ᓈᓚᐅᑎᒃᑯᑦ ᐅᖃᐅᓯᐅᖃᑦᑕᓂᐊᖅᑐᑦ: ᐄᐳᓗ 17, 2020 – $1.5 ᒥᓕᐊᓐ ᑮᓇᐅᔭᑦ ᐃᑲᔫᑎᐅᑲᐃᓐᓇᓂᐊᖅᑐᑦ ᐳᕝᕕᕆᓂᕐᒧᑦ ᖃᓂᒪᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᑯᓐᓄᑦ ᑖᒃᑯᐊ ᐱᔨᑦᑎᕋᐅᑎᖃᕐᓂᐊᖅᑐᑦ ᑲᑭᕙᒃᑯᑦ
ᐊᓲᔪᓯ ᐃᓘᓐᓇᓯ,
ᐅᕙᖓ ᑐᓴᐅᒪᑎᑦᑎᔨᒋᔭᐅᔪᖓ ᓄᓇᑦᑎᓐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ.
ᑐᓴᖅᑎᑦᑎᔪᒪᓪᓗᖓ ᑐᓴᖅᑕᐅᔭᕆᐊᖃᓪᓚᕆᑦᑐᓂᑦ ᐃᑲᔫᑎᐅᑲᐃᓐᓇᓂᐊᖅᑐᑦ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᑲᔪᖅᑕᐅᓗᑎᒃ ᒥᑭᔫᑕᐅᓂᕐᐹᑦ, ᐃᓱᒫᓗᓇᖅᑐᒦᓐᓂᕐᐹᑦ ᐃᓄᓐᓄᑦ−ᓇᒻᒥᓂᕆᔭᐅᔪᑦ ᐃᖅᑲᓇᐃᔭᕐᕕᖁᑎᒋᔭᐅᔪᑦ ᕿᑭᖅᑕᓂ.
ᑖᒃᑯᐊ ᐃᑲᔫᑏᑦ ᐱᔨᑦᑎᕋᐅᑕᐅᔪᑦ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ − ᕿᑭᖅᑕᓂᒃᑯᑦ ᖃᑭᒪᒍᑎᔅᓴᓕᐅᕋᓱᐊᖅᑎᐅᒐᑎᒃ ᐱᕙᓪᓕᐊᔪᓕᕆᓂᕐᒧᑦ ᑎᒥᖁᑎᖓᑦ.
ᐃᑲᔫᑏᑦ ᖃᐅᔨᒪᑦᑎᐊᕈᑕᐅᓂᐊᕐᒥᔪᑦ ᐃᓄᐃᑦ ᐃᖅᑲᓇᐃᔮᖃᐃᓐᓇᕋᓗᐊᕐᒪᖔᑕ.
ᐃᑲᔪᖅᑎᖃᖅᑐᑎᒃ ᕿᑭᖅᑕᓂᒃᑯᓐᓂᑦ, ᑲᑭᕙᒃᑯᑦ ᐃᓕᓯᕕᐅᓯᒪᒻᒪᑕ $1.5 ᒥᓕᐊᓐᓂᑦ ᑮᓇᐅᔭᓂᑦ ᐋᖅᑮᓂᐊᕐᖓᑕ ᒪᕐᕉᓐᓂᒃ ᐃᑲᔫᑎᐅᑲᐃᓐᓇᓂᐊᖅᑑᓐᓂᒃ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ.
ᓯᕗᓪᓖᑦ ᐃᑲᔫᑏᑦ $1 ᒥᓕᐊᓐ ᑮᓇᐅᔭᑦ ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᓱᒫᓗᓇᕐᓯᓯᒪᓂᖓᓄᑦ ᐃᑲᔫᑏᑦ.
ᑖᒃᑯᐊ ᐃᑲᔫᑏᑦ ᐃᑲᔫᑎᖃᕐᓂᐊᖅᑐᑦ ᑐᐊᕕᕐᓇᖅᑐᒥᒃ ᑮᓇᐅᔾᔭᔅᓵᓄᑦ ᐃᑲᔫᑎᓂᑦ ᐃᑲᔪᕐᓗᑎᒃ ᐊᔅᓱᕈᖅᑐᓂᑦ ᐃᖅᑲᓇᐃᔭᕐᕕᖁᑎᓕᓐᓂᑦ ᕿᑭᖅᑕᓂ ᓄᓇᓕᓐᓂᑦ ᓄᖅᑳᑎᑦᑎᑐᐃᓐᓇᖁᓇᒋᑦ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ.
