ᑐᓴᒐᒃᓴᑦ: ᕿᑭᖅᑕᓂᒃᑯᑦ ᓇᓗᓇᐃᕐᓯᔪᑦ ᓵᓚᔅᓴᖅᑐᓂᑦ 2020 ᐃᙱᐅᓯᐅᓕᐅᑎᔪᓂᑦ/ᐅᖃᓗᕋᐅᔭᐅᑎᓕᐅᑎᔪᓂᑦ
ᐃᖃᓗᐃᑦ, ᓄᓇᕗᑦ − ᐋᒡᒌᓯ 7, 2020 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᖁᕕᐊᓱᑉᐳᑦ ᓇᓗᓇᐃᕐᓯᔭᕆᐊᔅᓴᖅ ᓵᓚᔅᓴᖅᑐᓂᑦ 2020 ᐃᓄᒃᑎᑐᑦ ᐃᙱᐅᓯᐅᓕᐅᑎᔪᓂᑦ/ᐅᖃᓗᕋᐅᔭᐅᑎᓕᐅᑎᔪᓂᑦ. ᐊᑭᑦᑐᕋᐅᑎᑎᑦᑎᓂᖅ ᐃᓚᒋᔭᐅᔪᔪᖅ ᐃᓄᒃᑎᑐᑦ ᐅᖃᐅᓯᓕᕆᓂᕐᒧᑦ ᑕᖅᑭᑎᓐᓂ ᐱᓕᕆᓂᐅᔪᔪᓂᑦ ᐊᒻᒪᓗ ᑐᓂᓯᖃᑦᑕᖁᔨᓚᐅᕐᓯᒪᒻᒪᑕ ᓄᓇᓕᐅᔪᓂᑦ ᓇᑭᑐᐃᓐᓇᖅ ᕿᑭᖅᑕᓂ.
ᓵᓚᔅᓴᖅᑐᑦ ᑐᓂᓯᔭᐅᒐᔪᓲᖑᒻᒪᑕ ᐃᓄᒃᑎᑐᑦ ᐅᖃᐅᓯᓕᕆᓚᐅᖅᑎᓪᓗᒋᑦ ᑕᖅᑭᕐᒥ ᖁᕕᐊᓲᑎᖃᖅᑎᓪᓗᒋᑦ. ᑭᖑᕙᕆᐊᕐᓯᒪᔪᒻᒪᑕ ᑕᒪᒃᑯᐊ ᑕᒫᓂ ᐊᕐᕌᒍᒥ ᐱᔾᔪᑎᒋᓪᓗᒍ ᐊᓪᓚᕝᕖᑦ ᒪᑐᓯᒪᐅᔪᒻᒪᑕ ᐊᒻᒪᓗ ᐃᓱᒫᓗᓇᕐᓯᓯᒪᑎᓪᓗᒍ ᖃᓄᖅᑑᕈᑕᐅᔪᔪᑦ ᐱᔾᔪᑎᒋᓪᓗᒋᑦ ᐳᕝᕕᕆᓇᖅᑐᖅ−ᖃᓂᒪᓇᖅᑐᖅ ᓄᓇᕐᔪᐊᓕᒫᒥ ᐱᔾᔪᑎᒋᓪᓗᒍ.
