ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᑦ

ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᑦ (NHSP) ᐃᑯᓪᓚᐅᒥᒍᑕᐅᓇᓱᐊᖅᑐᖅ ᑳᖃᑦᑕᖁᓇᒋᑦ ᐃᓄᐃᑦ ᓄᓇᕗᒻᒥ ᐊᒻᒪᓗ ᓴᐳᔾᔨᓯᒪᒍᑎᒃᓴᐅᖁᓪᓗᒍ ᐱᕚᓪᓕᕈᑕᐅᖁᓪᓗᒍᓗ ᐃᓄᐃᑦ ᐊᖑᓇᓲᓯᖏᓐᓄᑦ ᐃᓕᖅᑯᓯᕐᒥᑎᒍᑦ, ᐱᖅᑯᓯᕐᒥᑎᒍᑦ ᐊᒻᒪᓗ ᐱᖅᑯᓯᕐᒥᒍᑦ ᐃᓅᓯᕐᒥᓂ ᒪᓕᓪᓗᒋᑦ ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᓄᑦ ᐊᑐᐊᒐᑦ (ᑖᒃᑯᐊ “NHSP ᐊᑐᐊᒐᖅ”) ᑮᓇᐅᔭᑎᒍᑦ ᐃᑲᔪᖅᑕᐅᒋᐊᓕᓐᓄᑦ ᓂᐅᕕᕈᑎᒃᓴᖏᓐᓂᒃ ᐊᖑᓇᓲᑎᒃᓴᓂᒃ ᐱᖁᑎᓂᒃ. .

NHSP ᐊᖑᓇᓲᑎᓂᒃ ᐱᖁᑎᓂᒃ ᐃᑲᔫᑎ ᐃᓄᖕᓄᑦ ᓄᓇᕗᒻᒥ ᐃᑲᔪᖅᑕᐅᒋᐊᓕᓐᓄᑦ ᑮᓇᐅᔭᑎᒍᑦ ᐃᑲᔫᑎᓄᑦ ᐊᖑᓇᓲᑏᑦ ᐱᖁᑏᑦ ᓱᓇᒃᑯᑖᓪᓗ ᐅᓇᒻᒥᓇᕐᓂᕐᓴᐅᖁᓪᓗᒋᑦ ᓂᐅᕕᐊᕆᓗᒋᑦ ᐊᖑᓇᓱᖃᑕᐅᔪᓐᓇᕈᑎᒃᓴᑦ ᐱᖅᑯᓯᒃᑯᑦ. ᑐᒃᓯᕋᖅᑐᖅ ᐃᑲᔪᖅᑕᐅᔭᕆᐊᖃᕐᓂᖓ ᓇᓗᓇᐃᖅᑕᐅᓯᒪᔪᖅ ᑮᓇᐅᔭᑎᒍᑦ ᐃᑲᔪᖅᑕᐅᔭᕆᐊᖃᕐᓂᖓ ᓂᐅᕕᕈᓐᓇᖁᓪᓗᒍ ᐊᖑᓇᓲᑎᓂᒃ ᐱᖁᑎᑖᕆᐊᖃᕐᓂᖓᓂᒃ ᐃᑲᔫᑎᒃᓴᖓᓂᒃ ᐃᓚᒥᓄᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᓕᖕᓄᑦ.

ᑮᓇᐅᔭᓕᑕᐅᔾᔪᑕᐅᔪᓐᓇᖅᑐᑦ ᑕᓪᓕᒪᐅᓕᖅᑲᖓᔪᑦ:

1. ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎ ᓂᐅᕕᕐᓂᕐᒧᑦ ᐱᖁᑎᕋᓛᒥᒃ ᐊᖑᓇᓲᑎᒃᓴᒥᒃ
2. ᓇᓪᓕᐅᒃᑯᒫᖅᑖᕈᑏᑦ ᒥᑭᔫᑎᓄᑦ ᐊᖑᓇᓲᑎᒃᓴᓄᑦ
3. ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎ ᓂᐅᕕᕐᓂᕐᒧᑦ ᐊᑦᑕᓇᐃᕐᓯᒪᒍᑎᒃᓴᒥᒃ ᐱᖁᑎᒥᒃ
4. ᓇᓪᓕᐅᒃᑯᒫᖅᑖᕈᑏᑦ ᐊᑦᑕᓇᐃᕐᓯᒪᒍᑎᒃᓴᓄᑦ ᐱᖁᑎᓄᑦ
5. ᓇᓪᓕᐅᒃᑯᒫᖅᑖᕈᑏᑦ ᐊᖏᔫᑎᓄᑦ ᐱᖁᑎᓄᑦ ᐊᖑᓇᓲᑎᒃᓴᒥᒃ

