ᑭᒃᑯᑐᐃᓐᓇᕐᓄᑦ ᑐᕌᖓᓪᓗᓂ ᐃᖅᑲᓇᐃᔮᔅᓴᖅ

ᐃᖅᑲᓇᐃᔮᖅ: ᐃᓅᓱᑦᑐᓄᑦ ᑐᕌᖓᔪᓂᑦ ᐱᓕᕆᐊᔅᓴᓕᕆᔨ

ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ

ᓇᒥ: ᐃᖃᓗᓐᓂ, ᓄᓇᕗᒥ

ᒪᑐᐃᖓᔪᖅ: ᐃᓄᓐᓄᑦ ᑭᓯᐊᓂ ᑐᕌᖓᔪᖅ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐃᖅᑲᓇᐃᔭᖅᑎᓴᕐᓯᐅᕐᖓᑕ ᐊᖏᕐᓯᒪᑦᑎᐊᖅᑐᓂᑦ ᐊᑐᖃᑦᑕᓂᐊᕐᓂᕐᒧᑦ ᐃᓄᓐᓂᑦ ᐃᓅᓱᑦᑐᓂᑦ ᐱᕙᓪᓕᐊᑎᑦᑎᓂᕐᒥᒃ ᐊᐅᓚᑦᑎᑦᑎᐊᖃᑦᑕᕐᓗᓂ ᕿᑭᖅᑕᓂᒃᑯᑦ ᐃᓅᓯᓕᕆᓂᕐᒨᖓᔪᓂᑦ ᐱᓕᕆᐊᕆᕙᑦᑕᖏᓐᓂᒃ ᐊᒻᒪᓗ ᐱᓇᓱᐊᒐᕆᕙᑦᑕᖏᓐᓂᒃ.

ᑐᑭᒧᐊᑦᑎᑦᑎᔨᖃᕐᓗᓂ ᐊᐅᓚᑦᑎᔨᖓᓐᓂᒃ ᐃᓄᓐᓄᑦ ᐱᕙᓪᓕᐊᑎᑦᑎᓂᕐᒧᑦ ᐃᓅᓯᖃᑦᑎᐊᓂᕐᒧᓪᓗ, ᐃᓄᓐᓄᑦ ᐱᓕᕆᐊᓄᑦ ᐱᔨᑦᑎᕋᐅᑎᓄᓪᓗ ᐊᓪᓚᕝᕕᐊᓂ (DIPS) ᐱᓕᕆᐊᔅᓴᓕᕆᔨ ᐃᖅᑲᓇᐃᔮᓂᒃ ᖃᐅᔨᒪᒋᐊᑦᑎᐊᖃᑦᑕᓂᐊᖅᑐᖅ ᐊᐅᓚᑕᐅᑦᑎᐊᖃᑦᑕᕋᓗᐊᕐᒪᖔᑕ ᐊᒻᒪᓗ ᐱᔨᑦᑎᕋᐅᑕᐅᑦᑎᐊᖃᑦᑕᕋᓗᐊᕐᒪᖔᑕ ᕿᑭᖅᑕᓂᒃᑯᓐᓂ ᐃᓅᓱᑦᑐᓄᑦ ᑐᕌᖓᔪᑦ ᐱᓕᕆᐊᑦ ᐃᑲᔪᖃᑦᑕᓯᓐᓈᕐᓗᓂ ᕿᑭᖅᑕᓂᒃᑯᑦ ᐱᓕᕆᐊᖏᓐᓂᒃ ᐱᓇᓱᐊᒐᖏᓐᓂᓪᓗ ᐱᔨᑦᑎᕋᐅᑎᓂᑦ ᒪᑯᐊ ᒥᔅᓵᓅᖓᔪᓂᑦ ᐃᓕᓐᓂᐊᕐᓂᖅ, ᐱᕙᓪᓕᐊᑎᑦᑎᓂᖅ, ᐊᒻᒪᓗ ᐃᓅᓯᕐᒥ ᒪᑭᒪᓂᖅ. ᑕᕝᕙᓂ ᐃᖅᑲᓇᐃᔮᕐᒥ ᑭᐅᑦᑎᐊᖃᑦᑕᓂᐊᖅᑐᑦ ᑐᑭᓯᓇᑦᑎᐊᖃᑦᑕᕐᓗᑎᓪᓗ ᐃᓄᓐᓄᑦ ᑲᒪᒋᔭᐅᖃᑦᑕᑎᓪᓗᒋᑦ ᐊᒻᒪᓗ ᐱᔨᑦᑎᕋᐅᑕᐅᖃᑦᑕᑎᓪᓗᒋᑦ ᐃᓅᓱᑦᑐᓄᑦ ᐱᓕᕆᐊᑦ. ᐃᒫᒃ ᑐᑭᓕᒃ ᑕᒪᓐᓇ ᑲᔪᓯᕙᓪᓕᐊᖏᓐᓇᖅᑐᒥᒃ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᑲᒪᒋᔭᖃᖃᑦᑕᕐᓂᖅ, ᐊᐅᓚᑦᑎᖃᑦᑕᕐᓂᖅ, ᖃᐅᔨᓴᖃᑦᑕᕐᓂᖅ, ᑮᓇᐅᔭᓕᕆᖃᑦᑕᕐᓂᖅ, ᐊᒻᒪᓗ ᐅᓂᒃᑳᓕᐅᖃᑦᑕᕐᓂᖅ ᐱᓕᕆᐊᕐᒨᖓᔪᓂᑦ ᑲᔪᓯᑎᑦᑎᖃᑦᑕᕐᒥᒃ ᑖᓐᓇ ᐃᖅᑲᓇᐃᔮᕆᓗᐊᖃᑦᑕᓂᐊᖅᑕᖓ ᑕᕝᕙᓂ ᐃᖅᑲᓇᐃᔮᕐᒥ.

