ᐃᖃᓗᑦ ᐱᖅᑯᓯᕆᔭᑐᖃᐅᓂᖏᓐᓄᑦ ᑕᒪᐃᓐᓄᑦ ᑕᓪᓕᒪᓄᑦ ᓄᓇᓕᖕᓄᑦ, ᐃᓚᐅᓪᓗᑎᒃ ᐅᑭᐅᖅᑕᖅᑐᕐᒥᐅᑦ ᐃᖃᓗᖓ, ᐃᓂᖏᓪᓗ, ᐃᖣᕋᓪ, ᐃᖃᓗᑦ ᑕᕆᐅᕐᒥᐅᑕᑦ, ᑲᓇᔪᓪᓗ. ᓄᓇᓕᖕᒥᐅᑦ ᐃᑲᓗᒐᓱᒡᕕᑐᐊᓂᒃ ᑕᑯᖅᑯᔾᔨᓚᐅᖏᑦᑐᑦ ᑭᓯᐊᓂᑦᑲᐅ ᓇᒥ ᕿᖕᓂᔭᐅᕙᖕᓂᖏᑦ, ᐱᔅᓯᓕᐊᕆᔭᐅᕙᖕᓂᖏᑦ ᑐᖅᑯᖅᑕᐅᕙᖕᓂᖏᓐᓂᓪᓗ, ᓇᒥᓪᓗ ᐊᒻᒨᒪᔪᕋᓱᒡᕕᐅᒡᒍᔪᑦ, ᐃᒪᑦᑎᐊᕙᖃᕐᕕᖕᓂ ᓄᓇᓂ ᐃᒥᖅᑕᕐᕖᑦ.

ᓄᓇᓕᖕᒥᐅᑦ ᑐᓴᕐᕕᒋᓚᐅᕆᕙᕗᑦ ᐃᒪᑦᑎᐊᕙᖕᒥᐅᑦ ᑕᕆᐅᕐᒥᓪᓗ ᐃᖃᓗᖏᑦ ᑕᒪᐃᓐᓂᒃ ᐱᒻᒪᕆᐅᖕᒪᑕ ᐃᓄᐃᑦ ᐱᖅᑯᓯᑐᖃᖏᓐᓄᑦ. ᐃᖃᓪᓕᐊᕈᓐᓇᕐᒪᑕ ᐊᕐᕌᒍᓕᒫᒥ, ᐃᓄᐃᓪᓗ ᑲᔾᔮᕈᓱᒃᐸᖕᓂᖏᓐᓂᒃ ᐃᖃᓪᓕᐊᕐᓂᕐᒧᑦ ᕿᑭᖅᑖᓗᓕᒫᒥ ᑐᓴᖅᑎᑦᑎᕙᒃᖢᑎᒃ ᓇᒥᓪᓗ ᐃᖃᓗᖃᓛᖓᕙᖕᒪᖔᑦ. ᑕᓯᕐᒥᐅᑕᑦ ᐃᖃᓗᑦ ᑰᖕᒦᑦᑐᓪᓗ ᖃᒪᓂᕐᓂ ᓂᕿᑦᑎᐊᕙᐅᓂᖏᓐᓄᑦ ᐱᒻᒪᕆᐅᒋᔭᐅᔪᑦ.

ᓄᓇᓕᖕᒥᐅᑦ ᐅᖃᓚᐅᖅᑐᑦ ᑕᑎᖃᕐᒪᑕ ᑰᖃᕐᕕᓂᒃ, ᑰᒐᕐᓂᒃ, ᑕᓯᐅᔭᓂᒃ ᓯᒡᔭᕐᒥᐅᑕᓂᒡᓗ ᐃᖃᓗᖕᓂᒃ. ᖃᐅᔨᔭᖅᑕᐅᓪᓗᑎᒃ ᐃᖃᓗᐃᑦ ᓇᒧᙵᖅᐸᖕᒪᖔᑕ ᐃᕐᓂᐅᕐᕕᖏᓪᓗ. ᑐᓴᓚᐅᖅᑐᒍᑦ ᐃᓄᐃᑦ ᐅᐸᒐᔪᒃᑕᖏᓐᓄᐊᕈᒪᕙᖕᓂᖏᓐᓂᒃ ᐃᖃᓪᓕᐊᕐᕕᖕᓄᑦ ᖃᐅᔨᒪᔭᐅᖕᒪᑕ, ᐊᐅᓪᓛᕐᕕᐅᒐᔪᒃᖢᑎᒡᓗ ᐃᓂᒋᔭᐅᒡᒍᓪᓗᑎᒡᓗ.

