ᐊᓪᓚᕝᕕᖕᒥᐅᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ
ᐃᖅᑲᓇᐃᔮᒃᓴᖅ: ᐅᖃᐅᔾᔨᔨᓪᓗᐊᑕᖅ, ᑮᓇᐅᔭᐃᑦ ᐃᓯᖅᑐᓄᑦ ᓴᓂᕐᕙᖅᑕᐅᓂᖏᑦ
ᐋᖅᑭᒃᓱᖅᓯᒪᓂᖓ: ᐃᖅᑲᓇᐃᔮᖑᓂᐊᖅᑐᖅ ᒫᑦᓯ 31, 2027ᒧᑦ ᑎᑭᓪᓗᒍ (ᐃᒻᒪᖄᓗ ᐅᐃᒍᒋᐊᖅᑕᐅᑐᐃᓐᓇᕆᐊᖃᖅᖢᓂ)
ᒪᑐᐃᖓᔪᖅ: ᐃᓄᖕᓄᑦ ᐊᑎᖃᖃᑕᐅᔪᓄᑦ ᓄᓇᕗᒥ ᐊᖏᕈᑎᖓᓂᑦ
ᓇᒥ: ᐃᖃᓗᐃᑦ, ᓄᓇᕗᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᖅᑲᓇᐃᔭᖅᑎᖃᕐᒪᑕ ᓇᓗᓇᐃᖅᓯᓯᒪᔪᓂᒃ ᑲᔪᓯᑎᑦᑎᔪᒪᓪᓗᑎᒃ ᐃᓄᐃᑦ ᕿᑭᖅᑕᓘᖕᒥᐅᑦ ᐱᔪᓐᓇᐅᑎᖏᓐᓂᒃ ᐃᑲᔫᓯᐊᒃᓴᖏᓐᓂᓗ. ᐱᕈᖅᐸᓪᓕᐊᑎᓪᓗᑕ, ᕿᓂᖅᑐᒍᑦ ᐊᔪᙱᓐᓂᖃᑦᑎᐊᖅᑐᒥᒃ ᐱᓪᓗᕆᒃᑐᒥᓪᓗ ᐅᖃᐅᔾᔨᔨᓪᓗᐊᑕᐅᒐᔭᖅᑐᒥᒃ ᑮᓇᐅᔭᐃᑦ ᐃᓯᖅᑐᓄᑦ ᓴᓂᕐᕙᖅᑕᐅᓂᖏᓐᓄᑦ ᐱᓕᕆᐊᖃᕐᓂᐊᖅᑐᒥᒃ.
ᐅᖃᐅᔾᔨᔨᓪᓗᐊᑕᖅ, ᑮᓇᐅᔭᐃᑦ ᐃᓯᖅᑐᓄᑦ ᓴᓂᕐᕙᖅᑕᐅᓂᖏᓐᓄᑦ ᐱᒻᒪᕆᐅᔪᒥᒃ ᐃᖅᑲᓇᐃᔮᖃᕐᓂᐊᖅᑐᖅ ᐊᑐᓕᖅᑎᑦᑎᕙᓪᓗᓂᐅᒃ ᕿᑭᖅᑕᓃᒃᑯᑦ ᑮᓇᐅᔭᐃᑦ ᐃᓯᖅᑐᓄᑦ ᓴᓂᕐᕙᖅᓯᓂᕐᒧᑦ ᐊᑐᐊᒐᖓᓂᒃ. ᐃᖅᑲᓇᐃᔭᖃᑎᒋᓗᒋᑦ ᐃᓄᖕᓄᑦ ᐱᓕᕆᐊᒃᓴᓕᕆᔨᒃᑯᑦ ᐱᔨᑦᓯᕋᖅᑎᓪᓗ, ᑖᓐᓇ ᐃᖅᑲᓇᐃᔮᖃᕐᓂᐊᖅᑐᖅ ᓯᕗᒃᑲᐃᔨᒋᔭᐅᓗᓂ ᐃᓕᓐᓂᐊᖅᑎᑦᑎᕙᓪᓗᓂ ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᓄᓇᓕᖕᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᖏᓐᓂᒃ 13ᓂᑦ ᓄᓇᓕᖕᓂ ᕿᑭᖅᑖᓗᖕᒥ.
