ᐊᖅᓴᕐᓃᑦ ᑲᑎᒪᕕᔾᔪᐊᕐᓂᖓᑦ ᐊᒻᒪᓗ ᐅᑭᐅᖅᑕᖅᑐᒥ ᑲᔪᖏᕐᓴᐃᒋᐊᕈᑎᔅᓴᓂᑦ ᓵᓚᖃᐅᓯᐊᖅᑎᑦᑎᕙᑦᑐᓂᑦ ᑐᓂᔭᐅᓂᐊᖅᑐᓄᑦ ᑲᑎᑎᑦᑎᓂᖅ
ᑲᑐᔾᔨᖃᑎᒌᑦ ᑲᑐᔾᔨᖃᑎᒌᒃᑯᓃᙶᕐᓯᒪᔪᑦ ᑭᒡᒐᖅᑐᐃᒍᓐᓇᔪᔪᖅ ᑲᑐᔾᔨᖃᑎᒌᑦᑎᓐᓂᒃ 2018ᒥ ᐊᖅᓴᕐᓃᑦ ᑲᑎᒪᕕᔾᔪᐊᕐᓂᖓᓐᓂ ᐊᒻᒪᓗ ᐅᑭᐅᖅᑕᖅᑐᒥ ᑲᔪᖏᕐᓴᐃᒋᐊᕈᑎᔅᓴᓂᑦ ᓵᓚᖃᐅᓯᐊᖅᑎᑦᑎᕙᑦᑐᓂᑦ ᑐᓂᔭᐅᓂᐊᖅᑐᓂᑦ ᑲᑎᑎᑦᑎᓂᕐᒥ
ᐋᑐᕚᒥ.
ᑖᒃᑯᐊ ᑲᑎᑎᑦᑎᓂᐅᔪᔪᑦ ᖁᕕᐊᓲᑕᐅᔪᓐᓇᔪᔪᑦ ᓄᓇᑦᑎᓐᓂᒃ ᐃᓕᖅᑯᓯᑦᑎᓂᓪᓗ ᐊᒻᒪᓗ ᑲᑎᖃᑎᖃᕈᓐᓇᕈᑎᒋᔪᔭᕗᑦ ᐊᒥᓱᓂᑦ ᑲᑐᔾᔨᖃᑎᒌᒡᒍᑎᐅᔪᓂᑦ, ᑲᑎᒪᔨᐅᔪᓂᑦ ᐊᒻᒪᓗ ᐃᖅᑲᓇᐃᔭᕐᕕᐅᔪᓂᑦ ᐃᖅᑲᓇᐃᔭᕐᐸᑦᑐᓂᑦ ᐅᑭᐅᖅᑕᖅᑐᒥ.
ᑲᑎᒪᓂᕐᒥ ᐊᒥᓱᑦ ᑲᑎᒪᖃᑦᑕᔪᔪᑦ ᐱᔾᔪᑎᖃᐅᖅᑐᑎᒃ ᐊᒥᓱᓂᑦ ᐊᔾᔨᒌᙱᑐᒡᒍᑎᓂᑦ ᐱᔾᔪᑎᓂᑦ ᐅᔭᕋᓐᓂᐊᕐᓂᕐᒥᑦ ᐊᒻᒪᓗ ᖃᐅᔨᓴᖅᑐᓕᕆᓂᕐᒥᑦ ᐅᑭᐅᖅᑕᖅᑐᒥ ᑎᑭᐅᓯᒪᓪᓗᓂ ᓂᕿᔅᓴᖃᑦᑎᐊᕆᐊᖃᕐᓂᕐᒧᑦ ᐱᔾᔪᑎᓕᓐᓂᑦ. ᑲᑐᔾᔨᖃᑎᒌᒃᑯᓃᙶᕐᓯᒪᔪᑦ ᐊᒥᓱᓂᑦ ᐱᖃᑎᑖᖅᑐᔪᔪᑦ ᐊᒻᒪᓗ ᐃᓚᒋᔭᐅᔪᓐᓇᕐᓯᔪᔪᑦ ᐃᓚᖏᓐᓂ ᐱᒻᒪᕆᐅᔪᓂᑦ ᑲᑎᒪᓂᐅᖃᑦᑕᔪᔪᓂᑦ ᓯᕗᓂᔅᓴᑦᑕ ᒥᔅᓵᓄᑦ ᓄᓇᑦᑎᓐᓂ.
Recommended Posts