ᑲᑐᔾᔨᖃᑎᒌᒃᑯᑦ ᑐᑭᓯᐅᒪᔾᔪᑎᔅᓴᓕᕆᓂᖏᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔫᑉ ᑐᑦᑕᕐᕕᐅᓪᓗ ᒥᔅᓵᓄᑦ
ᑐᓴᕋᔅᓴᓕᐊᖑᔪᖅ
ᑲᑐᔾᔨᖃᑎᒌᒃᑯᑦ ᑐᑭᓯᐅᒪᔾᔪᑎᔅᓴᓕᕆᓂᖏᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔫᑉ ᑐᑦᑕᕐᕕᐅᓪᓗ ᒥᔅᓵᓄᑦ
ᐅᓪᓗᖓ: ᒫᑦᓯ 29, 2018
ᓇᒥ: ᓂᐅᕕᕐᕕᒻᒥ ᐊᒻᒪᓗ ᐅᑭᐅᖅᑕᖅᑐᒥ ᓂᐅᕕᕋᕐᕕᒻᒥ (ᓴᓪᓗᒥᓂᕐᒥ)
ᐅᓪᓗᖏᑦ ᑐᑭᓯᐅᒪᔾᔪᑎᔅᓴᓕᕆᕕᐅᒐᔭᖅᑐᖅ: ᐄᐳᓗ 4ᒥ 5ᒥᓗ, 2018
ᖃᑦᑎᒨᖅᑎᓪᓗᒍ: 5ᒥ ᐅᓐᓄᓴᒃᑯᑦ 6ᒧᑦ ᐅᓐᓄᒃᑯᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᓱᓕ ᓄᓇᓕᓐᓅᖃᑦᑕᕐᖓᑕ ᕿᑭᖅᑖᓗᒻᒥ ᑐᑭᓯᑎᑦᑎᒋᐊᕆᐊᖅᑐᖃᑦᑕᖅᑐᑎᒃ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔫᑉ ᒥᔅᓵᓄᑦ − ᕿᑭᖅᑕᓂ ᐃᓕᓐᓂᐊᑎᑦᑎᓂᕐᒧᑦ ᐱᓕᒻᒪᔅᓴᐃᓂᕐᒧᓪᓗ ᐃᖅᑲᓇᐃᔮᔅᓴᓄᑦ ᑲᑐᔾᔨᖃᑎᒌᒍᑕᐅᔫᑉ ᒥᔅᓵᓄᑦ ᐊᒻᒪᓗ ᐃᑲᔪᕆᐊᖅᑐᑎᒃ ᐃᓄᓐᓂᑦ ᖃᓄᖅ ᐊᑎᓕᐅᖃᑦᑕᓂᐊᕐᒪᖔᑕ ᑖᔅᓱᒧᖓ ᑐᑦᑕᕐᕕᒻᒧᑦ. ᐄᐳᓗ 4ᒥ 5ᒥᓗ ᑲᑐᔾᔨᖃᑎᒌᒃᑯᑦ ᐃᖅᑲᓇᐃᔭᖅᑎᖏᑦ ᐃᖃᓗᓐᓃᓛᕐᖓᑕ.
ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ, ᓴᖅᑭᖅᑕᐅᕋᑖᕐᓯᒪᓪᓗᓂ ᐃᓄᓐᓂᑦ ᐃᓕᓐᓂᐊᑎᑦᑎᓂᕐᒧᑦ ᐃᖅᑲᓇᐃᔮᔅᓴᓄᓪᓗ ᐃᑲᔫᑎ ᓴᖅᑭᖅᑕᐅᓯᒪᔪᖅ ᑲᑐᔾᔨᖃᑎᒌᒃᑯᓐᓂᑦ ᑲᑐᔾᔨᖃᑎᖃᖅᑐᑎᒃ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑎᓂᑦ ᐃᑲᔪᖅᑕᐅᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂ, ᓄᓇᕗᑦ ᒐᕙᒪᒃᑯᖏᓐᓂᑦ ᐊᒻᒪᓗ ᑲᑭᕙᒃᑯᓐᓂᑦ. .
ᑲᑐᔾᔨᖃᑎᒌᒃᑯᑦ ᓴᓇᓯᒪᒻᒥᔪᑦ ᐃᓄᐃᑦ ᐃᖅᑲᓇᐃᔭᖅᑏᑦ ᒥᔅᓵᓄᑦ ᑐᑭᓯᐅᒪᔾᔪᑎᔅᓴᖃᕐᕕᒻᒥᒃ (ᑐᑦᑕᕐᕕᒃ) ᐃᑲᔫᑎᖃᕐᓂᐊᖅᑐᖅ ᓴᖅᑭᔮᖅᑎᑦᑎᒋᐊᒃᑲᓂᕐᓂᕐᒥᒃ ᐃᓄᓐᓄᑦ ᐃᓕᓐᓂᐊᕈᑕᐅᖃᑦᑕᕈᓐᓇᖅᑐᓂᑦ ᐊᒻᒪᓗ ᐃᑲᔫᑎᖃᕐᓂᐊᖅᑐᓂ ᐃᖅᑲᓇᐃᔭᖅᑎᑦᑎᕙᑦᑐᓄᑦ ᓇᓂᓯᖃᑦᑕᓂᕐᒥᒃ ᐃᖅᑲᓇᐃᔭᖅᑎᑖᖑᔪᓐᓇᖅᑐᓂᑦ ᐃᓕᓐᓂᐊᕈᓐᓇᖅᑐᓂᓪᓗ.
ᐃᓚᒋᔭᐅᓕᕐᓗᑎᒃ ᑐᑦᑕᕐᕕᒻᒧᑦ, ᐃᓄᓕᒫᑦ ᐱᔪᒐᕐᓴᐅᑎᖏᑦ ᑕᑯᔭᔅᓴᕈᖅᑕᐅᑎᒋᖃᑦᑕᓂᐊᕐᖓᑕ ᐃᖅᑲᓇᐃᔮᔅᓴᐅᖃᑦᑕᓂᐊᖅᑐᓄᑦ ᓇᒥᓕᒫᖅ ᕿᑭᖅᑕᓂ ᓄᓇᓕᓐᓂᑦ. ᐊᒻᒪᓗᑦᑕᐅᖅ, ᑕᕝᕗᖓ ᐃᓚᐅᔪᑦ ᐱᓇᓱᐊᖃᑕᐅᖃᑦᑕᕈᓐᓇᓂᐊᕐᖓᑕ ᐱᓕᒻᒪᔅᓴᐅᑎᔅᓴᓄᑦ ᐃᓕᓐᓂᐊᕋᔅᓴᓄᓪᓗ.
ᑐᑭᓯᒋᐊᒃᑲᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᓰᒪ ᓴHᐊ ᓯᐅᕋHᐃ, ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(867) 975.8413, 1.800.667.2742