ᐱᓕᕆᕖᑦ ᓲᕐᓗ ᓄᓇᒥ ᑕᕆᐅᕐᒥᓪᓗ, ᐃᖃᓪᓕᐊᕐᓂᖅ ᐃᓄᓕᕆᔾᔪᑎᑦᑎᐊᕙᐅᖕᒪᑦ. ᓄᓇᓕᖕᒥᐅ ᐅᖃᓚᐅᖅᑐᑦ ᐃᓄᒋᐊᑦ ᑲᑎᖃᑦᑕᕐᓂᖏᓐᓂᒃ ᐃᖃᓪᓕᐊᕌᖓᑕ. ᐊᖑᓇᓱᖕᓂᕆᔭᐅᔪᑐᒃ, ᐃᖃᓪᓕᕆᓂᖅ ᐃᓕᓯᒪᔭᖏᓐᓂᒃ ᖃᐅᔨᒪᔭᖏᓐᓂᓪᓗ ᐊᑐᖅᐸᖕᒪᑦ ᐃᓕᑕᐅᕙᒃᖢᓂᓗ. ᓄᓇᓕᖕᒥᐅᑦ ᐅᖃᐅᓯᖃᓚᐅᕆᕗᑦ ᓱᐳᑎᓂᒃ, ᑲᑭᕙᖕᓂᒃ, ᕿᔪᖕᓂᓪᓗ, ᐊᐅᓚᓴᐅᑎᓂᒃ, ᒪᑦᑎᑦᑕᐅᑎᓂᒡᓗ. ᐃᓄᐃᑦ ᐱᔪᓐᓇᕐᓂᖏᑦ ᐃᖃᓪᓕᕆᓂᕐᒧᑦ ᐅᖃᐅᓯᕆᑦᑎᐊᖅᓯᒪᕗᑦ ᓇᓗᓇᐃᔭᑦᑎᐊᖅᓯᒪᓪᓗᑎᒃ.

ᐃᖃᓗᑦ, ᐃᓄᐃᑦ ᐊᓯᖏᓪᓗ ᓂᕐᔪᑏᑦ ᐃᒪᑦᑎᐊᕙᖕᒦᑦᑕᕆᐊᖃᕐᒪᑕ. ᓄᓇᓕᖕᒥᐅᑦ ᐅᖃᓚᐅᖅᑐᑦ ᑕᑎᖃᕐᒪᑕ ᐃᒪᑦᑎᐊᕙᖏᓐᓂᒃ ᐃᒥᕆᔭᐅᓪᓗᓂ, ᓂᕿᓕᐅᕈᑕᐅᓪᓗᓂ ᐊᐅᓪᓛᕐᕕᐅᔪᓐᓇᖅᖢᓂᓗ. ᐃᓄᐃᑦ ᐅᖃᓚᐅᖅᑐᑦ ᑰᖃᕐᕖᑦ, ᑰᕋᑦ, ᑰᑯᓗᐃᓪᓗ ᐃᒥᖅᑕᕐᕕᑦᑎᐊᕙᐅᖕᒪᑕ, ᑭᓯᐊᓂ ᐅᖃᐅᓯᖃᕆᓪᓗᑎᒃ ᐊᐳᑎᓂᒃ, ᓯᕐᒥᓂᒃ, ᐱᖃᓗᔭᕐᓂᓪᓗ ᐃᒥᑦᑎᐊᕙᐅᓛᐅᓂᐃᓐᓂᒃ.

