ᐱᓕᕆᐊᒃᓴᓕᕆᔨ, ᐃᖏᕐᕋᓂᕐᒧᑦ ᐊᒻᒪ ᒪᒥᓴᕐᓂᕐᒧᓗ
ᐃᖅᑲᓇᐃᔭᖅᑎᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ
ᐃᓂ: ᐱᓕᕆᐊᒃᓴᓕᕆᔨ, ᐃᖏᕐᕋᓂᕐᒧᑦ ᐊᒻᒪ ᒪᒥᓴᕐᓂᕐᒧᓗ
ᐋᖅᑭᒃᓯᒪᓂᖓ: ᖃᐅᑕᒫᖅᓯᐅᑎᐅᓗᓂ ᐃᖅᑲᓇᐃᔮᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᖕᓄᑦ ᐊᑎᓕᐅᖅᓯᒪᔪᓄᑦ ᑭᓯᒥ ᓄᓇᕗᒥ ᐊᖏᕈᑎᒥᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᕿᓂᕐᒪᑕ ᐱᓕᕆᐊᒃᓴᓕᕆᔨᐅᓂᐊᖅᑐᒥᒃ ᐊᑐᓕᖅᑎᑕᐅᕙᓪᓕᐊᓂᖏᓐᓄᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐊᑐᓕᖁᔨᔾᔪᑎᖏᑦ. ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎᖏᑦ ᓇᓗᓇᐃᔭᐃᓯᒪᔪᑦ 25ᓂᑦ ᐊᑐᓕᖁᔨᔾᔪᑎᓂᑦ ᐋᖅᑭᒃᓯᒪᔪᓂᑦ ᓯᑕᒪᐅᓕᖓᔪᓂᑦ: ᓇᓗᓇᐃᕐᓗᒋᑦ ᒪᒥᓴᕐᓗᑎᓪᓗ ᐱᓂᕐᓗᒍᑎᒋᔭᐅᓯᒪᔪᓂᒃ; ᓴᙱᓕᖅᑎᑦᑎᓂᖅ ᐃᓄᐃᑦ ᐊᐅᓚᑦᑎᔪᓐᓇᕐᓂᖏᓐᓄᑦ, ᓴᙱᓕᖅᑎᑦᑎᓂᖅ ᐃᓄᐃᑦ ᐃᓕᖅᑯᓯᖓᓂᒃ; ᐊᒻᒪᓗ ᓄᓇᓕᖃᕐᓂᖅ ᖃᓄᐃᙱᑦᑎᐊᖅᑐᓂᒃ. ᑖᒃᑯᐊ ᓯᕗᓪᓕᐅᔾᔭᐅᔪᒪᔪᑦ ᐋᖅᑭᒃᑕᐅᓯᒪᔪᑦ, ᕿᑭᖅᑕᓃᒃᑯᑦ ᐊᑐᖅᑐᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐸᕐᓇᐅᑎᒥᒃ ᐋᖅᑭᒃᓱᐃᕙᓪᓕᐊᑎᓪᓗᒋᑦ ᐱᓕᕆᐊᒃᓴᓂᒃ ᐃᓅᓯᕐᓅᖓᔪᓂᒃ ᑐᐊᕕᕐᓇᖅᑎᓪᓗᒋᑦ.
ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓄᑦ ᐱᓕᕆᐊᒃᓴᓕᕆᔨ, ᐃᖏᕐᕋᓂᕐᒧᑦ ᒪᒥᓴᕐᓂᕐᒧᓪᓗ ᑲᒪᔨᓪᓗᐊᑕᕆᔭᐅᓂᐊᖅᑐᖅ ᐊᐅᓚᑕᐅᓂᖏᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐱᓕᕆᐊᒃᓴᖏᑦ, ᐱᓗᐊᖅᑐᒥᒃ ᐃᖏᕐᕋᓂᕐᒧᑦ ᒪᒥᓴᕐᓂᕐᒧᓗ. ᑖᓐᓇ ᐃᓂ ᓵᙵᕕᒃᓴᐅᓂᐊᖅᑐᖅ ᒪᑐᐃᖓᑦᑎᐊᖅᑐᒥᒃ ᐊᑐᓕᖅᑎᑦᑎᓂᕐᒥᒃ, ᐊᐅᓚᑦᑎᓂᕐᒥᒃ ᐊᒻᒪᓗ ᖃᐅᔨᓴᕐᓂᕐᒥᒃ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐱᓕᕆᐊᒃᓴᖏᓐᓂᒃ ᐱᓇᓱᐊᕈᑎᖏᓐᓂᓗ ᓴᖅᑭᑕᐅᓯᒪᔪᓄᑦ ᕿᑭᖅᑕᓃᒃᑯᓐᓂᑦ.
