ᐃᖃᓗᐃᑦ, ᓄᓇᕗᑦ, ᒫᑦᓯ 24, 2022. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᕿᔅᓵᖃᑕᐅᕗᑦ ᑐᓴᕆᐊᔅᓴᖅ ᐃᓅᔪᓐᓃᕐᓂᖓᓂᒃ ᐱᓕᐴᓯ ᐸᓂᐊᖅ.

ᐱᓕᐴᓯ ᐊᑯᓂᐊᓗᒃ ᐃᓚᒋᔭᐅᔪᒻᒪᑦ ᕿᑭᖅᑕᓂᒃᑯᑦ ᑲᑎᒪᔨᖏᓐᓄᑦ, ᑭᒡᒐᖅᑐᐃᓪᓗᓂ ᒥᑦᑎᒪᑕᓕᒻᒥᐅᓂᑦ ᑕᓪᓕᒪᓂᑦ (5) ᐊᕐᕌᒍᓂᑦ. ᐱᖓᓲᔪᖅᑐᓂᑦ (6) ᐊᕐᕌᒍᓂᑦ ᕿᑭᖅᑕᓂᒃᑯᓐᓄᑦ ᐋᔩᕋᖅᑎᓪᓗᐊᑕᐅᓚᐅᕐᒥᔪᖅ ᓄᓘᔮᓄᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᑦ.

ᓯᕗᓕᕐᓯᓂᖓᓂ, ᕿᑭᖅᑕᓂᒃᑯᑦ ᑲᔪᓯᑎᑦᑎᖃᑦᑕᓚᐅᖅᑐᑦ ᐊᑐᖅᑕᐅᓚᐅᕐᓯᒪᙱᑦᑐᓂᑦ ᐃᓄᓐᓄᑦ ᑐᕌᖓᔪᓂᑦ ᐋᖅᑭᓯᒪᓂᐊᖅᑐᓂᑦ, ᐃᓚᒋᔭᐅᓪᓗᑎᒃ ᓂᖏᖅᑕᕈᑎᓄᑦ ᐊᖏᕈᑏᑦ ᓄᓇᕗᒥ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᑦ. ᑕᖃᓱᐃᑦᑑᓪᓗᓂ ᐃᖅᑲᓇᐃᔭᖃᑦᑕᔪᔪᖅ ᓄᓘᔮᓐᓂᑦ ᐋᔩᖃᑎᒌᒍᑎᖃᕐᓂᕐᒥᒃ ᑕᐃᒫᒃ ᐃᓄᐃᑦ ᓈᒻᒪᑦᑐᓂᑦ ᐱᓇᓱᐊᕋᔅᓴᖃᕈᓐᓇᖁᓪᓗᒋᑦ ᐃᖅᑲᓇᐃᔭᕐᑯᒻᒥ ᐊᒻᒪᓗ ᐱᔪᓐᓇᐅᑎᖃᖁᓪᓗᒋᑦ ᐋᖅᑭᐅᒪᑎᑦᑎᓂᕐᒥ ᐊᖑᓇᓱᖃᑦᑕᓂᕐᒧᑦ ᐅᖃᐅᓯᖓᓐᓄᓪᓗ ᐱᔪᓐᓇᐅᑎᖏᓐᓂᒃ ᐊᒻᒪᓗ ᓄᓇᓖᑦ ᐱᕚᓪᓕᕈᑎᖃᕈᓐᓇᖁᓪᓗᒋᑦ ᐃᓚᒌᒃᑐᓄᑦ ᑮᓇᐅᔭᓂᑦ.

“ᐃᖅᑲᐅᒪᑎᑦᑎᓪᓗᑕ ᐱᖃᓐᓇᕆᔭᑦᑐᓐᓂᒃ ᐱᓕᐴᓯᒥᒃ, ᐃᖅᑲᐅᒪᑦᑎᑕ ᑐᓂᓯᒪᓂᕆᓚᐅᖅᑕᖓᓂᒃ ᐃᓄᓐᓄᑦ ᐊᒻᒪᓗ ᐱᒃᑯᒍᓱᓐᓂᕆᓚᐅᖅᑕᖓᓂᒃ ᓄᓇᖅᑲᑎᖏᓐᓂᒃ ᐅᖃᐅᓯᖓᓐᓂᓪᓗ. ᐱᓕᐴᓯ ᐃᖅᑲᓇᐃᔭᒃᑳᓘᓚᐅᕐᖓᑦ ᐊᒻᒪᓗ ᐃᓄᑐᐃᓐᓇᑦᑎᐊᖑᓪᓗᓂ ᑲᙳᓱᙱᑎᐊᕐᐸᑦᑐᓂ ᐃᑉᐱᓇᖅᑐᓂᑦ ᐱᔭᕆᐊᑐᔪᓂᓪᓘᓐᓃᑦ ᐅᖃᖃᑎᒌᒍᑎᖃᕆᐊᔅᓴᖅ, ᑕᒪᓐᓇ ᐃᑉᐱᒋᑦᑎᐊᖅᑕᕋ”, ᐅᖃᖅᑐᖅ ᕿᑭᖅᑕᓂᒃᑯᑦ ᐊᖏᔪᖅᑳᖓᑦ, ᐅᓛᔪᒃ ᐊᑭᓱᒃ.

ᐃᓱᒪᒋᓪᓗᒋᑦ ᐃᑲᔫᑎᒋᓯᒪᔭᖏᑦ, ᓇᓗᓇᙱᑎᐊᖅᑐᖅ ᐱᓕᐴᓯ ᓈᒻᒪᑦᑐᒥᒃ ᐊᑑᑎᑎᑦᑎᓯᒪᒻᒪᑦ ᓯᕗᒧᐊᑦᑎᑦᑎᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐅᑉᐱᕆᔭᖏᓐᓂᓪᓗ ᐱᔨᑦᑎᕋᐅᑎᖃᖅᑎᓪᓗᒍ ᕿᑭᖅᑕᓂᒃᑯᓐᓄᑦ.

ᕿᑭᖅᑕᓂᒃᑯᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᓇᓪᓕᒍᓱᓪᓚᕆᑉᐳᑦ ᐃᓚᖏᓐᓄᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᑭᐊᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᒍᑎᐅᕙᑦᑐᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓂ (ᐅ) 867.975.8398 ᐅᖓᓯᑦᑐᒥᑦ−ᐊᑭᖃᙱᑐᒃᑯᓘᓐᓃᑦ 1.800.667.2742
kflaherty@qia.ca