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᒥ ᐃᓄᖕᓄᑦ ᐱᓕᕆᐊᒃᓴᓕᕆᔨᒃᑯᓐᓂ ᐱᔨᑦᓯᕋᖅᑎᒃᑯᓐᓂᓗ, ᑖᓐᓇ ᐃᖅᑲᓇᐃᔮᖅ ᐃᓕᓐᓂᐊᖅᑎᑦᑎᖃᑦᑕᕐᓂᐊᖅᑐᑦ ᐊᒻᒪᓗ ᐋᖅᑭᒃᓱᐃᓗᓂ ᐊᐅᓚᑦᑎᓂᕐᒧᑦ ᖃᓄᖅᑑᕈᑎᓂᒃ ᑐᓂᔭᐅᓂᖏᑦ ᕿᑭᖅᑕᓃᒃᑯᑦ ᑮᓇᐅᔭᓂᒃ ᐃᓯᖅᑐᕕᓂᕐᓂᑦ ᓄᓇᓕᖕᓂ ᓄᓇᓕᕆᓂᕐᒧᑦ ᑲᑎᒪᔨᕋᓛᓄᑦ ᐱᓕᕆᐊᖃᕈᓐᓇᕐᓂᐊᕐᒪᑕ ᓄᓇᓕᖕᓂᑦ ᐱᓕᕆᐊᒃᓴᖃᖅᑎᑦᑎᓂᕐᒧᑦ ᐱᔪᒪᔭᐅᔪᓂᒃ ᓯᕗᓪᓕᐅᔾᔭᐅᖁᔭᐅᔪᓂᓗ. ᑖᓐᓇ ᐅᖃᐅᔾᔨᔨᓪᓗᐊᑕᖅ ᐋᖅᑭᐅᒪᑎᑦᑎᔨᐅᓂᐊᖅᑐᖅ ᐊᒻᒪᓗ ᓄᑖᙳᖅᑎᕆᕙᓪᓗᓂ ᓄᓇᓕᖕᓂ ᓄᓇᓕᕆᓂᕐᒧᑦ ᑲᑎᒪᔨᕋᓛᒃᑯᑦ ᐊᑐᐊᖅᓯᔾᔪᑎᖏᓐᓂᒃ ᐊᙳᑎᓯᒪᖃᑦᑕᕐᓂᐊᕐᒪᑦ ᐊᓯᔾᔨᖅᐸᓪᓕᐊᔪᓂᒃ ᐊᑐᐊᒐᕐᓂᒃ ᖃᓄᐃᓕᐅᕈᑎᒃᓴᓂᓗ, ᐊᒻᒪᓗ ᓄᓇᓕᖕᓂ ᖃᓄᐃᓕᐅᖅᑕᐅᒋᐊᓕᖕᓂᒃ. ᐅᖃᐅᔾᔨᔨᓪᓗᐊᑕᖅ, ᐃᖅᑲᓇᐃᔭᖃᑎᖃᖃᑦᑕᕐᓂᐊᖅᑐᖅ ᕿᑭᖅᑕᓃᒃᑯᑦ ᓯᕗᓕᖅᑎᖏᓐᓂᒃ, ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᓄᓇᓕᖕᓂᑦ ᑎᒥᐅᔪᓂᒃ ᑲᔪᓯᑎᒋᐊᖃᖅᑕᖏᓐᓂᑦ ᐱᓕᕆᐊᒃᓴᓂᒃ ᓄᓇᓕᖕᓂ ᓄᓇᓕᕆᓂᕐᒧᑦ ᑲᑎᒪᔨᕋᓛᒃᑯᓐᓂ, ᐱᓕᕆᐊᒃᓴᐅᔪᓪᓗ ᕿᑭᖅᑕᓃᒃᑯᓐᓄᑦ ᑎᓕᔭᐅᓯᒪᓪᓗᑎᒃ ᑎᒥᐅᑎᓪᓗᒋᑦ ᓄᓇᕗᒥ ᐊᖏᕈᑎᖓᓂᑦ, ᐊᒻᒪᓗ ᒪᓕᒃᑕᐅᔭᕆᐊᓕᖕᓂᑦ ᑮᓇᐅᔭᐃᑦ ᐃᓯᖅᑐᓄᑦ ᓴᓂᕐᕙᖅᑕᐅᓂᖏᓐᓄᑦ. ᐅᖃᐅᔾᔨᔨ ᐃᑲᔪᖃᑦᑕᕐᓂᐊᖅᑐᖅ ᕿᑭᖅᑕᓃᒃᑯᓐᓂ ᑲᔪᓯᑎᑦᑎᓂᖏᓐᓂᒃ ᐱᓕᕆᐊᒃᓴᕆᔭᖏᓐᓂᑦ ᓄᓇᕗᒥ ᐊᖏᕈᑎᓂᑦ, ᐊᑐᓕᖅᑎᑦᑎᓗᑎᒃ ᐱᒻᒪᕆᐅᔪᓂᒃ ᑎᒥᐅᔪᒧᑦ ᐊᑐᐊᒐᕐᓂᑦ, ᐊᒻᒪᓗ ᓴᖅᑭᑎᑦᑎᓗᓂ ᐊᑑᑎᖃᕐᓂᐊᖅᑐᓂᒃ ᐃᑲᔫᓯᐊᒃᓴᓂᒃ ᐃᓄᖕᓄᑦ ᕿᑭᖅᑕᓂᒥᐅᓄᑦ.
ᐱᓇᓱᖕᓂᐊᖅᑐᑦ ᑐᑭᓯᒪᑦᑎᐊᕆᐊᖃᕐᓂᐊᖅᑐᑦ ᕿᑭᖅᑕᓃᒃᑯᑦ ᑮᓇᐅᔭᐃᑦ ᐃᓯᖅᑐᓄᑦ ᐊᑐᐊᒐᖓᓂᒃ, ᕿᑭᖅᑕᓃᒃᑯᑦ ᑐᑭᒧᐊᒍᑎᒃᓴᓄᑦ ᐸᕐᓇᐅᑎᓂᒃ, ᓄᓇᕗᒥ ᐊᖏᕈᑎᖓᓂᒃ ᐊᒻᒪᓗ ᖃᐅᔨᒪᓗᒋᑦ ᐱᖁᑎᒋᔭᐅᔪᓂᒃ ᐊᐅᓚᑦᑎᔪᓐᓇᕐᓂᕐᒥᒃ, ᐱᓗᐊᖅᑐᒥᒃ ᑐᕌᖓᑎᓪᓗᒍ ᐃᓄᐃᑦ ᓇᖕᒥᓂᖏᓐᓂᒃ ᓄᓇᓂᒃ. ᑖᓐᓇ ᐃᖅᑲᓇᐃᔮᖅᑖᕐᓂᐊᖅᑐᖅ ᐊᔪᙱᓐᓂᖃᕆᐊᖃᖅᐳᖅ ᐱᖓᓱᓂᒃ ᐊᕐᕌᒍᓂ ᐱᓕᕆᐊᒃᓴᓂ ᓴᖅᑭᑎᑦᑎᔪᓐᓇᕐᓂᕐᒥᒃ ᐊᒻᒪᓗ ᐱᓕᕆᐊᒃᓴᐅᓂᐊᖅᑐᓂᒃ ᐋᖅᑭᒃᓱᐃᔪᓐᓇᕐᓂᕐᒥᒃ, ᐱᖃᓯᐅᑎᓗᒋᑦ ᐸᕐᓇᐅᑎᓕᐅᕐᓂᕐᒥᒃ ᓇᐅᑦᑎᖅᓱᕐᓂᕐᒧᑦ, ᖃᐅᔨᓴᕐᓂᕐᒧᑦ, ᓵᙵᔭᒃᓴᖃᕐᕕᐅᓂᐊᖅᑐᓂᒃ ᐊᒻᒪᓗ ᐃᓕᓐᓂᐊᕐᓂᕐᒨᖓᔪᓂᒃ ᒪᓕᒐᒃᓴᐅᓂᐊᕐᓗᑎᒃ ᓄᐊᓴᐃᓂᕐᒥᒃ, ᐊᐅᓚᑦᑎᓂᕐᒥᒃ ᐊᒻᒪᓗ ᐊᑐᖅᑕᐅᓂᖏᑦ ᑐᑭᓯᔾᔪᑎᐅᔪᑦ. ᐱᔪᓐᓇᕐᓂᖃᑦᑎᐊᕐᓗᓂ ᖃᓄᖅᑑᕈᓐᓇᕐᓂᕐᒥᒃ. ᑐᓴᐅᒪᖃᑦᑕᐅᑎᑦᑎᐊᕈᓐᓇᕐᓗᓂ ᖃᓪᓗᓈᑎᑐᑦ ᐃᓄᒃᑎᑐᓪᓗ ᐱᓕᕆᖃᑎᒋᔭᐅᖃᑦᑕᕐᓂᐊᖅᑎᓪᓗᒋᑦ ᐱᓕᕆᐊᓕᖕᓄᑦ ᑲᑎᒪᔨᕋᓛᓂᑦ, ᑐᑭᓯᔾᔪᑎᓂᒃ ᑎᑎᕋᖃᑦᑕᕐᓗᓂ ᐊᒻᒪᓗ ᐅᓂᒃᑳᓕᐅᖃᑦᑕᕐᓗᓂ. ᐃᓄᒃᑎᑐᑦ ᖃᓪᓗᓈᑎᑐᑦ ᐅᖃᕈᓐᓇᕆᐊᓕᒃ ᑎᑎᕋᕈᓐᓇᕐᓗᓂᓗ.
