ᕿᑭᖅᑕᓃᒃᑯᑦ ᒪᓂᒪᑎᑦᑎᓕᕐᒥᔪᑦ ᑐᒃᓯᕋᐅᑎᓕᐅᕈᒪᔪᓄᑦ ᐃᓚᒌᒃᑐᓄᑦ ᑮᓇᐅᔭᖏᓐᓄᑦ
ᓴᖅᑭᑎᑕᐅᑲᐅᑎᒋᔪᒃᓴᖅ
ᕿᑭᖅᑕᓃᒃᑯᑦ ᒪᓂᒪᑎᑦᑎᓕᕐᒥᔪᑦ ᑐᒃᓯᕋᐅᑎᓕᐅᕈᒪᔪᓄᑦ ᐃᓚᒌᒃᑐᓄᑦ ᑮᓇᐅᔭᖏᓐᓄᑦ
ᕖᕝᕗᐊᓕ 1, 2021, ᐃᖃᓗᐃᑦ, ᓄᓇᕗᑦ – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᒪᓂᒪᑎᑦᑎᓕᕐᒥᔪᑦ ᑐᒃᓯᕋᐅᑎᓕᐅᕈᒪᔪᓄᑦ ᐃᓚᒌᒃᑐᓄᑦ ᑮᓇᐅᔭᖏᓐᓄᑦ. ᐃᓚᒌᒃᑐᓄᑦ ᑮᓇᐅᔭᐃᑦ, ᐊᓯᖏᓪᓗ ᕿᑭᖅᑕᓃᒃᑯᑦ ᐱᓕᕆᐊᖏᑦ, ᓄᖅᑲᖓᑎᑕᐅᑲᐃᓐᓇᖅᑲᐅᖕᒪᑕ 2020 ᐱᒋᐊᓕᓵᖅᑎᓪᓗᒍ, ᓄᕙᓐᓇᕐᔪᐊᖅ-19 ᐱᔾᔪᑎᒋᓪᓗᒍ.
ᐃᓚᒌᒃᑐᓄᑦ ᑮᓇᐅᔭᐃᑦ ᓴᖅᑭᓯᒪᔪᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᓐᓂᑦ ᐊᖏᖃᑎᒌᒍᑎᓂᑦ (ᐊᖏᖃᑎᒌᒍᑎᑦ) ᓄᓘᔮᕐᒧᑦ. ᑮᓇᐅᔭᖃᖅᑎᑕᐅᓪᓗᓂ ᑲᑐᔾᔭᐅᓯᒪᔪᒥᒃ ᐸᕕᓐᓛᓐᑯᓐᓄᑦ ᕿᑭᖅᑕᓃᒃᑯᓐᓄᓗ. ᑖᒃᑯᐊ ᑮᓇᐅᔭᐃᑦ ᐊᐅᓚᑕᐅᓪᓗᑎᒃ ᕿᑭᖅᑕᓃᒃᑯᓐᓄᑦ. ᐊᕐᕌᒍᑕᒫᑦ ᑮᓇᐅᔭᖅᑑᑎᒃᓴᐅᕙᒃᑐᑦ ᐃᓚᒌᒃᑐᓄᑦ $1,100,000−ᖑᖃᑦᑕᖅᑐᑦ.
ᐃᓚᒌᒃᑐᓄᑦ ᑮᓇᐅᔭᐃᑦ ᓴᖅᑭᑕᐅᓚᐅᖅᑐᑦ 2013ᒥ ᐱᓪᓗᒍ ᕿᑭᖅᑕᓃᒃᑯᑦ ᐃᓄᐃᓪᓗ ᐃᓕᓴᖅᓯᓯᒪᓂᖏᓐᓂᒃ ᐱᒻᒪᕆᐋᓗᒃᑯᑦ ᐱᔪᓐᓇᕐᓂᕆᔭᐅᔪᑦ ᐅᓄᖅᓯᒋᐊᕆᐊᖃᕐᓂᖏᑦ ᓄᓇᓖᑦ, ᐱᓗᐊᖅᑐᒥᒃ ᐅᓄᖅᓯᒋᐊᖅᑎᑦᑎᓂᕐᒥᒃ ᐊᒻᒪ ᐊᓯᔾᔨᖅᐸᓪᓕᐊᔪᓂᓗ ᓄᓇᒥᙶᖅᑐᓂᒃ ᐲᔭᐅᔪᖃᖃᑦᑕᓕᖅᑎᓪᓗᒍ ᕿᑭᖅᑕᓂ ᓄᓇᓕᖕᓂᑦ.
ᐅᑯᐊ ᓄᓇᓖᑦ ᑐᒃᓯᕋᖃᑦᑕᕈᓐᓇᖅᑐᑦ ᐃᓚᒌᒃᑐᓄᑦ: ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᒡᓗᓕᒃ ᒥᑦᑎᒪᑕᓕᒡᓗ.
