ᑐᓴᒐᒃᓴᑦ: ᕿᑭᖅᑕᓂᒃᑯᑦ ᓇᓪᓕᒍᓱᑉᐳᑦ ᐃᓅᔪᓐᓃᑎᓪᓗᒍ ᐸᓐᓂᖅᑑᕐᒥᐅᑦ ᒪᐃᔭᖓᑦ ᐊᒻᒪᓗ ᒪᓕᒐᓕᐅᖅᑎᐅᓚᐅᕐᓯᒪᔪᖅ ᐄᓯᒃᑲᐃᔭ ᐅᓲᑖᐱᒃ
ᐃᖃᓗᐃᑦ, ᓄᓇᕗᑦ − ᐄᐳᓗ 21, 2020 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᓇᓪᓕᒍᓱᑉᐳᑦ ᐃᓚᖏᓐᓂᒃ, ᐱᖃᑎᖏᓐᓂᒃ ᓄᓇᖅᑲᑎᖏᓐᓂᓪᓗ ᐸᓐᓂᖅᑑᕐᒥᐅᓂᑦ ᒪᐃᔭᒋᓚᐅᖅᑕᖓᑕ ᒪᓕᒐᓕᐅᖅᑎᒋᓚᐅᕐᓯᒪᔭᖓᑕᓗ.
ᐄᓯᒃᑲᐃᔭ ᐅᓲᑖᐱᒃ ᐃᓅᔪᓐᓃᖅᑐᒥᓂᖅ ᓂᕆᐅᓇᙱᑦᑐᒥᒃ ᑕᓪᓕᕐᒥᐅᑎᓪᓗᒍ ᐅᑭᐅᖃᖅᑐᓂ 63ᓂᑦ.
“ᐃᖅᑲᐅᒪᕙᒃᑲ ᐄᓯᒃᑲᐃᔭ ᐅᓲᑖᐱᐅᑉ ᐃᓚᖏᑦ, ᐱᖃᑎᖏᑦ ᐊᒻᒪᓗ ᐸᓐᓂᖅᑑᕐᒥᐅᑕᐃᑦ ᒫᓐᓇ ᕿᔅᓵᑎᓪᓗᒋᑦ” ᐅᖃᖅᑐᖅ ᕿᑭᖅᑕᓂᒃᑯᑦ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ, “ᐄᓯᒃᑲᐃᔭ ᑐᓂᓯᒪᑦᑎᐊᖃᑦᑕᓚᐅᖅᑐᖅ ᓄᓇᖓᓐᓂ ᓯᕗᓕᖅᑎᐅᓪᓗᓂ ᐸᓐᓂᖅᑑᕐᒥᐅᓄᑦ ᐊᕐᕌᒍᓂᑦ ᒪᓕᒐᓕᐅᖅᑎᐅᑎᓪᓗᒍ ᒪᐃᔭᐅᑎᓪᓗᒍᓗ. ᐃᖅᑲᐅᒪᔭᐅᖃᑦᑕᓂᐊᖅᑐᖅ.”
ᐄᓯᒃᑲᐃᔭ ᐅᓲᑖᐱᒃ ᐃᓅᓚᐅᕐᓯᒪᔪᖅ ᐱᕈᕐᓴᓯᒪᓪᓗᓂᓗ ᐸᓐᓂᖅᑐᒥ, ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᓚᐅᖅᑐᓂ, ᓴᓇᔨᕈᓚᐅᕐᓯᒪᔪᖅ ᓱᓪᓗᓕᓐᓂᒃ ᐊᒻᒪᓗᑦᑕᐅᖅ ᐅᖅᑰᓴᐅᓯᕆᔨᐅᓂᕐᒥᒃ. ᐃᖅᑲᓇᐃᔮᖃᕐᓯᒪᒻᒥᔪᖅ ᐃᓪᓗᓕᕆᔨᒃᑯᓐᓄᑦ ᓴᓇᔨᐅᓂᕐᒥᒃ ᐊᒻᒪᓗ ᐃᔅᓯᕙᐅᑕᕆᔭᐅᓯᒪᓪᓗᓂ ᐸᓐᓂᖅᑑᑉ ᐃᖃᓗᓕᕆᔨᒃᑯᖏᓐᓄᑦ. ᐅᓲᑖᐱᒃ ᖃᐅᔨᒪᔭᐅᑦᑎᐊᕐᓯᒪᔪᖅ ᐸᓐᓂᖅᑑᕐᒥᐅᓄᑦ ᒪᓕᒐᓕᐅᖅᑎᐅᑎᓪᓗᒍ ᐊᒻᒪᓗ ᒪᐃᔭᐅᑎᓪᓗᒍ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᓰᒪ ᓴHᐊ ᔨᐅᕋHᐃ,
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
867.975.8413
1.800.667.2742