ᓵᓚᖃᐅᓯᐊᔅᓴᐃᑦ ᐅᑯᐊ $400 ᓯᕗᓪᓕᕐᐹᒧᑦ, $300 ᑐᖏᓕᐊᓄᑦ, ᐊᒻᒪᓗ $200 ᐱᖓᔪᐊᓄᑦ ᑐᓂᔭᐅᕗᑦ ᑖᒃᑯᓄᖓ:
$400 ᓯᕗᓪᓕᕐᐹᖑᓪᓗᓂ ᓵᓚᔅᓴᖅᑐᖅ, ᔨᐅᕋᒥ ᐊᑕᒍᑦᓯᐊᖅ
- ᐃᒃᐱᐊᕐᔪᒻᒥᐅᑕᖅ
- ᑐᓂᓯᔪᔪᖅ ᐃᙱᐅᓯᖓᓂᒃ ᑕᐃᒎᓯᓕᒃ “ᐃᓯᕋᕕᓐ”
- ᐃᙱᐅᓯᖓ ᐱᔾᔪᑎᓕᒃ “ᐃᓄᒻᒥᒃ ᐃᓯᕐᐸᓪᓕᐊᔪᒥᒃ ᖃᐅᒻᒪᑎᑦᑎᓪᓗᓂ ᐃᓪᓗᕈᓯᕐᒥᒃ ᐊᒻᒪᓗ ᖃᐅᒻᒪᑎᑦᑎᓪᓗᓂ ᓯᕗᓂᕆᓂᐊᖅᑕᖓᓂᒃ ᐃᑉᐱᓇᕐᓂᖓ ᐱᔾᔪᑎᒋᓪᓗᒍ”
- ᑖᓐᓇ ᐊᑯᓂᐊᓗᒃ ᐃᙱᐅᓯᓕᐊᕆᒐᓱᔅᓯᒪᔭᖓ ᐊᒻᒪᓗ ᐱᔭᕇᕈᒪᓕᓚᐅᕐᓯᒪᓪᓗᓂᒋᑦ ᐅᖃᐅᓯᖅᑕᕆᓂᐊᖅᑕᖏᑦ ᐃᙱᐅᓯᐅᓕᐅᑎᑎᑦᑎᔪᖃᓕᕐᖓᑦ
$300 ᑐᖏᓕᐊ ᓵᓚᔅᓴᖅᑐᖅ, ᓵᓕ ᖁᐊᓴ
- ᐃᒡᓗᓕᒻᒥᐅᑕᖅ
- ᑎᑎᕋᔪᔪᖅ ᐅᖃᓗᕋᐅᔭᐅᒻᒥᒃ “ᐊᕿᐊᑦᑐᑦᑎᐊᐹ”, “ᐊᐅᓪᓚᕐᓯᒪᓂᐅᑉ ᐊᖑᓇᓱᒋᐊᕐᓯᒪᓪᓗᓂ ᐃᖃᓪᓕᐊᕐᓯᒪᓪᓗᓂᓗ ᒥᔅᓵᓄᑦ ᐅᑭᐅᒃᑯᑦ ᐅᐱᕐᖔᑯᓪᓗ, ᐊᖑᓂᑦᑐᓂ ᐃᓄᑐᖃᕐᓄᑦ ᓄᓇᖅᑲᑎᖏᓐᓄᓪᓗ ᑐᕌᖓᔪᓂᑦ, ᖁᕕᐊᓱᑦᑐᓂ ᓂᕆᖃᑎᖃᕆᐊᔅᓴᖅ ᐃᓚᖏᓐᓂᒃ ᐱᖃᑎᖏᓐᓂᓪᓗ”
$200 ᐱᖓᔪᐊᑦ ᓵᓚᔅᓴᖅᑐᖅ, ᐊᐃᕙᓐ ᐊᖏᓕ ᑯᓄ ᐊᒻᒪᓗ ᐅᐃᓕᐊᒻ ᑯᓄ
- ᑕᒪᒃᑮᒃ ᒥᑦᑎᒪᑕᓕᒻᒥᐅᑖᒃ
- ᐃᙱᐅᓯᓕᐊᒥᓂᖓ “ᑐᓗᒐᑯᓗᒃ” ᐊᐃᕙᓐ ᐱᐊᓇᑦᑐᓂ ᐊᒻᒪᓗ ᐅᐃᓕᐊᒻ ᐃᙱᖅᑐᓂ
- ᓄᑲᕇᒃ ᖁᕕᐊᓱᐊᓪᓗᑎᒃ ᐃᙱᐅᓯᓕᐅᕐᓯᒪᔫᒃ ᑐᓂᔪᔭᖓ ᐃᙱᐅᓯᐅᓕᐅᑎᑎᑦᑎᓂᕐᒧᑦ
ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᓰᒪ ᓴHᐊ ᔨᐅᕋHᐃ,
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
szerehi@qia.ca
867.975.8413 or 1.800.667.2742