ᐊᒡᓚᕝᕕᖕᒦᑦᑐᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ
ᐃᖅᑲᓇᐃᔮᖅ: ᓇᐅᑦᑎᖅᓱᖅᑏᑦ, ᐊᒡᓚᕝᕕᓕᕆᓂᕐᒧᑦ ᐃᑲᔪᖅᑎ
ᐋᖅᑭᒃᓯᒪᓂᖓ: ᒫᑦᓯ 31, 2026, ᐅᐃᒍᒋᐊᖅᑕᐅᑐᐃᓐᓇᕆᐊᖃᖅᖢᓂ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᖕᓄᑦ ᓄᓇᕗᒥᐅᓄᑦ ᑭᓯᒥ
ᓇᐅᑦᑎᖅᓱᖅᑎᓄᑦ ᐊᐅᓚᑦᑎᓂᕐᒧᑦ ᐃᑲᔪᖅᑎ ᐃᖅᑲᓇᐃᔮᖑᔪᖅ ᐃᖃᓗᓐᓂ ᐊᒻᒪᓗ ᐱᓕᕆᐊᒃᓴᖃᖅᖢᓂ ᐊᑐᓕᖅᑎᑦᑎᔭᕆᐊᖃᕐᓂᕐᒥᒃ ᐊᒻᒪᓗ ᐊᐅᓚᑦᑎᓂᕐᒥᓗ ᓇᐅᑦᑎᖅᓱᖅᑏᑦ ᐱᓕᕆᐊᖓ. ᑖᒃᑯᐊ ᓇᐅᑦᑎᖅᓱᖅᑏᑦ ᐃᔨᒋᔭᐅᔪᑦ ᓯᐅᑎᒋᔭᐅᓪᓗᑎᓪᓗ ᓄᓇᒥ, ᐃᒪᕐᓂᒃ ᐊᒻᒪᓗ ᓴᐳᔾᔨᕕᖕᓂ. ᑖᒃᑯᐊ ᓇᐅᑦᑎᖅᓱᖅᑏᑦ ᖃᐅᔨᓴᖃᑦᑕᖅᑐᑦ ᓴᐳᔾᔨᕕᖕᓂᒃ ᕿᑭᖅᑖᓗᖕᒥ ᐊᒻᒪᓗ ᐅᒪᔪᖅᓯᐅᖅᑎᐅᓪᓗᑎᒃ ᓂᕿᒃᓴᖅᓯᐅᖅᑎᐅᓪᓗᑎᓪᓗ ᓄᓇᓕᖕᒥ.
ᐱᔾᔪᑎᖓ ᓇᐅᑦᑎᖅᓱᖅᑎᓄᑦ ᐊᐅᓚᑦᑎᓂᕐᒧᑦ ᐃᑲᔪᖅᑎ ᐊᐅᓚᑦᑎᔨᐅᓂᐊᖅᖢᓂ ᓇᐅᑦᑎᖅᓱᖅᑏᑦ ᐱᓕᕆᐊᖓᓂᒃ ᓄᓇᓕᖕᓂᑦ ᐊᒃᑐᖅᑕᐅᓯᒪᔪᓄᑦ ᑕᓪᓗᕈᑎᐅᑉ ᐃᒪᖓᓂᑦ ᓴᐳᔾᔨᕕᖕᒥ, ᕿᑭᖅᑕᐃᑦ ᓴᐳᔾᔨᕕᖕᒥ ᐊᒻᒪᓗ ᓯᕗᓂᕐᒥᒃ ᓴᐳᔾᔨᕕᓕᐅᖅᑐᖃᕐᓂᖅᐸᑦ.
ᑖᓐᓇ ᓇᐅᑦᑎᖅᓱᖅᑎᓄᑦ ᐊᒡᓚᕝᕕᓕᕆᔨ ᐊᐅᓚᑦᑎᓂᐊᖅᑐᖅ ᓇᐅᑦᑎᖅᓱᖅᑏᑦ ᐱᓕᕆᐊᖓᓂᒃ ᕿᑭᖅᑕᓃᒃᑯᑦ ᑐᑦᑕᕐᕕᐊᓂᑦ, ᐱᖃᓯᐅᑎᓗᒋᑦ, ᐊᐅᓚᑦᑎᓂᕐᒥᒃ, ᐋᖅᑭᒃᓱᐃᓂᕐᒥᒃ ᐱᓕᕆᐊᒃᓴᐅᓂᐊᖅᑐᓂᒃ ᐊᒻᒪᓗ ᐃᓕᓐᓂᐊᒐᒃᓴᐅᓂᐊᖅᑐᓂᒃ, ᐸᕐᓇᐃᓂᕐᒥᒃ, ᐅᓂᒃᑳᕆᓗᒋᑦ, ᑮᓇᐅᔭᓕᕆᓂᕐᒥᒃ ᐊᐅᓚᑦᑎᓂᖅ, ᐊᐅᓚᑦᑎᓂᕐᒥᒃ ᑐᑭᓯᒋᐊᕈᑎᓂᒃ ᐊᒻᒪᓗ ᐃᑲᔪᖃᑦᑕᕐᓗᓂ ᖃᐅᑕᒫᒃᑯᑦ ᐊᐅᓚᓂᐅᔪᒥᒃ. ᑖᓐᓇ ᐃᖅᑲᓇᐃᔮᖅ ᐊᖓᔪᖅᑳᖃᕐᓂᐊᖅᑐᖅ ᐊᐅᓚᑦᑎᔨᓪᓗᐊᑕᕐᒥ ᓇᐅᑦᑎᖅᓱᖅᑎᒃᑯᓐᓄᑦ ᐃᖃᓗᖕᓃᑦᑐᒥᒃ. ᑖᓐᓇ ᐃᖅᑲᓇᐃᔮᖅ ᐱᒻᒪᕆᐅᔪᒥᒃ ᐱᓕᕆᐊᒃᓴᖃᖅᑐᖅ ᐊᑐᓕᖅᑎᑦᑎᓂᕐᒥᒃ ᓇᐅᑦᑎᖅᓱᖅᑏᑦ ᐱᓕᕆᐊᖓᓂᒃ.