ᑖᓐᓇ ᐃᖅᑲᓇᐃᔮᖅ ᐃᓕᓐᓂᐊᖅᓯᒪᔭᕆᐊᓕᒃ ᓯᓚᑦᑐᖅᓴᕐᕕᖕᒥ ᐱᓕᕆᐊᒃᓴᓕᕆᓂᕐᒧᑦ, ᓇᐅᑦᑎᖅᓱᕈᓐᓇᕐᓂᕐᒥᒃ ᐊᒻᒪᓗ ᖃᐅᔨᓴᕐᓂᕐᒥᒃ. ᐱᓕᕆᐊᒃᓴᓂ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᖃᕈᕕᑦ
ᐃᑲᔪᒃᑲᓐᓂᕋᔭᖅᑐᖅ. ᑲᑎᓪᓗᒋᑦ ᐃᓕᓐᓂᐊᕐᓂᐅᔪᑦ ᐊᔪᙱᓐᓂᐅᔪᓪᓗ ᐃᓱᒪᒋᔭᐅᓂᐊᕐᒥᔪᑦ ᓈᒻᒪᒋᔭᐅᓗᑎᒃ. ᐸᓖᓯᒃᑯᓐᓄᑦ ᖃᐅᔨᓴᖅᑕᐅᒋᐊᖃᕋᔭᖅᑐᖅ ᐱᕋᔭᒃᓴᒪᙱᒃᑲᓗᐊᕐᒪᖔᑦ.
ᑮᓇᐅᔾᔭᔅᓵᖏᑦ ᐱᒋᐊᕈᑎᔅᓴᓖᑦ ᐊᒥᓲᓂᓕᓐᓂᑦ $89,582ᓂᑦ $131,387ᓄᑦ/ ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ $27,600/ᐊᕐᕌᒍᑕᒫᑦ− ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ..
ᐱᓇᓲᑏ ᑐᓂᔪᓐᓇᖅᑕᐃᑦ ᓇᒃᓯᐅᑎᓗᒍ ᓱᑲᑦᑐᒃᑯᑦ, ᐃᕐᖐᓐᓈᖅᑕᐅᑎᒃᑯᑦ, ᐊᔾᔭᕐᓗᒍ, ᓇᒃᓯᐅᑎᓗᒍᓘᓐᓃᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
200-922 ᓯᕗᒧᒋᐊᖅ
ᐃᖃᓗᐃᑦ, ᓄᓇᕗᑦ X0A 3H0 ᐃᕐᖐᓐᓈᕈᑖ: Resumes@qia.ca
ᒪᑐᕕᔅᓴᓕᒃ: ᐅᑐᐱᕆ 4, 2024 5:00ᒥ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
