ᐅᓪᓗᖅ ᓴᖅᑭᖅᑕᐅᕕᖓ: ᕖᕝᕗᐊᓕ 25, 2020

ᐱᔾᔪᑕᐅᔪᖅ: ᑐᔅᓯᕋᐅᓯᐅᖁᔨᓂᖅ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᔅᓯᕋᐅᓯᐅᖁᔨᓕᕐᒥᔪᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ (QCAP)

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᔅᓯᕋᐅᓯᐅᖁᔨᓕᕐᒥᔪᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ (QCAP) ᐃᓘᓐᓇᖏᓐᓂᑦ ᕿᑭᖅᑕᓂ ᓄᓇᓕᓕᒫᖏᓐᓂᑦ.

ᐊᑐᓂᑦ ᐃᓄᐃᑦ ᐊᒻᒪᓗ ᓄᓇᓕᓐᓂᑦ ᑲᑐᔾᔨᖃᑎᒌᑦ ᐃᓘᓐᓇᖏᓐᓂᑦ ᕿᑭᖅᑕᓂ ᓄᓇᓕᓐᓃᑦᑐᑦ ᑐᔅᓯᕋᐅᓯᐅᖃᑦᑕᖁᔭᐅᓕᕐᒥᔪᑦ ᐱᓕᕆᐊᔅᓴᓄᑦ ᐊᐅᓚᓂᖃᕐᓂᐊᖅᑐᑦ 2020-21 ᑮᓇᐅᔭᓄᑦ ᐊᐅᓚᕕᑦᑎᓐᓂ ᐊᕐᕌᒍᒥ. ᑕᒫᓂ $45,000ᖑᒻᒪᑕ ᐱᔭᔅᓴᐅᔪᑦ ᐊᑐᓂᑦ ᖁᓕᓂᑦ ᐱᖓᓱᓂᓪᓗ ᓄᓇᓕᓐᓄᑦ.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ ᐃᓚᒋᔭᐅᒻᒪᑕ ᐱᓕᕆᐊᕐᓄᑦ ᓂᕈᐊᖅᑕᐅᓯᒪᔪᓄᑦ ᕿᑭᖅᑕᓂᒃᑯᑦ ᑲᑎᒪᔨᖏᓐᓄᑦ ᐊᒃᑑᕝᕙ 2017ᖑᑎᓪᓗᒍ ᐃᓚᒋᔭᐅᓪᓗᑎᒃ ᐃᑲᔫᓯᐊᔅᓴᓂᑦ ᑮᓇᐅᔭᓂᑦ ᐊᑭᓕᕐᓲᑕᐅᔪᓂᑦ. ᑮᓇᐅᔭᑦ ᐃᑲᔫᓯᐊᔅᓴᓄᑦ ᑮᓇᐅᔭᓄᑦ ᑖᒃᑯᓇᙶᕐᓯᒪᖃᑦᑕᖅᑐᑦ ᑐᖅᑯᖅᑕᐅᕙᓪᓕᐊᔪᓂᑦ ᑮᓇᐅᔭᓂᑦ, ᑖᒃᑯᐊ ᑐᖅᑯᖅᑕᐅᕙᓪᓕᐊᔪᑦ ᑮᓇᐅᔭᑦ ᓄᐊᑕᐅᕙᓪᓕᐊᑎᓪᓗᒋᑦ ᑮᓇᐅᔭᓂᑦ ᐃᓯᕐᐸᑦᑐᓂᑦ ᑐᕌᖃᑦᑕᕐᖓᑕ ᐃᑲᔫᓯᐊᔅᓴᓄᑦ ᑮᓇᐅᔭᓄᑦ ᐊᒥᓱᕈᒃᑲᓐᓂᖁᓪᓗᒋᑦ ᐱᓕᕆᐊᔅᓴᑦ ᐃᑲᔫᑏᑦ ᐃᓄᓐᓄᑦ.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ ᐃᑲᔫᑎᖃᕐᐸᑦᑐᑦ ᓄᓇᓕᓐᓃᑦᑐᓄᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖑᕙᑦᑐᓄᑦ. ᐊᐅᓪᓚᕐᓯᒪᑎᑦᑎᖃᑦᑕᕐᓂᖅ ᐊᒻᒪᓗ ᒥᖅᓱᑎᑦᑎᖃᑦᑕᕐᓂᖅ ᓯᕗᓪᓕᐅᔾᔭᐅᓯᒪᒐᓗᐊᖅᑎᓪᓗᒋᑦ, ᕿᑭᖅᑕᓂᒃᑯᑦ ᐃᓱᒪᔅᓴᕐᓯᐅᕈᑎᖃᖃᑦᑕᕈᓐᓇᕐᒥᔪᑦ ᐊᓯᖏᓐᓂᒃ ᐃᓄᓐᓄᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᔅᓴᐅᔪᓐᓇᖅᑐᓂᑦ.

ᒪᑐᕕᔅᓴᓕᒃ ᑐᔅᓯᕋᐅᓯᐅᕈᑎᓄᑦ ᒫᑦᓯ 16, 2020ᒥ.

ᑐᔅᓯᕋᐅᑏᑦ ᑲᒪᒋᔭᐅᖃᑦᑕᕈᓐᓇᖅᑐᑦ ᖃᕋᓴᐅᔭᒃᑯᑦ ᐅᕙᙵᑦ  https://www.qia.ca/iu/ᕿᑭᖅᑕᓂ-ᐃᓕᖅᑯᓯᓕᕆᓂᕐᒧᑦ-ᐃᑲᔫᑏᑦ/.

ᑐᔅᓯᕋᐅᑏᑦ ᑲᒪᒋᔭᐅᖃᑦᑕᕈᓐᓇᕐᒥᔪᑦ ᐃᑲᔪᖅᑎᖃᕐᓗᓯ ᓄᓇᔅᓯᓐᓂ ᑐᓴᐅᒪᑎᑦᑎᔨᔅᓯᓐᓂᒃ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑖᒃᑯᐊ ᐱᓇᓱᐊᕈᑎᔅᓴᐃᑦ ᒥᔅᓴᓄᑦ, ᐊᑏ ᐃᓱᒪᕐᓱᑎᐊᕐᓗᓯ ᐅᖃᕐᕕᖃᖃᑦᑕᕆᔅᓯ ᕿᑭᖅᑕᓂᒃᑯᓐᓂᑦ ᐅᕝᕙᓘᓐᓃᑦ ᓄᓇᔅᓯᓐᓂ ᑐᓴᐅᒪᑎᑦᑎᔨᓂᑦ.

ᒪᑐᕕᔅᓴᖓ ᑐᔅᓯᕋᐅᑎᓄᑦ ᒫᑦᓯ 16, 2020 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ.

ᑐᑭᓯᒋᐊᒃᑲᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᔨᐅᕋHᐃ,

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

867.975.8413

1.800.667.2742