ᑮᓇᐅᔭᑎᒍᑦ ᐃᑲᔪᖅᑕᐅᔪᓐᓇᓂᐊᖅᑐᑎᑦ ᐅᑯᑎᒎᓇ ᒪᓕᒐᑦᓴᓕᐊᖑᓯᒪᔪᑎᒍᑦ ᐅᑯᑎᒎᓇ:

• ᐃᓅᓗᑎᑦ 16-ᓂᒃ ᐅᑭᐅᖃᕈᕕᑦ ᐅᖓᑖᓂᓘᓐᓃᑦ ᐊᒻᒪᓗ ᐊᑎᖃᖃᑕᐅᓗᑎᒃ ᓄᓇᕗᑦ ᐊᖏᕈᑎᖏᓐᓂ;
• ᐊᖑᓇᓱᒃᑎ ᐃᓚᐅᖃᑦᑕᖅᑐᖅ ᐱᖅᑯᓯᒃᑯᑦ ᐃᓕᖅᑯᓯᕆᔭᐅᔪᒥᒃ ᐊᖑᓇᓱᓐᓂᕐᒥᒃ; ᐊᒻᒪᓗ
• ᐊᑐᕆᐊᖃᕈᕕᐅᒃ, ᑐᒃᓯᕋᐅᓯᐅᖅᑑᑉ ᐃᓪᓗᒥᐅᖃᑎᖏᓪᓗ ᐅᖓᑖᓅᖅᓯᒪᙱᑉᐸᑕ ᑮᓇᐅᔭᓕᐊᕆᓯᒪᔭᖏᑦ ᐊᕐᕌᒍᒥ ᑭᒡᓕᒋᔭᐅᑎᑕᐅᔪᒧᑦ ᐊᑐᖅᑕᐅᔪᒧᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ. ᑎᑎᕋᖅᑕᐅᓯᒪᒍᑖᑦ ᑖᑦᓱᒪ, ᐃᓪᓗᒥᐅᖃᑕᐅᓂᕋᖅᑕᐅᔪᑦ ᒪᓕᒐᖅᑎᒍᑦ ᐊᐃᑉᐸᐃᑦ ᐅᕝᕙᓘᓐᓃᑦ ᓄᓕᐊᓱᐃᑦ/ᐅᐃᓱᐃᑦ ᐊᒻᒪᓗ ᓄᑕᖅᑲᑦ ᐅᑭᐅᑭᑦᑐᑦ. ᑐᑦᓯᕋᐅᓯᐅᖅᑑᑉ ᐊᖓᔪᖅᑳᖏᒃ ᐅᕝᕙᓘᓐᓃᑦ ᐊᓯᖏᑦ ᐃᓚᒋᔭᑎᑦ ᐅᕝᕙᓘᓐᓃᑦ ᑭᓇᒋᔭᑎᑦ ᐃᓪᓗᒥᐅᖃᑎᒋᓪᓗᒋᑦ ᐅᑭᐅᓖᑦ 16−ᓂᒃ ᐅᖓᑖᓂᓘᓐᓃᑦ ᐃᖕᒥᒃᑰᖓᔪᑦ ᐃᓪᓗᒥᐅᖃᑎᒌᓐᓂᕋᖅᑕᐅᓂᖏᑦ.