ᑕᕝᕙᓂ ᐃᖅᑲᓇᐃᔮᕐᒥ ᐱᓕᕆᖃᑎᖃᓪᓚᑦᑖᖃᑦᑕᓂᐊᖅᑐᖅ ᓄᓇᓕᐅᔪᓂᑦ, ᓄᓇᖓᓐᓂ, ᑲᓇᑕᒥᓗ ᑲᑎᒪᔨᕋᓛᕐᓂᑦ ᐃᓅᓱᑦᑐᓄᑦ ᐱᓕᕆᐊᔅᓴᓕᕆᓂᕐᒨᖓᔪᓂᑦ ᐊᒻᒪᓗ ᑲᒪᒋᔭᖃᖃᑦᑕᓂᐊᖅᑐᓂ ᑕᑯᖅᑯᔾᔨᖃᑦᑕᓂᕐᒥᒃ ᑐᑭᓯᐅᒪᔾᔪᑎᔅᓴᓂᑦ, ᐋᖅᑭᔅᓯᖃᑦᑕᓂᕐᒥᒃ ᑲᒪᒋᔭᖃᖃᑦᑕᓂᕐᒥᓪᓗ ᑮᓇᐅᔭᓂᑦ, ᐊᒻᒪᓗ ᐃᑲᔪᖃᑦᑕᓂᕐᒥᒃ ᐱᔨᑦᑎᕋᐅᑕᐅᑎᓪᓗᒋᑦ ᐃᓅᓱᑦᑐᓂᑦ ᐱᓕᕆᐊᔅᓴᐃᑦ, ᐱᓇᓱᐊᕈᑕᐅᓂᐊᖅᑐᑦ, ᐱᓕᕆᐊᓪᓗ ᓲᕐᓗ ᓱᕈᓯᕐᓂᑦ ᑭᐱᙳᐃᔭᐃᖃᑦᑕᕐᓂᖅ, ᐃᓅᓯᕐᒥᒃ ᓴᐱᓕᖃᑦᑕᖁᔨᙱᓂᕐᒥᒃ, ᐊᒻᒪᓗ ᐃᓅᓱᑦᑐᓂᑦ ᓯᕗᓕᕐᓯᓂᕐᒧᑦ ᕿᑭᖅᑕᓂ ᐃᓄᓐᓄᑦ ᐃᓅᓱᑦᑐᓄᑦ. ᑕᕝᕙᓂ ᐃᖅᑲᓇᐃᔮᕐᒥ ᑐᕌᖅᑕᕐᕕᓪᓗᐊᑕᐅᖃᑦᑕᓂᐊᖅᑐᖅ ᐃᓘᓐᓇᖏᓐᓄᑦ ᕿᑭᖅᑕᓂᒃᑯᓐᓂ ᐃᓅᓱᑦᑐᓄᑦ ᑐᕌᖓᔪᓂᑦ ᐱᓕᕆᐊᔅᓴᓕᕆᓂᕐᒨᖓᔪᓂᑦ ᐊᒻᒪᓗ ᑕᑯᖅᑯᔾᔨᖃᑦᑕᕐᓗᓂ ᑐᑭᓯᐅᒪᔾᔪᑎᔅᓴᓂᑦ ᐱᔾᔪᑎᒋᓪᓗᒋᑦ ᐊᑐᐃᓐᓇᐅᔪᑦ ᑮᓇᐅᔭᑦ ᓄᓇᓕᓐᓄᑦ ᒫᓐᓇ ᑲᑐᔾᔨᖃᑎᒋᕙᑦᑕᖏᓐᓄᑦ ᐅᕝᕙᓘᓐᓃᑦ ᑲᑐᔾᔨᖃᑎᑖᕆᔪᓐᓇᖅᑑᔮᖅᑕᖏᓐᓄᑦ. ᑖᓐᓇ ᐃᖅᑲᓇᐃᔮᔅᓴᖅ ᑭᒡᒐᖅᑐᐃᒍᑕᐅᖃᑦᑕᓂᐊᖅᑐᖅ ᐃᓅᓱᑦᑐᓄᑦ−ᑐᕌᖓᔪᓂᑦ ᑲᑎᓂᐅᕙᑦᑐᓂᑦ, ᐱᓕᕆᖃᑎᒌᑉᐸᑦᑐᓂᑦ ᐊᒻᒪᓗ ᑲᑎᒪᔨᕋᓛᕐᓂᑦ, ᐊᒻᒪᓗ ᓯᕗᓕᕐᓯᖃᑦᑕᕐᓗᓂ ᖃᐅᔨᒪᔭᖃᑦᑎᐊᕐᓗᓂ ᓄᓇᓕᓐᓂᑦ ᐱᓕᕆᐊᖑᕙᑦᑐᓂᑦ, ᐱᓇᓱᐊᕈᑕᐅᕙᑦᑐᓂᑦ, ᐱᔨᑦᑎᕋᐅᑕᐅᕙᑦᑐᓂᓪᓗ ᑐᕌᖓᔪᓂᑦ ᐃᓄᓐᓄᑦ ᐃᓅᓱᑦᑐᓄᑦ.

