ᐃᓄᓕᒫᓄᑦ ᓇᓗᓇᐃᕐᓯᒋᐊᕈᑦ

ᑎᑎᕋᖅᑕᐅᕕᖓᑕ ᐅᓪᓗᖓ:  ᒫᑦᓯ 28, 2018

ᐱᔾᔪᑕᐅᔪᖅ: ᑲᑐᔾᔨᖃᑎᒌᒃᑯᑦ ᓄᓇᓕᓐᓂᑦ ᑲᑎᒪᑎᑦᑎᓂᖓᑦ ᐋᔩᕈᑕᐅᒃᑲᓂᕐᓂᖏᓐᓄᑦ ᓄᓘᔮᓕᕆᓂᕐᒥ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ

ᑲᑎᒪᕕᐅᓛᖅᑐᑦ ᐅᓪᓗᐃᑦ: ᐱᖓᑦᑎᕐᒥ ᐄᐳᓗ 4, 2018 ᑎᓴᒻᒥᕐᒧᑦ, ᐄᐳᓗ 12, 2018

ᓇᒦᓛᖅᑲᑦ: ᐃᒡᓗᓕᒃ, ᐃᒃᐱᐊᕐᔪᒃ, ᒥᑦᑎᒪᑕᓕᒃ, ᓴᓂᕋᔭᒃ, ᑲᖏᖅᑐᒑᐱᒃ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᓄᓇᓕᓐᓂᑦ ᑲᑎᒪᑎᑦᑎᖃᑦᑕᓛᕐᖓᑕ ᐊᒻᒪᓗ ᑐᑭᓯᑎᑦᑎᒋᐊᕐᓗᑎᒃ ᑲᑎᒪᑎᑦᑎᖃᑦᑕᓛᕐᖓᑕ ᓄᐊᑦᑎᓗᑎᒃ ᐃᓱᒪᒋᔭᐅᔪᓂᑦ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐱᔾᔪᑎᒋᓪᓗᒋᑦ ᐋᔩᕈᑕᐅᒃᑲᓂᕐᓂᖏᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑕᐅᓯᒪᔪᑦ (ᐊᖏᕈᑏᑦ) ᑲᑐᔾᔨᖃᑎᒌᒃᑯᓐᓂ ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑎᓂᑦ .

ᐄᐳᓗ 4ᒥ ᐄᐳᓗ 12ᒧᑦ, ᑲᑐᔾᔨᖃᑎᒌᒃᑯᑦ ᐃᖅᑲᓇᐃᔭᖅᑎᖏᑦ ᓯᕗᓕᕐᓯᓪᓗᓂ ᐄᕙ ᐋᕆᐊᒃ, ᐊᖏᕈᑎᓂᑦ ᐋᔩᕋᖅᑎᓪᓗᐊᑕᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᓄᓘᔮᓕᕆᓂᕐᒧᑦ ᓄᓇᓕᓐᓅᖃᑦᑕᓛᕐᖓᑕ − ᐃᒡᓗᓕᒻᒧᑦ, ᐃᒃᐱᐊᕐᔪᒻᒧᑦ, ᒥᑦᑎᒪᑕᓕᒻᒧᑦ, ᓴᓂᕋᔭᒻᒧᑦ, ᑲᖏᖅᑐᒑᐱᒻᒧᑦ − ᑕᓪᓕᒪᑦ ᓄᓇᓖᑦ ᐊᑦᑐᖅᑕᐅᓯᒪᔪᑦ ᐅᔭᕋᓐᓂᐊᓂᕐᒧᑦ.

ᑖᒃᑯᓇᓂ ᓄᓇᓕᓐᓂᑦ ᑲᑎᒪᑎᑦᑎᓂᐅᔪᓂᑦ ᑲᑎᒪᖃᑎᖃᖃᑦᑕᓛᕐᒥᔪᑦ Hᐊᒪᓚᒃᑯᑦ ᑲᑎᒪᔨᖏᓐᓂᑦ, ᐊᖑᓇᓱᑦᑐᓕᕆᔨᒃᑯᓐᓂ (ᐆᒪᔪᕐᓂᐊᖅᑏᑦ), ᓄᓇᓕᓐᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᕐᓂᑦ (ᓄᓇᓕᕆᔨᕋᓛᑦ) ᐊᒻᒪᓗᑦᑕᐅᖅ ᐃᓄᓕᒫᓂᑦ ᑲᑎᒪᑎᑦᑎᖃᑦᑕᕐᓗᑎᒃ ᓄᓇᓕᓐᓂᑦ.