ᓱᓕᒃᑲᓐᓂᖅ, ᓇᓗᓇᐃᕆᐊᖃᕐᒥᔭᑦ ᐅᓇ:

• ᑮᓇᐅᔭᑎᒍᑦ ᐃᑲᔪᖅᑕᐅᔭᕆᐊᓕᒃ ᓂᐅᕕᕈᑎᒃᓴᒥᒃ ᐊᖑᓇᓲᑎᒥᒃ ᐱᖁᑎᑖᕆᐊᖃᕐᓂᕐᒧᑦ

NHSP ᐊᖑᓇᓲᑎᒃᓴᓂᒃ ᐱᖁᑎᓂᒃ ᐃᑲᔫᑎᑦᓴᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃᓴᐅᕗᑦ ᐱᖁᑎᓄᑦ ᐊᑐᕋᑦᓴᓄᑦ ᐊᖑᓇᓱᓐᓂᕐᒧᑦ, ᐃᖃᓪᓕᐊᓂᕐᒧᑦ, ᑲᑎᕐᓱᐃᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᒥᑭᒋᐊᕐᓂᐊᓂᕐᒧᑦ. ᐃᓚᒋᔭᐅᓪᓗᑎᒃ ᐅᑯᐊ:

1. ᐱᖁᑎᕋᓛᑦ:75%−ᖏᑦ ᐱᖁᑏᑦ ᐊᑭᖓᓄᑦ (ᐃᓚᒋᔭᐅᓗᑎᒃ ᖃᖓᑦᑕᐅᑎᓄᑦ ᐊᑭᖏᑦ) ᑎᑭᐅᑎᓯᒪᔪᓂᒃ $1,000−ᓄᑦ ᐊᑕᐅᓯᕐᒧᑦ ᑐᒃᓯᕋᐅᒻᒧᑦ ᐊᒻᒪᓗ $2,000 ᐃᓪᓗᒥᐅᖃᑎᒌᓄᑦ ᐊᕐᕌᒍᒥ ᐊᑕᐅᓯᕐᒥ ᐊᖑᓇᓲᑎᒃᓴᓂᒃ ᐱᖁᑎᕋᓛᓄᑦ/ᓱᓇᒃᑯᑖᓄᑦ ᐊᑐᖅᑕᐅᖃᑦᑕᓲᓄᑦ ᐊᖑᓇᓱᓐᓂᕐᒧᑦ. ᑎᑎᕋᖅᓯᒪᔪᑦ ᐱᔭᐅᔪᓐᓇᖅᑐᑦ ᒥᑭᔫᑏᑦ ᐱᖁᑏᑦ ᓇᓗᓇᐃᔭᖅᓯᒪᓇᔭᖅᑐᑦ ᐊᖑᓇᓲᑎᓄᑦ ᐱᖁᑎᓄᑦ ᐃᑲᔫᑎᓄᑦ ᐊᑐᐊᕋᑦᓴᓂ. ᐊᑕᐅᓯᑐᐊᖅ ᑐᒃᓯᕋᐅᑦ ᐊᖏᖅᑕᐅᔪᓐᓇᖅᑐᖅ ᓂᐅᕕᐊᒥᓂᕐᒧᑦ ᐱᖁᑎᒥᒃ.
2. ᓇᓪᓕᐅᒃᑯᒫᖃᕈᑎ ᒥᑭᔫᑎᓄᑦ ᐱᖁᑎᓄᑦ: ᓇᓪᓕᐅᒃᑯᒪᔾᔨᖅᑕᐅᓯᒪᒍᓐᓇᖅᑐᑦ ᒥᑭᔫᑏᑦ ᐱᖁᑏᑦ ᐊᑐᖅᑕᐅᒐᔪᑦᑐᑦ ᐊᖑᓇᓱᓐᓂᕐᒧᑦ, 75% ᓇᓪᓕᐅᒃᑯᒫᒻᒪᕆᓐᓄᑦ ᐊᖏᓂᖅᐹᖑᒍᓐᓇᖅᑐᖅ $500 ᐊᑕᐅᓯᕐᒧᑦ ᐱᖁᑎᒧᑦ ᐊᒻᒪᓗ $1,500 ᐃᓪᓗᒥᐅᖃᑎᒌᓄᑦ ᐊᕐᕌᒍᑕᒫᑦ. ᐊᑕᐅᓯᑐᐊᖅ ᑐᒃᓯᕋᐅᑦ ᐊᖏᖅᑕᐅᔪᓐᓇᖅᑐᖅ ᓇᓪᓕᐅᒃᑯᒪᔾᔩᓯᒪᓂᕐᒧᑦ ᐊᑐᐊᒐᖅᑎᒍᑦ ᐊᕐᕌᒍᑕᒫᑦ.
