ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ ᑎᒍᓯᒍᓐᓇᖅᓯᔪᑦ ᑐᒃᓯᕋᐅᑎᓂᒃ ᓄᑖᒧᑦ ᓴᖅᑭᑎᑕᐅᕋᑖᖅᑐᒧᑦ ᑕᓪᓗᕈᑎᐅᑉ ᐃᒪᖓᓄᑦ ᐆᒃᑑᑕᐅᓪᓗᓂ ᒥᐊᓂᖅᓯᔨᐅᓂᕐᒧᑦ ᐱᓕᕆᐊᖅ ᐃᒃᐱᐊᕐᔪᖕᒥ.

ᐃᖅᑲᓇᐃᔭᖅᑎᑖᕐᓂᐊᖅᑐᒍᑦ ᑕᓪᓕᒪᑦ ᐊᑕᐅᓯᕐᓗ 7 ᐃᖅᑲᓇᐃᔭᖅᑎᓂᒃ ᐃᓚᐅᓗᓂ ᐊᑕᐅᓯᖅ ᓄᓇᓕᐅᔪᖅ ᑐᑦᑕᕐᕕᖃᕐᓂ, ᐃᖅᑲᓇᐃᔭᖅᑎᓄᑦ ᓯᕗᓕᖅᑎ ᐊᒻᒪ ᑕᓪᓕᒪᑦ ᒥᐊᓂᖅᓯᔨᒃᓴᑦ.  ᑐᓂᓯᓂᐊᖅᐳᑎᑦ ᐱᓕᕆᐊᕆᓯᒪᔭᖅᐱᑦ ᓇᓕᖅᑲᖏᓐᓂᒃ ᓄᓇᓕᑦᓯ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ ᐊᓪᓚᒡᕕᐊᓄᑦ ᐊᒻᒪ ᐃᓚᐅᑎᑦᓯᐊᕐᓗᒋᑦ ᐅᖄᓚᐅᑏᑦ ᐅᖃᕐᕕᐅᔪᓐᓇᖅᑐᖅ, ᑕᒪᓐᓇ ᐱᒻᒪᕆᐅᔪᖅ ᐃᓚᐅᑎᑦᓯᒋᐊᖃᕐᓂᖅ.

ᐱᓕᕆᖃᑎᒌᒃᑐᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᑦ ᐊᒻᒪ ᑲᓇᑕᒥ ᒥᓐᖑᐃᖅᓯᕐᕕᓕᕆᔩᑦ ᐃᒃᐱᐊᕐᔪᖕᒦᓐᓂᐊᖅᑐᑦ ᐱᒋᐊᕐᓄᒥ ᔪᓚᐃᑦ 31, ᑎᑭᓪᓗᒍ ᐊᐅᒍᓯ 4, ᐃᖅᑲᓇᐃᔭᖅᑎᑖᕋᓱᐊᕐᓗᑎᒃ ᑖᑦᓱᒧᖓ ᒥᐊᓂᖅᓯᔨᐅᓂᕐᒧᑦ ᐆᒃᑑᑕᐅᔪᑦ ᐊᒻᒪ ᑐᑭᓯᒋᐊᕈᑎᒃᓴᓂᒃᑎᑦᓯᒃᑲᓐᓂᕐᓗᑎᒃ ᓄᓇᓕᐅᔪᓄᑦ.  ᐃᓂᒋᓂᐊᖅᑕᕗᑦ ᖃᐅᔨᒋᐊᕐᓂᐊᖅᐸᓯ ᑯᐊᐸᒃᑯᑦ ᓂᐅᕕᕐᕕᐊᓂ ᐊᒻᒪ ᐅᕙᑦᑎᓐᓄᑦ ᐅᖃᓕᒪᔮᕆᐊᖅᑐᕐᓗᓯ.

ᑲᑎᒪᖃᑎᖃᕐᓂᐊᕐᒥᔪᒍᑦ ᕼᐊᒻᓕᒃᑯᑦ ᑲᑎᒪᔨᖏᓐᓂᒃ, ᓄᓇᓖᑦ ᐊᖑᓇᓱᒃᑎᖏᑦᑕ ᑲᑐᔾᔨᖃᑎᒌᖏᑦ ᐊᒻᒪ ᓄᓇᓕᖕᓂ ᓄᓇᓕᕆᔩᑦ, ᓄᓇᒥᐅᑕᓕᕆᔩᓪᓗ ᑲᑎᒪᔨᕋᓛᖏᑦ ᓴᖅᑭᔮᖅᑎᑦᓯᒋᐊᖅᑐᕐᓗᑎᒃ ᑖᑦᓱᒥᖓ ᐱᓕᕆᐊᖑᓂᐊᖅᑐᒥᒃ.  ᐋᖅᑭᒃᓯᓂᐊᖅᑐᒍ ᐅᖃᐅᔾᔨᒋᐊᕆᔪᓐᓇᕐᓗᑕ ᑲᑎᒪᔨᕋᓛᓂᒃ ᐊᒡᒋᖅᑐᓂ ᐱᓇᓱᐊᕈᓯᐅᓂᐊᖅᑐᓂ ᑲᒪᒋᒋᐊᖅᑐᓗᒍ ᑕᒪᓐᓇ ᐱᓕᕆᐊᒃᓴᖅ ᐊᒻᒪ ᐅᖃᔾᔨᒋᐊᕈᓐᓇᕐᓗᑕ ᑖᑦᑯᓂᖓ ᓯᕗᓪᓕᐅᔾᔭᐅᓯᒪᔪᓂᒃ ᒥᐊᓂᖅᓯᔨᐅᓂᕐᒧᑦ ᐱᓕᕆᐊᓄᑦ.