ᑖᓐᓇ ᐃᓄᖕᓄᑦ ᐱᔨᑦᓯᕋᕐᓂᕐᒧᑦ ᐃᖅᑲᓇᐃᔮᒃᓴᖅ ᖃᐅᔨᒪᓂᖃᑦᑎᐊᕆᐊᖃᖅᑐᖅ ᐊᒻᒪᓗ ᐱᓪᓗᕆᕐᓗᓂ, ᖃᐅᑕᒫᑦ ᐃᖅᑲᓇᐃᔭᕆᐊᑦᑎᐊᖃᑦᑕᕐᓗᓂ, ᐊᒻᒪᓗ ᓱᑲᑎᖅᓯᒪᙱᑦᑐᓂᒃ ᐱᓕᕆᔪᓐᓇᖅᑎᑕᐅᓪᓗᓂ ᑖᔅᓱᒥᖓ ᓄᑖᖑᔪᒥᒃ ᐊᒻᒪ ᐊᓯᔾᔨᖅᐸᓪᓕᐊᖏᓐᓇᖅᑐᒥᓪᓗ ᐱᓕᕆᐊᕐᒥᒃ. ᖃᑯᑎᒃᑯᑦ ᐃᖏᕐᕋᖃᑦᑕᕆᐊᖃᕋᔭᖅᑐᖅ. ᑖᓐᓇ ᓇᐅᑦᑎᖅᓱᖅᑏᑦ ᐊᐅᓚᑦᑎᓂᕐᒥ ᐃᑲᔪᖅᑎᖓ ᐃᑲᔪᖅᑎᒋᔭᐅᓪᓗᐊᑕᕐᓂᐊᖅᑐᖅ ᓇᐅᑦᑎᖅᓱᖅᑏᑦ ᐊᐅᓚᑦᑎᔨᖏᓐᓄᑦ ᐊᒻᒪᓗ ᑐᑦᑕᕐᕕᓪᓗᐊᑕᐅᓗᓂ ᓇᐅᑦᑎᖅᓱᖅᑎᓂᒃ ᐊᒻᒪᓗ ᓄᓇᓕᖕᒥ. ᖃᐅᔨᒪᖃᕆᐊᖃᖅᑐᖅ ᐃᓅᓯᕐᓅᖓᔪᓂᒃ, ᐱᕙᓪᓕᐊᑎᑦᑎᓂᕐᒥᒃ, ᐊᒻᒪᓗ ᐊᕙᑎᓕᕆᓂᕐᒥᒃ ᖃᐅᔨᒪᓂᖃᕐᓗᓂ ᓄᓇᕗᒥ ᐱᒻᒪᕆᐅᓂᐊᖅᑐᑦ ᑕᒪᑐᒧᖓ ᐃᖅᑲᓇᐃᔮᒧᑦ. ᐱᔪᓐᓇᕐᓂᖃᑦᑎᐊᕆᐊᖃᖅᑐᖅ ᓯᕗᓕᖅᑎᐅᓂᕐᒥᒃ, ᐊᑲᐅᙱᓕᐅᕈᑎᓂᒃ ᐋᖅᑭᒃᓱᐃᔪᓐᓇᕐᓂᕐᒥᒃ ᐊᒻᒪᓗ ᐱᔨᑦᓯᕋᕈᓐᓇᕐᓂᖅ ᐊᔪᙱᓐᓂᕆᔭᐅᔭᕆᐊᖃᖅᑐᑦ. ᑎᑎᕋᕈᓐᓇᑦᑎᐊᕆᐊᓕᒃ ᐅᖃᓪᓚᒍᓐᓇᑦᑎᐊᕐᓗᓂᓗ. ᐃᓄᒃᑎᑑᕈᓐᓇᕆᐊᓕᒃ ᑖᔅᓱᒥᖓ ᐃᖅᑲᓇᐃᔮᒧᑦ.
