ᐃᖅᑲᓇᐃᔭᖅᑎᓄᑦ/ᐃᓄᓕᒫᓄᑦ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐃᓄᓐᓂᑦ ᐃᓚᒋᔭᐅᑎᑦᑎᖃᑦᑕᓂᕐᒨᖓᔪᓂᑦ ᐃᖅᑲᓇᐃᔭᖅᑎᓪᓗᐊᑕᖅ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᓐᓄᑦ ᐃᖅᑲᓇᐃᔮᖅᑖᕈᒪᔪᓄᑦ ᐊᑎᓕᐅᖅᑕᐅᓯᒪᔪᓄᑦ ᐃᓚᒋᔭᐅᔾᔪᑎᓕᓐᓄᑦ ᓄᓇᕗᒻᒥ ᓄᓇᑖᕈᑎᓂᑦ
ᐃᑉᐱᒍᓱᓪᓚᕆᑉᐲᑦ ᐊᑐᖅᑎᑦᑎᒋᐊᒃᑲᓂᕐᓂᕐᒥᒃ ᐊᑑᑎᓕᒻᒥᒃ ᐃᓚᒋᔭᐅᑎᑦᑎᖃᑦᑕᓂᕐᒥᒃ ᐊᒻᒪᓗ ᐋᖅᑭᔅᓱᐃᕙᓪᓕᐊᓂᕐᒥᒃ ᐃᓚᒌᑦᑎᐊᕈᓯᕐᒥᒃ? ᐃᓄᓐᓄᑦ ᐃᓚᒋᔭᐅᑎᑦᑎᖃᑦᑕᓂᕐᒧᑦ ᐃᖅᑲᓇᐃᔭᖅᑎᓪᓗᐊᑕᐅᓗᑎᑦ, ᐊᖅᑯᑎᐅᖃᑦᑕᕐᓂᐊᕋᕕᑦ ᓄᓇᓕᓐᓂᑦ ᐊᒻᒪᓗ ᓄᓘᔮᓕᕆᓂᕐᒥᒃ, ᐃᑲᔪᖃᑦᑕᕐᓗᑎᑦ ᑐᑭᓯᑎᑦᑎᓂᕐᒥᒃ ᐊᒻᒪᓗ ᐊᓂᒍᐃᑎᑦᑎᖃᑦᑕᓂᕐᒥᒃ ᐱᓇᐃᓗᑕᐅᕙᑦᑐᓂᑦ ᐃᓚᒋᔭᐅᖃᑦᑕᕈᒪᒐᓗᐊᖅᑎᓪᓗᒋᑦ ᓯᕗᓕᕐᓯᓯᓐᓈᑦ ᐃᓕᓐᓂᐊᕐᓂᓕᕆᓂᕐᒧᑦ, ᐱᓕᒻᒪᔅᓴᕈᑎᔅᓴᓄᑦ, ᐃᖅᑲᓇᐃᔮᔅᓴᓄᑦ, ᐊᒻᒪᓗ ᐃᓅᓯᕐᒨᖓᔪᓂᑦ ᐱᕚᓪᓕᕈᑎᔅᓴᓄᑦ ᐃᓄᓐᓄᑦ ᑐᕌᖓᔪᓂᑦ. ᐃᖅᑲᓇᐃᔮᑦ ᐊᑑᑎᖃᑦᑎᐊᓂᐊᕐᖓᑦ ᖃᐅᔨᒪᑦᑎᐊᕈᑕᐅᖃᑦᑕᕐᓗᓂ ᐃᓄᐃᑦ ᑕᑯᓐᓈᕈᓯᖏᑦ ᐊᒻᒪᓗ ᓯᕗᓪᓕᐅᑎᖃᑦᑕᖅᑕᖏᑦ ᓴᖅᑭᔮᑦᑎᐊᕋᓗᐊᕐᒪᖔᑕ ᐃᓘᓐᓇᓕᒫᑦᑎᐊᖏᓐᓂᒃ ᐃᓄᐃᑦ ᐊᑦᑐᑦᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᑦ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᐱᔾᔪᑕᐅᔪᓂᑦ.
