ᐃᖅᑲᓇᐃᔭᖅᑎᓄᑦ/ᐃᓄᓕᒫᓄᓪᓗ ᐃᖅᑲᓇᐃᔮᔅᓴᖅ

 ᐃᖅᑲᓇᐃᔮᖅ: ᐃᒪᕕᓕᕆᓂᕐᒨᖓᔪᓂᑦ ᐅᖃᐅᔾᔨᒋᐊᖅᑎ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ

ᐋᖅᑭᓯᒪᓂᖓ: ᑭᓪᓕᓕᒃ ᒫᑦᓯ 31, 2025ᖑᕋᓱᓐᓂᖓᓂ ᐅᖓᕙᕆᐊᖅᑕᐅᒍᓐᓇᕋᔭᖅᑐᔅᓴᐅᔫᒐᓗᐊᖅ

ᓇᒥ: ᐃᖃᓗᓐᓂ, ᓄᓇᕗᒥ

ᒪᑐᐃᖓᔪᖅ: ᓄᓇᕗᒻᒥᐅᓄᑦ ᐃᓄᓐᓄᑦ ᑭᓯᐊᓂ

 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᖅᑲᓇᐃᔭᖅᑎᓴᐅᕐᓯᐅᕐᖓᑕ ᐃᖅᑲᓇᐃᔮᖃᕈᓐᓇᑎᐊᖅᑐᒥᒃ ᐊᒻᒪᓗ ᖃᐅᔨᒪᑦᑎᐊᖅᑐᒥᒃ ᐃᖅᑲᓇᐃᔮᖅᑖᕋᔭᖅᑐᒥᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᒪᕕᓕᕆᓂᕐᒨᖓᔪᓂᑦ ᐅᖃᐅᔾᔨᒋᐊᖅᑎᐅᒐᔭᖅᑐᒥᒃ. ᑐᑭᒧᐊᑦᑎᑦᑎᔨᖃᕐᓗᓂ ᑐᑭᒧᐊᑦᑎᑦᑎᔨᖓᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐃᓚᒋᔭᐅᑎᑦᑎᖃᑦᑕᓂᕐᒧᓪᓗ ᐊᓪᓚᕕᒻᒥᑦ (IQ&E) ᑖᓐᓇ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᒪᕕᓕᕆᓂᕐᒨᖓᔪᓂᑦ ᐅᖃᐅᔾᔨᒋᐊᖅᑎ ᑲᒪᒋᔭᖃᖃᑦᑕᓂᐊᖅᑐᖅ ᐊᑑᑎᓕᓐᓂᑦ ᓄᓇᓕᓐᓂᑦ ᐃᓚᒋᔭᐅᑎᑦᑎᖃᑦᑕᕐᓗᓂ ᐊᒻᒪᓗ ᐃᑲᔪᕐᓰᖃᑦᑕᕐᓗᓂ ᐃᒪᕕᓕᕆᓂᕐᒥ ᐸᕐᓇᐃᒍᑕᐅᔪᓂᑦ ᐃᓚᒋᔭᐅᓪᓗᑎᒃ ᐃᓱᒪᒋᔭᐅᒋᐊᕆᐊᓖᑦ ᓴᐳᔾᔨᕕᒻᒧᑦ ᐱᓕᕆᐊᖑᕙᑦᑐᑦ, ᐃᖃᓗᓕᕆᓃᑦ, ᐆᒻᒪᖅᑯᓯᕆᓂᕐᒧᑦ ᐱᕙᓪᓕᐊᓃᑦ, ᐊᒻᒪᓗ ᐃᓕᖅᑯᓯᖅᑎᒍᑦ ᐊᑐᖅᑕᐅᕙᑦᑐᑦ ᐃᒪᕕᒻᒥᑦ ᖃᓄᐃᙱᑎᐊᑎᑦᑎᓂᐊᖅᑐᑦ ᐊᒻᒪᓗ ᐋᖅᑭᓯᒪᑎᑦᑎᑎᐊᕐᓂᐊᖅᑐᑦ ᑭᖑᕚᖑᓂᐊᖅᑐᓄᑦ ᐊᑐᖅᑕᐅᑲᓐᓂᖃᑦᑕᖁᓪᓗᒍ. ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᒪᕕᓕᕆᓂᕐᒨᖓᔪᓂᑦ ᐅᖃᐅᔾᔨᒋᐊᖅᑎ ᑭᒡᒐᖅᑐᐃᖃᑦᑕᓂᐊᖅᑐᖅ ᕿᑭᖅᑕᓂᒃᑯᓐᓂᑦ ᑲᑎᒪᓂᐅᔪᓂᑦ ᑲᑎᒪᖃᑎᖃᖅᑎᓪᓗᒋᑦ ᐊᑑᑎᕕᐅᖃᑕᐅᔪᓂᑦ, ᐱᔭᕆᐊᑭᓪᓕᑎᑦᑎᔨᓂᑦ ᐊᒻᒪᓗ ᑲᑎᒪᔨᕋᓛᕐᓂᑦ. ᑖᓐᓇ ᐃᖅᑲᓇᐃᔮᖅ ᐃᑲᔫᑎᖃᖃᑦᑕᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ ᐃᖅᑲᓇᐃᔮᔅᓴᓂᑦ ᐸᕐᓇᐅᑎᓂᑦ ᐊᒻᒪᓗ ᑐᔅᓯᕋᐅᑎᓂᑦ ᐱᔾᔪᑎᓕᓐᓂᑦ ᐃᒪᕕᒻᒨᖓᔪᓂᑦ ᐊᒻᒪᓗ ᓄᓇᖃᖅᑳᖅᑐᓂᑦ ᖃᐅᔨᓴᖅᑐᓕᕆᓂᕐᒧᑦ ᓯᕗᓪᓕᐅᔾᔭᐅᔪᓂᑦ ᐃᑲᔫᑎᓕᓐᓂᑦ ᐋᖅᑭᐅᒪᑎᑦᑎᓗᑎᒃ ᐊᑐᖅᑕᐅᖃᑦᑕᕐᓂᖏᓐᓂᒃ ᐊᒻᒪᓗ ᐱᕙᓪᓕᐊᑎᑦᑎᓂᕐᒥᒃ ᐅᑭᐅᖅᑕᖅᑐᒥ ᐃᒪᕕᓐᓂᑦ. ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᒪᕕᓕᕆᓂᕐᒨᖓᔪᓂᑦ ᐅᖃᐅᔾᔨᒋᐊᖅᑎ ᐃᓄᓐᓄᑦ ᕿᑭᖅᑕᓂ ᓄᓇᓕᓐᓂᑦ ᐱᕕᖃᖅᑎᑦᑎᖃᑦᑕᓂᐊᖅᑐᖅ ᑐᑭᓯᕙᓪᓕᐊᑲᓐᓂᓂᕐᒥᒃ ᐊᕙᑎᖓᓄᑦ, ᐃᓄᐃᑦ−ᒪᑭᒪᔾᔪᑎᒋᕙᑦᑕᖏᓐᓄᑦ, ᐊᒻᒪᓗ ᐃᓕᖅᑯᓯᖓᓐᓄᑦ ᐊᑑᑎᓂᖃᕐᐸᑦᑐᓂᑦ ᐃᒪᕕᐅᑉ ᐊᑐᖅᑕᐅᖃᑦᑕᕐᓂᖓᓄᑦ, ᐊᐅᓚᑦᑎᔾᔪᑕᐅᕙᑦᑐᓄᑦ ᐊᒻᒪᓗ ᓴᐳᑎᔭᐅᖃᑦᑕᕐᓂᖓᓄᑦ ᐃᑲᔫᑎᖃᖃᑦᑕᓂᐊᕐᖓᑕ ᑐᑭᓯᐅᒪᓗᑎᒃ ᑐᑭᑖᕈᑎᖃᖃᑦᑕᓂᕐᒧᑦ ᕿᑭᖅᑕᓂ.