3. ᐊᑦᑕᓇᐃᕐᓯᒪᒍᑎᒃᓴᖅ ᐱᖁᑎ: 75%−ᖏᑦ ᐱᖁᑏᑦ ᐊᑭᖓᓄᑦ (ᐃᓚᒋᔭᐅᓗᑎᒃ ᖃᖓᑦᑕᐅᑎᓄᑦ ᐊᑭᖏᑦ) ᑎᑭᐅᑎᓯᒪᔪᓂᒃ $1,000−ᓄᑦ ᐊᑕᐅᓯᕐᒧᑦ ᑐᒃᓯᕋᐅᒻᒧᑦ ᐊᒻᒪᓗ $2,000 ᐃᓪᓗᒥᐅᖃᑎᒌᓄᑦ ᐊᕐᕌᒍᒥ ᐊᑦᑕᓇᐃᖅᓯᒪᒍᑎᓄᑦ ᐱᖁᑎᓄᑦ ᐊᑐᖅᑕᐅᒐᔪᑦᑐᓄᑦ ᐊᖑᓇᓱᓐᓂᕐᒧᑦ. ᑎᑎᕋᖅᓯᒪᔪᑦ ᐱᔭᐅᔪᓐᓇᖅᑐᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᑎᑦ ᓇᓗᓇᐃᔭᖅᓯᒪᓇᔭᖅᑐᑦ ᐊᖑᓇᓲᑎᓄᑦ ᐱᖁᑎᓄᑦ ᐃᑲᔫᑎᓄᑦ ᐊᑐᐊᕋᑦᓴᓂ. ᐊᑕᐅᓯᑐᐊᖅ ᑐᒃᓯᕋᐅᑦ ᐊᖏᖅᑕᐅᔪᓐᓇᖅᑐᖅ ᓂᐅᕕᐊᒥᓂᕐᒧᑦ ᐱᖁᑎᒥᒃ.
4. ᓇᓪᓕᐅᒃᑯᒫᖃᕈᑏᑦ ᐊᑦᑕᓇᐅᖅᓯᒪᒍᑎᓄᑦ ᐱᖁᑎᓄᑦ: ᓇᓪᓕᐅᒃᑯᒪᔾᔨᖅᑕᐅᓯᒪᒍᓐᓇᖅᑐᑦ ᐊᑦᑕᓇᐃᖅᓯᒪᒍᑎᓄᑦ ᐱᖁᑎᓄᑦ ᐊᑐᖅᑕᐅᒐᔪᑦᑐᓄᑦ ᐊᖑᓇᓱᓐᓂᕐᒧᑦ, 75% ᓇᓪᓕᐅᒃᑯᒫᒻᒪᕆᓐᓄᑦ ᐊᖏᓂᖅᐹᖑᒍᓐᓇᖅᑐᖅ $500 ᐊᑕᐅᓯᕐᒧᑦ ᐱᖁᑎᒧᑦ ᐊᒻᒪᓗ $1,500 ᐃᓪᓗᒥᐅᖃᑎᒌᓄᑦ ᐊᕐᕌᒍᑕᒫᑦ. ᐊᑕᐅᓯᑐᐊᖅ ᑐᒃᓯᕋᐅᑦ ᐊᖏᖅᑕᐅᔪᓐᓇᖅᑐᖅ ᓇᓪᓕᐅᒃᑯᒪᔾᔩᓯᒪᓂᕐᒧᑦ ᐊᑐᐊᒐᖅᑎᒍᑦ ᐊᕐᕌᒍᑕᒫᑦ.
5. ᓇᓪᓕᐅᒃᑯᒫᖃᕈᑎ ᐊᖏᔫᑎᓄᑦ ᐊᖑᓇᓲᑎᓄᑦ ᐱᖁᑎᓄᑦ: 75% ᓇᓪᓕᐅᒃᑯᒫᒻᒪᕆᓐᓄᑦ ᐊᖏᓂᖅᐹᖑᒍᓐᓇᖅᑐᖅ $1,000 ᐊᑕᐅᓯᕐᒧᑦ ᐱᖁᑎᒧᑦ ᐊᒻᒪᓗ $2,000 ᐃᓪᓗᒥᐅᖃᑎᒌᓄᑦ ᐊᕐᕌᒍᑕᒫᑦ ᐊᖏᔫᑎᓄᑦ ᐊᖑᓇᓲᑎᓄᑦ ᐱᖁᑎᓄᑦ ᐊᑐᖅᑕᐅᒐᔪᑦᑐᓄᑦ ᐊᖑᓇᓱᓐᓂᕐᒧᑦ. “ᐊᖏᔫᑏᑦ ᐊᖑᓇᓲᑏᑦ ᐱᖁᑎᑦ” ᑖᒃᑯᐊᖑᓂᕋᖅᑕᐃᑦ ᖃᒧᑕᐅᔭᑦ, ᓯᑕᒪᓖᑦ ᐅᕝᕙᓘᓐᓃᑦ UTV (ᓯᐊᓪᓗᓂ ᐃᑭᒪᕕᑦᓴᑦ), ᐅᒥᐊᑦ ᐊᐅᓚᐅᑏᓪᓗ ᐅᒥᐊᖅᓯᐅᑏᑦ ᓂᐅᕕᐊᕆᓗᒋᑦ ᐊᑭᓖᑦ $5,000 ᐅᖓᑖᓂᓘᓐᓃᑦ. ᑎᑎᕋᖅᓯᒪᔪᑦ ᐱᔭᐅᔪᓐᓇᖅᑐᑦ ᐊᖏᔫᑎᓄᑦ ᐊᖑᓇᓲᑎᓄᑦ ᐱᖁᑎᓄᑦ ᓇᓗᓇᐃᔭᖅᓯᒪᓇᔭᖅᑐᑦ ᐊᖑᓇᓲᑎᓄᑦ ᐱᖁᑎᓄᑦ ᐃᑲᔫᑎᓄᑦ ᐊᑐᐊᕋᑦᓴᓂ. ᐊᑕᐅᓯᑐᐊᖅ ᑐᒃᓯᕋᐅᑦ ᐊᖏᖅᑕᐅᔪᓐᓇᖅᑐᖅ ᓇᓪᓕᐅᒃᑯᒫᒧᑦ ᐊᑐᐊᒐᖅᑎᒍᑦ ᐊᕐᕌᒍᑕᒫᑦ.

