(ᑎᓯᐱᕆ 2, 2020 – ᐃᖃᓗᐃᑦ, ᓄᓇᕗᑦ) ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ)
ᓇᓗᓇᐃᕐᓯᕗᑦ ᑲᔪᓯᓂᐊᕐᖓᑕ ᓂᕈᐊᖅᑎᑦᑎᓗᑎᒃ ᐅᑯᓄᖓ ᓂᕈᐊᕐᕕᐅᔭᕆᐊᓕᓐᓄᑦ
ᐊᖏᔪᖅᑳᑉ−ᑐᖏᓕᔅᓴᖓᓂᒃ, ᑎᑎᕋᖅᑎ−ᑮᓇᐅᔭᓕᕆᔨᔅᓴᒥᒃ ᐊᒻᒪᓗ ᑕᓪᓕᒪᓂᑦ ᓄᓇᓕᐅᔪᓂᑦ
ᑲᑎᒪᔨᐅᖃᑕᐅᒐᔭᖅᑐᓂᑦ.

ᓂᕈᐊᕐᓇᐅᓛᖅᑐᖅ ᑎᓯᐱᕆ 14ᖑᓕᖅᑲᑦ, ᐊᒻᒪᓗ ᓯᕗᕐᖓᒍᑦ ᓂᕈᐊᕐᐸᒌᕐᕕᔅᓴᐅᓛᖅᑐᖅ ᑎᓯᐱᕆ 7ᒥ.
ᐃᓚᒋᔭᐅᓪᓗᓂ ᐸᕐᓇᑕᐅᓯᒪᒐᔪᓲᓄᑦ ᓯᓚᑲᒻᒪᐅᓂᐊᕐᓂᖅᑲᑦ ᓯᕗᕐᖓᒍᑦ ᓂᕈᐊᕐᐸᒌᕐᓂᕐᒧᑦ ᐊᒻᒪᓗ
ᓂᕈᐊᕐᓇᐅᓛᖅᑐᒧᑦ, ᕿᑭᖅᑕᓂᒃᑯᑦ ᓂᕆᐅᓇᙱᑦᑐᓄᑦ ᐸᕐᓇᓯᒪᔪᑦ ᐱᔾᔪᑎᒋᓪᓗᒍ ᓄᕙᕐᔪᐊᓇᖅᑐᒧᑦ
ᖃᓂᒪᓇᖅᑐᖅᑕᖃᕐᓂᖓ.

“ᓂᕈᐊᕐᕕᓕᒫᓂᑦ, ᐊᑐᐃᓐᓇᖃᓛᖅᑐᒍᑦ ᐊᑐᖅᑕᐅᔭᕆᐊᓕᓐᓂᑦ ᓲᕐᓗ ᒪᑯᓂᖓ ᑮᓇᕐᒧᑦ ᒪᑐᐊᕐᓂᑦ,
ᓴᐴᓗᑕᓂᑦ ᐊᒡᒐᓄᓪᓗ ᐅᐊᓴᐅᑎᓂᑦ ᑕᐃᒫᒃ ᐃᖅᑲᓇᐃᔭᖅᑎᕗᑦ ᓴᐳᑎᔭᐅᓯᒪᑦᑎᐊᖁᓪᓗᓕᒋᑦ, ᐊᒻᒪᓗ
ᐃᓄᐃᑦ ᓂᕈᐊᕆᐊᖅᑐᕋᐃᑉᐸᑕ ᐊᑦᑕᓇᖅᑐᒦᖁᓇᒋᑦ,” ᐅᖃᖅᑐᖅ ᐹᓪ ᐅᑲᓕᖅ, ᓂᕈᐊᖅᑐᓕᕆᓂᕐᒧᑦ
ᐊᖏᔪᖅᑳᖅ.

