ᑐᓐᖓᓴᐃᒍᒪᓪᓗᖓ: ᐊᖓᔪᖅᑳᒻᒪᕆᒃ ᕆᑦᓱᑦ ᕕᐅᑕᒻ, ᐊᖓᔪᖅᑳᒻᒪᕆᖓ ᐅᓇᑕᖅᑐᒃᓴᔭᒃᑯᓐᓃᖔᖅᑐᖅ, ᐊᒻᒪᓗ ᐊᖓᔪᖅᑳᖅ, ᐊᖓᔪᖅᑳᖅ ᑯᐊᕆ ᒋᓖᓴᓐ, ᓯᕗᓕᖅᑐᖅ ᓯᕗᓂᒃᓴᖓᓂ HMCS ᕼᐊᐅᕆ ᑎᐅᐊᕝ, ᕿᑭᖅᑕᓂ ᓄᓇᖓᓄᑦ ᓄᓇᕗᒻᒥ. ᑐᓐᖓᓱᒋᑦ ᐃᖃᓗᓐᓄᑦ.

ᐅᓪᓗᒥ, ᑎᑭᐅᑎᔪᒍᑦ ᓄᑖᒧᑦ ᐱᕙᓪᓕᐊᓂᑦᑎᓐᓂ ᐅᑭᐅᖅᑕᖅᑐᒥ ᐃᓐᓃᓯᒪᓂᕐᒧᑦ, ᐱᕙᓪᓕᐊᓂᕗᑦ ᓇᓗᓇᐃᖅᑕᐅᔪᖅ ᐅᖃᖃᑎᒌᓐᓂᕐᒧᑦ ᐱᓕᕆᖃᑎᒌᓐᓂᒧᓪᓗ.

ᑖᑦᓱᒪ ᑕᕐᓂᖓᓂ ᓴᐃᒻᒪᖃᑎᒌᓐᓂᖅ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᑐᓐᖓᓱᑦᑎᑦᓯᕗᑦ ᓯᕗᓂᑦᑎᓐᓂ HMCS ᕼᐊᐅᕆ ᑎᕗᐊᕝ.

• 

• 

ᓂᕆᐅᒃᑖᕗᑦ ᐊᕕᑦᑐᕐᓯᒪᓂᕐᒥ ᓄᓇᒋᔭᑦᑎᓐᓂ ᑲᓲᒪᓂᖓ ᑖᑦᓱᒧᖓ ᐅᒥᐊᕐᔪᐊᒧᑦ ᐱᓕᕆᔨᖏᓐᓄᓪᓗ ᐱᔪᓐᓇᖁᓪᓗᒋᑦ ᑲᓇᑕᒥ ᐅᓇᑕᖅᑐᒃᓴᔭᒃᑯᑦ Navyᖃᐅᔨᕙᓪᓕᐊᖁᓪᓗᒋᑦ ᕿᑭᖅᑕᓂ ᐃᓄᓐᓂᒃ.

ᑭᐴᑎᓂᒃᑯᑦ, ᓂᕆᐅᒋᔭᕗᑦ ᓴᖅᑭᐅᒪᓂᖓ ᐅᒥᐊᕐᔪᐊᖅ ᐱᓕᕆᔨᖏᓪᓗ ᐃᒪᖁᑎᑦᑎᓐᓂ, ᐃᓄᖕᓂᒃ ᑲᑎᓯᖃᑦᑕᓂᕐᓴᐅᓂᖁᓪᓗᒋᑦ, ᐃᓅᓂᒃᑯᑦ, ᐃᓚᒋᔭᐅᔪᓄᑦ ᑲᓇᑕᒥ ᐅᓇᑕᖅᑐᒃᓴᔭᒃᑯᓐᓄᑦ Navy.

ᐃᓄᐃᑦ ᓯᒡᔭᒥᐅᑕᐅᒻᒪᑕ − ᑕᒪᕐᒥᒃ 13 ᓄᓇᓖᑦ ᕿᑭᖅᑕᓂ ᓄᓇᖓᓂ ᓯᒡᔭᒦᑦᑐᐃᓐᓇᐃᑦ ᓄᓇᓖᑦ − ᑐᓐᖓᕕᓪᓗᐊᑕᓖᑦ ᑕᕆᐅᕐᒥᒃ.