ᑖᓐᓇ ᐃᖅᑲᓇᐃᔮᔅᓴᖅ ᖁᕝᕙᓯᑦᑐᒥᒃ ᐃᓕᓯᒪᔭᕆᐊᓕᒃ ᐋᖅᑭᔅᓱᐃᖃᑦᑕᕈᓐᓇᓂᕐᒥᒃ ᐊᒻᒪᓗ ᐃᑉᐱᒍᓱᑦᑎᐊᖃᑦᑕᕐᓗᓂ ᐃᓗᓕᖏᓐᓂᒃ ᐱᔭᕇᕐᓯᒍᓐᓇᕐᓗᓂ ᐊᔾᔨᒌᙱᑐᒡᒍᑎᓂᑦ ᐱᓕᕆᐊᔅᓴᓂᑦ ᐱᓕᕆᐊᔅᓴᖅᑕᖃᕈᓘᔭᐃᓐᓇᖅᑐᒥ ᐃᖅᑲᓇᐃᔭᕐᕕᖃᖅᑎᓪᓗᒋᑦ. ᑖᓐᓇ ᐃᖅᑲᓇᐃᔮᔅᓴᖅ ᓯᕗᓕᖅᑎᐅᔪᓐᓇᑎᐊᖅᑐᒥᒃ ᓯᕗᓕᖅᑎᖃᕆᐊᓕᒃ ᐱᓕᕆᖃᑎᖃᕈᓐᓇᑎᐊᖅᑐᒥᒃ ᐊᒻᒪᓗ ᐱᓕᕆᖃᑎᒌᓂᑦ ᐱᕙᓪᓕᐊᑎᑦᑎᒍᓐᓇᑎᐊᖅᑐᒥᒃ. ᐃᖅᑲᓇᐃᔮᖃᕐᓂᐊᖅᑐᖅ ᐅᖃᐅᓯᒃᑯᑦ ᑎᑎᖅᑲᑎᒍᓪᓗ ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑦᑎᐊᕆᐊᓕᒃ, ᓈᓚᒍᓐᓇᑎᐊᕐᓗᓂ ᐊᒻᒪᓗ ᑕᑯᑎᑦᑎᔭᕆᐊᓕᒃ ᕿᓄᐃᓵᕐᕕᖃᕈᓐᓇᕐᓂᖓᓂᒃ ᐊᒻᒪᓗ ᐃᑉᐱᒍᓱᑦᑎᐊᕈᓐᓇᕐᓂᖓᓂᒃ ᐃᓅᓱᑦᑐᓅᖓᔪᓂᑦ. ᑖᓐᓇ ᐃᖅᑲᓇᐃᔮᔅᓴᖅ ᖃᐅᔨᒪᒍᑕᐅᑦᑎᐊᕆᐊᓕᒃ ᐃᓄᐃᑦ ᐃᓕᖅᑯᓯᖓᓐᓂᒃ, ᐅᖃᐅᓯᖓᓐᓂᒃ ᐊᒻᒪᓗ ᐱᖅᑯᓯᖅᑎᒍᑦ ᖃᐅᔨᒪᓂᕆᔭᐅᔪᓂᑦ.

ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ ᐊᑕᐅᓯᕐᒥᖑᓐᓃᑦ (1) ᐊᕐᕌᒍᒥ ᐱᓕᕆᐊᕐᒥ ᑲᒪᓯᒪᓂᖓᓂᒃ ᐱᓕᕆᐊᔅᓴᓕᕆᖃᑦᑕᓂᕐᒥᒃ ᐊᒻᒪᓗ ᐱᔨᑦᑎᕋᐅᑎᖃᕐᓯᒪᓂᖓᓂᒃ. ᖃᕋᓴᐅᔭᒃᑯᑦ ᑎᑎᖅᑭᕆᔾᔪᑕᐅᓲᓂᑦ ᓈᓴᐅᓯᕆᔾᔪᑕᐅᓲᓂᓪᓗ ᑲᒪᒋᔭᖃᕈᓐᓇᕆᐊᓕᒃ. ᐃᑲᔪᖃᑦᑕᕐᓯᒪᔭᕆᐊᓕᒃ ᑲᑎᒪᔪᓂᑦ ᐃᓕᓐᓂᐊᖅᑐᓂᑦ ᐅᕝᕙᓘᓐᓃᑦ ᐅᓂᒃᑳᕐᓂᐅᔪᓂᑦ. ᐃᖅᑲᓇᐃᔮᖅᑖᙳᓱᑦᑐᖅ ᐅᓂᒃᑳᕈᓐᓇᑦᑎᐊᕆᐊᓕᒃ ᐅᓂᒃᑳᕈᓐᓇᕐᓗᓂ ᐃᓄᒋᐊᓄᑦ ᑲᑎᒻᒪᔪᓄᑦ. ᐃᖅᑲᓇᐃᔭᖃᑎᖃᖃᑦᑕᕐᓯᒪᔭᕆᐊᓕᒃ ᓄᓇᕗᒻᒥᐅᓂᑦ ᓄᓇᓕᓐᓂᑦ, ᐃᓄᓐᓂᑦ ᐅᕝᕙᓘᓐᓃᑦ ᓄᓇᖃᖅᑳᖅᑐᑦ ᑎᒥᖏᓐᓂᒃ ᐅᕝᕙᓘᓐᓃᑦ ᒐᕙᒪᒃᑯᓐᓂᑦ ᐱᓕᕆᔨᓂᑦ ᑖᒃᑯᐊ ᐊᑑᑎᖃᑦᑎᐊᕋᔭᕐᒥᔪᑦ. ᖃᓪᓗᓇᐅᔭᕈᓐᓇᑎᐊᕐᓗᓂ ᐃᓄᒃᑎᑑᕈᓐᓇᑎᐊᕐᓗᓂᓗ ᐱᔪᒥᓇᕋᔭᖅᑐᖅ.