ᑐᑭᒧᐊᑦᑎᑦᑎᔨᖃᕐᓗᓂ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓄᑦ (IIBA) ᐊᐅᓚᑦᑎᔨᒥᒃ, ᑖᔅᓱᒥᖓ ᐃᖅᑲᓇᐃᔮᖃᕐᓗᓂ ᐊᐅᓪᓗᔾᔨᖃᑦᑕᓂᐊᖅᑐᖅ ᐋᖅᑭᔅᓱᐃᑦᑎᐊᓂᕐᒥᒃ ᐱᓕᕆᖃᑎᒌᔾᔪᓯᕆᕙᑦᑕᖏᓐᓂᒃ, ᑐᓴᖅᑕᐅᑎᑦᑎᒋᐊᒃᑲᓐᓂᖃᑦᑕᓂᕐᒥᒃ ᐃᓄᐃᑦ ᐅᖃᐅᓯᕆᕙᑦᑕᖏᓐᓂᒃ, ᐊᒻᒪᓗ ᖃᐅᔨᒪᒋᐊᑦᑎᐊᖃᑦᑕᓂᕐᒥᒃ ᑕᒪᒃᑭᖅᑐᑎᒃ ᑐᓴᐅᒪᖃᑦᑕᐅᑎᖃᑦᑕᕋᓗᐊᕐᒪᖔᑕ ᒪᑯᐊ ᐃᓄᐃᑦ, ᐊᑑᑎᕕᐅᖃᑕᐅᔪᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA), ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑏᑦ.
ᐊᑐᓕᕐᓗᓂ ᐊᑑᑎᓕᒻᒥᒃ ᐃᓚᒋᔭᐅᑎᑦᑎᖃᑦᑕᓂᕐᒥᒃ ᐊᒻᒪᓗ ᐋᖅᑭᔅᓱᐃᑦᑎᐊᓂᕐᒥᒃ ᐱᓕᕆᖃᑎᒌᔾᔪᓯᕆᕙᑦᑕᖏᓐᓂᒃ. ᐊᑑᑎᖃᓪᓗᐊᑕᕐᓂᐊᖅᑐᖅ ᐃᖅᑲᓇᐃᔮᕆᕙᑦᑕᖓᓂ ᐃᓄᓐᓂᑦ ᐃᓚᒋᔭᐅᑎᑦᑎᖃᑦᑕᓂᕐᒧᑦ ᐃᖅᑲᓇᐃᔭᖅᑎᓪᓗᐊᑕᖅ ᐃᑲᔪᖃᑦᑕᕐᓗᓂ ᑐᑭᓯᑎᑦᑎᓂᕐᒥᒃ ᐊᒻᒪᓗ ᐊᓂᒍᐃᑎᑦᑎᖃᑦᑕᓂᕐᒥᒃ ᐱᓇᐃᓗᑕᐅᕙᑦᑐᓂᑦ ᐃᓄᐃᑦ ᐃᓚᒋᔭᐅᒍᒪᖃᑦᑕᑎᓪᓗᒋᑦ ᓄᓘᔮᓕᕆᓂᕐᒥᒃ. ᐃᖅᑲᓇᐃᔮᓕᒃ ᑲᒪᒋᔭᖃᖃᑦᑕᓂᐊᖅᑐᖅ ᖃᐅᔨᒪᒋᐊᑦᑎᐊᖃᑦᑕᓂᕐᒥᒃ ᐊᑐᓕᖅᑎᑕᐅᕙᓪᓕᐊᑦᑎᐊᕋᓗᐊᕐᒪᖔᑕ ᐊᖏᕈᑏᑦ IIBA ᐱᔨᑦᑎᕋᐅᑎᖃᖃᑦᑕᕐᓗᓂ ᐃᖅᑲᓇᐃᔮᕐᓅᖓᔪᓂᑦ, ᐱᓕᕆᐊᕐᓅᖓᔪᓂᑦ, ᐃᓕᓐᓂᐊᓂᕐᒧᖓᔪᓂᑦ ᐱᓕᒻᒪᔅᓴᕐᓂᕐᒨᖓᔪᓂᓪᓗ, ᐊᒻᒪᓗ ᐃᓅᓯᕐᒨᖓᔪᓂᑦ ᐱᕚᓪᓕᕈᑎᔅᓴᓂᑦ ᓄᓘᔮᓐᓂ ᐱᓕᕆᐊᕐᒨᖓᔪᓂᑦ ᐃᓄᓐᓄᑦ. ᑕᒪᒃᑯᓂᖓ ᐊᑐᓕᖅᑎᑦᑎᕙᓪᓕᐊᓂᐊᖅᑐᖅ ᐋᖅᑭᔅᓱᐃᕙᓪᓕᐊᓗᓂ ᐋᖅᑭᐅᒪᑎᑦᑎᓗᓂᓗ ᐱᓕᕆᖃᑎᒌᓐᓂᕆᕙᑦᑕᖏᓐᓂᒃ ᑭᒃᑯᑐᐃᓐᓇᕐᓄᑦ ᐊᑑᑎᕕᐅᖃᑦᑕᐅᕙᑦᑐᓄᓪᓗ ᓄᓇᓕᓐᓂᑦ. ᐃᖅᑲᓇᐃᔮᓕᒃ ᖃᐅᔨᒪᒋᐊᑦᑎᐊᖃᑦᑕᓂᐊᖅᑐᖅ ᐃᓄᐃᑦ ᑕᑯᓐᓈᕈᓯᖏᑦ, ᐊᑐᖃᑦᑕᕐᓯᒪᔭᖏᑦ ᓯᕗᓪᓕᐅᑎᓯᒪᔭᖏᓪᓗ ᐃᓚᓕᐅᔾᔭᐅᓯᒪᒐᓗᐊᕐᒪᖔᑕ ᐊᑐᓕᖅᑎᑦᑎᕙᓪᓕᐊᑎᓪᓗᒋᑦ ᐊᖏᕈᑎᓂᑦ IIBA. ᑕᐃᒫᒃ, ᐃᓄᓐᓄᑦ ᐃᓚᒋᔭᐅᑎᑦᑎᖃᑦᑕᓂᕐᒧᑦ ᐃᖅᑲᓇᐃᔭᖅᑎᓪᓗᐊᑕᖅ ᐃᖅᑲᓇᐃᔮᖃᖃᑦᑕᓂᐊᖅᑐᖅ ᐊᖅᑯᑎᓪᓗᐊᑕᐅᓗᓂ ᐊᖏᕈᑎᓂᑦ IIBA ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᓄᓐᓄᑦ ᕿᑭᖅᑕᓂ ᓄᓇᓕᓐᓂᑦ.
ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ ᑐᑭᓯᐅᒪᑦᑎᐊᕐᓂᖏᓐᓂᒃ ᓄᓇᕗᑦ ᐊᖏᖃᑎᒌᒍᑎᖏᓐᓂᒃ ᐊᒻᒪᓗ ᑐᑭᓯᐅᒪᓗᑎᒃ ᓄᓘᔮᓐᓂ ᐱᓕᕆᐊᕐᒥᑦ ᐊᒻᒪᓗ ᓄᓘᔮᓐᓂ ᐊᖏᕈᑎᓂᑦ IIBA. ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑦᑎᐊᕆᐊᓕᒃ, ᐊᒻᒪᓗᑦᑕᐅᖅ ᖃᓪᓗᓇᐅᔭᕈᓐᓇᑎᐊᕐᓗᓂ ᐃᓄᑦᑎᑑᕈᓐᓇᑎᐊᕐᓗᓂᓗ. ᐋᖅᑭᔅᓱᐃᔪᓐᓇᑦᑎᐊᕆᐊᓕᒃ ᐊᒻᒪᓗ ᐃᑉᐱᒍᓱᑦᑎᐊᕈᓐᓇᕆᐊᓕᒃ ᓇᓗᓇᐃᔭᕐᓯᒪᔪᓂᑦ. ᐅᓂᒃᑳᖃᑦᑕᓕᓂᐅᒋᐊᓕᒃ ᐅᕝᕙᓘᓐᓃᑦ ᑲᑎᒪᑎᑦᑎᖃᑦᑕᓕᓂᐅᒋᐊᓕᒃ ᐃᓕᓐᓂᐊᖅᑐᓂᑦ ᑖᔅᓱᒥᖓ ᐃᖅᑲᓇᐃᔮᖃᑦᑎᐊᓂᐊᕐᖓᑦ ᐃᖅᑲᓇᐃᔮᔅᓴᒥᒃ, ᑖᓐᓇ ᐃᖅᑲᓇᐃᔮᔅᓴᖅ ᐃᖅᑲᓇᐃᔮᕆᓂᐊᕐᖓᒍ ᑕᑎᒋᔭᐅᔪᓐᓇᕐᓗᓂ ᐊᖏᔪᖅᑲᐅᑎᓄᑦ. ᐃᖅᑲᓇᐃᔮᖅᑖᕋᓱᑦᑐᑦ ᖃᕋᓴᐅᔭᒃᑯᑦ ᑎᑎᖅᑭᕆᔾᔪᑕᐅᓲᓂᑦ Microsoft Office ᑎᑎᖅᑭᕆᔪᓐᓇᕆᐊᓕᒃ ᐊᒻᒪᓗ ᒪᕐᕉᓐᓂᒃ (2) ᐊᕐᕌᒎᓐᓂᒃ ᐃᖅᑲᓇᐃᔮᖃᕐᓂᑰᓗᓂ ᑎᑎᕋᖃᑦᑕᓂᕐᒧᑦ ᑎᑎᕋᖅᑕᐅᔭᕆᐊᓕᓐᓂᒃ ᐊᒻᒪᓗ ᐱᓕᕆᐊᕐᒥ ᐊᐅᓚᑦᑎᓂᕐᒥᒃ.
