ᐅᓪᓗᖓ ᓴᖅᑭᑕᖅ: ᓯᑎᐱᕆ 14, 2021

ᐱᔾᔪᑦ: ᑲᑎᒪᔨᐅᖃᑕᐅᒍᒪᒐᔭᖅᑐᓄᑦ, ᐊᔾᔨᒌᙱᑦᑐᒃᓂ ᑲᑎᒪᔨᐅᕝᕕᐅᔪᓄᑦ ᑲᑎᒪᔨᕋᓛᖃᕐᕕᐅᔪᓄᓪᓗ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐱᓪᓗᕆᒃᑐᓂᒃ ᐱᓕᕆᑦᑎᐊᕈᓐᓇᖅᑐᓂᓪᓗ ᑲᑎᒪᔨᒃᓴᖅᓯᐅᕐᒪᑕ ᑲᑎᒪᔨᐅᓂᐊᖅᑐᓄᑦ ᐊᔾᔨᒌᙱᑦᑐᓄᑦ ᑲᑎᒪᔨᐅᕝᕕᐅᔪᓄᑦ ᑲᑎᒪᔨᕋᓛᖃᕐᕕᐅᔪᓄᓪᓘᓐᓃᑦ. ᐃᓱᒪᒋᔭᐅᖃᑕᐅᒍᒪᒍᕕᑦ, ᐱᓇᓱᒃᑐᑦ ᐱᓕᕆᑦᑎᐊᕆᐊᖃᖅᐳᑦ ᐃᓚᒋᔭᐅᑦᑎᐊᖃᑦᑕᕐᓗᑎᓪᓗ ᑲᑎᒪᔨᐅᓂᖓᓂᒃ ᑭᒡᒐᖅᑐᐃᓂᐊᖅᑎᓪᓗᒋᑦ ᐃᓄᖕᓂ ᕿᑭᖅᑕᓂᒥᐅᓂᒃ ᐊᒻᒪᓗ ᖃᐅᔨᒪᓂᖃᑦᑎᐊᕐᓗᑎᒃ ᓄᓇᕗᒥ ᐊᖏᕈᑎᖓᓂ ᐱᓗᐊᖅᑐᒥᒃ ᐱᓕᕆᐊᒃᓴᕆᔭᐅᓂᐊᖅᑐᓂᒃ ᐱᓕᕆᔾᔪᓯᕆᔭᐅᔪᓂᓪᓗ ᑲᑎᒪᔨᐅᕝᕕᐅᓂᐊᖅᑐᒧᑦ.

ᓄᓇᕗᑦ ᐸᐸᑦᑎᔨᒃᑯᑦ (ᐱᖓᓱᓄᑦ ᐊᕐᕌᒍᓄᑦ ᐸᐸᑦᑎᔨᐅᓂᖅ)

ᓄᓇᕗᑦ ᐸᐸᑦᑎᔨᒃᑯᑦ ᓴᐳᔾᔨᔨᒋᔭᐅᔪᑦ ᓄᓇᑖᕐᓂᕐᒧᑦ ᑮᓇᐅᔭᖅᑖᖑᓚᐅᖅᑐᓄᑦ ᐃᓄᖕᓄᑦ.  ᐸᐸᑦᑎᕕᒃ ᐱᓕᕆᐊᒃᓴᖃᖅᑐᑦ ᑮᓇᐅᔭᓕᐅᕐᓂᕐᒧᑦ ᐊᑐᐊᒐᕐᓂᒃ ᑐᕌᒐᕆᔭᐅᔪᓂᓗ.  ᐸᐸᑦᑎᔨᒃᑯᑦ ᑲᑎᒪᔨᖏᑦ ᐸᖅᑭᖃᑦᑕᖅᑐᑦ ᖃᐅᔨᓴᖅᐸᒃᖢᑎᒃ ᐸᐸᑕᐅᔪᑦ ᐱᓪᓗᒋᑦ ᐃᓘᓐᓇᖏᑦ ᐱᖁᑎᒋᔭᐅᔪᑦ ᖃᓄᐃᑦᑐᑐᐃᓐᓇᖅ.. ᑖᒃᑯᐊ ᐸᐸᑦᑎᔩᑦ (ᑲᑎᒪᔩᑦ) ᓇᐅᑦᑎᖅᓱᖅᑎᒋᔭᐅᔪᑦ ᖃᐅᔨᓴᖅᑎᐅᕙᒃᖢᑎᓪᓗ ᐃᓘᓐᓇᖏᓐᓂᒃ. ᐱᓕᕆᐊᖑᔪᓂᒃ, ᐊᒻᒪᓗ ᐊᓯᖏᓐᓂᑦ ᓴᖅᑭᑕᐅᓯᒪᔪᓂᒃ ᐸᐸᑦᑎᔨᒃᑯᓐᓄᑦ.

ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ ᑲᑎᒪᔨᐅᓂᐅᖅ (ᐱᖓᓱᓄᑦ ᐊᕐᕌᒍᓄᑦ
ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᓄᖕᓄᑦ ᑎᒥᖁᑎᒋᔭᐅᓪᓗᑎᒃ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᐅᔪᖅ ᕿᑭᖅᑕᓂ ᑯᐊᐳᕇᓴᖓᓂᑦ.  ᐱᓕᕆᐊᒃᓴᖃᖅᖢᑎᒃ ᒪᑭᒪᔾᔪᑎᒃᓴᓕᐅᕐᓂᕐᒥᒃ ᐃᓄᐃᑦ ᐃᓅᓯᖏᓐᓅᖓᔪᓂᒃ ᐊᒻᒪ ᐱᕙᓪᓕᐊᔪᓕᕆᓂᕐᒨᖓᔪᓂᓗ ᐃᓄᐃᑦ ᐱᕚᓪᓕᒃᑲᓐᓂᖁᓪᓗᒋᑦ.

ᓄᓇᕗᒥ ᒪᑭᓐᓇᓱᐊᖅᑏᑦ ᑲᑎᒪᔨᖏᑦ (ᑎᒥᒥᒍᑦ ᐊᔪᕈᑎᓕᖕᓄᑦ)  (ᐊᑕᐅᓯᕐᒥ ᐊᕐᕌᒍᒧᑦ)

ᓄᓇᕗᒥ ᒪᑭᓐᓇᓱᐊᖅᑏᑦ ᑲᑎᒪᔨᖏᑦ ᐱᓕᕆᐊᖃᖅᑐᑦ ᖃᐅᔨᒪᑎᑦᑎᓂᕐᒥᒃ, ᐱᕕᒃᓴᖃᖅᑎᑦᑎᓂᕐᒥᒃ, ᐱᔪᒪᔭᐅᔪᒪᔪᓂᒃ ᐊᒻᒪ ᐃᓚᐅᑎᑦᑎᓪᓗᑎᒃ ᖃᓄᓕᒫᖅ ᐃᓅᓯᕐᓅᖓᔪᓂᒃ ᓄᓇᕗᒥ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ ᓇᖕᒥᓂᖅᓱᓕᕈᓐᓇᖁᓪᓗᒋᑦ, ᓇᖕᒥᓂᖅ ᐱᔪᒪᓂᖃᓕᕈᓐᓇᕐᓗᑎᒃ ᐊᒻᒪᓗ ᓄᓇᕗᒥ ᐃᓚᒋᔭᐅᑦᑎᐊᕐᓂᖏᓐᓂᒃ.

