ᐃᖅᑲᓇᐃᔭᖅᑎᓄᑦ / ᐃᓄᓕᒫᓄᑦ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐃᖅᑲᓇᐃᔭᖅᑎ, ᑐᓐᓂᖅᑯᓯᐊᔅᓴᓂᑦ ᐃᑲᔫᓯᐊᔅᓴᓂᓪᓗ ᐱᓕᕆᐊᓂᑦ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᓄᓇᕗᒻᒥᐅᓄᑦ ᐃᓄᓐᓄᑦ ᐃᖅᑲᓇᐃᔮᖅᑖᕋᓱᑦᑐᓄᑦ ᐃᓚᒋᔭᐅᔾᔪᑎᓕᓐᓄᑦ ᓄᓇᕗᑦ ᐊᖏᖃᑎᒌᒍᑎᖏᓐᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᓴᕐᓯᐅᖅᑐᑦ!
ᐃᖅᑲᓇᐃᔭᖅᑎᐅᒐᔭᖅᑐᖅ, ᑐᓐᓂᖅᑯᓯᐊᔅᓴᓄᑦ ᐃᑲᔫᓯᐊᔅᓴᓄᓪᓗ ᐱᓕᕆᐊᕐᓂᑦ ᐊᑐᓕᖅᑎᑦᑎᕙᓪᓕᐊᑦᑎᐊᖁᓪᓗᒋᑦ ᐊᐅᓚᑦᑎᔾᔪᑎᖃᖃᑦᑕᖁᓪᓗᒋᓪᓗ ᕿᑭᖅᑕᓂᒃᑯᓐᓂᑦ ᐃᓅᓯᕐᒨᖓᔪᓂᑦ ᐱᓕᕆᐊᖑᕙᑦᑐᓂᑦ, ᒪᑯᓂᖓ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖅ (QCAP), ᐃᓚᒌᒃᑐᓄᑦ ᑮᓇᐅᔭᑦ, ᐊᒻᒪᓗ ᐊᓯᖏᑦ ᑐᔅᓯᕋᐅᑎᑎᒎᖓᔪᑦ ᐱᓕᕆᐊᑦ.
ᑐᑭᒧᐊᑦᑎᑦᑎᔨᖃᕐᓗᓂ ᐱᓕᕆᐊᕐᒥ ᐊᐅᓚᑦᑎᔨᒥᒃ ᑐᓐᓂᖅᑯᓯᐊᔅᓴᓄᑦ ᐃᑲᔫᓯᐊᔅᓴᓄᓪᓗ, ᑕᕝᕙᓂ ᐃᖅᑲᓇᐃᔮᕐᒥ ᑲᒪᒋᔭᖃᖃᑦᑕᓂᐊᖅᑐᖅ ᐊᐅᓚᑦᑎᔾᔪᑎᓂᑦ ᑐᔅᓯᕋᐅᑎᑎᒍᑦ ᐱᓕᕆᐊᖑᕙᑦᑐᓂᑦ ᐊᒻᒪᓗ ᑭᐅᔨᒋᔭᐅᖃᑦᑕᕐᓗᓂ ᑐᑭᓯᓇᑦᑎᐊᖅᒥᒃ ᐊᒻᒪᓗ ᑭᐅᔨᒋᔭᐅᔪᓐᓇᕐᓗᓂ ᐊᑐᖃᑦᑕᓂᕐᒥᒃ ᐊᒻᒪᓗ ᐊᐅᓚᑦᑎᖃᑦᑕᓂᕐᒥᒃ ᐃᓅᓯᕐᒨᖓᔪᓂᑦ ᐱᓕᕆᐊᓂᑦ ᐱᓇᓱᐊᕈᑕᐅᔪᓂᓪᓗ ᑲᒪᒋᔭᐅᕙᑦᑐᓂᑦ ᐅᕝᕙᓘᓐᓃᑦ ᑮᓇᐅᔭᖃᖅᑎᑕᐅᕙᑦᑐᓂᑦ ᕿᑭᖅᑕᓂᒃᑯᓐᓂᑦ. ᑕᕝᕙᓂ ᐃᖅᑲᓇᐃᔮᕐᒥ ᐃᑲᔪᓪᓗᐊᑕᖃᑦᑕᓂᐊᖅᑐᖅ ᕿᑭᖅᑕᓂᒃᑯᓐᓂᑦ ᑐᔅᓯᕋᐅᑎᑎᒍᑦ ᐱᓕᕆᐊᓂᑦ ᑲᒪᒋᔭᖃᖃᑦᑕᕐᓗᓂ ᐱᓕᕆᐊᓂᑦ ᒪᑯᓂᖓ ᐃᓚᖃᖅᑐᓂ ᓯᕗᕐᖓᒍᑦ ᕿᒥᕐᕈᖃᑦᑕᕐᓂᖅ ᑮᓇᐅᔭᓂᑦ ᑐᔅᓯᕋᐅᑕᐅᓯᒪᔪᓂᑦ ᐱᔭᕇᕐᓯᒪᑦᑎᐊᕋᓗᐊᕐᒪᖔᑕ ᐱᑦᑎᐊᕐᓯᒪᒐᓗᐊᕐᒪᖔᑕᓗ, ᐊᑐᓕᖁᔨᔾᔪᑎᓕᐅᖃᑦᑕᕐᓗᓂ ᐱᔾᔪᑎᒋᓪᓗᒋᑦ ᑮᓇᐅᔭᓂᑦ ᐊᖏᖅᑕᐅᖁᔨᓗᓂ, ᑐᓴᐅᒪᖃᑦᑕᐅᑎᖃᑎᒋᖃᑦᑕᕐᓗᒋᑦ ᑐᔅᓯᕋᕐᓯᒪᔪᑦ, ᐊᒻᒪᓗ ᑲᒪᒋᔭᖃᖃᑦᑕᕐᓗᓂ ᐃᑲᔫᑎᓄᑦ ᐊᖏᖃᑎᒌᒍᑎᓂᑦ, ᖃᐅᔨᓴᖃᑦᑕᕐᓗᓂ ᑮᓇᐅᔭᖅᑖᖅᑎᑕᐅᓯᒪᔪᓂᑦ ᐱᓕᕆᐊᓂᑦ ᐊᒻᒪᓗ ᓄᐊᑦᑎᖃᑦᑕᕐᓗᓂ ᐅᓂᒃᑳᓕᐅᕈᑕᐅᔭᕆᐊᓕᓐᓂᑦ ᐃᑲᔪᖅᑕᐅᓯᒪᔪᓂᑦ.
ᑕᕝᕙᓂ ᐃᖅᑲᓇᐃᔮᖃᑦᑎᐊᕈᓐᓇᓂᐊᕐᖓᑦ, ᐃᖅᑲᓇᐃᔮᖅᑖᕋᓱᑦᑐᑦ ᑕᑯᖅᑯᔾᔨᒋᐊᓖᑦ ᐃᖅᑲᓇᐃᔭᖃᑎᖏᓐᓂᒃ ᐱᓕᕆᖃᑎᖃᑦᑎᐊᕈᓐᓇᕐᓂᖏᓐᓂᒃ ᐊᒻᒪᓗ ᐱᓕᕆᖃᑎᖃᕈᓐᓇᑎᐊᕐᓂᖓᓂᒃ.