ᑮᓇᐅᔭᑎᒍᑦ ᐃᑲᔫᑎᑖᕈᓐᓇᕈᑕᐅᔪᑦ ᐃᒪᐃᓕᖓᔪᑦ:

• ᓂᐅᕕᐊᕆᓐᓂᕈᕕᐅᒃ ᐱᖁᑏᑦ, ᐊᑭᓕᖅᑕᐅᔾᔪᑎᒋᓗᒍ ᐃᓚᖓᓂᒃ ᐅᑎᖅᑎᑦᓯᕕᐅᓗᑎᒃ ᓂᐅᕕᐊᕆᓗᒍ ᐊᑭᖓᓂᒃ;
• ᑲᑐᔾᔨᔾᔪᑕᐅᔪᓄᑦ ᐅᑭᐅᖅᑕᖅᑐᒥ ᓂᐅᕕᕐᕕᖕᒧᑦ ᐱᖁᑎᕋᓛᒧᑦ/ᐊᑦᑕᓇᐃᕐᓯᒪᓂᕐᒧᑦ ᐱᖁᑎᒧᑦ, ᑭᖑᓪᓕᕐᐹᒥ ᐊᑭᓕᐅᑕᐅᔪᖅ ᐊᑭᓖᓯᒪᓕᖅᑎᓪᓗᒋᑦ ᑎᒍᓯᔾᔪᑎᖓᓂᒃ ᐊᒻᒪᓗ ᐊᒥᐊᒃᑯᖓ ᑲᑎᓐᓂᖓᓂ ᐲᖅᑕᐅᓗᓂ NHSP−ᑯᓐᓅᖓᔪᖅ