ᑲᑭᕙᒃᑯᑦ ᑐᓐᓂᖅᑯᓯᐊᓄᑦ ᐊᒻᒪ ᐅᓐᓂᕐᓗᒃᓴᕐᕕᐅᓂᖏᓪᓗ ᑲᑎᒪᔨᕋᓛᖏᑦ (ᐱᖓᓱᓄᑦ ᐊᕐᕌᒍᓄᑦ)  

ᑖᒃᑯᐊ ᑲᑎᒪᔨᕋᓛᑦ ᑲᑎᒪᖃᑦᑕᖅᑐᑦ ᕿᒥᕐᕈᔭᕆᐊᖃᓕᕌᖓᒥᒃ ᐅᓐᓂᕐᓗᒃᓴᕈᑎᖏᔭᐅᓯᒪᔪᓂᒃ ᑮᓇᐅᔭᖅᑖᕋᓱᖕᓂᕐᒧᑦ ᑐᒃᓯᕋᐅᑎᓕᐊᕆᓯᒪᔭᖓᓄᑦ ᑲᑭᕙᒃ ᑲᑐᔾᔨᖃᑎᒌᓄᑦ, ᕿᑭᖅᑕᓃᒃᑯᓐᓄᑦ, ᐅᕝᕙᓘᓐᓃᑦ ᓇᓕᐊᑐᐃᓐᓇᖓᓄᑦ ᑲᑐᔾᔨᖃᑎᒌᖑᔪᓄᑦ ᑯᐊᐳᕇᓴᓄᓪᓘᓐᓃᑦ ᐊᐅᓚᑕᐅᔪᓄᑦ ᕿᑭᖅᑕᓃᒃᑯᓐᓄᑦ.

ᕿᑭᖅᑕᓃᒃᑯᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᑦ ᑲᑎᒪᔨᕋᓛᖏᑦ − ᐊᕐᓇᓄᑦ ᑭᒡᒐᖅᑐᖅᑎᒃᓴᖅ (ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)

ᕿᑭᖅᑕᓃᒃᑯᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᖏᑦ, ᖃᐅᔨᓴᖅᑎᖃᖅᖢᑎᒃ ᐃᓅᓯᓕᕆᓂᕐᒧᑦ ᐸᕐᓇᐃᓂᕐᒧᑦ ᑲᑎᒪᔨᕋᓛᖏᓐᓄᑦ.  ᑖᒃᑯᐊ ᑲᑎᒪᔨᕋᓛᑦ ᐅᖃᐅᔾᔪᕆᐊᖅᑎᒋᔭᐅᔪᑦ ᐊᒻᒪ ᑎᓕᓯᕙᒃᖢᑎᓪᓗ ᐃᖅᑲᓇᐃᔭᕐᕕᖕᒥ ᐱᓕᕆᐊᒃᓴᖃᖅᑎᓪᓗᒋᑦ ᐃᓅᓯᕐᓅᖓᔪᓂᒃ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐊᑐᐊᒐᒃᓴᐅᒐᔭᖅᑐᓂᒃ ᐊᒻᒪᓗ ᐱᓕᕆᐊᒃᓴᓕᕆᓪᓗᑎᒃ, ᐅᑯᓄᖓ ᑐᕌᖓᔪᓄᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᒥᒃᓵᓄᑦ, ᐃᓅᓱᒃᑐᓄᑦ ᑐᕌᖓᔪᓂᒃ ᐱᓕᕆᐊᒃᓴᓂ ᐊᒻᒪᓗ ᓄᓇᓕᖕᓂᑦ-ᑐᕌᖓᔪᓄᑦ ᖃᐅᔨᓴᕐᓂᕐᓂᒃ.