ᓯᒡᔭᒥᐅᑕᐅᓂᕐᒧᑦ, ᐃᓄᐃᑦ ᐱᔪᒐᕆᔭᖃᖃᑦᑕᕐᓯᒪᕗᑦ ᐊᐅᓚᓂᖏᓐᓂᒃ ᐱᓕᕆᐊᒃᓴᖏᓐᓂᓪᓗ ᐅᓇᑕᖅᑐᒃᔭᓴᒃᑯᑦ Navy ᐅᒥᐊᕐᔪᐊᖁᑎᖏᓐᓂᒃ ᐊᑐᖅᑕᐅᔪᓂᒃ ᐃᓄᐃᑦ ᓄᓇᖓᓂ.

ᕿᑭᖅᑕᓂ ᐃᓄᐃᑦ ᐱᓪᓗᐊᑕᐅᓯᒪᕗᑦ ᑲᓇᑕ ᓴᖅᑮᓇᓱᐊᕐᓂᖓᓄᑦ ᐃᓐᓃᓯᒪᓂᕐᒥᒃ ᐅᑭᐅᖅᑕᖅᑐᒥᒃ. ᓴᓂᑭᓗᐊᒥᒃ ᕿᑭᖅᑕᓃᑦᑐᓂᒃ ᐊᐅᓱᐃᑦᑐᒧᑦ, ᖁᑦᑎᑦᑐᒦᑦᑐᒧᑦ, ᐃᓄᐃᑦ ᓄᒃᑎᖅᑕᐅᖃᑦᑕᕐᓯᒪᕗᑦ ᓄᓇᓕᖕᓄᑦ ᓇᒧᑐᐃᓐᓇᖅ ᓴᖅᑮᑎᑕᐅᓪᓗᑎᒃ ᑲᓇᑕ ᐃᓐᓄᐃᓯᒪᓂᖓᓂᒃ ᓄᓇᒋᔭᑦᑎᓐᓂᒃ.

ᐅᓄᖅᑐᑦ ᓄᓇᑦᑎᓐᓂ ᓵᓐᖓᔭᕆᐊᖃᖃᑦᑕᖅᑐᑦ ᓯᕗᓕᕆᓚᐅᖅᑕᖏᑕ ᑲᑉᐱᐊᓱᐊᖃᑦᑕᕐᓯᒪᓂᖓᓂᒃ ᑎᒍᓯᒪᔭᒥᓂᒃ ᐃᓕᖅᑯᓯᕆᓐᖏᑕᒥᓂᒃ ᐃᓕᖅᑯᓯᖅᑖᖅᑎᑕᐅᒐᓱᐊᓂᕐᒧᑦ ᐊᑐᐊᒐᕐᓂᒃ ᐊᑐᖅᑕᐅᕙᑦᑐᓂᓪᓗ.

ᑕᒪᒃᑯᐊ ᓲᖑᓂᓕᔾᔪᐊᑦ ᑎᓕᔭᐅᖃᑦᑕᓚᐅᖅᑐᑦ ᐋᑐᕚᒥᒃ, ᐊᒻᒪᓗ ᐊᐅᓚᑕᐅᒐᔪᑦᑐᑎᒃ ᐊᓐᓄᕌᕐᓯᒪᔪᓄᑦ ᐃᖅᑲᓇᐃᔭᖅᑐᕐᓯᐅᑎᓂᒃ ᑭᒡᒐᖅᑐᐃᔪᓂᒃ ᐱᔪᒪᔭᖏᓐᓂᒃ ᑲᓇᑕᐅᑉ ᒐᕙᒪᖓᑕ.

ᐃᓄᐃᑦ ᐃᑉᐱᒋᔭᐅᓇᑎᒃ ᐃᓱᒪᓕᐅᕈᑕᐅᔪᓄᑦ.