ᑖᒃᑯᐊ ᒥᐊᓂᖅᓯᔨᐅᓂᕐᒧᑦ ᐆᒃᑑᑕᐅᔪᑦ ᐃᓚᒋᔭᖓ ᐋᖅᑭᒃᑕᐅᓂᖓᑕ ᑕᓪᓗᕈᑎᐅᑉ ᐃᒪᖓᑕ ᓴᐳᔾᔭᐅᓯᒪᔾᔪᑎᖏᓐᓄᑦ.  ᑖᒃᑯᐊ ᕿᑭᖅᑕᓃᒃᑯᑦ ᐊᖏᖃᑎᒌᒐᓱᐊᕋᓗᐊᖅᑎᓪᓗᒋᑦ ᐱᖃᑎᖃᖅᑐᑎᒃ ᑲᓇᑕᒥ ᒥᕐᖑᐃᖅᓯᕐᕕᖕᒥᑦ, ᑖᓐᓇ ᐆᒃᑑᑕᐅᔪᖅ ᒥᐊᓂᖅᓯᔨᐅᓂᕐᒧᑦ ᐱᓕᕆᐊᖅ ᓯᕗᒻᒧᐊᒃᑎᑕᐅᔪᖅ ᑐᖔᒍᑦ ᑖᒃᑯᐊ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᑦ ᐊᖏᕈᑏᑦ ᐱᐊᓂᒃᑕᐅᓯᒪᖁᓪᓗᒋᑦ ᐊᔪᕐᓇᕈᓐᓃᑐᐊᖅᐸᑦ ᐱᕚᓪᓕᕈᑎᒃᓴᑦ ᑖᑦᓱᒪᓐᖓᑦ ᑕᓪᓗᕈᑎᐅᑉ ᐃᒪᖓᓂ ᓄᓇᓕᐅᔪᓄᑦ.

ᑖᒃᑯᐊ  ᒥᐊᓂᖅᓯᔨᐅᓂᕐᒧᑦ ᐱᓕᕆᐊᑦ ᑮᓇᐅᔭᖃᖅᑎᑕᐅᔪᑦ ᑲᓇᑕᒥ ᒥᕐᖑᐃᖅᓯᕐᕕᓕᕆᔨᓄᑦ ᑭᓯᐊᓂ ᐊᐅᓚᑕᐅᓂᐊᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᑕᐃᒪᐃᒻᒪᑦ ᑖᒃᑯᐊ ᒥᐊᓂᖅᓯᔨᐅᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᓄᑦ ᐃᖅᑲᓇᐃᔭᖅᑎᒋᔭᐅᓂᐊᖅᑐᑦ.

ᐅᖃᕐᕕᒋᔪᓐᓇᖅᑕᐃᑦ ᑖᓐᓇ ᒥᐊᓂᖅᓯᔨᐅᓂᕐᒧᑦ ᐱᓕᕆᐊᓄᑦ ᐊᖓᔪᖅᑳᖅ, ᔨᓃᓐ ᓚᐃᑦᐳᑦ, ᐅᕙᓂ 867-975-8376 ᐅᕝᕙᓘᓐᓃᑦ jlightfoot@qia.ca ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᑖᑦᓱᒥᖓ ᐱᓕᕆᐊᖑᔪᒥᒃ.

ᑲᓇᑕᒥ ᒥᕐᖑᐃᖅᓯᕐᕕᓕᕆᔨ ᑭᓕᐅ ᑲᐃᓐᔅ, ᐃᒃᐱᐊᕐᔪᖕᒦᓐᓂᐊᖅᑐᖅ ᑎᑭᒐᓱᐊᕐᓂᖓᓂ ᓯᑎᐱᕆ ᐊᒻᒪ ᒪᓂᒪᓂᐊᖅᑐᖅ ᐃᑲᔪᕈᓐᓇᕐᓗᓂ.  ᐅᖃᕐᕕᐅᔪᓐᓇᖅᑐᖅ ᐅᕙᓂ  867-439-8461 ᐅᕝᕙᓘᓐᓃᑦ  clare.kines@pc.gc.ca