ᓄᓇᑦ ᐊᓐᓂᕆᔭᐅᔪᑦ ᐃᖃᓗᒐᓱᒡᕖᑦ ᐃᒥᑦᑎᐊᕙᖃᕐᕕᓪᓗ

ᓄᓇᓕᖕᒥᐅᑦ ᓇᓗᓇᐃᖅᓯᓚᐅᖅᑐᑦ ᐃᖃᓪᓕᐊᕐᕕᖕᓂ ᓄᓘᔮᓕᕆᕕᐅᑉ ᓄᓇᖓᑕ ᖃᓂᒋᔮᓃᑦᑐᓂᒃ, ᐃᓚᐅᓪᓗᓂ ᓄᓘᔮᑦ. ᒥᑦᑎᒪᑕᓕᖕᒥᐅᑦ ᐅᖃᓚᐅᖅᑐᑦ, ᓲᕐᓗ, ᑑᒑᑦ ᑕᓯᖓ, ᕿᕐᖑᐊ, ᑲᖏᖅᖢᕈᓗᒡᓗ. ᐃᒃᐱᐊᕐᔪᖕᒥᐅᑦ, ᑲᖏᖅᑐᒑᐱᖕᒥᐅᓪᓗ ᐅᖃᐅᓯᖃᓚᐅᖅᑐᑦ ᓄᓘᔮᑉ ᐅᖓᓯᒋᔮᓃᑦᑐᓂᒃ ᑭᓯᐊᓂ ᖃᓂᒃᓴᖅᖢᑎᒃ ᕿᕐᖑᐊᓂ. ᐃᒡᓗᓕᖕᒥᐅᑦ ᓴᓂᕋᔭᖕᒥᐅᓪᓗ ᐅᖃᖃᑎᕗᑦ, ᐅᖃᐅᓯᖃᓚᐅᖅᑐᑦ ᕿᑭᖅᑖᓘᑉ ᓯᒡᔭᖅᐸᓯᖏᓐᓃᑦᑐᓂᒃ ᓯᑯᓯᓛᕐᒥᐅᑦ ᑕᕆᐅᖓᓃᑦᑐᓂᒃ ᐱᒻᒪᕆᐅᒋᔭᐅᓪᓗᑎᒃ ᐃᖃᓗᑦ ᑲᓇᔪᓪᓗ. ᐊᓯᖏᑦᑕᐅᖅ ᐃᓄᐃᑦ ᑕᑯᖅᑯᔾᔨᓚᐅᕐᓂᒥᔪᑦ ᓄᓇᓂᒃ ᐃᒥᖅᑕᕐᕕᐅᕙᒃᑐᓂᒃ, ᑰᒐᕐᓂᒃ, ᑕᓯᕐᓂᒃ ᐃᒪᑦᑎᐊᕙᓕᖕᓂᓪᓗ.

ᑐᒑᑦ ᑕᓯᖓ ᐃᖃᓗᖃᕐᒪᑦ ᒪᒪᖅᑐᐊᓗᖕᓂᒃ ᓰᕐᓇᖅᑰᔨᒻᒪᕆᒃᑐᑦ ᐊᒥᖓᓗ ᓵᖦᖢᓂ. ᑑᒐᑦ ᑕᓯᖓ, ᐅᖃᐅᓯᕆᓗᒍ, ᒪᒪᕐᓂᖅᓴᓂᒃ ᐃᖃᓗᖃᕐᒪᑦ, ᐃᖃᓗᒃᑐᕋᓗᐊᖅᖢᓂ ᓴᖅᑲᕐᓕᕐᓇᖏᑦᑎᐊᖅᑐᑦ, ᑭᓯᐊᓂ ᑑᒑᑦ ᑕᓯᖓ ᖃᐅᑕᒫᑦ ᓂᕆᔭᒃᓴᐅᔪᑦ ᓴᖅᑲᕐᓗᓕᓚᐅᖅᓯᒪᖏᓪᓗᓂ.(P07, 05-ᕖᕗᐊᕆ-19)

ᑏᑐᕋᓗᐊᖅᖢᓂ, ᐊᕿᐊᑦᑐᕐᓇᖏᒻᒪᑦ ᐃᒥᑐᐃᓐᓇᐅᓂᖓᓄᑦ, ᑭᓯᐊᓂ ᐃᒥᑦᑎᐊᕙᐅᓂᖓ (ᓄᓘᔮᓂ) ᐃᒥᖅᖢᒍ ᓲᕐᓗ ᓂᕆᑦᑎᐊᖅᑰᔨᓇᖅᑐᖅ (P04, 07-ᕖᕗᐊᕆ-19, ᐃᓄᒃᑑᖅᑕᐅᓯᒪᔪᖅ)

ᐊᒃᑐᖅᑕᐅᔾᔪᑎᐅᑐᐃᓐᓇᕆᐊᓖᑦ ᓄᓘᔮᓕᕆᓂᕐᒧᑦ

ᓄᓇᓕᖕᒥᐅᑦ ᐅᖃᓚᐅᖅᑐᑦ ᐃᓱᒫᓘᑎᖃᕐᓂᕋᖅᖢᑎᒃ ᓄᓘᔮᓕᕆᓂᖅ ᐊᒃᑐᐃᓂᐊᕋᓱᒋᔭᐅᓪᓗᓂ ᐃᖃᓗᖃᕐᕕᖕᓂ ᐃᒪᑦᑎᐊᕙᖃᕐᕕᖏᓐᓂᓪᓗ. ᑐᓴᓚᐅᖅᑐᒍᑦ ᓄᓘᔮᓕᕆᓂᖅ ᐅᓄᖏᓐᓂᖅᓴᓂᒃ ᐃᖃᓗᖃᓕᖅᑎᑦᑎᑐᐃᓐᓇᕆᖃᕐᓂᖓ ᐳᔪᖅ ᑲᑎᑉᐸᓪᓕᐊᓂᖓᓄᑦ, ᐃᖃᓗᐃᓪᓗ ᐃᓂᒋᔭᖏᑦ ᓄᖑᑉᐸᓪᓕᐊᓗᑎᒃ ᓴᓇᕕᐅᓂᖓᓄᑦ ᐅᔭᕋᒃᓯᐅᕐᕕᐅᓪᓗ ᐊᖅᑐᑎᓄᑦ ᐊᖅᑯᑎᑯᑖᓪᓗ ᐊᑐᖅᑕᐅᓂᖏᓐᓄᑦ. ᐃᖃᓗᐃᑦ ᐱᓕᕆᕙᓪᓕᐊᔪᒧᑦ ᐊᐅᓚᔾᔭᒃᑕᐅᖃᑦᑕᕐᓂᖏᑦ ᐃᒥᐊᔪᓄᑦ ᐊᒃᑐᖅᑕᐅᔾᔪᑎᑐᐃᓐᓇᕆᐊᖃᕐᒪᑕ ᐃᒪᖃᕐᕕᓕᒫᓂᒃ.