ᐅᑯᐊᑦᑕᐅᖅ ᑲᑎᒪᔨᕋᓛᖃᕐᕕᐅᔪᑦ ᑲᑎᒪᔨᒃᓴᖅᓯᐅᖅᑕᐅᖕᒥᔪᑦ:

• ᐃᖃᓗᓐᓂ ᒥᕐᖑᐃᖅᓯᕝᕕᓕᕆᔨᒃᑯᑦ CJPMC ᐃᖃᓗᐃᑦ ᑰᖓᓄᑦ/ᖃᐅᒻᒫᕐᕕᖕᒧᓪᓗ ᓄᓇᕗᒥ ᒥᕐᖑᐃᖅᓯᕝᕕᖕᓄᑦ − ᐊᑕᐅᓯᕐᒥ ᐃᓂᒃᓴᒧᑦ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
• ᑭᒻᒥᕈᒻᒥ ᒥᕐᖑᐃᖅᓯᕝᕕᓕᕆᔨᒃᑯᑦ CJPMC ᑲᑕᓐᓇᓕᖕᒧᑦ – ᐊᑕᐅᓯᖅ ᐃᓂᒃᓴᖅ ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
• ᑲᖏᖅᑐᒑᐱᖕᒥ ᒥᕐᖑᐃᖅᓯᕝᕕᓕᕆᔨᒃᑯᑦ CJPMC ᐊᒡᒍᑦᑎᓐᓂ ᓄᓇᕗᒥ ᒥᕐᖑᐃᖅᓯᕝᕕᖕᒧᑦ – ᐊᑕᐅᓯᖅ ᐃᓂᒃᓴᖅ, ᑲᑎᒪᔨᐅᓂᐊᕐᓗᓂ ᔫᓐ 2024ᒧᑦ
• ᐊᐅᓱᐃᑦᑐᕐᒥ ᒥᕐᖑᐃᖅᓯᕝᕕᓕᕆᔨᒃᑯᑦ CJPMC ᐃᖃᓗᐃᑦ ᑰᖓᓄᑦ/ᖃᐅᒻᒫᕐᕕᖕᒧᓪᓗ ᓄᓇᕗᒥ ᒥᕐᖑᐃᖅᓯᕝᕕᖕᓄᑦ − ᐊᑕᐅᓯᖅ ᐃᓂᒃᓴᖅ ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
• ᐊᐅᔪᐃᑦᑐᖅ ᒥᕐᖑᐃᖅᓯᕝᕕᒃ ᐸᕐᓇᐃᔨᖏᑦ JPMC– 3ᓂ ᑲᑎᒪᔨᒃᓴᓂᒃ, 3ᓄᑦ ᐊᕐᕌᒍᓄᑦ
• ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᖅᓯᕝᕕᖓᓂ ᐸᕐᓇᐃᔨᖏᑦ JPMC – ᐊᑕᐅᓯᖅ ᐃᓂᒃᓴᖅ, 3ᓄᑦ ᐊᕐᕌᒍᓄᑦ
• ᖃᐅᓱᐃᑦᑐᖅ ᒥᕐᖑᐃᖅᓯᕝᕕᖕᒧᑦ ᐸᕐᓇᐃᔨᖏᑦ– ᐊᑕᐅᓯᖅ ᐃᓂᒃᓴᖅ, ᐱᔭᕇᖅᑕᐅᓇᓱᐊᕐᓂᖓᓄᑦ
• ᖁᑦᑎᓂᖅᐹᖅ ᒥᕐᖑᐃᖅᓯᕝᕕᖕᒥ ᐸᕐᓇᐃᔨᖏᑦ − ᐊᑕᐅᓯᖅ ᐃᓂᒃᓴᖅ − ᐱᔭᕇᖅᑕᐅᓇᓱᐊᕐᓂᖓᓄᑦ