ᐃᓛᒃᑯᑦ 22.2 ᐊᖏᕈᑕᐅᓯᒪᔪᓃᑦᑐᖅ ᐹᕕᓐᓛᓐᑯᓐᓂᑦ ᑲᑐᔾᔨᖃᑎᒌᒃᑯᓂᓪᓗ, ᐃᒪᐃᓕᖓᒻᒪᑦ ᐊᖏᕈᑎᓂᑦ ᕿᒥᕐᕈᖃᑦᑕᓂᐊᕐᖓᑕ ᐱᖓᓱᑦ ᐊᕐᕌᒍᑦ ᓈᔭᕋᐃᑉᐸᑕ ᐊᓯᔾᔨᖅᑕᐅᖃᑦᑕᓂᐊᕐᖓᑕ ᐋᖅᑭᒋᐊᖅᑕᐅᖃᑦᑕᕐᓗᑎᓪᓗ ᐊᖏᖃᑎᒌᒍᑏᑦ ᑕᐃᒪᐃᒋᐊᖃᖅᑲᑕ.

ᒪᓕᑦᑐᒍ ᑖᓐᓇ ᕿᒥᕐᕈᓂᖅ, ᐃᓚᖏᑦ ᐃᓛᒃᑰᖓᓂᖏᑦ ᐊᖏᕈᑎᓂᑦ ᐋᔩᕈᑕᐅᒃᑲᓐᓂᖃᑦᑕᓂᐊᕐᖓᑕ, ᑕᐃᒫᒃ ᑎᑎᕋᕐᓯᒪᒻᒪᑦ ᐃᓛᒃᑯᑦ 22.4ᒥ.

ᓄᓇᓕᓐᓂᑦ ᑲᑎᒪᑎᑦᑎᓂᐅᖃᑦᑕᓂᐊᖅᑐᑦ ᐱᕕᖃᕈᑕᐅᓂᐊᖅᑐᖅ ᐃᓄᓐᓄᑦ ᐃᓱᒪᒋᔭᖏᓐᓂᒃ ᐅᖃᐅᓯᖃᖃᑦᑕᓂᕐᒥᒃ ᐊᒻᒪᓗ ᐃᓱᒪᒋᓯᒪᔭᖏᓐᓂᒃ ᑲᑐᔾᔨᖃᑎᒌᒃᑯᑦ ᒥᓵᓄᑦ ᐱᔾᔪᑎᒋᓪᓗᒋᑦ ᐊᖏᕈᑎᓂᑦ ᐋᔩᕈᑎᖃᒃᑲᓂᕐᓂᖏᑦ ᓄᓘᔮᓕᕆᓂᕐᒨᖓᔪᓂᑦ.

ᐋᖅᑭᓯᒪᓂᖏᑦ ᓄᓇᓕᓐᓂᑦ ᑲᑎᒪᓂᐅᖃᑦᑕᓂᐊᖅᑐᑦ:

ᐄᐳᓗ 5 – ᐃᒡᓗᓕᒻᒥ:

9ᒥ ᐅᓪᓛᒃᑯᑦ 5ᒧᑦ ᐅᓐᓄᓴᒃᑯᑦ: ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᑦᑐᓕᕆᔨᒃᑯᓐᓂᑦ ᐊᒻᒪᓗ ᓄᓇᓕᕆᔨᕋᓛᕐᓂᑦ

7ᒥ 9ᒧᑦ ᐅᓐᓄᒃᑯᑦ: ᐃᓄᓕᒫᓂᑦ ᑲᑎᒪᑎᑦᑎᓗᑎᒃ ᓄᓇᓖᑦ ᐱᙳᐊᕐᕕᖓᓐᓂ

ᐄᐳᓗ 6ᒥ-7ᒥᓗ − ᐃᒃᐱᐊᕐᔪᒻᒥ:

