ᐃᖃᓗᐃᑦ, ᓄᓇᕗᑦ − ᓯᑎᐱᕆ 8, 2022 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᒪᒥᐊᑦᑐᑦ ᐃᓚᖏᖕᓄᑦ ᐱᖃᑎᖏᖕᓄᓪᓗ ᐃᓅᒍᓐᓃᓚᐅᖅᑐᖅ ᓄᓇᓕᓐᓂ ᑲᑎᒪᔨᖁᑎᕗᑦ ᑭᒡᒐᖅᑐᐃᓪᓗᓂ ᑭᙵᕐᓂ ᒥᔅᑕ ᒫᑎᐅ ᓴᕕᐊᕐᔪᒃ ᔮ.
ᒥᔅᑕ ᔮ ᓯᕗᓪᓕᖅᐹᒥᒃ ᓂᕈᐊᖅᑕᐅᓚᐅᖅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᖕᓄᑦ 2016-ᖑᑎᓪᓗᒍ, ᓂᕈᐊᖅᑕᐅᒃᑲᓐᓂᖅᑐᓂ 2020-ᐅᑎᓪᓗᒍ.
“ᕿᔅᓵᑉᐳᖓ ᐃᓅᒍᓐᓃᓚᐅᕐᓂᖓᓄᑦ ᐃᖅᑲᓇᐃᔭᖃᑎᒐ ᐊᒻᒪᓗ ᐃᓅᖃᑎᒐ ᑭᙵᕐᒥᐅᖅ,” ᐅᖃᖅᑐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓᑦ ᐅᓛᔪᖅ ᐊᑭᓱᒃ. “ᓴᕕᐊᕐᔪᒃ ᐃᑉᐱᕆᔭᐅᑦᑎᐊᓚᐅᖅᑐᖅ ᐃᓐᓇᓪᓚᕆᐅᓪᓗᓂ ᑲᑎᒪᔨᖁᑎᑦᑎᓐᓂ ᕿᑭᖅᑖᓗᒻᒥ ᐃᓄᐃᑦ ᑲᑐᔾᔨᖃᑎᒌᖏᖕᓄᑦ, ᓯᓚᑐᓂᕐᒥᒃ, ᓯᕗᓕᖅᑎᐅᓂᕐᒥᒃ, ᐊᒻᒪᓗ ᑐᑭᒧᐊᑦᑎᑦᑎᓂᕐᒥᒃ ᑲᑐᔾᔨᖃᑎᒌᑦᑎᓐᓅᖅᓯᒍᓐᓇᓚᐅᖅᑐᖅ ᐱᓕᕆᑦᑎᐊᓲᖑᓪᓗᓂ ᐊᒻᒪᓗ ᖁᕕᐊᒋᔭᖃᒻᒪᕆᑦᑐᓂ ᐱᐅᓛᕐᓂᑦ ᖃᓄᐃᓕᐅᕐᓂᕐᒥᒃ ᐃᓄᖕᓄᑦ ᕿᑭᖅᑖᓗᖕᒥᐅᑕᕐᓄᑦ. ᐱᐅᒋᔭᐅᑦᑎᐊᓚᐅᖅᑑᓪᓗᓂ ᑲᑎᒪᔨᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ. ᐅᖓᓕᖅᑕᐅᓂᐊᖅᑐᖅ.”
ᒥᔅᑕ ᔮ ᐊᔪᙱᒻᒪᕆᑦᑑᓪᓗᓂ ᓴᓇᙳᐊᖅᑎᐅᓚᐅᖅᑐᖅ ᐊᑖᑕᖓᓂᒃ ᖃᑕᙳᑎᒥᓂᓪᓗ ᒪᓕᑦᑐᓂ. ᐱᒃᑲᕐᔪᐊᒻᒪᕆᐅᓚᐅᖅᑐᖅ ᓴᓇᙳᐊᖅᐸᑦᑐᓂ ᓄᓇᙳᐊᓂ ᐊᔾᔨᖏᓐᓂᓪᓗ ᐃᓄᐃᑦ ᐅᑉᐱᕆᔭᖏᖕᓂᑦ ᐅᓂᒃᑳᖅᑐᐊᓂᑦ. ᐱᓕᕆᔨᐅᖃᑦᑕᑎᓪᓗᒍ, ᒪᐃᔭᒋᔭᐅᓚᐅᕐᒥᔪᖅ ᑭᙵᕐᓄᑦ ᐊᒻᒪᓗ ᑲᑎᒪᔨᐅᓪᓗᓂ ᑭᙵᕐᓂ ᑯᐊᐸᒃᑯᖓᓄᑦ ᐊᒥᓱᓄᑦ ᐊᕐᕌᒎᔪᓄᑦ. ᒫᑎᐅ ᐃᓕᓐᓂᐊᑎᑦᑎᕙᓚᐅᖅᑐᖅ ᐃᓐᓇᓵᓄᑦ ᓄᓇᓕᖓᓂ ᐊᒻᒪᓗ ᓴᓇᙳᐊᖅᑎᓄᑦ ᑭᙵᐃᑦ ᑭᖑᕚᖏᑦ ᖁᔭᓕᔪᒃᓴᑐᐃᓐᓇᐃᑦ ᒫᑎᐅᒥᒃ.
ᐱᕙᓪᓕᐊᔪᓕᕆᔩᑦ ᖃᐅᔨᒋᐊᕈᒪᒍᑎᑦ, ᖃᐅᔨᒃᑲᕐᓗᑎᑦ ᐆᒥᖓ:
ᕕᓕᐊᒻ ᕼᐊᑉᑭᓐᔅ
ᑐᑭᒧᐊᑦᑎᑦᑎᔨᐅᑲᐃᓐᓇᖅᑐᖅ, ᖃᓄᖅᑑᖅᓯᒪᔪᒃᑯᑦ ᑐᓴᐅᒪᑎᑦᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑎᖓ) 867.975.8413 ᐅᕝᕙᓘᓐᓃᑦ ᐊᑭᖃᙱᑦᑐᖅ 1.800.667.2742
whopkins@qia.flywheelsites.com