ᕿᑭᖅᑕᓃᒃᑯᑦ ᓇᓗᓇᐃᖅᓯᓯᒪᒍᒪᖕᒪᑕ ᐃᓄᐃᑦ ᐃᓚᐅᑦᑎᐊᕐᓂᖏᓐᓄᑦ ᐊᑐᓕᖅᑎᑕᐅᓂᖓᓄᑦ ᓄᓇᕗᒥ ᐊᖏᕈᑎᖓ.  ᑕᐃᒪᐃᓕᖓᑎᓪᓗᒍ, ᕿᑭᖅᑕᓃᒃᑯᑦ ᐊᑐᓕᖅᑎᑦᑎᓯᒪᔪᑦ ᒪᑐᐃᖓᔪᒥᒃ ᓵᙵᕝᕕᖃᕈᓐᓇᕐᓂᕐᒥᒃ ᖃᓄᐃᓕᐅᕈᑎᓂᒃ ᐃᓱᒪᒃᓴᖅᓯᐅᕈᑕᐅᑎᓪᓗᒋᑦ ᐱᓇᓱᒃᑐᑦ.  ᖃᐅᔨᒪᓂᐊᖅᐳᓯ ᐸᓖᓯᒃᑯᓐᓄᑦ ᖃᐅᔨᓴᖅᑕᐅᖁᔭᐅᑐᐃᓐᓇᕆᐊᖃᖅᑐᑎᑦ ᑎᓕᔭᐅᓂᐊᕈᑯᑦ/ᓂᕈᐊᒐᒃᓴᓕᐅᖅᑕᐅᒍᕕᓪᓘᓐᓃᑦ.

ᓇᒃᓯᐅᔾᔨᓗᑎᑦ ᐃᖅᑲᓇᐃᔮᕆᖃᑦᑕᖅᓯᒪᔭᕐᓂᒃ ᑲᑎᒪᔨᐅᕝᕕᖃᖃᑦᑕᖅᓯᒪᔭᕐᓂᓘᓐᓃᑦ ᓇᓕᖅᑲᓂᒃ ᐊᒻᒪ ᑎᑎᖅᑲᕐᒥᒃ ᓇᓗᓇᐃᔭᐃᔪᒥᒃ ᑭᓱᒧᑦ ᐱᓇᓱᐊᕐᒪᖔᖅᐲᑦ ᐊᒻᒪ ᑭᓱᓂᒃ ᐱᔪᓐᓇᕐᓂᖃᕐᓂᕐᓂᒃ, ᐃᓄᒃᑎᑑᖅᓯᒪᓗᓂ, ᖃᓪᓗᓈᑎᑐᑦ..

ᑐᒃᓯᕋᐅᑎᓕᐅᖅᑕᐅᔪᑦ ᐅᕗᖓ ᓇᒃᓯᐅᔾᔭᐅᓗᑎᒃ:

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᑎᑎᖅᑲᒃᑯᕕᐊ 1340
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑖ: (867) 975-8400
ᓱᑲᑦᑐᒃᑰᕈᑖ: (867) 979-3238
ᐊᑭᖃᙱᑦᑐᖅ: 1-800-667-2742
ᐃᕐᖐᓐᓈᕈᑖ: nominations@qia.ca

ᑐᑭᓯᒃᑲᓐᓂᕈᒪᒍᕕᑦ ᑕᒪᒃᑯᓂᖓ ᐱᕕᒃᓴᓕᐊᒃᓴᓂᒃ, ᖃᐅᔨᒋᐊᕐᓗᒋᑦ ᕿᑭᖅᑕᓃᒃᑯᑦ ᐅᕝᕙᓘᓐᓃᑦ ᓄᓇᓕᖕᓂ ᑐᓴᐅᒪᑎᑦᑎᔨᑦ ᓄᓇᓕᔅᓯᓐᓂᑦ.

ᑐᒃᓯᕋᐅᑎᓕᐅᕐᓂᖅ ᑭᒡᓕᖃᖅᑐᖅ ᓯᑎᐱᕆ 27 ᓯᕿᙳᔭᖅ 5:00ᒧᐊᖅᑎᓪᓗᒍ ᑲᓇᖕᓇᐅᑉ ᓯᕿᙳᔭᖓ ᒪᓕᓪᓗᒍ.  

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᕕᓕᐊᒻ ᕼᐋᑉᑭᓐᔅ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓄᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413
1.800.667.2742