ᓄᓇᓖᑦ                                          ᓂᕈᐊᕐᕕᐅᓛᖅᑐᑦ
ᐃᒃᐱᐊᕐᔪᒃ ………………………………… ᐱᓐᖑᐊᕐᕕᒃ
*ᑲᖏᖅᑐᒑᐱᒃ ………………………….. ᐱᓐᖑᐊᕐᕕᒃ
ᐊᐅᓱᐃᑦᑐᖅ ……………………………… ᕼᐋᒻᓚᑦᑯᑦ ᑎᑎᕋᕐᕕᖓ
ᐃᒡᓗᓕᒃ …………………………………. ᕼᐊᒻᓚᒃᑯᑦ ᑲᑎᒪᕕᖓᑦ
ᐃᖃᓗᐃᑦ …………………………………. ᐅᓇᑕᖅᑐᒃᓴᙳᐊᑦ/ᐊᐃᑉ ᐅᒃᐱᒃ
ᑭᒻᒥᕈᑦ ……………………………………. ᐅᕕᖓᔪᖅ ᐃᒡᓗ
ᑭᓐᖓᐃᑦ ………………………………….. ᕼᐋᒻᓚᑦᑯᑦ ᑎᑎᕋᕐᕕᖓ
ᐸᓐᓂᖅᑑᖅ …………………………….. ᐱᓐᖑᐊᕐᕕᒃ
ᒥᑦᑎᒪᑕᓕᒃ ………………………………. ᐱᓐᖑᐊᕐᕕᒃ
ᕿᑭᖅᑕᕐᔪᐊᖅ …………………………… ᐱᓐᖑᐊᕐᕕᒃ
ᖃᐅᓱᐃᑦᑐᖅ …………………………… ᕼᐊᒻᓚᒃᑯᑦ ᑲᑎᒪᕕᖓᑦ
ᓴᓂᑭᓗᐊᖅ ………………………………. ᐱᓐᖑᐊᕐᕕᒃ
ᓴᓂᕋᔭᒃ ………………………………….. ᐱᓐᖑᐊᕐᕕᒃ
*ᓯᕗᕐᖓᒍᑦ ᓂᕈᐊᕐᐸᒌᕐᓂᕐᒧᑦ ᓂᕈᐊᖅᑎᑦᑎᓛᖅᑐᑦ ᑲᖏᖅᑐᒑᐱᒻᒥ Hᐊᒪᓚᒃᑯᑦ ᑲᑎᒪᕕᐊᓂ.

ᒫᓐᓇ ᑐᓴᕋᔅᓴᓕᐊᖑᓯᒪᔪᓂᑦ ᑐᓴᕈᒪᒍᔅᓯ ᓂᕈᐊᖅᑐᓕᕆᓂᕐᒨᖓᔪᑦ ᒥᔅᓵᓅᖓᔪᓂᑦ, ᖃᐅᔨᒋᐊᖃᑦᑕᕆᔅᓯ
ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓄᑦ. www.qia.ca/qia-elections/

ᑐᑭᓯᒋᐊᕐᕕᔅᓵᒃ:
ᐹᓪ ᐅᑲᓕᖅ                                                                                                                                                                                                 ᓈᑎᐊ ᓯᑰᓐ
ᓂᕈᐊᖅᑐᓕᕆᓂᕐᒧᑦ ᐊᖏᔪᖅᑳᖅ (CRO)                                                                                                                                                     ᐊᔮᔮ ᑐᓴᐅᒪᖃᑦᑕᐅᑎᑎᑦᑎᔩᑦ
ᑲᒪᒋᔭᓖᑦ ᐊᔮᔮ ᑐᓴᐅᒪᖃᑦᑕᐅᑎᑎᑦᑎᔩᑦ                                                                                                                                                      157 ᓂᐱᓴ ᐊᖅᑯᑖᓂ, ᐃᖃᓗᓐᓂ, ᓄᓇᕗᒥ, X0A 0H0
ᐅᖄᓚᐅᑖ: 867-222-5549                                                                                                                                                                     ᐅᖄᓚᐅᑖ: 867-979-1484
ᓱᒃᑲᔪᒃᑰᕈᑖ: 867-979-1487                                                                                                                                                                     ᓱᒃᑲᔪᒃᑰᕈᑖ: 867-979-1487
ᐃᕐᖐᓈᖅᑕᐅᑖ: qiacro@ayaya.ca                                                                                                                                                        ᐃᕐᖐᓈᖅᑕᐅᑖ: nadiac@ayaya.ca