ᑖᒃᑯᐊ ᑮᓇᐅᔾᔭᔅᓵᖑᕙᑦᑐᓄᑦ ᐃᑲᔫᑏᑦ ᐃᑲᔫᑎᐅᒍᓐᓇᓂᐊᖅᑐᑦ $20.00ᒧᑦ ᐃᑲᕐᕋᑕᒫᑦ ᑮᓇᐅᔾᔭᔅᓴᐅᑕᐅᕙᑦᑐᓄᑦ ᐊᑐᓂᑦ ᐃᖅᑲᓇᐃᔭᖅᑎᓄᑦ ᓄᖅᑲᖅᑎᑕᐅᒋᐊᖃᕋᔭᖅᑐᓄᑦ ᐱᔾᔪᑎᒋᓪᓗᒍ ᐳᕝᕕᕆᓇᖅᑐᖅ ᖃᓂᒪᓇᖅᑐᖅ ᓄᓇᕐᔪᐊᓕᒫᒥ ᓯᐊᒻᒪᐸᓪᓕᐊᓯᒪᔪᖅ.
ᑖᒃᑯᐊᑦᑕᐅᖅ $1,500ᓄᑦ ᑎᐅᒪᔪᑦ ᐊᑐᐃᓐᓇᕈᖅᑎᑕᐅᓯᒪᒻᒥᔪᑦ ᐃᓕᓐᓂᐊᑎᑦᑎᔾᔪᑎᔅᓴᐃᑦ ᐊᑐᓂᑦ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᕐᕕᓐᓄᑦ ᑐᕌᖓᔪᑦ ᒫᓐᓇ ᑕᐃᒫᒃ ᐃᓕᖅᑯᓯᖃᑲᐃᓐᓇᑎᓪᓗᑕ ᐱᓕᒻᒪᔅᓴᐃᒋᐊᒃᑲᓐᓂᕈᒪᔪᓄᑦ ᐃᖅᑲᓇᐃᔭᖅᑎᖁᑎᖏᓐᓂᒃ.
ᐊᐃᑉᐸᖏᑦ ᐃᑲᔫᑏᑦ ᐊᒥᓲᓂᓖᑦ $500,000ᓂᑦ ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᑏᑦ.
ᑖᒃᑯᐊ ᐃᑲᔫᑏᑦ ᐃᑲᔫᑎᖃᕐᓂᐊᖅᑐᑦ ᒥᑭᔫᑎᓄᑦ ᐃᓄᓐᓄᑦ−ᓇᒻᒥᓂᕆᔭᐅᔪᓄᑦ ᐃᖅᑲᓇᐃᔭᕐᕕᓐᓄᑦ ᕿᑭᖅᑕᓂ ᐊᐅᓚᓂᕐᓄᑦ ᐊᑭᓕᕐᓱᐃᔾᔪᑕᐅᔭᕆᐊᓕᓐᓄᑦ ᑐᕌᖓᓪᓗᑎᒃ.
ᐃᖅᑲᓇᐃᔭᕐᑯᓐᓄᑦ ᐃᑲᔫᑏᑦ ᐃᑲᔫᑎᖃᕐᓂᐊᖅᑐᑦ ᐅᑎᖅᑎᑕᐅᒋᐊᑐᔾᔮᒐᑎᒃ $25,000ᓄᑦ ᑎᑭᐅᒪᔪᓂᑦ ᐊᑐᓂᑦ ᑐᔅᓯᕋᐅᓯᐅᖃᑕᐅᔪᓐᓇᖅᑐᓄᑦ.
ᐃᖅᑲᓇᐃᔭᕐᕖᑦ ᓄᖅᑲᑎᑦᑎᒋᐊᖃᕐᓯᒪᔪᑦ ᐃᖅᑲᓇᐃᔭᖅᑎᖏᓐᓂᒃ, ᒪᑐᔭᕆᐊᖃᕐᓯᒪᔪᑦ, ᐅᕝᕙᓘᓐᓃᑦ ᑮᓇᐅᔭᓕᐅᕈᑎᒋᕙᑦᑕᖏᑦ ᐊᑭᑭᓪᓕᕚᓪᓕᕐᓯᒪᔪᑦ ᑐᔅᓯᕋᖃᑦᑕᕈᓐᓇᖅᑐᑦ ᑖᒃᑯᓇᙵᑦ ᓇᓪᓕᐊᓐᓂᑐᐃᓐᓇᖅ ᐅᕝᕙᓘᓐᓃᑦ ᑕᒪᒃᑮᓐᓂᒃ ᐃᑲᔫᑏᓐᓂᒃ.
