᓂᕐᓂᖅ ᐃᓄᓐᓂᑦ ᐃᖅᑲᓇᐃᔭᕐᕕᖁᑎᒋᔭᐅᔪᓂᑦ
ᓄᓘᔮᓕᕆᓂᕐᒥ ᐊᖏᖃᑎᒌᒍᑏᑦ ᐋᖅᑭᔾᔪᑕᐅᓯᒪᒻᒪᑕ ᐃᖅᑲᓇᐃᔭᕐᕕᓐᓂᑦ ᐱᓕᕆᔪᓐᓇᕐᓯᑎᑦᑎᕙᓪᓕᐊᓂᕐᒧᑦ ᐊᒻᒪᓗ ᐱᒋᐊᖅᑎᑦᑎᒍᑎᔅᓴᓂᑦ ᑮᓇᐅᔭᓂᑦ. ᐃᓄᐃᑦ ᐊᑐᖃᑦᑕᕈᓐᓇᕐᓯᔪᑦ ᑖᒃᑯᓂᖓ ᑮᓇᐅᔭᓂᑦ ᐋᖅᑭᐸᓪᓕᓂᐊᕐᖓᑕ ᐃᖅᑲᓇᐃᔭᕐᕕᖁᑎᖏᑦ ᐅᕝᕙᓘᓐᓃᑦ ᐱᒋᐊᖅᑎᑦᑎᒍᓐᓇᓂᐊᕐᖓᑕ ᓇᒻᒥᓂᖅ ᐃᖅᑲᓇᐃᔭᕐᕕᖁᑎᑖᖅᑲᐅᕆᓂᐊᖅᑕᖏᓐᓂᒃ.
ᕿᑭᖅᑕᓂᒃᑯᑦ ᐊᒻᒪᓗ ᐹᕕᓐᓛᓐᑯᑦ ᐊᑐᓂᑦ ᐃᑲᔫᑎᖃᕐᐸᑦᑐᑦ $275,000ᓂᑦ ᐊᕐᕌᒍᑕᒫᑦ ᑖᒃᑯᓄᖓ ᑮᓇᐅᔭᓄᑦ, ᑲᑎᑦᑐᒋᑦ $550,000ᖑᕙᑦᑐᑦ ᐊᕐᕌᒍᑕᒫᑦ. ᐃᓄᐃᑦ ᑎᒥᖁᑎᖏᑦ ᑮᓇᐅᔭᓂᑦ ᐱᔪᓐᓇᐸᑦᑐᑦ ᕿᑭᖅᑕᓂᒃᑯᑦ ᖃᑭᒪᒍᑎᔅᓴᓕᐅᕋᓱᐊᖅᑎᐅᒐᑎᒃ ᑎᒥᖁᑎᖓᑎᒍᑦ, ᑲᑭᕙᒃ ᑲᑐᔾᔨᖃᑎᒌᑦ.
ᑐᑭᓯᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᒋᓗᒋᑦ ᑲᑭᕙᒃ ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᐅᖃᕐᕕᒋᓗᒋᑦ ᐹᕕᓐᓛᓐᑯᓐᓂᑦ ᐅᕝᕙᓘᓐᓃᑦ ᕿᑭᖅᑕᓂᒃᑯᓐᓂᑦ ᓄᓇᓕᓐᓂᑦ ᑐᓴᐅᒪᑎᑦᑎᔨᓯ.
ᐃᖅᑲᓇᐃᔭᕐᕕᓐᓂᑦ ᐱᓕᕆᔪᓐᓇᕐᓯᑎᑦᑎᕙᓪᓕᐊᓂᕐᒧᑦ ᐱᒋᐊᕈᑎᔅᓴᑦ ᑮᓇᐅᔭᓄᑦ ᐊᑐᐊᒐᑦ
ᓄᓘᔮᓕᕆᓂᕐᒥ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓇᖏᓐᓄᓪᓗ ᐊᖏᖃᑎᒌᒍᑏᑦ