ᐱᓕᕆᐊᕐᒥ ᐊᐅᓚᑦᑎᒍᓐᓇᑎᐊᕐᓗᓂ ᐊᒻᒪᓗ ᑎᑎᖅᑭᕆᔾᔪᑎᓂᑦ ᐊᐅᓚᑦᑎᒍᓐᓇᑎᐊᕐᓗᓂ ᐊᑑᑎᖃᕋᔭᖅᑐᖅ. ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑦᑎᐊᕆᐊᓕᒃ ᑐᔅᓯᕋᕐᐸᑦᑐᓂᑦ ᐊᒻᒪᓗ ᑐᑭᓯᐅᒪᑎᑦᑎᓂᕐᒧᑦ ᐱᓕᕆᐊᑉ ᒥᔅᓵᓅᖓᔪᓂᑦ. ᐃᓄᒃᑎᑑᕈᓐᓇᑦᑎᐊᕆᐊᓕᒃ ᖃᓪᓗᓇᐅᔭᕈᓐᓇᑎᐊᕐᓗᓂᓗ. ᐃᖅᑲᓇᐃᔮᖅᑖᕋᓱᑦᑐᑦ ᐊᑕᐅᓯᕐᒥᒃ ᐊᕐᕌᒍᒥᒃ ᐃᖅᑲᓇᐃᔮᖃᕐᓯᒪᔭᕆᐊᓖᑦ ᐱᓕᕆᐊᕐᒥ ᐱᔨᑦᑎᕋᐅᑎᖃᕐᓂᕐᒥᒃ ᐊᒻᒪᓗ ᐃᑲᔪᖅᑕᐅᔭᖅᑐᐸᑦᑐᓄᑦ ᐱᔨᑦᑎᕋᖃᑦᑕᓂᕐᒥᒃ, ᐃᓚᖃᕐᓗᓂ ᐅᓂᒃᑳᓕᐅᕈᓐᓇᓂᕐᒥᒃ. ᖃᕋᓴᐅᔭᒃᑯᑦ ᑎᑎᖅᑭᕆᔾᔪᑕᐅᓲᓂᑦ ᖃᐅᔨᒪᑦᑎᐊᕆᐊᓕᒃ ᖃᓄᖅ ᐊᑐᖅᑕᐅᓲᖑᒻᒪᖔᑕ.
ᑕᐃᒫᖑᒋᐊᖃᕋᔪᒻᒪᑦ, ᐸᐃᑉᐹᖅᑖᕐᓯᒪᔭᕆᐊᓕᒃ ᐊᓪᓚᕝᕕᓕᕆᓂᕐᒥᒃ ᐃᓕᓐᓂᐊᕐᓯᒪᓂᖓᓂᒃ. ᑕᒪᒃᑮᓐᓂᒃ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᓯᓚᑦᑐᓴᕐᕕᒻᒥ ᐸᐃᑉᐹᖅᑖᕐᓯᒪᓗᓂ ᓲᕐᓗ ᐊᓪᓚᕝᕕᓕᕆᔨᐅᓂᕐᒥᒃ ᐅᕝᕙᓘᓐᓃᑦ ᓄᓇᕗᑦ ᓯᕗᓂᒃᓴᕗᒻᒥᑦ, ᐊᒻᒪᓗ ᑕᒪᑐᒥᖓ ᐃᖅᑲᓇᐃᔮᖃᕐᓯᒪᓂᖓᓂᒃ ᓈᒻᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᓂᖓᓂᒃ ᐃᓱᒪᒋᔭᐅᓗᓂ.
ᐱᒋᐊᕈᑎᖃᕋᔭᖅᑐᖅ ᑮᓇᐅᔾᔭᔅᓵᖏᓐᓂ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓱᓂᓕᓐᓂᑦ $74,651 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ $27,600 ᐊᕐᕌᒍᑕᒫᑦ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᑕᐃᒃᑯᐊ ᑭᓯᐊᓂ ᐊᐱᕐᓱᕈᒪᒐᔭᖅᑕᕗᑦ ᐅᖃᕐᕕᐅᖃᑦᑕᓂᐊᕐᒥᔪᑦ.
ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔩᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᒃᑲᔪᒃᑰᕈᑖ: (867) 979-3238
922 ᓂᐊᖁᙴᓯᐊᕆᐊᖅ ᐊᖅᑯᑖᓂ ᐃᕐᖐᓐᓈᖅᑕᐅᑖ: Resumes@qia.ca
ᐃᒡᓗᕗᑦ ᐃᓪᓗ, 2 ᖄᖅᑎᖓᓂ ᑕᑯᓂᐊᕋᔅᓴᖅ: Tuttarvik.qia.ca
ᐃᖃᓗᐃᑦ, ᓄᓇᕗᑦ X0A 2H0
ᒪᑐᕕᔅᓴᖓᑕ ᐅᓪᓗᖓ: ᐋᒡᒌᓯ 2, 2024 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