ᑖᓐᓇ ᐃᖅᑲᓇᐃᔮᖅ ᐱᔭᕇᕐᓯᓯᒪᒍᑕᐅᔭᕆᐊᓕᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᕈᑕᐅᓲᓂᑦ ᐃᓅᓯᓕᕆᓂᕐᒨᖓᔪᓂᑦ, ᐃᓄᐃᑦ ᒥᔅᓵᓄᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐃᓕᓐᓂᐊᕈᑕᐅᓲᓂᑦ. ᑲᑎᓯᒪᑉᐸᑕ ᑕᒪᑐᒧᖓ ᑐᕌᖓᔪᑦ ᐃᓕᓐᓂᐊᕐᓯᒪᔭᖏᑦ ᐊᒻᒪᓗ ᑕᒪᑐᒪ ᒥᔅᓵᓄᑦ ᐊᑐᓚᐅᕐᓯᒪᓂᑰᑉᐸᑦ ᓈᒻᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᒋᐊᔅᓴᖓᓂᒃ ᐃᓱᒪᒋᔭᐅᓗᓂ.

ᐱᒋᐊᕈᑎᒋᒐᔭᖅᑕᖏᑦ ᑮᓇᐅᔾᔭᔅᓵᓄᑦ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓲᓂᓖᑦ $72,477 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ ᐊᒥᓲᓂᓕᓐᓂᑦ $27,600 ᐊᕐᕌᒍᑕᒫᑦ. ᕿᑲᕈᑎᔅᓴᓂᑦ ᐃᑲᔫᓯᐊᖅᑖᕋᑦᑕᕋᔭᖅᑐᖅ, ᑲᑐᔾᔨᖃᑎᒌᒃᑯᑎᒍᑦ ᓇᓪᓕᐅᒃᑯᒫᖃᕐᓗᓂ ᐊᒻᒪᓗ NEBS ᐲᔭᐃᒍᑕᐅᓲᓂᑦ ᓈᕆᑉᐸᑦ ᐃᖅᑲᓇᐃᔮᖓᓂᒃ ᐃᑲᔫᓯᐊᔅᓴᓄᑦ ᐊᑭᓕᕐᓱᖅᑕᐅᒍᑎᔅᓴᖏᓐᓂᒃ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.

ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:

 ᐃᖅᑲᓇᐃᔭᖅᑐᓕᕆᔩᑦ                   ᐅᖄᓚᐅᑖ: (867) 975-8400

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ         ᓱᒃᑲᔪᒃᑰᕈᑖ: (867) 979-3238

ᐃᒡᓗᕗᑦ, ᖄᖅᑎᖓᓂ 2ᒥ

ᑎᑎᖅᑲᓂᐊᕐᕕᖓ 1340                ᐃᕐᖐᓈᖅᑕᐅᑖ: Resumes@qia.ca

ᐃᖃᓗᐃᑦ, ᓄᓇᕗᑦ X0A 0H0

ᒪᑐᕕᔅᓴᓕᒃ: ᓅᕙᐃᕝᕙ 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