NHSP−ᑯᓐᓂᒃ ᓇᓗᓇᐃᖅᓯᔾᔪᑎᑖᕐᓂᐊᖅᑐᑎᑦ ᑐᒃᓯᕋᐅᑏᑦ ᑕᑕᑎᕋᑦᓴᖅ ᐱᔭᐅᓚᐅᖅᑎᓪᓗᒍ. NHSP ᕿᒥᕐᕈᓇᓐᓂᐊᖅᑕᖏᑦ ᑐᒃᓯᕋᐅᑏᑦ ᓇᓕᖅᑯᑦᓯᓯᒪᑦᓯᐊᕋᓗᐊᕐᒪᖔᖅ, ᐊᒻᒪᓗ ᓇᓗᓇᐃᕐᓗᒍ ᐱᔪᓐᓇᖅᑎᑕᐅᒐᓗᐊᕐᒪᖔᕐᐱᑦ ᐊᑐᕆᐊᓕᖕᓄᑦ. ᑐᒃᓯᕋᐅᑏᑦ ᐃᓂᕐᓯᒪᓐᖏᑉᐸᑦ, NHSP−ᑯᑦ ᐅᑎᖅᑎᓂᐊᖅᑖ ᐃᓕᓐᓄᑦ ᐃᓂᖅᑕᐅᑦᓯᐊᖁᓪᓗᒋᑦ ᑐᑭᓯᒋᐊᒃᑲᓐᓂᕈᑎᒃᓴᑎᓐᓂᒃ.

NHSP ᐱᓕᕆᖃᑎᖃᕐᓂᐊᖅᑐᑦ ᓄᓇᑦᓯᓐᓂ ᑐᖅᑲᑕᕐᕕᓯᓐᓂᒃ (CLO) ᐊᒻᒪᓗ/ᐅᕝᕙᓘᓐᓃᑦ ᓄᓇᓕᓐᓂ ᐊᖑᓇᓱᑦᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ (HTO) ᖃᐅᔨᓇᓱᐊᕐᓂᖏᓐᓂ ᑐᒃᓯᕋᐅᑎᑎᑦ ᐊᖏᖅᑕᐅᓂᐊᕐᓂᖏᓐᓂᒃ ᑮᓇᐅᔭᓕᑕᐅᔾᔪᑎᒃᓴᓂᒃ, ᖃᐅᔨᒃᑲᖅᑕᐅᓂᐊᕐᒥᔪᑎᑦ ᖃᓄᐃᓕᔭᐅᒻᒪᖔᖅ 30 ᐱᓕᕆᓐᓇᐃᑦ ᐅᓪᓗᐃᑦ ᐃᓗᐊᓐᓂ ᑐᓴᐅᒪᔭᐅᔾᔪᑎᓕᒫᑦ ᐱᔭᐅᓯᒪᓕᕐᐸᑕ. ᑐᒃᓯᕋᐅᑎᑦ ᐊᖏᖅᑕᐅᑉᐸᑦ, ᐃᓱᒪᓕᐅᕈᑕᐅᔪᖅ ᓴᖅᑭᔮᖅᑎᑕᐅᓂᐊᖅᑐᖅ ᐃᑭᐊᖅᑭᑉᕕᑦᑎᒍᑦ, ᓄᓇᓕᓐᓂ ᓴᖅᑭᔮᖅᑎᑕᐅᓗᓂ ᐊᒻᒪᓗ ᖃᐅᔨᒃᑲᖅᑕᐅᓗᑎᒃ HTO.

ᑐᒃᓯᕋᐅᑏᑦ ᐊᖏᖅᑕᐅᑉᐸᑦ, ᒪᓕᒐᑦᓴ ᖃᓄᖅ ᑮᓇᐅᔭᑦ ᐱᔪᓐᓇᕐᒪᖔᕐᐱᒋᑦ ᓂᐅᕕᐊᒥᓂᕐᓄᑦ ᐃᓕᓐᓅᖅᑕᐅᓂᐊᖅᑐᑦ.