ᑖᓐᓇ ᐃᖅᑲᓇᐃᔮᖅ ᑐᑭᓯᐅᒪᖃᑦᑕᐅᑎᒍᑕᐅᑦᑎᐊᖃᑦᑕᕆᐊᓕᒃ, ᐋᖅᑭᔅᓱᐃᔪᓐᓇᑦᑎᐊᕈᑕᐅᔭᕆᐊᓕᒃ ᐊᒻᒪᓗ ᓯᕗᓪᓕᐅᔾᔭᐅᔭᕆᐊᓕᓐᓂᑦ ᐋᖅᑭᔅᓱᐃᔾᔪᑕᐅᔪᓐᓇᕆᐊᓕᒃ, ᐃᓚᒋᔭᐅᓪᓗᑎᒃ ᑐᓴᐅᒪᔭᐅᕈᓘᔭᕆᐊᖃᙱᑦᑐᓂᑦ ᑐᓴᐅᒪᔭᐅᑎᑦᑎᖃᑦᑕᖏᓐᓂᕐᒥᒃ ᐊᒻᒪᓗ ᓴᐳᔾᔨᖃᑦᑕᓂᕐᒥᒃ ᑐᓴᐅᒪᔭᐅᔭᕆᐊᖃᙱᑦᑐᓂᑦ. ᐊᖏᕐᓯᒪᔭᕆᐊᓕᒃ ᐊᐅᓪᓚᖃᑦᑕᕆᐊᖃᕋᔭᕐᒥᒻᒪᑦ ᐅᖓᓯᑦᑐᒦᑦᑐᓄᑦ ᐊᒻᒪᓗ ᐱᓕᕆᕕᐅᔪᓄᑦ. ᐃᖅᑲᓇᐃᔮᖃᕐᓂᐊᖅᑐᖅ ᖃᐅᔨᒪᑦᑎᐊᕆᐊᓕᒃ ᐊᑐᕈᓐᓇᕐᓗᓂ ᖃᕋᓴᐅᔭᓕᕆᔾᔪᑎᐅᓲᓂᑦ, ᖃᕋᓴᐅᔭᒃᑯᑦ ᓄᓇᙳᐊᓕᕆᔾᔪᑎᓂᑦ ᐊᒻᒪᓗ ᑎᑎᖅᑭᕆᔾᔪᑎᐅᓲᓂᑦ Microsoft Office ᑖᒃᑯᓂᖓ ᓈᒪᔪᓂᑦ. ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ ᓄᓇᓕᓐᓂᑦ ᐃᓚᒋᔭᐅᖃᑦᑕᕐᓯᒪᓂᖏᓐᓂᒃ, ᐊᒻᒪᓗ ᖃᐅᔨᒪᓂᖓᓂᒃ ᐊᑐᓲᖑᓂᖓᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑲᒪᒋᔭᖃᖅᑐᓂ ᓄᓇᒥᐅᑕᓕᕆᓂᕐᒨᖓᔪᓂᑦ.