ᐃᖅᑲᓇᐃᔮᖃᕐᓂᑰᑉᐸᑦ ᐅᔭᕋᓐᓂᐊᓂᕐᒧᑦ ᐃᖅᑲᓇᐃᔭᕐᕕᒻᒥ ᐊᑑᑎᖃᑦᑎᐊᕋᔭᕐᒥᔪᖅ.
ᐱᐅᓯᕆᔭᐅᒐᔪᒻᒪᑦ, ᒪᕐᕉᓐᓂᒃ ᐊᕐᕌᒎᓐᓂᒃ ᐃᓕᓐᓂᐊᕈᑎᓂᑦ ᓄᓇᖃᖅᑳᖅᑐᑦ ᒥᔅᓵᓄᑦ ᐅᕝᕙᓘᓐᓃᑦ ᐊᕙᑎᓕᕆᓂᕐᒥᒃ ᐃᓕᓐᓂᐊᕐᓯᒪᔭᕆᐊᓕᒃ. ᐱᓕᕆᐊᕐᒥ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᖅᑖᕐᓯᒪᑉᐸᑦ ᐊᑑᑎᖃᕋᔭᖅᑐᖅ. ᑕᒪᒃᑮᓐᓂᒃ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᐃᖅᑲᓇᐃᔮᖃᕐᓯᒪᑉᐸᓪᓗ ᓈᒻᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᓂᖏᓐᓂᒃ ᐃᓱᒪᒋᔭᐅᓗᓂ. ᓇᒻᒪᑦᑐᒥᒃ ᐱᕋᔭᓚᐅᕐᓯᒪᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔾᔪᑎᖃᕐᓯᒪᔭᕆᐊᓕᒃ. ᑮᓇᐅᔾᔭᔅᓵᖃᕋᔭᖅᑐᖅ ᑕᕝᕙᓂ ᐃᖅᑲᓇᐃᔮᕐᒥ ᑕᒫᓃᑦᑐᓂᒃ $84,604 ᑎᑭᐅᒪᔪᓂᒃ ᑕᒪᐅᖓ $124,086 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ $27,600 ᐊᕐᕌᒍᑕᒫᑦᔭ ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᐊᐱᕐᓱᖅᑕᐅᒍᒪᒐᔭᖅᑐᑦ ᑭᓯᐊᓂ ᐅᖃᕐᕕᐅᖃᑦᑕᓛᕐᒥᔪᑦ. ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖄᓚᐅᑖ: (867) 975-8400
922 ᓂᐊᖁᙴᓯᐊᕆᐊᖅ ᐊᖅᑯᑖᓂ, ᖄᖅᑎᖓᓂ 2ᒥ ᓱᒃᑲᔪᒃᑰᕈᑖ: (867) 979-3238
ᐃᖃᓗᐃᑦ, ᓄᓇᕗᑦ X0A 0H0 ᐃᕐᖐᓈᖅᑕᐅᑖ: Resumes@qia.ca; Tuttarvik.qia.ca
ᒪᑐᕕᔅᓴᖓᑕ ᐅᓪᓗᖓ: ᑎᓯᐱᕆ 27, 2024 5:00ᒥ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