ᐊᖓᔪᖅᑳᖃᕐᓗᓂ ᐊᐅᓚᑦᑎᔨᒥᒃ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐱᓕᕆᐊᒃᓴᖏᓐᓄᑦ, ᐊᒡᓚᕝᕕᐊᓂ ᐃᓄᖕᓄᑦ ᐱᓕᕆᐊᒃᓴᓕᕆᔨᒃᑯᑦ ᐱᔨᑦᓯᕋᖅᑎᒃᑯᓪᓗ, ᑖᓐᓇ ᐃᖅᑲᓇᐃᔮᖅ ᐊᑐᓕᖅᑎᑦᑎᔨᐅᓪᓗᐊᑕᕐᓂᐊᖅᑐᖅ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᐱᓕᕆᐊᖏᑦ ᐊᑐᓕᖅᑎᑕᐅᓂᖏᓐᓄᑦ, ᖃᐅᔨᓴᕐᓂᕐᒥᒃ ᐊᒻᒪᓗ ᓄᓇᓕᖕᓄᑦ ᑐᑭᓯᒋᐊᖃᑦᑕᕐᓂᕐᒥᒃ ᐊᒻᒪᓗ ᑲᑎᒪᑎᑦᑎᖃᑦᑕᕐᓂᕐᒥᒃ. ᑖᓐᓇ ᐃᓂ ᐸᕐᓇᐃᖃᑦᑕᕐᓂᐊᖅᑐᖅ ᑲᑎᒪᓂᒃᓴᓂᒃ, ᖃᐅᔨᓴᖅᑕᐅᔭᕆᐊᓕᖕᓂᑦ, ᐊᒻᒪᓗ ᑎᑎᕋᖃᑦᑕᕐᓗᓂ ᐅᓂᒃᑳᓂᒃ ᓴᖅᑭᑕᐅᓂᐊᖅᑐᓄᑦ ᑕᐃᒪᐃᓕᐅᕆᐊᖃᓕᕌᖓᑦ ᐊᒻᒪᓗ ᐋᖅᑭᒃᓱᐃᕙᓪᓗᓂ ᒪᒥᓴᕐᐅᓂᐊᖅᑐᓂᒃ. ᑖᓐᓇ ᐃᖅᑲᓇᐃᔮᖅ ᐅᓂᒃᑳᓕᐅᖃᑦᑕᕆᐊᖃᕐᒥᔪᖅ ᐱᓪᓗᒋᑦ ᐱᓕᕆᐊᑦ ᓴᖅᑭᑕᐅᓂᖏᓐᓄᑦ. ᑖᓐᓇ ᑲᒪᔨᓪᓗᐊᑕᐅᓂᐊᖅᑐᖅ ᑭᒡᒐᖅᑐᐃᖃᑦᑕᕐᓂᐊᖅᑐᖅ ᕿᑭᖅᑕᓃᒃᑯᑦ ᐱᔭᕆᐊᑭᓪᓕᑎᑦᑎᔨᓂᒃ ᑲᑎᒪᔨᕋᓛᓂᓗ ᑲᑎᒪᓂᕐᓂᒃ ᐱᖃᓯᐅᑎᓗᒋᑦ, ᑖᒃᑯᓄᖓᑐᐊᖅ ᑭᒡᓕᖃᙱᓪᓗᑎᒃ ᓄᓇᕗᑦ ᒐᕙᒪᒃᑯᑦ ᑎᒥᖏᑦ ᐊᒻᒪᓗ/ᐅᕝᕙᓘᓐᓃᑦ ᒐᕙᒪᑐᖃᒃᑯᑦ, ᐃᓄᐃᑦ ᑎᒥᖁᑎᖏᑦ ᑲᑎᒪᖃᑎᖃᕆᐊᖃᓕᕌᖓᑦ. ᑲᑐᔾᔨᖃᑎᖃᑦᑎᐊᕈᓐᓇᕐᓂᖅ ᐱᓕᕆᖃᑎᖃᑦᑎᐊᕈᓐᓇᓂᕐᓗ ᐱᒻᒪᕆᐅᔪᖅ ᑖᔅᓱᒥᖓ ᐃᖅᑲᓇᐃᔮᒥᒃ. ᐃᖅᑲᓇᐃᔮᖓ ᐱᔾᔪᑎᒋᓪᓗᒍ ᐊᐅᓪᓚᖃᑦᑕᕆᐊᖃᕐᓂᐊᖅᖢᓂ.
