ᐃᓄᖕᓄᑦ ᓯᓚᑖᓃᑦᑐᓄᑦ ᐃᖅᑲᓇᐃᔮᒃᓴᖅ 

ᐃᖅᑲᓇᐃᔮᒃᓴᖅ: ᐊᐅᓚᑦᑎᔨ, ᑐᓐᓂᖅᑯᓯᐊᓕᕆᓂᕐᒧᑦ & ᐃᑲᔫᓯᐊᒃᓴᓂᓪᓗ

ᐋᖅᑭᒃᓱᖅᓯᒪᓂᖓ: ᖃᐅᑕᒫᖅᓯᐅᑎ

ᓇᒥ: ᐃᖃᓗᐃᑦ, ᓄᓇᕗᑦ

ᒪᑐᐃᖓᔪᖅ: ᐃᓄᖕᓂᒃ ᓄᓇᕗᒥᐅᓄᑦ ᑭᓯᒥ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ  (ᕿᑭᖅᑕᓃᒃᑯᑦ) ᕿᓂᕐᒪᑕ ᐱᔪᓐᓇᑦᑎᐊᖅᑐᒥᒃ ᓯᕗᓕᖅᑎᐅᒐᔭᖅᑐᒧᑦ ᐊᐅᓚᑦᑎᔨᐅᓗᓂ ᑐᓐᓂᖅᑯᓯᓕᐊᕆᓂᕐᒧᑦ ᐊᒻᒪ ᐃᑲᔫᓯᐊᒃᓴᓂᒃ ᐃᖅᑲᓇᐃᔭᕐᕕᖕᒥ ᐃᓄᖕᓄᑦ ᐱᓕᕆᐊᒃᓴᓕᕆᓂᕐᒧᑦ ᐱᔨᑦᑎᕋᕐᓂᒧᓪᓗ.

ᐊᐅᓚᑦᑎᔨ ᑐᓐᓂᖅᑯᓯᐊᓕᕆᓂᕐᒧᑦ ᐃᑲᔫᓯᐊᒃᓴᓂᓗ ᐊᐅᓚᑦᑎᖃᑦᑕᕐᓂᐊᖅᑐᖅ ᑐᑭᒧᐊᒍᑎᒃᓴᓄᑦ ᐸᕐᓇᐃᓂᕐᒧᑦ ᐊᒻᒪᓗ ᑲᑐᔾᔨᖃᑎᖃᕐᓗᓂ ᓴᖅᑭᑎᑕᐅᓂᖏᓐᓂᒃ ᕿᑭᖅᑕᓃᒃᑯᑦ ᑐᒃᓯᕋᐅᑎᑎᒎᖅᑐᓂᒃ ᑐᓐᓂᖅᑯᓯᐊᒃᓴᓂᒃ ᐃᑲᔫᓯᐊᒃᓴᓂᓗ.  ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᐅᑉ ᑐᖏᓕᖓᓂᒃ, ᑖᓐᓇ ᐊᐅᓚᑦᑎᔨ ᑐᑦᑕᕐᕕᓪᓗᐊᑕᐅᓂᐊᖅᑐᖅ ᓴᖅᑭᑎᑦᑎᖃᑦᑕᕐᓂᐊᖅᖢᓂ ᐊᑐᓕᖁᔨᔾᔪᑎᓂᒃ, ᐅᖃᐅᔾᔪᕆᐊᖅᑎᐅᓗᓂ, ᐊᒻᒪᓗ ᑐᓴᖅᑎᑦᑎᕙᓪᓗᓂ ᕿᑭᖅᑕᓃᒃᑯᑦ ᐊᖓᔪᖅᑲᐅᑎᖏᓐᓂᒃ ᐊᒻᒪ ᑎᒥᐅᑉ ᓯᓚᑖᓃᑦᑐᓂᓪᓗ ᑲᑎᒪᔨᕋᓛᓂᒃ ᐱᔾᔪᑎᒋᓪᓗᒍ ᑐᒃᓯᕋᐅᑎᑎᒎᖅᑐᓂᒃ ᑮᓇᐅᔭᖅᑖᕈᒪᓂᕐᒧᑦ ᐱᓕᕆᐊᒃᓴᓂᒃ ᐃᓄᖕᓄᑦ ᕿᑭᖅᑕᓂᒥᐅᓄᑦ.  ᑖᓐᓇ ᐊᐅᓚᑦᑎᔨ ᑐᓐᓂᖅᑯᓯᐊᓕᕆᓂᕐᒧᑦ ᐃᑲᔫᓯᐊᒃᓴᓂᓗ ᐊᐅᓚᑦᑎᓂᐊᖅᑐᖅ ᐊᒻᒪᓗ ᓯᕗᒃᑲᖅᑎᒋᔭᐅᓗᓂ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᐱᒋᐊᕈᑎᓂᓪᓗ ᑐᕌᖓᔪᓂᒃ ᑐᑭᒧᐊᒍᑎᒃᓴᓄᑦ ᐱᓕᕆᐊᒃᓴᓄᑦ ᐸᕐᓇᐃᓂᕐᒥᒃ, ᐊᑐᓕᖅᑎᑦᑎᓂᕐᒥᒃ ᐊᒻᒪᓗ ᐅᓂᒃᑳᓕᐅᕈᑎᒋᕙᓪᓗᒋᑦ.

