ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑐᒃᓯᒋᐊᕐᕕᒃ ᑲᑐᔾᔨᖃᑎᒌᖏᑦ ᑲᑐᔾᔨᔪᑦ ᖄᖓᒍᒃᑲᓐᓂᖅ ᓂᖃᑖᕈᑎᖃᖅᑎᑦᑎᓂᕐᒧᑦ ᐃᓄᖕᓂ ᐃᓐᓇᕐᓂ ᐃᖃᓗᓐᓂ ᑐᓂᔭᐅᓗᑎᒃ ᔪᓚᐃ 21, 2020ᒥ.

ᑲᑐᔾᔨᖃᑎᒌᖕᓂᖏᑦ ᑲᔪᓯᓚᐅᕐᒪᑦ ᐱᓕᕆᐊᖑᓯᒪᔪᖅ ᐃᓱᒪᒋᔭᐅᓪᓗᓂ ᕿᑭᖅᑕᓃᒃᑯᑦ ᐱᒋᐊᓚᐅᖅᑕᖓᓂᑦ ᐄᐳᓪᒥ ᐱᔾᔪᑎᒋᔭᐅᓪᓗᓂ ᐳᕝᕕᕆᓐᓇᖅᑐᖅ ᖃᓂᒪᓇᖅ -19. ᑖᒃᑯᐊ ᔪᓇᐃᑎᑦᕗᐄᒃᑯᑦ ᐋᓐᑎᐊᕆᐆᑉ ᑲᓇᖕᓇᖓᓃᑦᑐᑦ ᑐᓂᓯᖕᒪᑕ ᑮᓇᐅᔭᓂᒃ $62,000ᓂ ᐃᓐᓇᕐᓄᑦ ᐃᖃᓗᓐᓂ.  ᑕᐃᒪᐃᒻᒪᑦ ᑐᑭᓯᒋᐊᕐᕕᒃᑯᑦ ᑲᑐᔾᔨᓗᑎᒃ  ᑐᓂᓯᓂᐊᖅᑐᑦ 250ᓂ ᓂᕿᑖᕈᑎᒃᓴᓂ ᑭᖑᓪᓕᕐᒥ ᑐᓂᐅᖅᑲᐃᓕᖅᐸᑕ.

“ᖁᔭᓕᓇᖅᑐᑦ ᑮᓇᐅᔭᖅᑖᕋᑦᑕ ᔪᓇᐃᑎᑦᕗᐃᒃᑯᓐᓂᑦ,” ᐅᖃᖅᑐᖅ ᑐᑭᓯᒋᐊᕐᕕᒃᑯᑦ ᐊᖓᔪᖅᑳᖓ ᑕᐃᕕᑦ ᐅᕕᐅᓪᒪᓐ, “ᐊᒻᒪᓗ ᖁᕕᐊᓇᒃᑲᓐᓂᖅᖢᓂ ᑲᑐᔾᔨᖃᑎᖃᕐᓂᐊᕋᑦᑕᑦ ᕿᑭᖅᑕᓂᒃᑯᓐᓂ.”

ᑖᒃᑯᐊ ᓂᕿᑖᕈᑎᑦ ᐊᖏᖃᑎᒌᒍᑎᒃᑯᑦ ᐱᔭᐅᓯᒪᙱᑦᑐᑦ ᐅᑭᐅᖅᑕᖅᑐᒥᒃ ᐃᓚᒌᓴᒃᑯᓐᓂ ᐊᒻᒪ ᕿᑭᖅᑕᓃᒃᑯᓐᓂ ᑲᑐᔾᔨᓂᕆᓚᐅᖅᑕᖓᓂᑦ.  ᑐᑭᓯᒋᐊᕐᕕᒃᑯᑦ ᓂᕿᑖᕈᑎᑖᖅᑎᑦᑎᓂᐊᖅᑐᑦ ᐃᓄᖕᓂᑦ ᐃᓐᓇᕐᓂ ᐃᖃᓗᓐᓂ 60ᓂ ᐅᖓᑕᓂᓗ ᐅᑭᐅᓕᖕᓄᑦ ᐊᑎᓕᐅᖅᓯᒪᔪᓄᑦ ᓄᓇᕗᑦ ᑐᙵᕕᒃᑯᑎᒍᑦ.

ᐃᖅᑲᓇᐃᔭᖅᑎᑦ ᕿᑭᖅᑕᓃᒃᑯᓐᓂᑦ ᑐᑭᓯᒋᐊᕐᕕᖕᒥᓗ ᑯᐊᐸᒃᑯᓐᓃᓛᖅᑐᑦ ᐃᖃᓗᓐᓂ ᔪᓚᐃ 21ᒥ ᑐᓂᐅᖅᑲᐃᓗᑎᒃ ᓂᕿᑖᕈᑎᓂ.  ᐊᑏ ᖃᐅᔨᒋᐊᓛᖅᐳᑎᑦ ᐱᔪᓐᓇᖃᑕᐅᒍᓐᓇᕐᒪᖔᖅᐱᑦ.