ᐄᐳᓗ 6ᒥ, 1ᒥ – 5ᒧᑦ ᐅᓐᓄᓴᒃᑯᑦ: ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᑦᑐᓕᕆᔨᒃᑯᓐᓂᑦ ᐊᒻᒪᓗ ᓄᓇᓕᕆᔨᕋᓛᕐᓂᑦ − ᑕᖕᒫᕐᕕᒃ ᑐᔪᕐᒥᕕᒻᒥ

ᐄᐳᓗ 7ᒥ, 7ᒥ − 9ᒧᑦ ᐅᓐᓄᒃᑯᑦ: ᐃᓄᓕᒫᓂᑦ ᑲᑎᒪᑎᑦᑎᓗᑎᒃ ᓄᓇᓖᑦ ᐱᙳᐊᕐᕕᖓᓐᓂ

 ᐄᐳᓗ 9ᒥ 10ᒥᓗ − ᒥᑦᑎᒪᑕᓕᒻᒥ:

ᐄᐳᓗ 9ᒥ, 9ᒥ ᐅᓪᓛᒃᑯᑦ 5ᒧᑦ ᐅᓐᓄᓴᒃᑯᑦ: ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᑦᑐᓕᕆᔨᒃᑯᓐᓂᑦ ᐊᒻᒪᓗ ᓄᓇᓕᕆᔨᕋᓛᕐᓂᑦ

ᐄᐳᓗ 9, 7ᒥ 9ᒧᑦ ᐅᓐᓄᒃᑯᑦ: ᐃᓄᓕᒫᓂᑦ ᑲᑎᒪᑎᑦᑎᓗᑎᒃ ᓴᐅᓂᖅ ᑐᔪᕐᒥᕕᐅᑉ ᑲᑎᒪᕕᐊᓂ

ᐄᐳᓗ 10, 9ᒥ ᐅᓪᓛᒃᑯᑦ 4ᒧᑦ ᐅᓐᓄᓴᒃᑯᑦ: ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᑦᑐᓕᕆᔨᒃᑯᓐᓂᑦ ᐊᒻᒪᓗ ᓄᓇᓕᕆᔨᕋᓛᕐᓂᑦ

ᐄᐳᓗ 11 – ᓴᓂᕋᔭᒻᒥ:

9ᒥ ᐅᓪᓛᒃᑯᑦ 5ᒧᑦ ᐅᓐᓄᓴᒃᑯᑦ: ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᑦᑐᓕᕆᔨᒃᑯᓐᓂᑦ ᐊᒻᒪᓗ ᓄᓇᓕᕆᔨᕋᓛᕐᓂᑦ

7ᒥ 9ᒧᑦ ᐅᓐᓄᒃᑯᑦ: ᐃᓄᓕᒫᓂᑦ ᑲᑎᒪᑎᑦᑎᓗᑎᒃ ᓄᓇᓖᑦ ᐱᙳᐊᕐᕕᖓᓐᓂ

ᐄᐳᓗ 12 – ᑲᖏᖅᑐᒑᐱᒃ:

1ᒥ 5ᒧᑦ ᐅᓐᓄᓴᒃᑯᑦ: ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᑲᑎᒪᔨᖏᓐᓂᒃ, ᐊᖑᓇᓱᑦᑐᓕᕆᔨᒃᑯᓐᓂᑦ ᐊᒻᒪᓗ ᓄᓇᓕᕆᔨᕋᓛᕐᓂᑦ

7ᒥ 9ᒧᑦ ᐅᓐᓄᒃᑯᑦ: ᐃᓄᓕᒫᓂᑦ ᑲᑎᒪᑎᑦᑎᓗᑎᒃ ᓄᓇᓖᑦ ᐱᙳᐊᕐᕕᖓᓐᓂ

ᑖᒃᑯᐊ ᐋᖅᑭᓯᒪᓂᐅᔪᑦ ᐊᓯᔾᔨᑐᐃᓐᓇᕆᐊᓖᑦ ᐱᔾᔪᑎᖃᕐᓗᑎᒃ ᓯᓚᒥᒃ, ᐊᐅᓚᐅᑎᕐᓗᓐᓂᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐋᖅᑭᓯᒪᓂᐅᔭᕆᐊᓕᓐᓂᑦ ᐊᑲᐅᓈᕐᓯᒪᒍᓐᓃᓂᖅᑲᑕ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᓯᐅᕋHᐃ,

ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

›szerehi@qia.ca

É(867) 975.8413

É1.800.667.2742