ᑖᓐᓇ ᐃᖅᑲᓇᐃᔮᖅ ᓯᕗᒧᐊᖅᑎᑦᑎᖃᑦᑕᕐᓂᐊᖅᑐᖅ ᑐᑭᒧᐊᒍᑎᓕᐊᖑᓯᒪᔪᓂᒃ ᐱᓕᕆᐊᖑᔪᓄᑦ ᐋᖅᑭᒃᓱᐃᓗᓂ, ᐊᑐᓕᖅᑎᑦᑎᓗᓂ ᐊᒻᒪᓗ ᑲᒪᔨᐅᓪᓗᐊᑕᕐᓗᓂ ᑎᒥᐅᔫᑉ ᑐᓐᓂᖅᑯᓯᐊᒃᓴᖏᓐᓂᒃ ᐃᑲᔫᓯᐊᒃᓴᖏᓐᓂᓗ.  ᑖᓐᓇ ᐃᖅᑲᓇᐃᔮᖅ ᐱᔨᑦᓯᖃᑦᑕᕐᓂᐊᖅᑐᑦ ᓄᓇᓕᖕᓂᑦ ᐱᓕᕆᐊᒃᓴᑦ ᓴᖅᑭᑕᐅᓂᖏᓐᓄᑦ, ᖃᐅᔨᓴᖅᑕᐅᓂᖏᓐᓄᑦ, ᐊᒻᒪᓗ ᐅᓂᒃᑳᓕᐅᕈᑕᐅᓂᖏᓐᓄᑦ ᖃᓄᖅ ᐱᓕᕆᐊᒃ ᑲᔪᓯᑦᑎᐊᖅᑎᒋᓚᐅᕐᒪᖔᑦ ᐃᖅᑲᓇᐃᔮᖅ ᖃᓂᑦᑐᒥᒃ ᐃᖅᑲᓇᐃᔭᖃᑎᖃᕐᓂᐊᖅᑐᖅ ᐃᓄᖕᓂᒃ, ᒐᕙᒪᐅᔪᓂᒃ ᐊᒻᒪᓗ ᓄᓇᓕᖕᓂᑦ ᑎᒥᐅᔪᓂᒃ ᐃᑲᔪᖅᑕᐅᓯᒪᑦᑎᐊᕐᓂᐊᕐᒪᑕ ᐋᖅᑭᒃᓱᖅᑕᐅᓂᖏᓐᓂᒃ ᐱᓕᕆᐊᒃᓴᐅᓂᐊᖅᑐᓂᒃ, ᐊᑐᐊᒐᕐᒥᒃ ᐊᒻᒪᓗ ᐱᒋᐊᕈᑎᒋᔭᐅᔪᓐᓇᖅᑐᓂᒃ ᐱᔾᔪᑎᒋᓪᓗᒋᑦ ᐃᓅᓯᕐᓅᖓᔪᓂᒃ, ᐃᓕᖅᑯᓯᓕᕆᓂᕐᒥᒃ, ᐱᕙᓪᓕᐊᑎᑦᑎᓂᕐᒥᒃ ᐊᒻᒪᓗ ᓄᓇᓕᖕᓂᑦ ᐱᕙᓪᓕᐊᔪᓕᕆᓂᕐᒥᒃ ᐊᒃᑐᐃᔪᓄᑦ ᐃᓄᖕᓂᒃ ᕿᑭᖅᑕᓂᒥᐅᓂᒃ.