ᑕᐃᒪᐃᑎᓪᓗᒍ, ᐅᓄᖅᑐᑦ ᐃᓄᐃᑦ, ᐊᓐᓄᕌᕐᓯᒪᑎᑕᑦ ᐱᓕᕆᐊᒥᓄᑦ, ᑕᑯᒥᒋᔭᐅᓐᖏᒐᔪᑦᑐᑦ ᑐᓐᖓᓴᐃᓂᒃᑯᑦ.

ᕿᑭᖅᑕᓂ ᓄᓇᓕᖏᑦ ᐅᔾᔨᕈᓱᓐᓂᕐᓴᐅᒍᒪᓕᕐᒪᑕ ᐱᕙᓪᓕᐊᑎᑕᐅᔪᓂᒃ ᐊᑎᖓᓂᒃ ᑲᓇᑕ ᐃᓐᓃᓯᒪᓂᖓᓂᒃ ᓯᓚᑎᑦᑎᓐᓂ. ᓱᖏᐅᑎᓯᒪᓂᕐᓴᐅᒍᒪᓕᖅᑐᒍᑦ ᐊᖑᑎᓂᒃ ᐊᕐᓇᓂᓪᓗ ᐃᖅᑲᓇᐃᔭᖅᑎᑕᐅᔪᓂᒃ ᓴᐳᔾᔨᓯᒪᓂᕐᒧᑦ ᐃᒪᖁᑎᑦᑎᓐᓂᒃ.

ᐃᖅᑲᓇᐃᔭᖃᑎᒌᒐᓱᐊᕐᓂᒃᑯᑦ, ᓲᕐᓗ ᐅᓪᓗᒥ ᑐᓴᖅᑎᑦᓯᒍᑕᐅᖅᑲᐅᔪᒥᒃ, ᖃᐅᔨᒃᑲᐃᒍᑏᑦ ᐊᓯᔾᔨᕐᓂᖓᓂᒃ ᐃᓕᖅᑯᓯᐅᖃᑦᑕᕐᓯᒪᔪᑦ ᐊᒻᒪᓗ ᒪᑐᐃᖓᑦᓯᐊᕐᓗᑎᒃ ᐅᖃᖃᑎᒌᓐᓂᕐᒧᑦ ᐱᓕᕆᖃᑎᒌᓐᓂᒧᓪᓗ.

• 

• 

• 

• 

ᐊᕐᕌᒎᓂᐊᖅᑐᒥ ᐊᒥᓱᒐᓚᓐᓂᒃ, ᕼᐊᐅᕆ ᑎᕗᐊᕝ ᐱᓕᕆᔨᖏᓪᓗ ᑲᓱᖅᑎᑦᓯᓂᐊᓕᖅᑐᑦ ᕿᑭᖅᑕᓂ ᓄᓇᓕᖏᓐᓂᒃ ᐱᓕᕆᐊᒃᓴᒥᓂᒃ ᐊᐅᓚᑦᓯᓗᑎᒃ. ᑕᐃᒪᑐᖅ ᑲᓲᒪᖃᑦᑕᕐᓂᖏᓐᓄᑦ ᑎᒍᓯᒍᑕᐅᓂᐊᓕᖅᑐᖅ ᓄᑖᒥᒃ ᐱᓇᓱᐊᖃᑎᒌᓐᓂᖏᓐᓂᒃ ᕿᑭᖅᑕᓄ ᐃᓄᐃᑦ ᐊᒻᒪᓗ ᑲᓇᑕᒥ ᐅᓇᑕᖅᑐᒃᓴᔭᒃᑯᑦ Navy – ᐱᓇᓱᐊᖃᑎᒌᓐᓂᖓ ᑐᓐᖓᓗᓂ ᐊᖏᖃᑎᒌᓯᒪᓂᒃᑯᑦ ᐃᑉᐱᒋᖃᑦᑕᐅᑎᓂᕐᒥᒃ ᐅᑉᐱᕆᖃᑦᑕᐅᑎᓂᕐᒥᓪᓗ.

ᖁᔭᓐᓇᒦᒃ