ᖃᐅᔨᒪᔭᖃᑦᑎᐊᕐᓂᖅ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᑦ ᒥᒃᓵᓄᑦ ᐊᒻᒪᓗ ᕿᑭᖅᑕᓃᒃᑯᑦ ᒥᒃᓵᓄᑦ ᐱᒻᒪᕆᐅᕗᖅ ᐃᖅᑲᓇᐃᔮᒃᓴᒥ. ᒪᕐᕉᓂᒃ ᐊᕐᕌᒍᓂᒃ ᐊᔪᙱᓐᓂᖃᕐᓂᕐᒥᒃ ᐱᓕᕆᐊᒃᓴᓕᕆᓂᕐᒧᑦ, ᐃᓄᖕᓂᓗ ᐱᔨᑦᓯᕋᕈᓐᓇᕐᓂᕐᒥᒃ ᐱᔪᓐᓇᕐᓂᕆᔭᐅᒋᐊᖃᕐᒥᔪᑦ. ᖃᐅᔨᒪᔭᖃᕐᓂᖅ ᑮᓇᐅᔭᓕᕆᓂᕐᒥᒃ ᐊᒻᒪᓗ ᖃᕆᓴᐅᔭᒃᑯᑦ ᐸᐃᑉᐹᓂᒃ ᐊᐅᓚᑦᑎᒋᐊᖃᕋᔭᖅᖢᓂ. ᐱᓇᓱᖕᓂᐊᖅᑐᑦ ᐃᓄᖕᓄᑦ ᐅᖃᓕᒪᑦᑎᐊᖃᑦᑕᕈᓐᓇᕆᐊᓕᒃ ᐊᒻᒪᓗ ᐅᓂᒃᑳᓕᐅᕈᓐᓇᕐᓗᓂ ᐅᓂᒃᑳᖃᑦᑕᕈᓐᓇᕐᓗᓂᓗ ᑭᒃᑯᑐᐃᓐᓇᕐᓄᑦ ᑲᑎᙵᔪᓂᒃ. ᐱᓇᓱᒃᑐᑦ ᖃᕆᓴᐅᔭᓕᕆᔾᔪᑎᓂᒃ ᑎᑎᖅᑭᕆᔾᔪᑕᐅᓲᓂᑦ ᖃᐅᔨᒪᓂᖃᕆᐊᓕᒃ Microsoft Office Suite, ᐱᖃᓯᐅᑎᓗᒍ ᐅᓂᒃᑳᓕᐅᕈᑦ PowerPoint. ᐃᓄᒃᑎᑐᑦ ᖃᓪᓗᓈᑎᑐᓪᓗ ᐅᖃᕈᓐᓇᕆᐊᓕᒃ. ᖃᐅᔨᒪᓂᖃᕐᓗᓂ ᐃᓕᓐᓂᐊᕐᓯᒪᓗᓂᓗ ᑭᖑᕙᕇᑦ ᖁᐊᖅᓵᓇᖅᑐᒃᑰᕐᓯᒪᓂᖏᑕ ᒥᒃᓵᓄᑦ ᐱᒻᒪᕆᐅᓂᐊᖅᑐᖅ.
ᓇᓗᓇᐃᒃᑯᑕᖃᕆᐊᖃᕋᓗᐊᕐᒪᑕ ᐃᓄᓕᕆᓂᕐᒥᒃ ᐅᕝᕙᓘᓐᓃᑦ ᐊᔾᔨᖓᓂᒃ ᐃᓗᓕᓐᓂᐊᕐᓯᒪᓂᖓᓂᒃ. ᑲᑎᓪᓗᒋᑦ ᐃᓕᓐᓂᐊᕐᓯᒪᓂᖏᑦ ᐊᔪᙱᓐᓂᕆᔭᖏᓪᓗ ᐃᓱᒪᒋᔭᐅᑐᐃᓐᓇᕆᐊᓖᑦ. ᐸᓖᓯᒃᑯᓐᓄᑦ ᖃᐅᔨᓴᖅᑕᐅᓂᖃᕆᐊᖃᕋᔭᖅᖢᓂ ᐱᕋᔭᒃᓯᒪᙱᒃᑲᓗᐊᕐᒪᖔᑦ ᐊᒻᒪᓗ ᐃᓱᒫᓗᓇᕐᓂᕐᓴᓄᑦ ᐃᓱᒫᓗᓇᙱᒃᑲᓗᐊᕐᒪᖔᖅ.
ᐱᒋᐊᕈᑎᒋᓗᓂᐅᒃ ᑮᓇᐅᔾᔭᒃᓴᕐᓂᐊᖅᑐᖅ $74,651ᓂᒃ ᐊᕐᕌᒍᑕᒫᑦ, ᐊᒻᒪᓗ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᖃᑦᑕᕐᓗᓂ $27,000ᓂᒃ ᐊᕐᕌᒍᑕᒫᑦ. ᐃᒡᓗᒃᓴᖃᖅᑎᑦᑎᙱᑦᑐᑦ.
ᑕᐃᒃᑯᐊ ᑭᓯᒥ ᐊᐱᖅᓱᖅᑕᐅᔪᒪᔪᑦ ᖃᐅᔨᒋᐊᖅᑕᐅᓂᐊᖅᑐᑦ.
ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
922 ᓂᐊᖁᙴᓯᐊᕆᐊᖅ ᐃᕐᖐᓐᓈᕈᑖ: Resumes@qia.ca
ᐃᒡᓗᕗᑦ, 2nd ᓇᑎᐊᓂᑦ ᑕᑯᓂᐊᕐᓗᒍ: Tuttarvik.qia.ca
ᐃᖃᓗᐃᑦ, ᓄᓇᕗᑦ X0A 2H0
ᒪᑐᕕᔅᓴᓕᒃ: ᔪᓚᐃ 5, 2024 ᓯᕿᙳᔭᖅ 5:00ᒧᐊᖅᐸᑦ ᐅᓐᓄᒃᑯᑦ ᑲᓇᖕᓇᐅᑉ ᓯᕿᙳᔭᖓ ᒪᓕᓪᓗᒍ