ᐊᑕᐅᓯᕐᒥ ᐊᕐᕌᒍᒥᒃ ᐃᖅᑲᓇᐃᔮᖃᖅᓯᒪᓂᖅ ᐊᒡᓚᕝᕕᓕᕆᓂᕐᒥᒃ. ᐊᔪᙱᓐᓂᖃᕐᓂᖅ ᓯᕗᓕᖅᑎᐅᔪᓐᓇᕐᓂᕐᒥᒃ ᐅᕝᕙᓘᓐᓃᑦ ᐊᔭᐅᖅᑐᐃᔪᓐᓇᕐᓂᕐᒥᒡᓘᓐᓃᑦ. ᐃᖅᑲᓇᐃᔭᖃᑎᖃᖅᓯᒪᓂᑰᓗᓂ ᒪᒃᑯᒃᑐᓂᒃ ᐃᓐᓇᕐᓂᓪᓗ ᐊᒻᒪᓗ ᓄᓇᖅᑲᑎᒋᔭᐅᔪᑦ. ᖃᐅᔨᒪᓂᖃᕐᓂᖅ ᓄᓇᓕᖕᓂ ᕿᑭᖅᑕᓂ ᐊᒻᒪᓗ ᖃᐅᔨᒪᓂᖃᑦᑎᐊᕐᓂᖅ ᓄᓇᒥᒃ, ᐅᒪᔪᖅᓯᐅᕐᓂᕐᒥᒃ, ᑕᒻᒫᖅᓯᒪᖃᑦᑕᕐᓂᕐᒥᒃ. ᑖᒃᑯᐊ ᐱᓇᓱᖕᓂᐊᖅᑐᑦ ᓇᓗᓇᐃᒃᑯᑕᖃᕆᐊᓕᒃ ᓇᖕᒥᓂᓕᕆᔪᓐᓇᕐᓂᕐᒥᒃ ᐅᕝᕙᓘᓐᓃᑦ ᐊᔾᔨᖓᓂᒃ ᐃᓕᓐᓂᐊᖅᓯᒪᓂᕐᒥᒃ. ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᓯᒪᓂᑰᓗᓂ ᐊᑑᑎᖃᕐᓂᐊᕐᒥᔪᖅ. ᐊᔾᔨᒌᙱᑦᑐᓂᒃ ᐃᓕᓐᓂᐊᕐᓂᖅᑕᖃᕐᓂᖅ ᐃᓱᒪᒋᔭᐅᑐᐃᓐᓇᕆᐊᖃᖅᑐᖅ. ᐸᓖᓯᒃᑯᓐᓄᑦ ᖃᐅᔨᓴᖅᑕᐅᒋᐊᖃᕋᔭᖅᖢᑎᒃ ᐱᕋᔭᒃᓯᒪᙱᒃᑲᓗᐊᕐᒪᖔᑦ.
ᑮᓇᐅᔾᔭᔅᓵᖏᑦ ᐱᒋᐊᕈᑎᔅᓴᓖᑦ ᐊᒥᓲᓂᓕᓐᓂᑦ $74,651ᓂᑦ $109,489ᓄᑦ/ ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ $27,600/ᐊᕐᕌᒍᑕᒫᑦ− ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ.ᐃᒡᓗᒃᓴᖃᖅᑎᑦᑎᙱᑦᑐᑦ.
ᑕᐃᒃᑯᐊ ᑭᓯᒥ ᐊᖅᐱᖅᓱᖅᑕᐅᔪᒪᔪᑦ ᖃᐅᔨᒋᐊᖅᑕᐅᓂᐊᖅᑐᑦ.
ᐱᓇᓲᑎᑎᑦ ᓇᒃᓯᐅᔾᔭᐅᔪᓇᖅᑐᑦ ᓱᑲᑦᑐᒃᑯᑦ, ᐃᕐᖐᓐᓈᖅᑕᐅᑎᒃᑯᑦ, ᐋᑦᓯᓗᑎᑦ, ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ ᓇᒃᓯᐅᑎᓗᒍ ᐅᕗᖓ:
ᐃᖅᑲᓇᐃᔭᖅᑐᓕᕆᔨᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
922 ᓂᐊᖁᙴᓯᐊᕆᐊᖅ ᐃᕐᖐᓐᓈᖅᑕᐅᑖ: Resumes@qia.ca
ᐃᒡᓗᕗᑦ, ᖄᖅᑎᖓᓂᑦ 2ᒥ ᐳᓛᕈᒃ: Tuttarvik.qia.ca
ᐃᖃᓗᐃᑦ, ᓄᓇᕗᑦ X0A 2H0
ᒪᑐᕕᔅᓴᓕᒃ: ᐅᑐᐱᕆ 4, 2024 5:00ᒥ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