ᑐᒃᓯᕋᖃᑦᑕᖅᑐᑦ ᓇᓗᓇᐃᔭᐃᑦᑎᐊᕆᐊᖃᖅᐳᑦ ᐱᓕᕆᐊᕐᒥᒃ ᐊᐅᓚᑦᑎᔪᓐᓇᕐᓂᖏᓐᓂᒃ, ᖃᐅᔨᓴᕈᓐᓇᕐᓗᑎᒃ ᐊᒻᒪᓗ ᐅᔾᔨᖅᓱᑦᑎᐊᖃᑦᑕᕐᓗᓂ ᖃᓄᐃᓕᐅᖅᑕᐅᔪᓂᒃ ᐃᓗᓕᑯᓘᔮᖏᓐᓂᒃ.

ᒪᕐᕉᓂᒃ ᐊᕐᕌᒍᓂᒃ ᓯᕗᓕᖅᑎᐅᓂᕐᒥᒃ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖃᑎᒋᔭᐅᔪᓂᒃ, ᐃᓚᒋᓗᒍ ᐱᓕᕆᐊᕐᒥ ᐊᐅᓚᑦᑎᔪᓐᓇᕐᓂᕐᒥᒃ.  ᐃᖅᑲᓇᐃᔭᖃᑎᖃᑦᑎᐊᕈᓐᓇᕆᐊᓕᒃ ᐊᒻᒪᓗ ᐅᖃᓪᓚᑦᑎᐊᕈᓐᓇᕐᓗ ᑎᑎᕋᕈᓐᓇᑦᑎᐊᕐᓗᓂᓗ ᓴᖅᑭᑎᑦᑎᖃᑦᑕᕐᓂᐊᖅᐸᑦ ᐅᓂᒃᑳᖅᑕᐅᓂᐊᖅᑐᓂᒃ ᐊᒻᒪᓗ ᓯᕗᓕᖅᑎᐅᓗᓂ ᐱᔭᕆᐊᑭᓪᓕᑎᑦᑎᓕᕆᔨᓂᒃ ᐊᒻᒪᓗ ᑲᑎᒪᔨᕋᓛᖑᔪᓂᒃ. ᐱᓕᕆᑦᑎᐊᕆᐊᖃᕐᓂᕐᒥᒃ ᐊᒃᓱᕈᓐᓇᖅᑐᒃᑰᕋᓗᐊᖅᑎᓪᓗᒍ ᐱᒻᒪᕆᐅᓂᐊᖅᑐᖅ ᐃᖅᑲᓇᐃᔮᒥᒃ.  ᑮᓇᐅᔭᓕᕆᔪᓐᓇᒐᓚᓪᓗᑎᑦ ᐊᒻᒪᓗ ᑎᑎᖅᑭᕆᔾᔪᑎᓂᒃ ᖃᕆᓴᐅᔭᒃᑯᑦ ᐊᑐᕈᓐᓇᕐᓗᑎᒃ  Microsoft Office, ᐱᖃᓯᐅᑎᓗᒍ. ᐃᓄᒃᑎᑑᕈᓐᓇᑦᑎᐊᕆᐊᓕᒃ