ᐃᑲᔫᑏᑦ ᐋᖅᑭᓱᖅᑕᐅᓯᒪᔪᑦ ᐃᑲᔫᑎᖃᕐᓂᐊᕐᖓᑕ ᐃᓄᓐᓄᑦ−ᓇᒻᒥᓂᕆᔭᐅᔪᓂᑦ ᐃᖅᑲᓇᐃᔭᕐᕕᓐᓂᑦ ᒫᑦᓯ 15ᒥ ᔫᓂ 30ᒧᑦ, 2020.
ᑮᓇᐅᔭᖅᑖᕈᓐᓇᓂᐊᕋᕕᑦ, ᑐᓂᓯᔭᕆᐊᖃᖅᑐᑎᑦ ᓇᓗᓇᐃᔭᕐᓯᒪᓂᖏᓐᓂᒃ ᐃᖅᑲᓇᐃᔭᕐᕕᖁᑎᕕᑦ ᒥᔅᓵᓄᑦ ᐊᒻᒪᓗ ᐊᐅᓚᓂᕆᕙᑦᑕᖏᓐᓂᒃ.
ᑐᓂᓯᔭᕆᐊᖃᓂᐊᖅᑐᑎᑦ ᑐᑭᓯᐅᒪᔾᔪᑎᔅᓴᓂᑦ ᐅᑯᐊ ᒥᔅᓵᓄᑦ:
- ᑮᓇᐅᔾᔭᔅᓵᑦ
- ᐊᑐᖅᑐᐊᕈᑏᑦ
- ᐅᖅᑰᓴᐅᑎᓯᐅᑏᑦ
- ᖃᐅᒪᓯᐅᑏᑦ
- ᑐᓴᐅᒪᖃᑦᑕᐅᑎᔾᔪᑏᑦ
- ᓚᐃᓴᐃᑦ ᓇᓪᓕᐅᒃᑯᒫᓪᓗ
ᐊᑐᓂᑦ ᑐᔅᓯᕋᖅᑐᑦ ᑐᓂᓯᔭᕆᐊᓖᑦ ᐱᔭᕇᕐᓯᒪᑦᑎᐊᖅᑐᓂᑦ ᑐᔅᓯᕋᐅᑎᓂᑦ ᐊᒻᒪᓗᑦᑕᐅᖅ ᐃᑲᔪᕐᓯᕆᐊᕈᑎᖏᓐᓂᒃ ᑎᑎᖅᑲᓂᑦ.
ᑮᓇᐅᔭᑦ ᕿᑭᖅᑕᓂ ᐳᕝᕕᕆᓇᖅᑐᖅ ᐃᓱᒫᓗᓇᕐᓯᓯᒪᑎᓪᓗᒍ ᑮᓇᐅᔾᔭᔅᓵᓄᑦ ᐃᑲᔫᑏᑦ ᐅᕙᙶᕐᓯᒪᔪᑦ ᑲᑭᕙᒃᑯᑦ ᑮᓇᐅᔾᔭᔅᓵᖑᕙᑦᑐᓄᑦ ᐃᑲᔫᑎᖏᓐᓂᑦ ᑮᓇᐅᔭᖅᑖᕆᓯᒪᔭᖏᓐᓂᒃ ᓄᓇᖃᖅᑐᑐᖃᕐᓄᑦ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᓂᕐᒧᓪᓗ ᐃᑲᔫᑎᓂᑦ ᐊᖏᖃᑎᒌᒍᑎᑎᒍᑦ.
ᑮᓇᐅᔭᑦ ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᑏᑦ ᐅᕙᙶᕐᓯᒪᔪᑦ ᓴᓂᕐᕙᖅᑕᐅᓯᒪᔪᓂᑦ ᐊᑐᖅᑕᐅᓯᒪᙱᑦᑐᓂᑦ ᓯᕗᒧᑦ ᑮᓇᐅᔭᓂᑦ ᑐᓂᔭᐅᓯᒪᔪᓂᑦ ᑲᑭᕙᒃᑯᓐᓄᑦ ᕿᑭᖅᑕᓂᒃᑯᓐᓂᑦ.