ᐃᖅᑲᓇᐃᔮᖃᕐᓂᕐᒥᒃ ᖃᐅᔨᒪᓂᖃᕆᐊᓕᒃ ᐃᒪᕕᒻᒥᑦ ᓴᐳᔾᔨᕕᓕᕆᓂᕐᒥᒃ. ᐃᖅᑲᓇᐃᔮᖃᖃᑦᑕᕐᓯᒪᔭᕆᐊᓕᒃ ᐃᓚᒋᔭᐅᖃᑦᑕᖅᑐᓂ ᐅᕝᕙᓘᓐᓃᑦ ᓯᕗᓕᕐᓯᖃᑦᑕᖅᑐᓂ ᐃᓕᓐᓂᐊᕐᓂᐅᓲᓂᑦ ᑲᑎᒪᓂᒃᑯᑦ ᐊᒻᒪᓗ ᐅᓂᒃᑳᖃᑦᑕᕐᓯᒪᔭᕆᐊᓕᒃ ᐱᔭᕆᐊᑭᓪᓕᑎᑦᑎᔨᓄᑦ ᐅᕝᕙᓘᓐᓃᑦ ᑲᑎᒪᔨᕋᓛᕐᓄᑦ. ᑎᑎᕋᕈᓐᓇᑦᑎᐊᕆᐊᓕᒃ ᑎᑎᕋᖃᑦᑕᓂᐊᕐᖓᑦ ᐱᔭᕆᐊᑐᔪᓅᖓᔪᓂᑦ ᐅᓂᒃᑳᓂᑦ, ᖃᐅᔨᒃᑲᐃᔾᔪᑎᓂᑦ ᐊᒻᒪᓗ ᐅᓂᒃᑳᓂᑦ. ᖃᓪᓗᓇᐅᔭᕈᓐᓇᑦᑎᐊᕆᐊᓕᒃ ᐃᓄᒃᑎᑑᕈᓐᓇᑎᐊᕐᓗᓂᓗ.

ᑮᓇᐅᔾᔭᔅᓵᖃᕋᔭᖅᑐᖅ ᑕᒫᓃᑦᑐᓂᑦ ᑕᕝᕙᓂ ᐃᖅᑲᓇᐃᔮᖃᕐᓗᓂ $86,972ᓂᑦ $127,960ᓄᑦ ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕋᔭᕐᒥᔪᖅ $27,600ᓂᑦ ᐊᕐᕌᒍᑕᒫᑦ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.

ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:

Human Resources               ᐅᖄᓚᐅᑖ: (867) 975-8400

Qikiqtani Inuit Association       ᓱᒃᑲᔪᒃᑰᕈᑖ: (867) 979-3238

Igluvut building, 2^nd floor

P.O. Box 1340                  ᐃᕐᖐᓈᖅᑕᐅᑖ: Resumes@qia.ca

Iqaluit, NU X0A 0H0             ᑕᑯᓂᐊᕐᓗᒍ: Tuttarvik.qia.ca

ᒪᑐᕕᔅᓴᖓ ᐅᓪᓗᖅ:  ᒫᑦᓯ 15, 2024 5:00ᒨᖅᑎᓪᓗᒍ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