ᐃᓄᒃᓯᐅᑎᓂᑦ ᓂᕿᓂᑦ ᑐᓂᐅᖃᐃᓂᖅ ᐃᖃᓗᓐᓂ ᐅᓪᓗᒥ
ᐃᓄᒃᓯᐅᑎᓂᑦ ᓂᕿᓂᑦ ᑐᓂᐅᖃᐃᓂᖅ ᐃᖃᓗᓐᓂ ᐅᓪᓗᒥ
ᐃᖃᓗᐃᑦ, ᓄᓇᕗᑦ, ᒪᐃ 31, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒪᕈᕐᒃ ᐆᒪᔪᕐᓂᐊᕐᒃᑎᒃᑯᓪᓗ ᖃᐃᕐᑯᔨᔪᒪᕗᑦ ᐃᖃᓗᒻᒥᐅᓂᑦ ᑕᐃᑯᖓ ᐅᓇᓕᒃᓴᔭᕋᓛᑦ ᐃᓪᓗᖁᑎᐊᓄᑦ, 5:00-ᒨᖅᑲᑦ ᐅᓪᓗᒥ ᐃᓄᐃᑦ ᓂᕿᖏᓐᓂᑦ ᑐᓂᐅᖅᑲᖅᑕᐅᓂᐊᕋᒃᓯ.
ᑖᒃᑯᐊ ᕿᑭᖅᑕᓃᒃᑯᑦ ᑲᑎᒪᔨᖏᑦ ᖃᓄᓕᒫᖅ ᐱᕙᓪᓕᕈᑎᒃᓴᖏᓐᓂᑦ ᓄᓇᓖᑦ ᐱᑎᑦᑎᒐᓱᐊᖅᐸᒻᒪᑕ ᑲᑎᒪᔭᖅᑐᖅᕕᐅᓯᒪᔪᓂᑦ. ᓇᑯᕐᒦᕈᒪᔭᕗᑦ ᐃᖃᓗᓐᓂ ᐊᖑᓇᓱᑦᑎᖏᑦ ᑐᓂᐅᖅᑲᕋᒃᓴᑖᖅᑎᑦᑎᓯᒪᒻᒪᑕ ᓂᕿᓂᑦ. ᖁᔭᓐᓇᒦᒍᒋᕙᕗ ᐃᖃᓗᐃᑦ ᓖᔭᒃᑯ ᐊᖏᓚᐅᕐᖓᑕᐅ ᐅᓇᓕᒃᓴᔭᕋᓛᑦ ᐃᓪᓗᖁᑎᐊᖓ ᐊᑐᑲᐃᓐᓇᒍᓐᓇᖁᓪᓗᒍ ᐊᑭᖃᙱᑦᑐᒥᒃ
ᑲᑎᒪᔨᖏᑕ ᑲᑎᒪᓂᖏᓐᓄᑦ ᐅᐸᒍᓐᓇᓚᐅᓐᖏᒃᑯᒃᓯ ᓱᓕ, ᖃᐅᑉᐸᑦ ᑲᔪᓯᓛᕐᒥᔪᑦ 9:00ᒥ ᐅᓪᓛᒃᑯᑦ ᐊᒻᒪᓗ ᐃᓱᓕᓪᓗᑎᒃ ᔫᓂ 2-ᒥ ᑕᐃᑲᓂ ᐊᖅᓴᕐᓃᑦ ᑐᔪᕐᒥᕕᖓᑕ ᑲᑎᒪᕐᔪᐊᖅᕕᖓᓂ. ᑭᒃᑯᑐᐃᓐᓇᐃᑦ ᑐᓐᖓᓱᑉᐳᑦ ᑲᑎᒪᔪᓄᑦ ᐅᐸᒍᑎᒍᒪᒍᑎᒃ ᐅᕝᕙᓘᓐᓃᑦ ᑕᑯᓐᓈᕈᒪᑉᐸᑕ ᑕᑯᒃᓴᐅᑦᑕᐅᑎᒋᔪᓂᑦ ᕿᑭᖅᑕᓃᒃᑯᑦ ᖃᕋᓴᐅᔭᒃᑯᑦ ᐳᓚᐅᑎᕕᖓᓂ ᐸᐃᔅ−ᕗᒃᒥ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᔫᒻ−ᑯᑦ ᐃᓄᑦᑎᑐᑦ ᐊᒻᒪᓗ ᖃᓪᓗᓈᑎᑐᑦ ᑕᑯᒃᓴᐅᔪᓄᑦ.
ᐱᕙᓪᓕᐊᔪᓕᕆᔩᑦ ᖃᐅᔨᒋᐊᕈᒪᑉᐸᑕ, ᐅᓇ ᖃᐅᔨᒃᑲᖅᑕᐅᔪᓐᓇᖅᑐᖅ:
ᑭᐊᕋᓐ ᕙᓚᕋᑎ,
ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᑐᑭᒧᐊᖅᑎᑦᑎᔨ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑖ) 867.975.8398 ᐅᕝᕙᓘᓐᓃᑦ ᐊᑭᖃᓐᖏᑐᒃᑯᑦ 1.800.667.2742
