ᐃᖃᓗᐃᑦ, ᓄᓇᕗᑦ – ᑎᓯᐱᕆ 2, 2024 – ᓂᕈᐊᖅᐸᒌᕈᒪᔪᑦ ᕿᑭᖅᑕᓃᒃᑯᑦ ᐊᖓᔪᖅᑳᖓᑕ ᑐᖏᓕᐊᓄᑦ, ᑎᑎᕋᖅᑎ ᑮᓇᐅᔭᓕᕆᓂᕐᒧᑦ ᐊᒻᒪᓗ ᐊᔾᔨᒌᙱᑦᑐᓂᑦ ᓄᓇᓕᖕᓂᑦ ᑲᑎᒪᔨᓂᒃ ᐅᓪᓗᒥ ᓂᕈᐊᖅᐸᒌᕈᓐᓇᖅᑐᓯ 10:00ᒥ ᐅᓪᓛᒃᑯᑦ − 7ᒧᓄᑦ ᐅᓐᓄᒃᑯᑦ. ᐊᑖᓂ ᓇᓗᓇᐃᔭᖅᓯᒪᔪᑦ ᓂᕈᐊᕐᕕᐅᓂᐊᖅᑐᑦ ᓂᕈᐊᖅᐹᒌᕈᒪᔪᓄᑦ ᓄᓇᓕᖕᓂᑦ.
ᓂᕈᐊᖅᐸᒌᕐᕕᐅᔪᓐᓇᖅᑐᑦ:
ᐃᒃᐱᐊᕐᔪᖕᒥ – ᓄᓇᓕᐅᑉ ᑲᑎᑦᑕᕐᕕᐊᓂᑦ
ᑭᙵᐃᑦ – ᕼᐊᒻᓚᒃᑯᑦ ᐊᒡᓚᕝᕕᖓᓂᑦ
ᑲᖏᖅᑐᒑᐱᒃ – ᕼᐊᒻᓚᒃᑯᑦ ᑲᑎᒪᕕᐊᓂᑦ
ᐊᐅᓱᐃᑦᑐᖅ – ᕼᐊᒻᓚᒃᑯᑦ ᐊᒡᓚᕝᕕᐊᓂᑦ
ᓴᓂᕋᔭᒃ – ᐅᒪᔪᕐᓂᐊᖅᑎᒃᑯᑦ ᐊᒡᓚᕝᕕᐊᓂᑦ
ᐃᒡᓗᓕᒃ – ᕼᐊᒻᓚᒃᑯᑦ ᑲᑎᒪᕕᐊᓂᑦ
ᐃᖃᓗᐃᑦ – ᐅᓇᓕᒃᓴᔭᕋᓛᒃᑯᑦ ᐃᓪᓗᖓᓂᑦ
ᑭᒻᒥᕈᑦ – ᐋᑲᕙᒃ ᑲᑎᕕᕝᕕᖓᓂᑦ
ᐸᖕᓂᖅᑑᖅ – ᓄᓇᓕᐅᑉ ᑲᑎᕝᕕᖓᓂ
ᒥᑦᑎᒪᑕᓕᒃ – ᓄᓇᓕᐅᑉ ᑲᑎᕝᕕᖓᓂ
ᕿᑭᖅᑕᕐᔪᐊᖅ – ᓄᓇᓕᐅᑉ ᑲᑎᕝᕕᖓᓂ
ᖃᐅᓱᐃᑦᑐᖅ – ᐃᖃᐃᓕᓴᕐᕕᖕᒥ
ᓴᓂᑭᓗᐊᖅ – ᓄᑖᒥ ᕼᐊᒻᓚᒃᑯᑦ ᐊᒡᓚᕝᕕᐊᓂᑦ
ᓛᒐ ᐸᕕᓐᒥ ᓂᕈᐊᕐᓂᐊᖅᑐᑦ ᕿᑭᖅᑕᓃᒃᑯᑦ ᐊᖓᔪᖅᑳᖓᓄᑐᐊᖅ ᐊᒻᒪ ᑎᑎᕋᖅᑎ ᑮᓇᐅᔭᓕᕆᔨᒥ. ᐊᑑᕚᒦᒃᑯᕕᑦ ᐊᒻᒪ ᓂᕈᐊᕈᒪᒍᕕᑦ ᓄᓇᓕᖕᒥ ᑲᑎᒪᔨᒃᓴᒥ, ᓂᕈᐊᖅᑎᑦᑎᒋᐊᖃᕋᔭᖅᑐᑦ. ᐃᖏᕐᕋᑎᑕᐅᔪᒥᒃᑕᐅᖅ ᓂᕈᐊᕐᕕᖃᕐᓂᐊᖅᑐᖅ ᕿᑭᖅᑕᓂ ᓄᓇᓕᓕᒫᓂᒃ ᑎᓯᐱᕆᒥ 3ᒥᑦ ᐱᒋᐊᕐᓗᑎᒃ ᑎᓯᐱᕆ 6ᒧᑦ, 2024ᒧᑦ ᑎᑭᓪᓗᒍ.
ᓂᕈᐊᕈᓐᓇᕐᒥᔪᓯ ᓂᕈᐊᖅᑎᑦᑎᓗᓯ, ᑐᒃᓯᕋᐅᑎᖃᖅᑐᖅ ᐱᔭᐅᔪᓐᓇᖅᑐᓂᒃ ᓄᓇᓕᔅᓯᓐᓂ ᑐᓴᐅᒪᑎᑦᑎᔨᒥᑦ ᐅᕝᕙᓘᓐᓃᑦ ᐅᕙᙵᑦ ᐱᔭᐅᔪᓐᓇᖅᑐᖅ qia.ca/elections.
ᑐᑭᓯᒃᑲᓐᓂᕆᐊᖃᕈᕕᑦ, ᖃᐅᔨᒋᐊᕐᕕᒃᓴᖅ:
ᒫᓂᑲ ᐃᐊᓪ ᑲᓇᔪᖅ ᔭᐃᓯᓐ ᕌᐳᑦᔅ
ᓂᕈᐊᖅᑐᓕᕆᔨᒻᒪᕆᒃ ᓂᕈᐊᖅᑐᓕᕆᔨᒻᒪᕆᐅᑉ ᐊᒡᓚᕝᕕᖓᓂᑦ
ᐅᖄᓚᐅᑖ: 867-222-1916 ᐊᔮᔮᒃᑯᓐᓂᑦ
ᐃᕐᖐᓐᓈᖅᑕᐅᑖ: qiacro@ayaya.ca ᐅᖄᓚᐅᑖ: 867-222-2487
ᐃᕐᖐᓐᓈᖅᑕᐅᑖ: jasonr@ayaya.ca
