ᐅᓪᓗᖓ ᓴᖅᑭᑕᖅ: ᒪᐃ 14th, 2021

ᓄᕙᓐᓇᕐᔪᐊᖅ-19 ᐱᔾᔪᑎᒋᓪᓗᒍ ᐃᖃᓗᓐᓂ, ᕿᑭᖅᑕᓃᒃᑯᑦ ᐃᖅᑲᓇᐃᑎᑦᑎᒍᒪᕗᑦ ᐃᒡᓗᕋᓛᖃᖅᑎᐅᔪᓄᑦ ᐃᖃᓗᐃᑦ ᓯᓈᖓᓃᑦᑐᓂᒃ ᐃᓄᐃᑦ ᑲᑎᖃᑦᑕᕆᐊᖃᙱᓐᓂᖏᓐᓄᑦ ᐊᒻᒪ ᐹᑎᖃᑦᑕᕆᐊᖃᙱᓐᓂᖏᓐᓂᓪᓗ ᒪᓕᒃᑐᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᓕᐅᖁᔭᐅᓯᒪᔪᓂᒃ ᑎᓕᐅᕈᑕᐅᓯᒪᔪᓄᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.

ᐱᒻᒪᕆᐅᖕᒪᑦ ᓯᐊᒻᒪᒃᑎᑦᑎᑦᑕᐃᓕᓗᑕ ᓄᕙᓐᓇᕐᔪᐊᖅ-19ᒥ ᓄᓇᖅᑲᑎᑦᑎᓐᓄᑦ, ᑕᐃᒪᐃᒻᒪᑦ ᕿᑭᖅᑕᓃᒃᑯᑦ ᐸᓖᓯᒃᑯᓐᓄᑦ ᓄᓇᓕᖕᒥᓪᓗ ᒪᓕᒐᕋᓛᓕᕆᔨᖏᓐᓄᑦ ᐅᖄᓚᖃᑦᑕᕐᓂᐊᖅᑐᑦ ᐹᑎᖅᑐᖃᖅᐸᑦ ᑲᑎᑦᑐᖃᖃᑦᑕᖅᐸᓪᓘᓐᓃᑦ ᐊᒻᒪ ᐊᑭᓖᑎᑕᐅᑐᐃᓐᓇᕆᐊᖃᖅᖢᑎᒃ ᓯᖁᒥᑦᑎᓂᖏᓐᓂᒃ ᐃᓄᖕᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᓕᐅᕈᑕᐅᓯᒪᔪᓄᑦ.

ᐃᖃᓗᐃᑦ ᓯᓈᖓ ᐃᓄᐃᑦ ᓄᓇᖁᑎᖏᓃᑦᑐᒥᒃ ᒪᑐᐃᖓᐃᓐᓇᖅᑐᑦ ᐊᑐᖅᑕᐅᒍᓐᓇᕐᓂᐊᕐᒪᑦ ᐊᑐᐃᓐᓇᖃᑦᑎᐊᖁᓪᓗᒋᓪᓗᒍ ᐊᖑᓇᓱᒃᑎᓄᑦ ᓅᓐᓂᐊᖅᑐᓄᑦ.

ᓄᕙᓐᓇᕐᔪᐊᖅᑖᖅᑕᐃᓕᒌᒃᑐᒥᒃ ᓴᐳᑎᔭᐅᓯᒪᒍᓐᖅᑐᑎᑦ ᒧᑑᓇᒥᒃ ᓄᕙᓐᓇᕐᔪᐊᖅᑖᖅᑕᐃᓕᒌᒃᑐᒥᒃ.  ᐊᑦᑕᕐᓇᙱᑦᑐᖅ, ᐃᑲᔪᕐᓂᐊᖅᑐᖅ, ᐊᒻᒪ ᐊᑐᐃᓐᓇᐅᓪᓗᓂ ᐃᓐᓇᕐᓄᑦ ᕿᑭᖅᑕᓂ ᓄᓇᓕᖕᓂᑦ.  ᐃᓂᒃᓴᓕᐅᕈᓐᓇᖅᑐᑎᑦ ᓄᕙᓐᓇᕐᔪᐊᖅᑖᖅᑕᐃᓕᒌᒃᑯᑎᒥᒃ ᑲᐱᔭᐅᒍᒪᒍᕕᑦ ᐅᖄᓚᕕᒋᓗᒋᑦ ᐋᓐᓂᐊᕐᕕᓯ ᐅᕝᕙᓘᓐᓃᑦ ᐃᖃᓗᓐᓂ ᐅᖁᒪᐃᓐᓂᕐᓂᐊᕐᕕᒃᑯᑦ.

ᐃᓄᒋᐊᒃᑐᒦᓐᓂᕈᕕᑦ ᕿᑭᖅᑕᓃᒃᑯᑦ ᑲᔪᖏᖅᓴᐃᕗᑦ ᐃᓄᖕᓂᒃ ᒪᑐᐊᖅᓯᒪᓗᑎᒃ, ᖃᓂᒌᓗᐊᖃᑦᑕᙱᓪᓗᓯ ᐊᒻᒪᓗ ᐃᒃᐱᖕᓂᐊᓕᕈᕕᑦ ᓄᕙᓐᓇᕐᔪᐊᖅ-19ᒧᑦ ᖃᓂᒪᐅᓯᕆᔭᖏᓐᓂᒃ ᐅᕝᕙᓘᓐᓃᑦ ᖃᓂᒋᔭᖃᓚᐅᕈᕕᑦ ᓄᕙᓐᓇᕐᔪᐊᖃᖅᑐᒥᒃ ᐊᑏ ᐅᖄᓚᒋᑦ ᓄᓇᕗᑦ ᒐᕙᒪᒃᑯᑦ ᓄᕙᓐᓇᕐᔪᐊᖅ-19ᒧᑦ ᐅᖄᓚᐅᑎᖓᓄᑦ ᐅᕗᖓ:  1-888-975-8601.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᕕᐅᓪ ᕼᐋᑉᑭᓐᔅ, ᑭᖑᕝᕖᓯᒪᔪᖅ ᑐᑭᒧᐊᒃᑎᑦᑎᔨ ᑐᓴᖃᑦᑕᐅᑎᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 ᐅᕝᕙᓘᓐᓃᑦ
1.800.667.2742