ᓇᓗᓇᐃᒃᑯᑕᖅᑖᖅᓯᒪᓂᑰᒋᐊᓕᒃ ᐃᓅᓯᕐᓅᖓᔪᖤᒃ ᐃᓕᓐᓂᐊᕐᓂᕐᒥᒃ ᐅᕝᕙᓘᓐᓃᑦ ᓇᖕᒥᓂᕐᒥᒃ ᐊᐅᓚᑦᑎᔪᓐᓇᕐᓂᕐᒧᑦ ᓇᓗᓇᐃᒃᑯᑕᖅᑖᕐᕕᒋᓯᒪᓗᒋᑦ.  ᑲᑎᓪᓗᒋᑦ ᐃᓕᓐᓂᐊᕐᓂᐅᔪᑦ ᐃᖅᑲᓇᐃᔮᖑᖃᑦᑕᖅᓯᒪᔪᓂᓪᓗ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ ᓈᒻᒪᒋᔭᐅᓗᑎᒃ.  ᐸᓖᓯᒃᑯᓐᓄᑦ ᖃᐅᔨᓴᖅᑕᐅᒋᐊᖃᖅᖢᑎᒃ ᐱᕋᔭᒃᓯᒪᙱᒃᑲᓗᐊᕐᒪᖔᖅᐲᑦ.

ᐱᒋᐊᕈᑖ ᑮᓇᐅᔭᓕᐅᕐᓂᐊᖅᑐᖅ $91,804 ᐊᕐᕌᒍᑕᒫᑦ, ᐊᒻᒪᓗ ᓄᓇᕗᒥ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᓯᐊᒥᒃ  $27,600ᑖᓚᓂ ᐊᕐᕌᒍᑕᒫᑦ. ᕿᑲᕆᐊᕈᑎᒃᓴᖃᖅᑎᑦᑎᔪᑦ, ᓇᓪᓕᐅᒃᑯᒫᓂᒃ ᐊᒻᒪᓗ NEBSᓂᓗ ᐃᑲᔫᓯᐊᖑᖃᑕᐅᔪᑦ

ᐃᓪᓗᒃᓴᖃᖅᑎᑦᑎᙱᑦᑐᑦ.

ᐱᓇᓲᑎᑎ ᑐᓂᒍᓐᓇᖅᑕᓯ ᓇᒃᓯᐅᑎᓗᒋᓪᓘᓐᓃᑦ ᓱᑲᑦᑐᒃᑯᑦ, ᐃᕐᖐᓐᓈᕈᑎᒃᑯᑦ, ᐋᓪᓗᒍ, ᐅᕝᓘᓐᓃᑦ ᓇᒃᓯᐅᑎᓗᒍ ᐅᕗᖓ:  

ᐃᖅᑲᓇᐃᔭᖅᑐᓕᕆᔨᒃᑯᑦ                              ᐅᖄᓚᐅᑖ (867) 975-8400

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ                     ᐅᖄᓚᐅᑖ: (867) 975-8400

922 ᓂᐊᖁᙴᓯᐊᕆᐊᖅ ᐊᖅᑯᑖᓂ, ᖄᖅᑎᖓᓂ 2ᒥ       ᓱᒃᑲᔪᒃᑰᕈᑖ: (867) 979-3238

ᐃᖃᓗᐃᑦ, ᓄᓇᕗᑦ X0A 0H0                         ᐃᕐᖐᓈᖅᑕᐅᑖ: Resumes@qia.ca

ᒪᑐᕝᕕᒃ: ᒪᑐᐃᖓᓂᐊᖅᑐᖅ ᐃᓐᓄᒃᑕᐅᓂᖓᓄᑦ