ᑕᐃᒪᓐᓇᓪᓗᐊᖅ, ᓄᓇᓕᖕᒥᐅ ᐅᖃᓚᐅᖅᑐᑦ ᐅᔭᕋᒃᓯᐅᕐᕕᓕᕆᓂᖅ ᐃᒪᑦᑎᐊᕙᐅᔪᓐᓃᖅᑎᑦᑎᔪᓐᓇᕐᒪᑕ. ᐳᔫᑉ ᐅᔭᕋᒃᓯᐅᕐᕕᖕᒥᖔᖅᑐᖅ ᐊᖅᑯᑎᐅᓪᓗ ᐊᑐᖅᑕᐅᓂᖓᓂᖔᖅᑐᑦ ( ᑎᒃᑕᐅᖃᑦᑕᕐᒪᑕ ᐊᓄᕆᒧᑦ ᐅᖓᓯᒃᑐᐊᓗᖕᒧᑦ) ᐱᓗᐊᖅᑐᒥᒃ ᐃᓱᒫᓘᑕᐅᔪᑦ. ᓄᓇᓕᖕᒥᐅᑦ ᐅᖃᓚᐅᖅᑐᑦ ᐃᒥᖅᐸᒍᓐᓃᕐᒪᑕ ᐅᔭᕋᒃᓯᐅᕐᕕᐅᑉ, ᐊᖅᑯᑏᑦ ᓄᓇᓯᐅᑎᑯᑖᕐᕕᓕᐅᕐᕕᐅᓪᓗ ᖃᓂᒋᔮᓃᑦᑐᓂᒃ. ᓄᓇᓕᖕᒥᐅ ᐃᓱᒫᓘᑎᖃᕐᓂᖏᓐᓂᒃ ᐳᔪᕐᓗᒃ ᓱᕈᐃᓯᒪᓕᕐᓂᖓᓂᒃ.

ᐅᖃᐅᑎᔭᐅᓚᐅᕋᑦᑕ ᐃᒥᖅᑕᖁᔭᐅᓇᑕ ᑕᓯᕐᓂᒃ (ᐊᖅᑯᑎᑯᑖᑉ ᖃᓂᒋᔮᓃᑦᑐᓂᒃ). ᑕᓰᑦ ᓄᓘᔮᑉ ᖃᓂᒋᔮᓃᑦᑐᑦ  (ᐹᕙᓐᓛᓐᒥᐅᑦ ᐃᖅᑲᓇᐃᔭᖅᑎᖓ) ᐅᖃᓚᐅᕐᒪᑦ ᓱᕈᖅᓯᒪᓕᕐᓂᖓᓂ.  ᐃᒡᓗᑦᑎᓐᓂ ᐃᒥᖅᑕᖅᐸᒌᖅᓯᒪᖃᑕᓕᖅᑐᒍᑦ.. (P15, 07-ᕖᕗᐊᕆ-19)

ᐊᐅᐸᖅᑐᒥᒃ ᑕᑯᓚᐅᖅᓯᒪᕗᖔ, ᐋᒃᑲ,  ᑕᑯᓚᐅᖅᓯᒪᖅᑰᖏᑦᑐᖓ..ᐅᑭᐅᒥ, ᐅᑭᐅᒥ, ᐊᐳᒻᒥᖔᖅᑐᒥᒃ ᐃᒥᖅᐸᒃᑲᑦᑕ. ᐊᐳᒻᒥᒃ ᓂᓚᒃᑕᖅᖢᑕ  ᐃᒥᙳᑦᑎᖦᖢ. ᐅᑭᐅᑐᐊᒥ, ᐄ. ᑏᑐᕈᒪᒐᔭᖏᓐᓇᒪ ᐊᐳᒻᒥᖔᖅᑐᖅ ᐊᐅᐸᕐᓂᖅᐸᑦ ᐳᔪᕐᒥᖔᖅᑐᖅ ᓴᕕᒃᓴᓕᕆᔪᓂᒃ. (P23, 28-ᐊᐃᕐᕆᓕ 19)