ᑐᔅᓯᕋᐅᓯᐅᕈᑦ ᑎᑎᕋᕐᕕᔅᓴᖅ ᐱᔭᔅᓴᖅ ᐅᕙᙵᑦ: www.kakivak.ca
ᑐᔅᓯᕋᐅᓯᐅᕈᑦ ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᓯᐊᔅᓴᓂᑦ:
https://www.qia.ca/…/kakivak-qikiqtani-covid19-business-rel…
ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᓯᐊᔅᓴᑦ:
https://www.qia.ca/…/kakivak-qikiqtani-covid19-business-rel…
ᑐᔅᓯᕋᐅᓯᐅᕈᑦ ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᓯᐊᔅᓴᓂᑦ:
https://www.qia.ca/…/kakivak-qikiqtani-covid-19-wage-subsid…
ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᓯᐊᔅᓴᑦ:
https://www.qia.ca/…/kakivak-qikiqtani-covid19-wage-subsidy…
ᐃᖅᑲᐅᒪᒋᐊᖃᑦᑕᕆᔅᓯ . . . ᓯᐊᒻᒪᖁᓇᒍ ᐳᕝᕕᕆᓇᖅᑐᖅ (ᓄᕙᕐᔪᐊᓇᖅᑐᖅ−19):
- ᐅᐊᓴᖃᑦᑕᕐᓗᒋᑦ ᐊᒡᒐᓯ ᐅᐊᓴᕐᔫᒥᔭᒐᐃᓐᓇᕐᓗᓯ
- ᐃᓄᓕᓐᓃᕋᔭᓗᐊᖃᑕᖏᓪᓗᓯ
- ᐊᖏᕐᕋᕐᓯᒪᐃᓐᓇᕋᓱᔾᔫᒥᓗᓯ
ᑐᙵᓇᖃᑦᑕᕐᓗᓯ ᐊᒻᒪᓗ ᖃᐅᔨᒋᐊᖃᑦᑕᕐᓗᒋᑦ ᐃᓄᑐᖃᐃᑦ (ᐃᓄᒻᒪᕇᑦ) ᐅᕝᕙᓘᓐᓃᑦ ᐃᓱᒫᓗᓇᖅᑐᒦᓐᓂᕐᓴᐃᑦ ᐱᖃᑎᓯ ᐅᕝᕙᓘᓐᓃᑦ ᐃᓚᓯ ᐃᑲᔪᖅᑕᐅᒋᐊᖃᖅᑐᓴᐅᒻᒪᑕ. ᐅᖄᓚᕕᒋᖃᑦᑕᕐᓗᒋᑦ, ᐃᓄᔅᓯᐅᑎᓂᑦ ᓂᕿᓂᑦ ᐊᒻᒪᓗ ᑭᓱᑐᐃᓐᓇᕐᓂᑦ ᐊᑐᕆᐊᖃᕐᐸᑦᑕᖏᓐᓂᒃ ᐹᖏᓐᓅᕈᔾᔨᖃᑦᑕᕐᓗᓯ, ᑭᓯᐊᓂ ᐳᓛᖅᑕᐃᓕᓗᓯ.
ᑕᕝᕘᓈᖅᑐᐃᓐᓇᐅᒐᑦᑕ ᑕᒪᑦᑕ ᐊᒻᒪᓗ ᐊᑕᐅᓯᐅᖃᑎᒌᑦᑐᑕ ᓴᐳᔾᔨᒍᓐᓇᖅᑐᒍᑦ ᓄᓇᖅᑲᑎᑦᑎᓐᓂᒃ.
ᐊᑏ ᖃᐅᔨᒋᐊᖃᑦᑕᕆᔅᓯ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᑎᓐᓂᒃ qia.ca ᑐᑭᓯᒋᐊᒃᑲᓐᓂᕈᒪᒐᐃᒍᔅᓯ ᐊᒻᒪᓗ ᖃᐅᑕᒫᑦ ᑐᑭᓯᑎᑦᑎᒋᐊᕈᑕᐅᕙᑦᑐᑦ ᒥᔅᓵᓄᑦ.
ᒫᓐᓇᓕᓴᐅᔫᒥᔪᓂᑦ ᑐᓴᕋᔅᓴᓂᑦ ᑐᑭᓯᑎᑦᑎᒋᐊᕈᑕᐅᓯᒪᔪᓂᓪᓗ ᑕᑯᖃᑦᑕᕈᓐᓇᕐᒥᔪᓯ ᐃᑭᐊᖅᑭᕕᒃᑯᑦ ᑐᑭᓯᒋᐊᕈᑎᖃᕐᕕᑎᓐᓂ ᐅᑯᓇᙵᑦ Facebook, Twitter ᐊᒻᒪᓗ Instagram.
ᖁᔭᓐᓇᒦᒃ ᐱᕕᖃᖅᑎᑎᙳᐊᑕᕐᓯᓐᓇᕋᔅᓯ. ᐅᓪᓗᖃᑦᑎᐊᕐᓂᐊᕆᕗᓯ ᖃᓄᐃᖁᓇᙱᓐᓂᕗᓯᓗ.