ᖃᓄᖅ ᐆᒃᑐᕈᓐᓇᖅᐱᑦ:
ᕿᒥᕐᕈᔭᐅᓂᐊᖅᐳᑦ ᐃᓚᒌᒃᑐᓄᑦ ᑮᓇᐅᔭᓄᑦ ᒪᓕᒐᒃᓴᖏᑦ ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓂ ᐅᕙᓂ www.qia.ca ᑐᒃᓯᕋᐅᑎ ᑕᑕᑎᖅᓯᒋᐊᓚᐅᕐᓇᑎᑦ. . ᐃᓕᐅᖅᑲᕈᓐᓇᕐᒥᔭᐃᑦ ᖃᕆᓴᐅᔭᕐᓄᑦ ᑐᒃᓯᕋᐅᑎᑦ ᓇᓕᐊᑐᐃᓐᓇᖓ (ᑐᒃᓯᕋᕐᕕᐅᔪᓐᓇᖅᑐᖅ 1 ᑮᓇᐅᔭᓂᒃ $30,000ᓄᑦ ᑐᖔᓂᓘᓐᓃᑦ ᐱᓕᕆᓂᐊᕈᕕᑦ ᐊᒻᒪ ᑐᒃᓯᕋᕐᕕᐅᔪᓐᓇᖅᑐᖅ 2 $30,000 ᐅᖓᑖᓂ ᐱᓕᕆᐊᒃᓴᖃᕈᒪᒍᕕᑦ) ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓃᑦᑐᑦ, ᐅᕝᕙᓘᓐᓃᑦ ᑐᒃᓯᕋᕐᓗᑎ ᑎᑎᖅᑲᑎᒍᑦ ᐅᖄᓚᓗᑎᓪᓘᓐᓃᑦ ᕿᑭᖅᑕᓃ$ᑯᓐᓄᑦ ᐅᕝᕙᓘᓐᓃᑦ ᓄᓇᓕᖕᓂ ᑐᓴᐅᒪᑎᑦᑎᔨ ᑐᑭᓯᒋᐊᕐᕕᒋᓗᒍ.
ᑐᒃᓯᕋᖅᑐᑦ ᖃᐅᔨᒋᐊᖁᔭᐅᒋᕗᑦ ᕿᑭᖅᑕᓃᒃᑯᑦ ᑲᒪᔨᖓᓂ, ᑐᓐᓂᖅᑯᓯᐊᓕᕆᓂᕐᒥᒃ ᐊᐃᑦᑑᓯᐊᓕᕆᓂᕐᒥᓗ ᓈᓚ ᓵᒋᐊᖅᑐᖅ, ᐃᕐᖐᓐᓈᖅᑕᐅᑎᒃᑯᑦ nsagiatook@qia.ca ᐅᖄᓚᕕᒋᓗᒍᓘᓐᓃᑦ ᐅᕗᖓ 867- 975-8440 ᐃᑲᔪᕈᓐᓇᕐᓂᐊᒫᑎᑦ ᑕᑕᑎᖅᓯᓂᕐᒥᒃ ᑐᒃᓯᕋᐅᑎᒥᒃ ᐅᕝᕙᓘᓐᓃᑦ ᐱᔭᕇᖅᓯᒪᑦᑎᐊᕋᓗᐊᕐᒪᖔᑦ ᖃᐅᔨᒋᐊᕐᕕᐅᓗᓂ, ᑕᒻᒪᖅᓯᒪᙱᒃᑲᓗᐊᕐᒪᖔᓘᓐᓃᑦ ᐊᒻᒪᓗ ᐱᔪᓐᓇᕐᓂᖃᕋᓗᐊᕐᒪᖔᑦ ᑐᒃᓯᕋᕈᓐᓇᕐᓂᕐᒥᒃ.
ᕿᑭᖅᑕᓃᒃᑯᑦ ᓇᓗᓇᐃᖅᓯᒪᕗᑦ ᑐᒃᓯᕋᐅᑎᓯ ᑐᓂᔪᓐᓇᕈᔅᓯᐅᒃ 4ᓂᑦ ᐱᓇᓱᐊᕈᓯᓂᑦ ᓯᕗᓂᐊᒍᑦ ᐱᓕᕆᐊᒃᓴᐅᓂᐊᖅᑐᒧᑦ ᐸᕐᓇᒃᑕᐅᓯᒪᔪᒧᑦ ᐱᒋᐊᕐᕕᒋᔭᐅᓂᐊᖅᑐᒥᑦ, ᐱᕕᖃᑦᑎᐊᕈᓐᓇᕐᓂᐊᕐᒪᑕ ᕿᒥᕐᔨᐅᓂᐊᖅᑐᑦ
ᑐᒃᓯᕋᐅᑎᑦ ᑐᓂᔭᐅᔪᓐᓇᖅᑐᑦ ᓇᓕᐊᒃᑯᑐᐃᓐᓇᖅ:
- ᐃᕐᖐᓐᓈᖅᑕᐅᑎᒃᑯᑦ nsagiatook@qia.ca
- ᓱᑲᑦᑐᒃᑯᑦ (867) 979-3238
- ᐋᑕᐅᓗᓂᓘᓐᓃᑦ ᐊᒡᓚᕝᕕᖕᒧᑦ ᐃᖃᓗᓐᓂ ᐅᕝᕙᓘᓐᓃᑦ ᕿᑭᖅᑕᓃᒃᑯᑦ ᓄᓇᓕᓐᓂ ᑐᓴᐅᒪᑎᑦᑎᔨᐅᔪᓄᑦ
- ᑎᑎᖅᑲᐅᓯᕝᕕᒃᑯᓘᓐᓃᑦ ᓇᒃᓯᐅᔾᔭᐅᓗᓂ:
ᐃᓚᒌᒃᑐᓄᑦ- ᑲᒪᔨᖓ, ᑐᓐᓂᖅᑯᓯᐊᓕᕆᓂᕐᒧᑦ ᐊᐃᑦᑑᓯᐊᓕᕆᓂᒧᓪᓗ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᑎᑎᖅᑲᖅᑖᕐᕕᐊ 1340 ᐃᖃᓗᐃᑦ, ᓄᓇᕗᑦ X0A 0H0
ᑐᒃᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ:
ᕕᐅᓪ ᕼᐋᑉᑭᓐᔅ
ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ, ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 or
1.800.667.2742